Mkasa wa maisha yangu

[Tujisahihishe Tz]

Habari ndg, WanaJF

Kabla ya yote napenda kumshukuru Mungu kwa mema mengi aliyotenda juu yangu sina budi kumwambia ahsante kwa upendo wako kwangu.

KUZALIWA
Nimazaliwa mwaka 1991 katika kijiji cha Chamhunda wilayani Ukerewe mkoa


Mama yangu alikwisha kutengana na baba yangu tangu mwaka 1996 nikiwa bado mtoto[5] ambapo mzee alioa mke mwingine hivyo nimelelewa na mama wa kambo mpaka kukua kwangu.

SHULE

Nilianza shule mwaka 2001, nikiwa darasa la tano mjomba wangu alikuja kutusalimia nyumbani na akaniomba niende kwake nikasomee huko, alimweleza baba na hakukataliwa hivyo safari ikapangwa ya kuelekea mkoani Shinyanga tayari kwa masomo huku kwa mjomba.

Maisha yaliendelea kama kawaida hatimae mwaka 2007 nilihitimu masomo yangu ya elimu ya msingi, nilirudi nyumbani kusalimia pia nikisubiri matokeo kama nitafanikiwa kuendelea na elimu ya sekondari au laah?
Matokeo yakatoka nilichaguliwa kuendelea na masomo ya sekondari katika shule ya sekondari Pandagichiza iliyoko wilaya ya Shinyanga [V] Niliandaliwa mahitaji ya shule ingawa yooote hayakutimia.

Hivyo nilikuwa nasumbuliwa sana shule nalienda hivyo hivyo mpaka nikamaliza kidato cha 1

Hivyo nilirudi nyumbani kwa ajili ya kufuata ada ya mwaka uliofuata pamoja na madeni ya mwaka uliopita kwa kipindi kile wengi wetu hatukuwa tunamiliki simu hivyo mawasiliano na watu wa nyumbani hayakuwepo, hivyo hata nauli alinikopesha mwl ili nitakaporudi nimrudishie, niliondoka na kurudi nyumbani.

Ilipofika januari nilitakiwa kurudi shule lakini jambo la kushangaza na ambalo mpaka leo siamini nikikumbuka, Baba yangu alikataa kunisomesha katakata akidai nikamwambie mama yangu anisomeshe maana hata yeye ni mzazi wangu anapaswa kunisomesha, anatamka hayo akitambua fika kuwa mama yangu hana kipato chochote cha kuweza kunisomesha. Hivyo ndoto zangu za kuendelea na shule zikaishia hapo.

Nilipenda na napenda sana kusoma hivyo ikanibidi nitoke nyumbani niende mjini kutafuta kazi, nilibahatika kupata kazi ya bar nilifanya pale kwa mwaka mmoja nikiwa kama counter. Niliacha kazi kuendelea kufuatilia swala langu la shule huko mkoani Shinyanga baada ya kupata viela kidogo cha kusikitisha nilipofika shuleni sikuruhusiwa kuendelea na masomo kwa sababu mimi si mwanafunzu tena kwani nimekwisha kufutwa kwa sababu ya kutohudhuria shule kwa miezi mitatu mfululizo bila taarifa yoyote, niliumia sana nimeacha kazi kwenda shule nimefika shule siruhusiwi kusoma.

Niliamua kurudi shule maana sina mtu yoyote wa kunisaidia mjomba wangu nae alikwisha kuhama na kuhamia mkoani Tabora

Maisha yalibadilika na kuwa magumu sana sina kazi nitaishije bila kazi, nilihamua kutafuta tena kazi nilibahatika kukutana na bw. mmoja hivi ambae aliniunganisha na jamaa yake Arusha ana bar hivyo nikafanye kazi huko, nilipata hivyo nikatakiwa kwenda Arusha kutafuta hela tena, nilifanya pia kwa mwaka ka na nusu hivi nikarudi Mwanza kutafuta shule ili niweze kuendelea niliende nje ya mji ambako nilidhani ningaliweza hata kuuziwa jina lakini ilishindikana.

