Moto waanza kuwaka kiti cha Mbowe CHADEMA

[Safari_ni_Safari]

Leo limekuwa gazeti Lao???

Labda Aga Khan kahamia CHADEMA

 

[Jaimee]

Ajabu ni kuwa hao CDM wametulia tuliii. CCM wanamangamanga na vijimaneno vya khanga mitaani.

Exactly

 

[Retired]

sahau, CDM inamwitaji Mbowe than ever before! Wala hatoki mtu,

 

[radika]

Don't shoot the messenger, shoot the news editor!

Kwa kukusaidia zaidi, hilo gazeti wahariri wake ni manazi wa CHADEMA. Inawezekana kuna zengwe anafanyiwa Mbowe baada ya repoti ya CAG kuelezea ufujaji wa mabilioni ya chama.

We jamaa ni mnafiki sana tena wa kutupwa na kuogopwa kama ni kijana nasikitika umeanza uchawi ungali mdogo mno ulimshambulia sana Chachali kuhusu makonda badala ya taarifa yenyewe ona bandiko lako hapa hukosi uchawi wewe kwa nini hukushambulia taarifa vita ukageuzia kwa mtoa taarifa?

 

[Bishop Hiluka]

Mwananchi magazeti ya Rostam ambaye ni team lowassa ambaye ni kamanda wa chadema.
Una swali lingine??

Duh! Rostam ameanza lini kumiliki gazeti la Mwananchi? Unachanganya kati ya Mwananchi Communication na Habari Corporation? Wakati mwingine kama hujui ni bora kukaa kimya?...

 

[Hivi punde]

Chadema imeanza uchaguzi kuwapata viongozi wake huku kukiwa na minong’ono kwamba kuna wanachama wanaotaka mwenyekiti wa chama hicho, Freeman Mbowe ang’atuke madarakani.
Habari zilizolifikia Mwananchi zinasema kumeibuka pande mbili, moja ikitaka Mbowe ang’atuke apishe wengine kukiongoza chama hicho kikuu cha upinzani nchini, huku nyingine ikitaka aendelee na uongozi kwa kuwa hakuna mbadala wake.



Mbowe aliyeanza kukiongoza chama hicho mwaka 2004 akichukua nafasi ya Bob Makani amekuwa akielezwa kukijenga chama hicho ikiwamo kukiongoza kupata madiwani na wabunge wengi.
Wanaotaka Mbowe ang’oke wana hoja kwamba, muda umefika wa mwenyekiti huyo kupisha mtu mwingine katika nafasi hiyo wakiamini mu huyo atakuwa na mtazamo mpya.



“Ni kweli mwenyekiti ameleta mabadiliko na uongozi mzuri ndani na nje ya chama, lakini wakati umefika kwake kukaa pembeni na kuwaachia wengine waongoze,” alisema mmoja wa mwanachama ndani ya Chadema aliyeomba hifadhi ya jana lake.
Alisema, “Najua ni ngumu hili kutokea lakini kama unavyojua uongozi ni kurithishana na ingawa sijaona nani anaweza kuvaa viatu vyake, ila akijitokeza, mwenyekiti amwachie.”


Upande wanaotaka Mbowe aendelee wana hoja kwamba, kwa sasa ndani ya chama hicho hakuna mbadala labda kwa siku za usoni na wasingependa kuona aking’atuka.



Juhudi za kumpata Mbowe kuzungumzia suala hilo zilikwama jana kutokana na kuwa kikaoni.
Hata hivyo, Mkurugenzi wa Itifaki, Mawasiliano na Mambo ya Nje wa Chadema, John Mrema alisema kwamba hawana taarifa za mtu yeyote aliyeonyesha nia ya kugombea uongozi nafasi ya juu ya chama hicho.


“Kama wapo wanapiga ramli, lakini hatujasikia hizo taarifa. Uchaguzi wa ngazi ya taifa unatarajiwa kufanyika mwishoni mwa mwaka huu sasa sielewi hayo maneno yanatoka wapi sasa hivi,” alisema Mrema.
Diwani wa Ubungo, Boniface Jacob alisema ataungana na wale wote watakaotaka Mbowe agombee kwa mara nyingine nafasi hiyo.


Jacob ambaye pia ni mjumbe wa kamati kuu ya Chadema alieleza sababu za kumuunga mkono Mbowe kugombea tena nafasi ya uenyekiti kwamba, ni kiongozi makini na mwenye ushawishi mkubwa.
“Chadema kimepitia hatua ngumu, ikiwamo misukosuko lakini Mbowe amesimama imara na hakuyumba. Kwa hali ilivyo tulidhani Mbowe atasema sasa basi lakini hajakata tamaa mzee huyu,” alisema Jacob ambaye pia ni Meya wa Ubungo.


