Mjue Edward Lowassa: Hii ni CV yake


Mbona sifa ya mikakati ya wizi wa mali za umma hujaweka? Kama alivyosimamia Richmond na sasa kuna la viwanja vya posta oyster bay
 
Kaitampunu said:
Nakerwa na watu wanaolitetea hili fisadi la kutupwa! Sisi watanzania tumerogwa na nani jamani?
Click to expand...


Mwizi namba moja ni mkuu wa kaya
Richmond mwakyembe kwa kauli take alisema kuna baadhi ya mambo ameyaficha kwa maslahi ya taifa na Edo alivohojiwa na cc akasema wazi ilitekeleza maagzo ya mkuu.

Escrow katibu was rais ndiye aliye ruhusu miamala kufanyika na huyu ametekelsza maagizo ya mkuu

Miamala ya stanbic mkuu na familia take no wahusika no moja
 
Ilan, huyo huyo alosoma degree ya mazingaombwe tunaemtaka maana ujasiri, uchapakazi,maamuzi,na uzalendo wake niwakimazingaombwe kiukweli alitakiwa achukue masters kabisa ya mazingaombwe maana nizaidi ya faida kwa Tanzania! Lowassa ni mtiifu hilo haliitaji compliment wala shout out coz ni sifa yake ya ndani sio yakugeza, hao walokula escrow hata ule utii wakinafki wakujiuzulu wamekosa..mnaomuita fisadi hamjielewi, wala hamuitambua Siasa hata theluthi yake,ila hiyo sumu Mlonyweshwa kuhusu Richmond tutawatapisha na MUAROBAINI...mtaelewa tu!
 

nakubaliana nawewe kua lowassa ana CV nzuri, na pia ni mchapakazi ( ndomana ni tajiri, yani huwezi kua tajiri bila kua mchapakazi unless uwe umerithi na mi sidhani kama amerithi ). Sasa kwanini asiwe raisi wa Tanzania? majibu yake ni mepesi mno, 1. Kwanza Tanzania tunahitaji maendeleo ya haraka sana ( mfumo ambao utatusukuma kupata maendeleo fasta fasta ), ieleweke hapa sio mtu atakae leta maendeleo haraka bali mfumo ( simuoni lowassa kama mtu atakae weka huo mfumo ) 2. Tunahitaji modern economy, tunaweza kua na raisi mwema, mchapakazi, mtu wa watu etc lakini tukakosa mipango ya kisasa ya kiuchumi ( uchumi wa sasa hivi umebadilika sana duniani, ile stable economy ya mataifa mbali mbali sio kitu kilichojiweka chenyewe ni ufahamu juu ya zama mpya za kiuchumi na mimi simuoni lowassa kama mtu anaeweza kutambua mambo haya ya kitaalamu katika uchumi unless awe anategemea watendaji ndo wamfanyie na kama ndo hivyo kwanini watendaji wasiwe maraisi kwasababu wanajua mambo mengi ya kimaendeleo kuliko rais?) 3. Tolerance, katika nchi ambayo asilimia kubwa ya watu hawajasoma/elimu yao haiwasaidii kupambanua changamoto walizonazo katika maeneo yanayowazunguka ni lazima kiongozi awe tolerant ( tukubaliane tu wote hatujaliona hilo kwa lowassa ) 4. Speech, lowassa uwezo wa speech ni mdogo ( sio sana, thou ni mdogo ) na ndo maana kumekua na kashfa nyingi zinamuandama za kutumia pesa kuwashawishi watu ( neno muhimu hapa ni kashfa ), unaweza hata kufuatila interviews na matamko yake mbalimbali utaona uwezo wake wa speech ulivo chini, umuhimu wa uwezo mkubwa wa speech kwa kiongozi mkubwa wa taifa ni pale ambapo patatokea janga, wananchi watahitaji comfort sio ya pesa tu bali hata maneno yawatulize ( simuoni lowassa kama mtu mwenye uwezo mkubwa wa kujieleza ) 5. Lengo, kwanini lowassa awe raisi? sababu kubwa hapa ni kuonesha kua alionewa, alidhalilishwa na nia ni kuprove wrong wale wote waliokua wanafikiria yeye ni fisadi ( maelezo hapa ni yeye si fisadi bali mtendaji mzuri sana na ameisaidia nchi yetu vizuri katika nyazifa zilizopita, nakubali ) lakini kwa kigezo cha kutaka kuudhihirishia umma kua yeye ni msafi je anafaa kua raisi? hapana kwakweli, lowassa ni mzee wetu tunamheshimu sana na tunathamini mchango wake kwene ujenzi wa taifa hili, ila katika kipindi hichi ambapo tunahitaji mabadiliko makubwa ya mfumo simuoni kama anafit.

