Uchaguzi 2020 Remix ya Wimbo wa Taifa; CHADEMA mmezingua sana

[Robert Heriel Mtibeli]

CHADEMA WAMEONYESHA UBINAFSI: NI KUHUSU WIMBO WA TAIFA.

Na, Robert Heriel

Nimesikitishwa sana na kile nilichokiona leo kwenye mitandao ya kijamii. Ni video moja ikiwaonyesha wanachama wa CHADEMA wakiimba Remix ya wimbo wa Taifa.

Kuimba Remix ya wimbo wa taifa sio kosa na wala sina neno nao. Lakini mahali waliponichefua ni ujumbe wa maneno waliyoyabadili mule kwenye ule wimbo. Ni maneno ya kipumbavu, kibinafsi, kiuchoyo na kibaguzi mno.

Sikutegemea CHADEMA kama wangefanya kosa la mapema namna hii. Sijajua ni nani alipendekeza maneno hayo, sikufikiri kama kuna mtu angeweza kushauri yawepo maneno hayo achilia mbali ujasiri wa kiwehu uliotumika kuimba mbele ya halaiki,huku kamera zikirekodi. Unajua kuna mambo ni yaaibu sana kuyasikia na kuyaona.

CHADEMA wameonyesha ubinafsi wa hali ya juu mno. Kitendo cha kuimba kuwa "Mungu aibariki Chadema na watu wake" kinaweza kuelezea mambo kadhaa yaliyojifisha ndani ya Chama hiko,

CHADEMA wakati mnataka Mungu awabariki ninyi na watu wenu, hamkufikiri habari za wenzenu wa ACT- WAZALENDO, hamkuwafikiri CUF, haya; je NCCR, vipi TLP, Je hao CCM nao hawataki hizo baraka mnazomuomba Mungui?

Je na sisi tusio na Vyama ambao bila shaka ndio wengi zaidi, je nasi hamjataki tupate baraka za Mungu.

Jambo moja ni muhimu, sisi sio watu wa CHADEMA wala sio Wanachadema, sisi sio watu wa CCM wala sio wanaccm, Sisi sio watu wa ACT wala sio wanaACT halikadhalika na vyama vingine. Sisi ni Watanzania na ni watu waTanzania.

Wimbo wa Taifa ulitungwa zamani kidogo, kinachonishangaza ni CHADEMA kuzidiwa akili na Mtunzi wa nyimbo hiyo ambaye amaitaja Tanzania kisha akawataja na watanzania.

Lakini nyie kwa ufinyu wa fikara mkaona muweke CHADEMA na watu wake bila kufikiri vyema.

Wimbo wenu umedhihirisha mambo yafuatayo
1. Ubinafsi
Kujiombea baraka wenyewe ni dalili ya ubinafsi mkubwa ambao kwa sasa hamuuonyeshi kwa sababu hamkupewa nafasi ya kuuonyesha
2. Ninyi sio wazalendo kwani mpo na maslahi ya Chama zaidi kuliko nchi. Ndio maana mmeomba baraka kwa Mungu kuwa awabariki Wanachadema badala ya kuomba baraka kwa Watanzania wote kwa ujumla bila kujali tofauti za kivyama.
3. Kuzidiwa akili na Mtunzi wa nyimbo
Badala muboreshe kazi ya mtunzi wa nyimbo hiyo ambayo ni nyimbo ya taifa, ninyi mmezidi kuboronga. Kuzidiwa akili na mtunzi wa zamani si dalili njema.

Sijafurahishwa na jambo hilo mimi kama Taikon, sikulitegemea.

Ninyi kila siku mnamlalamikia Magufuli kwa kuwazuia msifanye siasa, kuzuia vyombo vya habari kuwarusha, lakini kile mnachokikataa ndio hicho hicho mnakionyesha mbele za Umma.

