Uchaguzi 2020 NEC: Kila Chama cha Siasa kimeruhusiwa kuweka wakala kwenye kila kituo ili kulinda maslahi ya Chama na Wagombea

[Miss Zomboko]

Jumla ya Makundi 16 ya waangalizi wa nje wapewa fursa na vibali vya kufuatilia mwenendo wa shughuli ya uchaguzi Tanzania huku asasi za kiraia na taasisi 97 za ndani pia zikipata nafasi hiyo.

Amebainisha hilo Kamisha wa tume ya taifa ya uchaguzi (NEC) Jaji mstaafu Mary Longway wakati wa mkutanao na wadau wa uchaguzi uliofanyika ukumbi wa halmashauri ya mji wa Njombe mkoani humo.

“Tume ya Taifa ya Uchaguzi (NEC) imeruhusu watazamaji wa ndani na nje,katika uchaguzi mkuu wa mwaka huu ambapo imetoa vibali kwa asasi za kiraia na taasisi 97 za ndani na vibali kwa makundi 16 ya watazamaji wa nje” alisema Kamishna wa tume ya taifa ya uchaguzi

Anasema “Siku ya uchaguzi vyama vya siasa vimepewa nafasi ya kuweka wakala katika kila kituo cha kupigia kura, wakala atakuwepo kituoni kwa ajili ya kuangalia utaratibu wa uchaguzi zinazoendelea kituoni pale na kama zinazingatia sheria, kanuni, taratibu na maelekezo yanayotolewa na tume, lengo kubwa ni kulinda maslahi ya Chama na wagombea wake”amesema Jaji mstaafu Mary Longway Kamishna wa tume ya taifa ya uchaguzi

Hata hivyo amesema “Tayari vyama vyote vya siasa vinavyoshiriki uchaguzi, vimepata nakala tepe ya orodha ya wapiga kura waliomo katika orodha ya daftari la kudumu la wapiga kura hii ni kuwawezesha mawakala kutimiza wajibu wa kuhakiki wapiga kura wanaofika kituoni” Jaji mstaafu Mary Longway Kamishna wa tume ya taifa ya uchaguzi

Jaji mstaafu Mary Longway amesisitiza kuwa “Tume inasisitiza umuhimu wa vyama vya siasa na wagombea kuzingatia maadili ya uchaguzi katika kampeni zao, ikwemo kuepuka Lugha za kashfa, maneno ya uchochezi yanayotishia usalama na amani ya Nchi” Jaji mstaafu Mary Longway

Aidha amesema“Wakati tume inaendelea kuratibu, kusimamia na kuendesha uchaguzi huu kwa kutumia sheria za uchaguzi. Vyama vya siasa, wagombea na wananchi wanakumbushwa kuwa katika kipindi hiki sheria nyingine za nchi hazijasimama” Jaji mstaafu Mary Longway Kamishna wa tume ya taifa ya uchaguzi

Amewahakikishia wananchi kuwa tume itaendelea kufuata katiba na sheria katika utekelezaji wa majukumu yake.

“Tume inawahakikishia wananchi kuwa, imejipanga katika kusimamia uchaguzi wa mwaka huu kwa kufuata katiba, sheria, kanuni na miongozo mbali mbali na inaamini kuwa kila mdau akitimiza wajibu wake kwa kufuata taratibu basi watanzania wataweza kupiga kura kwa amani” Jaji mstaafu Mary Longway Kamishna wa tume ya taifa ya uchaguzi

 

[Retired]

Jaji mstaafu Mary Longway

Hivi kazi ya makamishina wa tume ni ipi? au ndio hawa majaji wa UPE?

 

[Ncha Kali]

Kuweka mawakala sio suala la 'kuruhusiwa' bali ni utaratibu, au tuseme ilikuwa wazuiliwe!!

 

[mugah di matheo]

Hawa NEC sio watu wakuwaamini sana maana kesho watakuja na sarakasi za kutokidhi viwango

 

[denooJ]

Hawa NEC sio watu wakuwaamini sanaa
Maana kesho watakuja na sarakasi za kutokidhi viwango

Hawaishiwi vituko, wanafanya mambo ya ajabu bila kuona aibu, wasijidanganye kulets ujinga wowote kura zipigwe mawakala wa vyama vyote wawepo, mshindi apatikane kihalali.

 

[Sky Eclat]

Baada ya kupiga kura wanachama wataruhusiwa kulinda kura zao?

 

[johnthebaptist]

Ni jambo jema!

 

[Missile of the Nation]

Hii NECCCM ina ndimi mbili, mkurugenzi wake ameonekana kuwa na upendeleo wa dhahiri kwa CCM kinyume cha maadili ya kazi

 

[mugah di matheo]

Baada ya kupiga kura wanachama wataruhusiwa kulinda kura zao?

Thubutu,labda kwenye hicho kituo pawe na mgombea wa CCM na TLP tuu ndio wataruhusu kura zilindwe

 

[mkorinto]

Baada ya kupiga kura wanachama wataruhusiwa kulinda kura zao?

Sio kazi ya wanachama kulinda kura.

kazi ya wanachama ni kupiga kura kisha kwenda nyimbani kusubiri matokeo.

 

[redio]

Kama umeshindwa kumwamini wakala wako atizame kura zako sasa umemweka wa Nini?

 

[Behaviourist]

Maneno laini ila siku ya uchaguzi mawakala wa upinzani ni wanazinguliwa kama kawa kama ilivyokuwa Kinondoni kwenye chaguzi za serekali za mitaa!

 

[Ugobha]

CCM wahuni sana wale hawaoni hasara kumpa mtu nyumba na million100 ili acheze rafu

 

[Mwasyambi]

Ukiona Mmarekani anamuuzia Mtanzania nuclear bomb jua kuna silaha hatari zaidi ya hiyo nuclear

 

[Carlos The Jackal]

Sio tu kuwekwa, bali waapishwe na wapewe barua. Wapewe nakala za matokeo na mengineyo

 

[msani]

Hawa ni kuwa nao makini. Mawakala wataenguliwa na kuwekwa mawakala feki. Hivi kama nchi nzima wameunguliwa wagombea wa chadema pekee na hakuna wa ccm aliyeenguliwa hata mmoja bado tunatarajia hii tume ifanye haki?

Hapa hakuna uchaguzi ni uchafuzi tu. Ila ipo siku itafika kwa sababu taratibu naona tunasogea hapo

 

[Tajiri Kichwa]

Kuna elekea kupambazuka.. mida ya kuachia shuka

 

[YEHODAYA]

Baada ya kupiga kura wanachama wataruhusiwa kulinda kura zao?

Kazi ya wakala hiyo

 

[Mac Alpho]

Kuweka mawakala sio suala la 'kuruhusiwa' bali ni utaratibu, au tuseme ilikuwa wazuiliwe!!

Sasa inapotokea vyama fulani kutoa malalamiko kuwa huwa mnaibiwa kura, hawa mawakala huwa hawatekelezi majukumu yao?

 

[Mac Alpho]

Baada ya kupiga kura wanachama wataruhusiwa kulinda kura zao?

Sasa kila mtu akitaka abaki kituo cha kura ili alinde kura za chama chake itakuwaje ?