katika pitapita katika mitandao ya kijamii nilikutana na bw. mmoja hivi ambae tulijenga urafiki na hatimae nilimweleza history ya maisha yangu huyo bw anaka Dodoma na anafanya kazi huko ya kufundisha aliniambia njoo huku ninaweza kukusaidia nilifunga safari mpaka dodoma nimkiwa mwenye furaha isiyo na kifani ya kuona malengo yangu yanakenda kutimia narudi darasani tena, ilikuwa ni 2012 juni kwa vile muda ulikuwa umeenda nilianza shule mwaka uliofuata nikiwa kama private candidate [QT] ambayo unasoma miaka miwili kisha unafanya mtihani wakidato cha nne.


Nilifurahi sana nilisoma kwa bidii sana na uchungu mwingi kwa misukosuko niliyokutana nayo, mwezi wa kumi na moja mwaka jana tulifanya necta kwa ajili ya kupata usajili wa kitado cha nne mwaka unaofuata, nilifaulu hivyo nilitakiwa kufanya mtihani wa kidato cha nne mwaka huu lakini cha kusikitisha na maajabu kwangu huyu mdhamini wangu baada ya kuoa ameniambia ameshindwa kuendelea kunisomesha maana mzigo umekuwa mkubwa nae pia anatakiwa kwenda kusoma hivyo niangalie naman nyingine ya kujisaidia.

WANAJF
mimi ni mdogo wako, mwanao, rafiki yako, jamaa yako n.k nakuombeni msaada wenu wa hali na mali niweze kumaliza elimu yangu hii ya kuungaunga nimalize hta hicho kidato cha nne mpaka sasa toka mwaka jana nifanye mtihani sijarudi shule, nisaidie chochote kile nifanikishe malengo yangu, natanguliza shukrani zangu za dhati kabisa kwenu kwa wale mtakaosoma na kuguswa na jambo hili.


Ahsante Mungu

Mungu na awabariki sana

 

[Tujisahihishe Tz]

Nitazameni jamani

 

[Zogwale]

Mbaga Michael ninakushauri wasiliana na uongozi wa JF ili kuhakikishia wanachama kuwa ombi lako ni la kweli. Ninasema hivi kwa kuwa siku hizi kuna matapeli wengi kwa namna mbalimbali. Pole sana kwa matatizo.

 

[Tujisahihishe Tz]

Mbaga Michael ninakushauri wasiliana na uongozi wa JF ili kuhakikishia wanachama kuwa ombi lako ni la kweli. Ninasema hivi kwa kuwa siku hizi kuna matapeli wengi kwa namna mbalimbali. Pole sana kwa matatizo.

Mkuu Zongwe niko member ambae ni verified hivyo siwezi kudanganya mkuu

 

[P. Majaribu]

Nitazameni jamani

Mbaga unakumbuka tukio uliofanya mwaka jana,pale mwanza.Badilika mdogo wangu huo ujanja ulishapitwa na wakati.

 

[Mpucha]

Mbaga unakumbuka tukio uliofanya mwaka jana,pale mwanza.Badilika mdogo wangu huo ujanja ulishapitwa na wakati.

Mkuu hebu weka wazi ili wana JF tusijeingia mkenge

 

[Masanja]

Duh..pole kijana usihofu. Mwandikie Invisible tufanye harambee...maana hatukupi hela wewe..Kama invisible akikubali..basi tutadeal na shule husika..tuhakikishe kama unasoma kweli hapo..na tukitoa pesa tukabidhiwe risiti hapa. Mjini wajanja wengi (ila kama uko genuine kusaidiana ni kitu cha kawaida).

 

[Tujisahihishe Tz]

Mbaga unakumbuka tukio uliofanya mwaka jana,pale mwanza.Badilika mdogo wangu huo ujanja ulishapitwa na wakati.