Ikiwa mnataka baraka kwenu pekee yenu mkiwa hamjachukua dola, je mkichukua dola mtataka nini zaidi ya dua yenu kwa Mungu. Je hamkusoma kwenye magombo ya kale yasemayo; waombeeni adui zenu tena wale wanaowaudhi waombeeni baraka.

Mmezingua hiyo Remix

Mmezingua sana, sisi tusio na vyama nasi twataka baraka, sisi sio CHADEMA wala sio CCM sisi ni Watanzania.

Robert Heriel
Taikon wa Fasihi
0693322300

 

[supercharger GT]

Na itafanyika kila namna ya chokochoko ili jamaa aguswe anuke....

 

[Jeho]

Ningeshangaa kuandika mada kama hiyo, Kisha usiweke namba ya simu.

 

[Stroke]

Subiri mpaka noti zitaitwa elfu tano ya chadema.

Hawa jamaa wabinafsi sana.

 

[Elvis Legacy]

Kumekucha

 

[Atropine]

Naona umeweka namba ya simu kwenye bandiko lako. Bila shaka hii ni safari ya kusaka teuzi kwa watawala.

 

[Jafari Haruna]

Hawa utoto umewazidi wao leongo nikutafuta kiki hata kwa Vitu vya ajabu kabisa

 

[Jidu La Mabambasi]

Mawazo ya Ki Lissu Lissu haya. Wimbo wa Taifa ni suala ambalo halijawahi kuwa issue at any time katika kuongeza umoja wa kitaifa
Mawazo haya ambayo hayamwongezei mwananchi afya wala shibe ni ya kijinga sana!

Ina sikitisha kuwa hata watu waliosoma wanakuwa kama wana bangi kichwani, cronic self propagation.

 

[Ngigana]

Jamani wekeni basi huo wimbo hapa, ili nasi tuusikie na kuona jinsi walivyochemka! Chadema jamano!🤣

 

[Marshall plan]

Kwahiyo wewe ulifurahi polepole alipowaita chadema Corona!!

 

[Hismastersvoice]

Huo ni wimbo ndani ya mkutano wa Chadema hauhusiani na nje ya mkutano.

 

[Robert Heriel Mtibeli]

Kwahiyo wewe ulifurahi polepole alipowaita chadema Corona!!

unataka kusema hiki ni kisasi?

 

[Hismastersvoice]

Huo ni wimbo ndani ya mkutano wa Chadema hauhusiani na nje ya mkutano.

 

[Robert Heriel Mtibeli]

Huo ni wimbo ndani ya mkutano wa Chadema hauhusiani na nje ya mkutano.

Huoni tumeusikia?
Mimi sikuwa ndani ya mkutano, nilikuwa nje lakini nimeusikia. Unataka kuniambia nini sasa? Bado ulikuwa wa ndani ya mkutano?

 

[Donnie Charlie]

subiri teuzi

 

[nkumbison]

Karibuni Tuutazame Kwapamoja!!

 

[Maharo]

Yani chadema ndio maana wanaitwa kundi la wahuni

 

[thetallest]

Yani chadema ndio maana wanaitwa kundi la wahuni

Wakuogopwa kama ugonjwa wa ukoma

 

[Mzito Kabwela]

Robert Heriel
Taikon wa Fasihi
0693322300

Sawa. Namba yako tumeiweka kwenye databezi. Na wasifu wako wa Taikon wa Fasihi tumeupokea. Subiri uteuzi.

Andika makosa Zaidi na zaidi ili kujiongezea chansi ya kuteuliwa kiurahisi.

 

[Hismastersvoice]

Huoni tumeusikia?
Mimi sikuwa ndani ya mkutano, nilikuwa nje lakini nimeusikia. Unataka kuniambia nini sasa? Bado ulikuwa wa ndani ya mkutano?

Kwahiyo sala zinazofanyika ndani ya misikiti na na makanisa mitaani wakazi wote majumbani mwao wanashiriki! Shikamoo.