Nirudiane au nisirudiane na mpenzi wangu wazamani?

[Wide Open EYES]

Wana JF,

Natumaini mnaendelea vizuri na maisha yenu ya kila siku.Nimekuwa msomaji mzuri sana wa posts za watu humu ndani kwa muda mrefu sana na nisiposema nimefaidika nitakuwa muongo,nikaona na mimi nijiunge nipate nafasi ya kusema yale machache ninayoyajua kuchangia discussions za humu ndani. Huu ni uzi wangu wa kwanza kuanzisha humu.

Mimi ni mwanamke niko kwenye late thirties, nilipata ujauzito nikiwa na miaka 18 ndio nimemaliza tu form 4 nikisubiri matokeo niendelee form 5, kijana aliyenipa ujauzito alikuwa anafanya kazi ya kuuza kwenye duka la muhindi Fulani huku akisubiri kwenda chuo kikuu.

Wazazi wa pande zote wakaamua tufungishwe ndoa ya haraka haraka na sisi hatukupinga kwa sababu tulipendana sana sana.Mwaka 1998 tukabarikiwa na mapacha wa kike na wa kiume tulifurahi sana na maisha yakaendela vizuri huku kila mmoja akitafuta nafasi ya kujiendeleza kimasomo.

Mume wangu akapata scholarship ya kwenda kusoma Australia, alipata wafadhili walioahidi kumsomesha degree ya kwanza na ya pili ingebidi ajitegemee. Tulifurahi sana nilimshukuru Mungu nikamruhusu aende tena bila kinyongo kwani nilijua huo ndio ulikuwa mwanzo wa maisha mazuri ya familia yetu changa.

Mawasiliano yalikuwa sio kama wakati huu internet café ndio ilikuwa habari ya mjini lisaa la kutumia huduma ya mtandao iliweza kufikia elfu 5.Nilijitahidi sana kufanya mawasiliano naye angalau mara moja kwa wiki na yeye pia alifanya hivyo huku nikidhani mapenzi yetu yangedumu na angerudi tuendeleze maisha pamoja.

Alipoanza mwaka wa pili mawasiliano kwa upande wake yalipungua na nilipouliza niliambiwa masomo magumu na muda mwingi anatumia kusoma akifeli ingekuwa aibu na muda uliopotea.Sikupinga hilo na sikulalamika. Kuna wakati ulipita mwezi hajajibu email. Nilianza kupatwa na wasiwasi lakini nilivumilia na nikampa moyo afanye bidii kwenye masomo yake.

Miaka Minne ikaisha na akarudi nyumbani ila sikupewa taarifa. Habari nilizipata kwa mdogo wake wa kike ambaye tulikuwa marafiki sana kuwa amerudi akiwa na muke wa kizungu. Sikuamini masikio yangu nikafunga safari kwenda kwa wazazi wake ambako ndiko alikofikia na huyo mke wake mpya.

Nilipofika sikuwakuta, wazazi wake walinitimua kama mwizi huku wakiniambia sitaki mtoto wao awe tajiri. Ameshapata mzungu na walikuwa na mpango wa kufungua kampuni. Niliumia sana nikajaribu kila niwezalo kumrudisha mume lakini haikuwezekana, nikarudi kwa wazazi wangu na mapacha wangu mwaka 2003.

Baada ya kuona maisha yalikuwa yananiendea kombo. Nilishindwa kufanya kazi zangu na stationery shop yangu ikafungwa kwa kukosa uangalizi. Kwa kifupi nilichanganyikiwa. Wazazi wangu na wadogo zangu walinifariji na kunisaidia sana 2004 nikaanza biashara ya Stationery tena nikiomba Mungu na kufanya kazi kwa bidii nifaniikiwe ili walionitupa na kunidharau waone mafanikio yangu.

Shangazi yangu akanifundisha biashara ya mbao na hapo ndipo nilipouona mkono wa Mungu. Mambo yangu ya kifedha yakabadilika na mpaka sasa silalamiki. Nikaamua kujiendeleza kimasomo na sasa nina kadegree. Watoto wangu nao wako vizuri wameingia kidato cha tano mwaka huu.