Ndg tatizo gani tena?

 

[Tujisahihishe Tz]

Duh..pole kijana usihofu. Mwandikie Invisible tufanye harambee...maana hatukupi hela wewe..Kama invisible akikubali..basi tutadeal na shule husika..tuhakikishe kama unasoma kweli hapo..na tukitoa pesa tukabidhiwe risiti hapa. Mjini wajanja wengi (ila kama uko genuine kusaidiana ni kitu cha kawaida).

Ok mkuu, nimeuandikia uongozi

 

[komeka]

Wakerewe wanapenda kusoma km wayahudi ....elimi cyo darasani tu mkuu jiendeleze kwa kusoma vitab vyenye knowledge mbalmbali

 

[Tujisahihishe Tz]

Mkuu hebu weka wazi ili wana JF tusijeingia mkenge

Mkuu watu wengine wan yao basi tu, mimi tangu 2012 nipo dodoma ilo tukio nilifanyaje wakati nilikuwa huku

 

[Tiger One]

Pole dogo kwa yote yanayokusibu ila kumbuka kama umekuwa mkweli mungu atakupigania na tutakusaidia; ila kama ni ijanjaujanja kumbuka hii forum inatembelewa na watu wa kada na kazi tofautitofauti hivo kuwekwa kati ni rahisi. Invisible thibitisha na shauri jinsi ya kutoa michango yetu ya kifedha kwake.

 

[chakii]

Invisible, Moderator thibitisheni hili mtuandalie utaratibu dogo apate msaada

 

[Tujisahihishe Tz]

Invisible, Moderator thibitisheni hili mtuandalie utaratibu dogo apate msaada

Ahsante sana mkuu chakii

 

[Tujisahihishe Tz]

Pole dogo kwa yote yanayokusibu ila kumbuka kama umekuwa mkweli mungu atakupigania na tutakusaidia; ila kama ni ijanjaujanja kumbuka hii forum inatembelewa na watu wa kada na kazi tofautitofauti hivo kuwekwa kati ni rahisi. Invisible thibitisha na shauri jinsi ya kutoa michango yetu ya kifedha kwake.

Ahsante sana kaka, ndiyo maana nimeamua kuweka wazi sina sababu ya kufanya ujanjaujanja kwa forum kubwa kiasi hiki, Mungu akuzidishie utakapotoa

 

[Mmewakesifa]

Pole sana mdogo wangu upo wapi kwa hiyo?kituo gan ulijiandikisha kufanyia mtihani.Ni nin ombi lako

 

[Shomari]

Mbaga unakumbuka tukio uliofanya mwaka jana,pale mwanza.Badilika mdogo wangu huo ujanja ulishapitwa na wakati.

Sio ustaarabu lakini. Kijana kaweka kila kitu wazi kabisa bila kuficha. sasa kama unajua kuna tukio alifanya si ulitaje sasa! Mdogo wangu Mbaga Michael, watu wote humu sio wanafiki kama huyu jamaa, naamini utapata watu wa kuweza kukusaidia shida yako. Kwa sasa mimi naomba univumilie sina nafasi. nipo porini.

 

[Governor of Bettors-GB]

Weka jina la shule tuwasiliane na mwalim Mkuu moja kwa moja na pia tuangalie jina lako kama limo.

 

[Tiger One]

Weka jina la shule tuwasiliane na mwalim Mkuu moja kwa moja na pia tuangalie jina lako kama limo.

Bahati nzuri mie niko Dodoma kwa sass kama ukiweka wazi jina LA shule kituo gani na genuine contacts naweza fika pale na kurahisisha proof ya ombi lako kwa wana jf.

 

[Governor of Bettors-GB]

Bahati nzuri mie niko Dodoma kwa sass kama ukiweka wazi jina LA shule kituo gani na genuine contacts naweza fika pale na kurahisisha proof ya ombi lako kwa wana jf.

Safi sana mkuu,hii ndio raha ya JF.