Shairi : Pendo ni kitu adhimu

[yussuf hajj]

Pendo ni kitu adhimu ,Mungu ametuumbia
Tupendane binadamu ,Ushenzi kuukimbia
Tusiwe wana haramu ,Wenzetu kuwaibia
Pendo kitu cha thamani , tena kitu cha furaha.



Raha ya pendo kupendwa , Na yule umpendae
Usitamani kutendwa , utatamani ujiue
Uhai kuuondowa , Akhera uadhibiwe
Pendo kitu cha thamani , Tena kitu cha furaha

 

[Pascal Mayalla]

Pendo ni kitu adhimu ,Mungu ametuumbia
Tupendane binadamu ,Ushenzi kuukimbia
Tusiwe wana haramu ,Wenzetu kuwaibia
Pendo kitu cha thamani , tena kitu cha furaha.

Raha ya pendo kupendwa , Na yule umpendae
Usitamani kutendwa , utatamani ujiue
Uhai kuuondowa , Akhera uadhibiwe
Pendo kitu cha thamani , Tena kitu cha furaha

Yusufu Haji jamani, naiunga hoja yako,
Pendo kitu cha thamani, ndani ya nafisi yako,
Tangu enzi za zamani, ni mambo ya roho yako,
Pendo kitu cha thamani, na ndio furaha yako,
Paskali

 

[yussuf hajj]

Paskali mayalla , hakika ni mzalendo

Usiejua kulala, kuuhimiza upendo

Usietaka chakula , kilicho vingi vishindo

Udumishae furaha , na kufata nzuri nyendo.