Alisisitiza kuwa, hakuna ubaya wowote kwa Mbowe kuendelea kubaki katika nafasi hiyo na kwamba, hao wasiotaka agombee wanatoka nje ya Chadema na kwa masilahi yao binafsi.
Katibu wa Baraza la Wazee Chadema, Roderick Lutembeka alisema kwamba hawezi kuzungumzia suala hilo kwa kuwa hajakutana na viongozi wenzake.


“Naomba nisiseme lolote kuhusu hili, kama msimamo wa wazee labda hadi tukutane na wenzangu,” alisema Lutembeka.
Katibu wa Uenezi wa Baraza la Vijana Chadema (Bavicha), Edward Simbeye alisema kwamba wakati ukifika watamuunga mkono mwanachama yeyote atakayejitokeza kugombea nafasi hiyo ya juu ya uongozi.


“Hata hivyo, Bavicha bado hatujakaa na kujadili jambo hili. Tukijadili tutatoa msimamo wetu kama vijana,” alisema Simbeye.
Awali, Mrema alisema kwamba mwaka huu ni wa uchaguzi ndani ya chama hicho na tayari wameanza kwa ngazi za msingi, matawi na mashina.


Aliongeza kwamba hatua hiyo ikikamilika, watahamia katika ngazi ya jimbo, wilaya na kanda kisha kwenda ngazi ya taifa itakayofanyika mwishoni mwa mwaka huu.
“Nguvu kubwa imeelekezwa ngazi hii (msingi, matawi na mashina) kwa sasa na ndiyo maana viongozi wakuu akiwamo Mbowe wanashiriki kikamilifu katika mchakato huu,” alisema Mrema.

 

[JINOME]

Na Temba Marios Temba, Dodoma.

Mwenyekiti wa Chadema Freeman Aikael Mbowe huenda akawekwa pembeni ya chama hicho ili kupisha Mwenyekiti mpya pia kukifanya kionekana kisiasa si chama cha kikabila na kikanda.

Kundi la baadhi ya Wabunge Vijana wa kuchaguliwa na Wabunge wa viti maalum jioni ya jana wamekutana na kumaliza kikao cha faragha jijini hapa katika moja ya Hotel mashuhuri na kutoa msimamo huo.

Licha ya Naibu katibu Mkuu wa Chadema Zanzibar, Salum Mwalimu kudaiwa kufika kwa ghafla eneo hilo na kutaka kushiriki kikao hicho na kujua kinachoendelea, alikataliwa na kutakiwa asubiri nje kwakuwa kilikuwa ni kikao cha Wabunge pekee .

Hakuna Mbunge aliyekuwa tayari kuelezea lolote hadharani mbele ya waandishi wa habari waliofika huku kila Mbunge akisema watakutana na vyombo vya habari baada ya siku tatu.

Uchunguzi wa kihabari na udadiso uliofanyika umebahatika kumpata mmoja kati ya Wabunge hao akitaka jina lake lihifadhiwe na kusema siku za Mwenyekiti Mbowe kubaki Chadema toka sasa zinahesabika.

"Kama Dk Wilbroad Slaa asingeteuliwa na Rais Dk John Magufuli kuwa Balozi, tuliamua kumfuata kuzungumzia naye na kumuomba arudi Chadema. Tunafikiria kumfanya Waziri Mkuu Mstaafu Fredrick Sumaye awe Mwenyekiti mpya ili kubadili upepo wa kisiasa." Alieleza

Mbunge huyo alisema kitendo cha kuonekana kuenea uchaga na kuota mizizi kwa siasa za ukanda na aina ya wanachama wengine kukosa haki, kumedaiwa kukidhoofisha chama hicho na kukikosesha amana ndani ya umma.

Naye Mbunge mmoja wa wa viti maalum alisema Chadema pamoja na kukubalika kwake bado wapo watu muhimu wanaohofia kujiunga kutokana na kuwa na muonekano wa kikabila huku jamaa wa kichaga wakishika nafasi nyingi za juu.

"Sumaye akiwa Mwenyekiti, Tundu Lissu akisimama kama Mgombea Urais wa Jamhuri ya Muungano, Maalim Seif Sharif kama ataafikiana nasi ahamie Chadema na kumwachia CUF Profesa Lipumba, tutaikamata Bara na Zanzibar kisiasa. CCM haitafurukuta tena." Alieleza

Mbunge huyo aliwataja Wanasiasa wawili kama kikwazo kwa wakati huu katika maendeleo ya siasa za nchi akiwemo Profesa Lipumba na ugomvi wake na Maalim Seif pia Mbowe kuchokwa kwa ndani ya Chadema .

