Scramble for and partition of africa sawa....icc noma!

[Ruzibiza]

Binafsi siungi mkono mapendekezo ya viongozi wa nchi za kiafrika kuhusiana na kujiondoa katika mkataba wa Roma ulozaa mahakama ya ICC.....leo hii tunaona wazungu walicheza deal la maana kuligawa bara na kuweka mipaka hadi kiasi cha kufikia kuwafukuza walovuka mipaka ya "wazungu" na kuwaita haramu, huku tukisema mahakama ya ICC NO! kama tuliikubali mipaka kwa nguvu zote na vigelegele juu...wacha tuishangilie mahakama ya ICC pia.....kumbuka huku africa tunauana wenyewe wala si eti tunawaua wazungu au wachina au wakorea,ni sisi kwa sisi....kama kuna mwenye ushahidi anambie ni mtu gani ameshtakiwa na ICC kwa kusingiziwa kuua au kusababisha mauaji?nani?
Wakenya watu wa ajabu sana...nakuhakikishia kilichowafanya wawe na uchaguzi wa amani kiasi cha kuigwa mfano ni woga wa Okampo na si ukomavu kisiasa au mapenzi baina ya viongozi na raia wa kenya/siasa safi, sasa ndo wa kwanza kufuja kodi ya wakenya kukaa kujadili kujitoa ICC...kweli?

ROHO INAUMA NINAPOTAFAKARI HILI...

 

[Che Guevara]

ICC sio perfect, ina matatizo yake, kubwa likiwa kutoweza kuwashtaki viongozi wa nchi za magharibi (Bush, Blair, Sarkozy) na marafiki zao (Ariel Sharon, Netanyahu). Ila kwa uzoefu Mahakama za nchi za kwetu hazionyeshi uhuru wa kuwashtaki viongozi wanasiasa waliopo madarakani kwani ambao wana tabia ya ku-influence kuanzia mwenendo wa kesi, hadi maamuzi/hukumu, na hapo ndipo ICC inapohitajika. Viongozi wa kwetu wana hofu kuwa hukom ICC hawawezi ku-influence mashtaka (kuwa yafunguliwe au yasifunguliwe huko ICC, hapa kwetu inawezekana kupitia DPP), na hawawezi ku-influence hukumu iwe vipi. Hebu piga hesabu ni vigogo wangapi wana tuhuma kubwa tu na hawajapelekwa Mahakamani (mafaili yamerundikana kwa DPP) ila kesi za 'wananchi wa kawaida' zinaenda moja kwa moja Mahakamani. VIONGOZI wa nchi za kwetu wanaihofia ICC kwa kuwa hawawezi kuzuia isiwashtaki tofauti na mahakama za ndani mwa nchi zao, na WANANCHI inabidi waiunge mkono ICC kwani ni sababu mojawapo ya kudhibiti mateso na mauaji yanayoweza kufanywa na viongozi/dola dhidi ya wananchi.

 

[Punainen]

Yaani watawala wa lkiafrika ni wanafiki wa kutupwa, wanapodai kuwa ICC inawalenga wao hivyo wazitoe nchi zao, wanamaanisha mfano Tz kwa kutowashughulikia mafisadi na wauza unga basi isiwafunge na vibaka na wahalifu wengine au?