Mphamvu
JF-Expert Member
- Jan 28, 2011
- 10,702
- 3,351
Serikali imetoa leo orodha rasmi ya Wanafunzi waliochaguliwa kujiunga na Kidato cha Tano pamoja na Shule walizopangiwa.
Kutokana na wengi kuulizia mazingira ya shule walizopangiwa na kuanzisha nyuzi za kukutana kwa ajili ya kufahamiana, nimeona ipo haja ya kuwa na uzi mmoja ambao utawakutanisha wanafunzi walichaguliwa pamoja na wazoefu wengine, pengine hata walimu.
Katika uzi huu tutajadili mambo mbalimbali kama namna ya kufika shuleni, mazingira ya shule na maeneo yanayozunguka, mchepuo anaoenda kusoma mwanafunzi pamoja na kufahamiana kwa ujumla.
Ni matumaini yangu kuwa uzi huu utakuwa na manufaa niliyoyakusudia.
Hongereni mliochaguliwa kujiunga na Shule za Serikali mwaka 2015!