Hadi tunaondoka eneo la hoteli hakuna habari zaidi iliyopatikana.

 

[Waterloo]

Anafaa apewe

 

[Rijali jandoni]

transplant sielewi hata nimeandika nini
ila ngoja ningoje tuu na wengine waje kunirekebisha

 

[Consultant]

..mmoja kati ya Wabunge hao akitaka jina lake lihifadhiwe na kusema siku za Mwenyekiti Mbowe kubaki Chadema toka sasa zinahesabika...

Hivi vyama banaaa. Mbowe, Lipumba, Lyatonga Mrema, Cheyo, Dovutwa etc etc ni akina Mugabe wa Upinzani. It is either them or no one else. Mentality za ajabu sana. Harafu sio sawa kujificha kwenye kichaka cha "kufuata katiba" na kudai eti katiba inaniruhusu kugombea bila ukomo na blah blah nyingine. You can't lead the Party for more than 15 years kama huna maslahi binafsi humo ndani.

 

[MKWEPA KODI]

Uvccm mna kazi kubwa sana ya kueneza uongo, haya kachukue malipo yako

 

[911sep11]

hatutamwita tena mr zero? ni swali tu

 

[Petro E. Mselewa]

Habari za 'chanzo cha taarifa' huwa si za kweli. Ndizo zinazosemwa kuandikwa chumbani. Za kuambiwa.........

 

[yamindinda]

Anafaa apewe

 

[Kidzude]

Kifupi mbowe akiondoka cdm haipo. Kinachotakiwa ni cdm kugawanyika ili mbowe abaki na chama kipya kizaliwe. Au mbowe aanzishe chama kipya aache cdm, then wananchi wamchague Mchungaji. Kifupi ni kuwa kuna ombwe kubwa la kisiasa ambalo wananchi wanalipitia. Wengi wapo against the status quo ila hawana namna. Sasa hata akitokea mbwa akafungua chama ana persverence na kuonyesha ujasiri watamfuata.

 

[LG smart]

CHADEMA, kwa sasa inahitaji mtu makini sana kuiongoza. Maana kuna mawili, mosi ni kupotea kabisa na second ni kupata nguvu mpya na kunyanyuka moja kwa moja. Mbowe amejitahidi sana hasa ukizingatia amekwepa vizingiti vingi sana pamoja na fitina za CCM, Aliweka mbele maslahi ya Chama kuliko maslahi yake binafsi. CCM wako macho wanataka kuiuwa kabisa Chadema, na Chadema wasipokua makini huo ndiyo mwanya wa CCM kupitia kuiangamiza Chadema. ata hao wabunge wanaokaa vikao wanasema hawamtaki Mbowe siyo wa kuaminiwa kwa kiasi kikubwa.

 

[Viol]

Sasa unadhani kuna makamanda wanamtaka Mbowe??
Hayimaye muda umefika, mbowe aachie kiti.

Alikuwa kiongozi mzuri,ila kwa kumleta Lowasa chadema kama vipi ajiuzulu tu,udhaifu wa chadema umeletwa na lowasa kugombea urais

 

[kasulamkombe]

Kwani kama tulivyobadirisha katiba ya SIMBA MO tukampa 49% na Wanachama 51% kwa chadema tukimpa hisa kama za MO mbowe na wanachama tukabakiwa na 51% kutakuwa na kosa gani.Vyama vya siasa vimeshakufa ni muda wa kuendelea na makampuni chadema Ltd

 

[Kidzude]

Don't shoot the messenger, shoot the news editor!

Kwa kukusaidia zaidi, hilo gazeti wahariri wake ni manazi wa CHADEMA. Inawezekana kuna zengwe anafanyiwa Mbowe baada ya repoti ya CAG kuelezea ufujaji wa mabilioni ya chama.

Ule sio ufujaji ni kukosekana kwa risiti tu ambazo zikipatikana na wakaeleza wapi pesa hoja inafungwa.

 

[Mnasihi]

Sasa unadhani kuna makamanda wanamtaka Mbowe??
Hayimaye muda umefika, mbowe aachie kiti.

Atakiacha kwa kura sandukuni na sio kwa maneno yenu mliotumwa! Hangaikeni na malaika wenu mkuu kabla ya kuingilia upande usiowahusu! By the way, Mbowe anawabana nini hadi ninyi lumumbas mhangaike kihivyo?