Semi Final 2, CECAFA: Zanzibar Heroes yaifunga Uganda goli 2 - 1! Sasa kukutana na Kenya katika mchezo wa fainali

[py thon]

Kabumbu lishaanza kupata joto katika dimba la Moi, mjini Kisumu. Ni nusu fainali ya pili kila timu ikisaka kuingia fainali.

Dakika ya 5:
Uganda 0-0 Zanzibar

Dakika ya 25:
Uganda 0-1 Zanzibar

Abdul-Azizi Makame anaitanguliza Zanzibar baada ya kumalizia mpira wa kona.

Dakika ya 30:
Uganda 1-1 Zanzibar

Nsibambi Derrick anaisawazishia Uganda. Mechi ni kali kwelikweli, itazame kupitia Azam Sports 2

Bao la kusawazisha la Uganda likipatikana dakika sita baada ya Zanzibar kutangulia

HT: Uganda 1-1 Zanzibar


58': Uganda 1-2 Zanzibar

Mohamed Issa Banka anaiandikia Zanzibar bao la pili kwa mkwaju wa penati baada ya Ibrahim Ahmada kuangushwa ndani ya boks. Wakati huo Uganda wako pungufu baada ya Nsubuga Joseph aliyefanya kitendo hicho kutolewa nje kwa kadi nyekundu.


Mchezo wa nusu fainali kati ya Zanzibar heroes na Uganda unaendelea na ubao mpaka sasa hivi unasomeka, Zanzibar heroes 2-1 Uganda

FULL TIME
Zanzibar heroes 2-1 Uganda

 

[balibabambonahi]

Wapi joseveret?

 

[jerrytz]

Hawa jamaa wapo vizuri

 

[talentboy]

Hawa jamaa wapo vizuri

lengo ni kuuonesha ulimwengu kwamba hata world cup tunaweza,ni vyenye hatujapewa fursa tu.

 

[Mshuza2]

Fifa wamegoma kuwatambua.

 

[Daole]

Hongera vijana viva Zanzibar

 

[Hatugombani]

Sasa wanastahili kuwa wanachama wa CAF na FIFA.....

 

[barafuyamoto]

Hawa jamaa wapo vizuri

Mpira wa wazenji ni kwenye kapeti na pasi fupi fupi, technically wako vizuri sana.
Wapate uanachama wao FIFA na bara tunyang'anywe.

 

[OSOKONI]

Mpira wa wazenji ni kwenye kapeti na pasi fupi fupi, technically wako vizuri sana.
Wapate uanachama wao FIFA na bara tunyang'anywe.

Wakitaka kupewa uanchama wa FIFA wanatakiwa kuwa na taifa lao

 

[Seaman86]

Wako vzr sn

 

[Mtambwe]

Timu ya Taifa ya Zanzibar Leo imefankiwa kuibwaga Timu ya Taifa ya Uganda kwa magoli 2:1 katika muendelezo wa Mashindano ya CECAFA kwenye hatua ya nusu Fainali yanayoendele nchini Kenya

 

[Sharif]

Zanzibar heroes oyooo oyooooooo !
nina zaidi ya furaha !

 

[Ghazwat]

Timu ya Zanzibar heroes imelipa kisasi cha Novemba 24, 2015 pale walipofungwa 4-0 na Uganda.

Leo hii Zanzibar heroes imeungana na Kenya kucheza fainali Jumapili baada ya kuichapa Uganda mabao mawili kwa moja katika patashika ya nusu fainali ya michuano ya CECAFA2017

Zanzibar heroes ndo ilikuwa timu ya kwanza kuandisha bao kunako dakika ya 21' lililofungwa na Abdul - Azizi Makame baada ya Ibrahim Ahmada kuwakosakosa na kusababisha kona.

Uganda walisawazisha bao hilo dakika 6 na Nsibambi Derrick, baada ya Zanzibar kutangulia kufunga, sare hiyo ya 1-1 ilidumu hadi kumalizika kwa kipindi cha kwanza.

Mohamed Issa Banka dakika ya 58 aliiandikia Zanzibar bao la pili kwa mkwaju wa penati baada ya Ibrahim Ahmada kuangushwa ndani ya ndani ya 18 na Nsubugu Joseph ambaye alitolewa nje kwa kadi nyekundu.

Hadi kufikia dakika 90 za mtanange huo wa nusu fainali ya michuano ya CECAFA2017 Zanzibar heroes 2-1 Uganda na kufanikiwa kutinga fainali.

 

[Upepo wa Pesa]

Kilimanjaro stars hawakushiriki?

 

[Sharif]

Mwakilishi pekee wa Tanzania aliebaki katika mashindano ya CECAFA, Zanzibar heroes leo amefanikiwa kuuangusha mbuyu mwengine wa soka Afrika Mashariki, The Cranes ya Uganda na kutinga fainali, ambapo sasa ataikabili timu ya taifa ya Kenya ili kuamua mbabe wa soka Afrika Mashariki.
Awali watandaza kabumbu hao wa visiwani waliichakaza kwa vipigo miamba ya soka ya
-Amavubi-Rwanda
-Kili stars - Tanzania bara
na kupoteza dhidi ya Libya
Katika mechi za makundi, Zanzibar heroes walitoka sare na timu ya taifa ya Kenya ambayo wataumana tena katika mechi ya fainali
Kila la heri Zanzibar heroes !!

 

[radika]

Watapigwa hamna namna

 

[mkome]

Hongera sana Zanzibar mmetuwakilisha vizuli

 

[barafuyamoto]

Safi sana Zanzibar kwa kututoa kimasomaso. Huku kaka mkubwa ni aibu tupu. Kila kijivulana kinajifunzia kugonga kwa kaka mkubwa

 

[Dr Matola PhD]

Hongera sana Zanzibar mmetuwakilisha vizuli

Zanzibar ni nchi, imekwenda kule kuwakilisha Wazanzibar na si vinginevyo, tusipende kudandiadandia vitu visivyotuhusu.

Safi sana Zanzibar kwa kututoa kimasomaso. Huku kaka mkubwa ni aibu tupu. Kila kijivulana kinajifunzia kugonga kwa kaka mkubwa

 

[Dr Matola PhD]

Kilimanjaro stars hawakushiriki?

Walimpeleka mtalii kutoka UK kwenda kufanya majaribio ya ukocha.