Pdidy
Platinum Member
- Nov 22, 2007
- 61,787
- 37,992
Na Margareth Kinabo, Maelezo
KAMISHNA wa Nishati na Madini, Bashir Mrindoko amesema haitawezekana kwa mitambo ya kuzalisha umeme ya kampuni ya IPTL, ambayo inaendeshwa kwa kutumia dizeli, kuigeuza ili ianze kutumia gesi asilia kutokana na kutopata ridhaa ya mwenye mali.
Rais Jakaya Kikwete aliagiza kuwa kazi hiyo ya kuigeuza mitambo hiyo ili itumie gesi na hivyo kupunguza gharama za nishati ya umeme kwa watuamiaji, ifanywe kwa haraka baada ya kuona zoezi hilo likisuasua.
Lakini agizo la Kikwete la kuibadili mitambo hiyo ya IPTL, ambayo inamilikiwa na Mechmar Sorporation BhDd (asilimia 70) ya Malaysia na VIP Engineering & Marketing Ltd ya Tanzania, inaonekana halitawezekana kwa mujibu wa Mrindoko.
Akizungumza na waandishi kwenye viwanja vya Karimjee jijini Dar es salaam, Mrindoko alisema wamiliki wa mitambo hiyo hawajatoa ridhaa ya kuibadili ili iendeshwe kwa kutumia gesi asilia.
"Mitambo ya IPTL inaweza kutumia gesi ikiwa Serikali itafikiana na mwenyemali ili atoe ridhaa," alisema Mrindoko akizungumzia jenereta hizo za IPTL ambayo ina uwezo wa kuzalisha megawati 100 za umeme na ambayo ilikuwa inasemekana inatafuna Sh3.67 bilioni kwa mwezi ikiwa ni gharama za uzalishaji umeme.
Mrindoko alifafanua kwamba kutopatikana kwa ridhaa ya mwenye mali kumesababishwa kwa kiasi kikubwa na kesi iliyo mahakamani baada ya IPTL kulishtaki Shirika la Umeme (Tanesco) kwenye mahakama ya usuluhishi wa kibiashara ya Paris, Ufaransa.
Pia alisema mfumo wa miundombinu ya kusafirisha gesi hiyo jijini Dar es salaam haitoshelezi mahitaji.
Tukikamilisha miundombinu ya gesi na kupata ridhaa ya mwenyemali, tutaweza kubadilisha mtambo huo ili utumie gesi badala ya mafuta, alisema Mrindoko.
Alisema matumizi ya gesi sasa yameongezeka kwani kuna viwanda 36 vinavyotumia nishati hiyo.
Alisema mahitaji ya umeme nchini kwa sasa yamefikia megawati 700 na kwamba tatizo hilo limetafutiwa suluhisho lake katika mpango kabambe wa mfumo wa Umeme wa mwaka 2007- 2031.
Alisema mpango huo unahitaji dola 8 hadi 10 bilioni za Kimarekani bilioni nane hadi 10, hivyo wawekezaji binafsi wanakaribishwa kushirikiana na serikali.
KAMISHNA wa Nishati na Madini, Bashir Mrindoko amesema haitawezekana kwa mitambo ya kuzalisha umeme ya kampuni ya IPTL, ambayo inaendeshwa kwa kutumia dizeli, kuigeuza ili ianze kutumia gesi asilia kutokana na kutopata ridhaa ya mwenye mali.
Rais Jakaya Kikwete aliagiza kuwa kazi hiyo ya kuigeuza mitambo hiyo ili itumie gesi na hivyo kupunguza gharama za nishati ya umeme kwa watuamiaji, ifanywe kwa haraka baada ya kuona zoezi hilo likisuasua.
Lakini agizo la Kikwete la kuibadili mitambo hiyo ya IPTL, ambayo inamilikiwa na Mechmar Sorporation BhDd (asilimia 70) ya Malaysia na VIP Engineering & Marketing Ltd ya Tanzania, inaonekana halitawezekana kwa mujibu wa Mrindoko.
Akizungumza na waandishi kwenye viwanja vya Karimjee jijini Dar es salaam, Mrindoko alisema wamiliki wa mitambo hiyo hawajatoa ridhaa ya kuibadili ili iendeshwe kwa kutumia gesi asilia.
"Mitambo ya IPTL inaweza kutumia gesi ikiwa Serikali itafikiana na mwenyemali ili atoe ridhaa," alisema Mrindoko akizungumzia jenereta hizo za IPTL ambayo ina uwezo wa kuzalisha megawati 100 za umeme na ambayo ilikuwa inasemekana inatafuna Sh3.67 bilioni kwa mwezi ikiwa ni gharama za uzalishaji umeme.
Mrindoko alifafanua kwamba kutopatikana kwa ridhaa ya mwenye mali kumesababishwa kwa kiasi kikubwa na kesi iliyo mahakamani baada ya IPTL kulishtaki Shirika la Umeme (Tanesco) kwenye mahakama ya usuluhishi wa kibiashara ya Paris, Ufaransa.
Pia alisema mfumo wa miundombinu ya kusafirisha gesi hiyo jijini Dar es salaam haitoshelezi mahitaji.
Tukikamilisha miundombinu ya gesi na kupata ridhaa ya mwenyemali, tutaweza kubadilisha mtambo huo ili utumie gesi badala ya mafuta, alisema Mrindoko.
Alisema matumizi ya gesi sasa yameongezeka kwani kuna viwanda 36 vinavyotumia nishati hiyo.
Alisema mahitaji ya umeme nchini kwa sasa yamefikia megawati 700 na kwamba tatizo hilo limetafutiwa suluhisho lake katika mpango kabambe wa mfumo wa Umeme wa mwaka 2007- 2031.
Alisema mpango huo unahitaji dola 8 hadi 10 bilioni za Kimarekani bilioni nane hadi 10, hivyo wawekezaji binafsi wanakaribishwa kushirikiana na serikali.