Mwaka 2011 nikutana na mbaba mgane na tukaanzisha mahusiano, mpaka sasa tuko kwenye mahusiano. Watoto wetu wamekubaliana na hali halisi na tunaishi nyumba moja ingawa hatujafunga ndoa. 2014 nikaomba talaka kwa mume aliyeniacha kwa sababu ya mzungu akakataa huku akidai ndoa ya kikristu haivunjwi.

Sasa amerudi sijui nini kimempata na wala sitaki kujua anataka turudiane. Nimekataa kabisa, wazazi wake wamekuja kunibembeleza na kinisihi nimsamehe kijana wao na msimamo wangu ni ule ule. Jumamosi hii kuna kikao nyumbani kwa wazazi wangu, wameomba waje kwenye mazungumzo na mimi niwepo.

Hapa ndio nahitaji ushauri wenu. Niende peke yangu, niende na huyu mpenzi wangu wa sasa au nisiende kabisa. Msimamo wangu ni ule ule siwezi kurudiana.

 

[CTX]

kwanza pole sana aise dunia ndivyo ilivyo.me naona usikatae wito wale ni wazazi wameitisha kikao hivyo onyesha heshima yao kwa kuhudhuria.cha msingi wewe simamia kwenye msimamo ulionao sasa.huo ndo ushauri wangu.

 

[Evelyn Salt]

Walizuzuka na mzungu, pole..
kawasikilize usiende na mbebs wako ila achana nao malimbukeni hao

 

[Rukiko]

ni ngumu. na pole na haya---
kwani umeshawaelezea kuwa na wewe toka 2004 umeanza mahusiano na miak kumi sasa, hata kama ni miwili.waliokufuata uliwambia hayo?
wazo langu ni kama alikuwa ameshaanzisha uhusiano mwingine, na wewe mwingine, nenda na mpenzi wako mpya.huwezi fanya hivyo usiende kabisa.ila usiwaonyeshe dharau

 

[miss chagga]

.. alikupa mbegu basi .. kwanza unaishi na mume tayari mama unataka kuwa na wanaume wawili acha hizo bwana... mwambie umeshaolewa tayari kumbuka una watoto watakuonaje mama yao anapigwa huku na kule bila hata aibu. mwambie mumeo hiyo ndoa kiroho imeshavunjika kilichobaki ni amakaratasi tu lakini kimwili na kiroho nimeshaungana na mwingine na unamfurahiha huyo mume mpya ambaye hakuna any formal thing... marriage si kwenda kwa mchungaji na kuvalishana pete hiyo ni sign tu .. lakini ndoa hutoka moyoni between you two.....

achana na formality just be real... labda kama uniambie kuwa wewe hujui unataka nini maishani mwako? wakati unafurumushwa na mzungu alikuwepo hawakuona umuhimu wa kuweka kikao leo mwanao amerudi maisha yame mfuck ndiyo anarudi kwako (familia ya aliyekupa mbegu ni zaidi ya wabinafsi, mafedhuli, wauwaji na wachawi ) ..... tena usiende kabisa huko ukristo ulikutokea wamempa talaka na wewe dai talaka what so special to him now?

mfyuu nimechukia mwambie wakafungue kampuni na mzungu wake khaaa... WE HUONI KAMA NI MABINAFSI HAYO MAWAKWE YAKO YA MTOA MBEGU

 

[The Boss]

Usiende
unless of-course umelogwa

 

[Roger Sterling]

Jumamosi hii kuna kikao nyumbani kwa wazazi wangu, wameomba waje kwenye mazungumzo na mimi niwepo. HAPA ndio nahitaji ushauri wenu. Niende peke yangu, Niende na huyu mpenzi wangu wa sasa au nisiende kabisa. Msimamo wangu ni ule ule siwezi kurudiana.

Nenda kawaskilize, labda wanataka kujadili kuhusu watoto au chochote kingine. Kwenda mwenyewe au na mpenzi wako ni sawa tu.

 

[Isaack Newton]

Mmmmh aise pole sana dada angu.Maisha ni kama shillingi ina pande mbili.

 

[Gugleman]

Binadam weng wanakifunza kutokana na makosa... we angalia nan yupo deep moyon mwako then shikilia msimamo wako after analysis na usisahau kumshirikisha uyo ulienae uone anachukuliaje suala hilo... pole dada bt just remember kuchange gia hewan c kwe siasa tu hata mahusiano pia....

