Hello JamiiForums,
Ni Jumamosi nyingine tena ya mwezi wa nane huku mwaka ukikimbia kwa kasi sana yaani 2025 ni kesho kutwa tu hapo, halafu mishe na mambo yetu pengine yanaenda taratibu mno kama kinyonga.lakini tutafika tu kwa uwezo wa aliye juu
Lengo la kuandika huu uzi, ni baada ya kukumbuka na kufikiria meeeengi jinsi Dunia inavyoenda na namna wanaume tukikosa msaada wa moja kwa moja, hatupewi kipaumbele, yaani kila eneo lazima tutumie nguvu kidogo ili kufanikisha malengo na mipango yetu.
1. Ajira kuipata kwa mbinde
Hiki kipande ni kigumu mno kuliko Hawa wenzetu yaani kama huna connection ya maana basi unaweza Kuta siku zinakatika tu na huna ulichoambulia.
2. Unyanyasaji usiosemwa
Wanaume wengi {tu}wananyanyaswa na wake zao,makazini,na sehemu kibao na mambo yetu hayasemwi popote,unaishia kudharauliwa tu kuwa punguza kulialia. Wanaume, wanaingiliwa kinyume na maumbile na hata kuwekewa chupa sehemu za haja kubwa kama fundisho au komesho kwa makosa wanayoyafanya kinyume na haki za binadamu
3. Kutosikilizwa (kutoaminiwa)
Mfano,miezi kadhaa iliyopita nilikuwa nje ya Dar es Salaam, nikiwa kikazi huko nilishuhudia tukio la kusikitisha mno.
Iko hivi tulikuwa kwenye Mgahawa fulani usiokuwa na watu wengi sana hatukuzidi 12 labda kwakuwa chakula kiliuzwa ghali,basi alikuja Jamaa mmoja akakaa na kuchagua menu yake kupitia karatasi lililokuwa mbele yake, cha ajabu aliinuka mwanamke mmoja akiwa anatoka yaani amemaliza shughuli zake, akiwa anatembea kwa kasi akaitikisa meza ya jamaa na kudondosha PC (laptop)ya jamaa, kisha akaendelea na safari yake bila kuomba msamaha wala nini.
Jamaa aliinuka kisha akamshika yule mwanamke akimwambia huwezi kwenda popote ushaniharibia kifaa changu lazima haki itendeke,weeeee kumbe mwanamke alikuwa mkorofi akachukua chupa ya wine tena ya mtu mwingine tu,ikaishia kwenye paji la uso wa jamaa ,damu zikafurika pale, watu tukainuka kusaidia huku ile PC ikiwa umesuka kidogo kwe pembe ya kulia.
Dakika 5 nyingi polisi hawa hapa wakaondoka na meneja pamoja na yule mwanamke aliyeonesha ni mjeuri kutokana na maneno yake.cha ajabu kesho tukasikia mwanamke yule aliachiliwa na jamaa bado yupo hospital kwa matibabu.tukio hili liliniumiza Hadi Leo hii nikiamini ingekuwa yule demu kafanyiwa vile jamaa angeozea jela au kutoa pesa nyingi
4. Kucheleweshewa huduma
Ukienda hospital unaweza Kuta wanawake wanaambiwa waingie wahudumiwe ikiwa wamekukuta ,eti kisa wanajuana na madaktari. Mimi mwenyewe nilienda ofisi fulani ,nikashangaa nazungushwa tu,namuuliza mtoa huduma vipi mbona hivi nachelewa, Huku akijichekesha akadai nijikaze kiume ,ngoja awamalize wanawake,nikaghairi nakuondoka sehemu nyingine.
Siku nyingine nimeenda Dukani kununua vifaa vya ujenzi tena ni kijihardware kidogo tu nikaona nisiende kwenye maduka makubwa nitakuta foleni nikachelewa
Nikamkuta mwanamke umri la 28 _ 30 si mkubwa sana basi wauzaji wamemzunguka wote watatu wakimsifia kwa uamuzi wake wa kujenga huku akiwa anabargain Kila kitu apunguziwe bei mara hiki kirudishwe mara kilete tena huku wauzaji wakiwa hata hawachoshwi na mambo ya yule demu ,wateja wengine tukawa tumetoa macho kwa mshangao,!!wauzaji wametusahau.
5. Unyanyasaji kindoa
Wanaume wengi wananyanyaswa mno,vipo visa vingi sana, kupangiwa ratiba ya unyumba hadi siku mwanamke ajisikie. Kutokuagwa, yaani mwanamke anaweza kwenda sehemu akarudi muda atakao na ukihoji utaambiwa una mambo ya kizamani na yamepitwa na wakati.tena wanawake wenye kipato kuliko mwanaume usiombe uwe nao.
Mwanamke kuanzisha miradi kibao bila kukushirikisha na ukihoji utaambiwa wewe ni mbaya hupendi maendeleo na mafanikio yake,mnaweza hata kuachana.
Kuongozana na wanaume kadhaa mara kwa mara na kuaminishwa ni watu wake wa karibu au wafanyakazi wenzie ukihoji utaambiwa una wivu wa kishamba na wa kizamani.na unapaswa kukaa kimya, kwa kigezo cha mwanaume ana kifua cha kuhifadhi mambo, yaani ufe na tai shingoni.
Sasa ole wako ufanye chochote chenye kiashiria cha uvunjifu wa amani utaambiwa haya
Kama alimchoka angemuacha
Kama mwanamke hakusikilizi wa nini
Kulikuwa na haja gani kumdhalilisha mwanamke
Ukiwasikiliza hawa wananzengo ni kama wanahoja Sasa wewe kurupuka,hicho kibanda na vijikampuni ukivyotengeneza kwa jasho na damu mtagawana na mtu aliyekupendea hivyo ulivyo navyo pengine ungekuwa lofa asingekutaka, au hujui mahakama zipo eeee?
Magazeti na vyombo vya habari vitaandika habari zako ,utaonekana hufai katika jamii gereza litakuita ili iwe fundisho kwa wanaume wenye tabia kama zako.
Na ukisema basi yeye si ananinyima unyumba ,ngoja nikajitafutie pisikali nje niwe napoza machungu basi omba asijue.
Akijua huyo binti ajiandae kuliwa mtungo na vijana wasiojitambua, wanaopewa kazi ya kufanya unyama wasifikirie hadi mwanaume mwenzao anachepuka kipo kitu nyuma yake, hawajui.
Wapo watakaoshauri ikiwezekana uingiliwe wewe kinyume na maumbile ili iwe funzo kwa wengine wasichepuke.
Duh kweli wanaume tumeumbwa matesa, tuseme kwa nani sasa, na tunaambiwa mwanaume tuwe na vifua.
Tumlilie nani sisi na tunaambiwa mwanaume hupaswi kulia hovyo.
Ukimfumania mkeo tunaambiwa tuandae ushahidi kisha yule mgoni akulipe Kisha wewe na mkeo muendelee na maisha yenu. Ukifanya kinyume na hapo gereza linakuita utatafuta pa kujificha.
Siwakubali team kataa ndoa,ila mbona kama wana hoja? huenda wanawasilisha kiutani siku wakikaza wataeleweka.
Wanaume wenzangu ni nani atakuwa msaada wetu?
Ukatili huu utaisha lini?
Tafakari,kaa kijanja.
