1.ASILI
Kwa mujibu wa vyanzo mbalimbali katika mitandao, Saluti ya Mizinga 21 asili yake ni katika enzi za karne ya 14 na ni utaratibu ulioanzishwa na Jeshi la wanamaji la Uingereza kipindi hiko.
Meli za kijeshi za Jeshi la wanamaji la Uingereza zilipokuwa zinawasili katika bandari ngeni kwao, zilikuwa na utaratibu wa kupiga mizinga kwa umbali ambao hauwezi kuathiri au kulipua katika uelekeo ambao ndipo bandari ya wenyeji wao ipo.
Hii ilikuwa ni ishara ya kuwaonesha wale wenyeji wao kuwa wana "empty" au wanaifanya Mizinga yao kuwa mitupu kipindi wanakaribia katika eneo la bandari.. Kwa kipindi hiko mizinga ndo ilikuwa kama silaha hatari kwa mashambulizi inayotumika katika mapambano ya kivita majini.
Kitendo cha meli ya kijeshi inayopiga mizinga isiyokuwa na madhara ilikuwa inatafsiriwa na wenyeji kama ishara ya wageni kutotaka mapambano na wamekuja kwa nia nzuri.
2. KWANINI MIZINGA 21??
Kwa wakati huo ina aminika, meli nyingi za kivita za Uingereza zilikuwa na uwezo wa kuchukua MIZINGA 7 katika meli moja. Na ndo maana mizinga yote saba ilikuwa inaandaliwa na kupigwa kwa kipindi ambacho meli inajiandaa kuwasili katika bandari ya nchi ngeni.
Pia ilikuwa ni shughuli kuandaa mzinga kwaajili ya kupigwa tena kulingana na teknolojia ilivyokuwa kipindi hicho. Hii pia ilikuwa inawapa amani wenyeji kwa kuamini meli inayokuja bandarini kwao haina muda wa kutosha kujiandaa na shambulizi lolote lile ambalo wanaweza kutumia mizinga yao.
Baada ya utaratibu huu wa Meli ya kigeni inayowasili bandarini kuhakikisha ina empty mizinga yake kabla ya kutia nanga, Ikaonekana pia wenyeji nao wanatakiwa kuonesha ishara ya amani kama wageni wao pia.
Hapa ndipo ukaja utaratibu wa wenyeji nao kuhakikisha mizinga yao iliyoko bandarini inakuwa mitupu kama vile wageni wao wanaotaka kutia nanga katika bandari yao.
Hapa WENYEJI WALIPIGA MIZINGA 3 kwa kila MZINGA 1 ambao ULIPIGWA NA MELI YA KIGENI. Kumbuka meli ya kigeni ilikuwa na MIZINGA 7 kwahiyo wenyeji walitakiwa kupiga MIZINGA 21 ili kwenda sawa na wageni wao.
(7 x 3 = 21)
Utaratibu huu uliendelea mpaka karne ya 18 ukaingizwa rasmi katika jeshi la Uingereza ambapo ikawa ni utaratibu kwa ugeni wowote ule wa kimataifa ukija nchini kwao au katika makoloni yao basi watapiga mizinga 21 kama ishara ya heshima kwa ugeni huo kwa taifa lao.
Pia kupiga mizinga 21 ikawa ni utaratibu rasmi wa kutoa salamu kwa familia ya kifalme. Baadaye wamarekani waka adapt huu mfumo kwa kutoa salamu kwa viongozi wao wa kitaifa.
Kutokea hapo ndo kuna mtiririko wa mabadiliko na utaratibu wa kidiplomasia ambao uliendelea mpaka kuwa adapted na nchi zingine duniani.
View attachment 1735524