 

[Chamachama]

Fuata ushauri wa miss chaga,nikupe pole kwa majaribu hayo,pili fikiria maisha yako na huyo mumeo mpya huyo wa mzungu achana nae kabisa ndo anakuja kukumaliza ww hujui tu

 

[khaleesy mangi]

pole,haina haja ya kwenda na mtu yeyote as long as u know what u want....kuwa mstaarabu nendawasikilize wakikupa nafasi ya kuongea waeleze unachokitaka.....

 

[Power to the People]

Whatever you do usithubutu kwenda. Yaani nimekaasirika mpaka. Very selfish people wanataka wa kwao tu ndio awe na furaha. Hapo haakuwazi wewe hata kidogo.

Na kama ni watoto washakua watu wazima waache wawe karibu na baba yao.

 

[miss chagga]

fuata ushauri wa miss chaga,nikupe pole kwa majaribu hayo,pili fikiria maisha yako na huyo mumeo mpya huyo wa mzungu achana nae kabisa ndo anakuja kukumaliza ww hujui tu

mume wa mzungu kapewa talaka na kutengenezewa zengwe kurudishwa bongo safi sana

 

[Power to the People]

Whatever you do usithubutu kwenda. Yaani nimekaasirika mpaka. Very selfish people wanataka wa kwao tu ndio awe na furaha. Hapo haakuwazi wewe hata kidogo.

Na kama ni watoto washakua watu wazima waache wawe karibu na baba yao.

 

[NIMPENDENANI]

Pole sana, kwanza nikupe pongezi kwani huo msimamo wako sio wanawake wote wana, pili unaenda kufanya nini? wana lipi jipya la kukwambia ambalo hujawahi kulisikia? hao wazazi wa huyo mume ubinadamu uliwashinda kabisa kujua kama wewe ni mke wa mtoto wao na mama wa wajuku zao? ningekua mie Wallah nisinge kwenda kabisa.........

 

[Teyan]

Wide Open EYES

Pole sana, achana naye huyo ana elements za umario, anapenda kulelewa na wanawake, mwanaume wa aina hiyo ni ngumu kukaa naye, hafai, hapo kakufuata kwakuwa kajua ukowell kimaisha tofauti na mwanzo, hapendi kuhangaika na wewe juani, ameshabadilika, anakutaka ukiwa kivulini, same kwa wazazi wake

 

[MadameX]

Nenda kasikilize wazee kwa ajili ya heshima lakini habari ya kurudiana ....Ushauri wangu ni huu......

yaani as far as possible..

 

[CTX]

Nenda kawaskilize, labda wanataka kujadili kuhusu watoto au chochote kingine. Kwenda mwenyewe au na mpenzi wako ni sawa tu.

:thumbup:

 

[Tized]

Ukristo sio DINI, Ni uhusiano wa Mtu na Kristo. (Christianity is not a religion, Its a RELATIONSHIP)

Waambie waache ujinga, Ukristo haubariki UASHERATI. Once uasherati unapoingia, ndoa inaweza kufikia ukomo kihalali kabisa na kimaandiko.

Kama hawakubali, Wakale malimao.!!! maana hakuna namna nyingine sasa

 

[hippocratessocrates]

Wide Open EYES,

Moja pole kwa yaliyokusibu.
It is almost over a decade ndiyo wazazi na huyo anayejiita "mume" ndiyo wanarudi, hapa mwenye maamuzi ni wewe, si wazazi wako au yeyote. After all kwanini kikao kifanyikie kwa wazazi wako, kwanini wao wakubali hili in the first place?

Kama hakuna mikwaruzano na mgane unayeishi naye(hata kama ipo), na msimamo wako ni ule ule hutaki kurudiana naye sijaona sababu ya msingi ya wewe kwenda/kuwepo hapo.

1. Utamueleza uliye naye? Atafikiri nini kama si kudhani pengine you are not sure about your current relationship?

2. Hata kama ni baba wa watoto, sidhani kama watoto wanahitaji kuwa na image hii kichwani(though it is not your place to say).

3. Kama maisha yamempiga tayari then aje atake mali zako(seems ni mwanaume wa aina hiyo)


I tend to think huu ni muendelezo wa tabia zetu(wanaume) kumpa binti ujauzito na kisha kumuacha 'hanging' kwamva iko siku utarudi tu kwasababu ana "doa" tayari.