Nimalizie kwa kum-quote Jerry Muro ( Tz highly acclaimed/renowned reporter ) kwene mkasiTV alisema, " tunahitaji mfumo ambao hata ukiweka jiwe lituongoze mambo hayaharibiki "...naomba kuwasilisha
 
Pamoja na yote Eddo boy ni mchapa kazi anafuatilia jambo hahawah kulia kwa uongo mbele za watu na mjiandae kusikia ukweli mwaka huu mbaya ya watu yatatokea sana na uzuri pia tutasikia kikubwa ni kufanya uchaguzi wa viongozi walio bora tujiandikishe na kuwakumbusha pia wengine kujiandikisha katika daftari la kupiga kura
 
Huyu ndio rais anayetarajiwa,kuibadili tanzania kiutandaji,uzalendo na misingi
ya uwajibikaji
 
BA (Education) ni mwalimu. Hivi Edo kweli ni mwalimu? Ninavyojua huyu ni msanii fine art, ualimu kaupata wapi?
Ben Saanane said:
Mbona ile shahada ya Mapambo na mazingaombwe haionekani.Shahada ya Kwanza ilikua Education Kweli?Huu ni ufisadi wa kitaaluma nao
Click to expand...
 

EL Team 2015 naomba maelezo. Je Lowassa amepata wapi utajiri alionao hivi sasa ingawa historia ya ajira yake inaonyesha kuwa yeye amefanya kazi CCM, AICC (mwaka 1) na Serikalini tu ambako kote mishahara yake ni midogo na yeye ana familia na watoto? Je si ni vema akatufahamisha siri ya ujasirimali wake, ili tusije kumuona kuwa ni mwizi asiyefaa uraisi wakati anapita kuomba kura zetu?
 
Labda na wewe utusaidie ukiambiwa uelezee mali za lowasa unaweza kuziainisha kuwa ni hizi na hizi ? Au unazungumzia utajiri usioujua wala kuuona?
 
Lowassa ni nani?

Edward Ngoyai Lowassa alizaliwa Agosti 26, 1953, na kukulia katika Kijiji cha Ngarash huko Monduli, akiwa ni mtoto mkubwa wa kiume kwa mzee Ngoyai Lowassa.

Alisoma Shule ya Msingi ya Monduli (1967-1971), Shule ya Sekondari Arusha kwa kidato cha nne (1967-1971) na Shule ya Sekondari Milambo kwa kidato cha tano na sita (1971-1973). Ana shahada ya elimu na sanaa kutoka Chuo Kikuu cha Dar es Salaam aliyohitimu mwaka 1977, na Shahada ya Uzamivu katika Maendeleo kutoka Chuo Kikuu cha Bath nchini Uingereza aliyohitimu mwaka 1984 kwa udhamini wa British Council.

Ni mume wa Regina Lowassa na wamejaliwa watoto watano, watatu wa kiume na wawili wa kike.

Kikazi, Lowassa amekulia na kufanya kazi zaidi ndani ya CCM na serikali yake. Mara baada ya kumaliza Chuo Kikuu cha Dar es Salaam aliajiriwa na CCM kama Katibu Msaidizi na baadaye Katibu wa Wilaya. Alipata kuwa msaidizi wa mzee Rashidi Mfaume Kawawa, Daudi Mwakawago na Horace Kolimba. Alifanya kazi pia jeshini sambamba na Rais Jakaya Kikwete pamoja na Abdulrahman Kinana na aliondoka jeshini akiwa na cheo cha Luteni.

Jambo moja ambalo watu wengi hatukulijua kabla ni kwamba Lowassa ni miongoni mwa wanasiasa wanajeshi waliopigana vita nchini Uganda mwaka 1978/1979.

Kwa nchi nyingi duniani, hii ni sifa muhimu ya ziada kwa mtu yeyote anayewania uongozi wa nchi kwa sababu kushiriki kupigana vita huchukuliwa kuwa ni kiwango cha juu kabisa cha uzalendo kwa kuwa tayari kuifia nchi.

Aliingia katika siasa za kiserikali mwaka 1985 alipoteuliwa kuwa mbunge wa vijana, sambamba na Anne Makinda na Jenerali Ulimwengu. Akiwa bado mbunge mwaka 1989 aliteuliwa kuwa Mkurugenzi Mtendaji wa Kituo cha Mikutano ya Kimataifa cha Arusha (AICC) ambako alidumu hadi mwaka 1990 alipochaguliwa kuwa mbunge wa Jimbo la Monduli hadi leo.

Aliteuliwa kuwa waziri katika ofisi ya makamu wa kwanza wa rais akishughulikia Mahakama na Bunge 1990-1993, na baadaye aliteuliwa kuwa waziri wa ardhi, nyumba na maendeleo ya mijini 1993-1995.

Mwaka 1997 aliteuliwa na rais Benjamin Mkapa kuwa waziri katika ofisi ya makamu wa rais akishughulikia mazingira na umasikini.

Mwaka 2000 hadi 2005 alikuwa waziri wa maji na maendeleo ya mifugo.

Aliteuliwa na Rais Kikwete kuwa waziri mkuu Desemba 30, 2005, nafasi aliyodumu nayo hadi Februari 7, 2008 alipojiuzulu kwa kile kinachojulikana kama kashfa ya Richmond, lakini yeye mwenyewe akieleza kama kitendo cha kuwajibika katika kulinda maslahi ya chama chake kwa makosa yaliyofanywa na watendaji wa chini yake.

Uhalisiawa taswira ya uchapa kazi wa Lowassa

Ili kufanya tathimini kuhusu uhalisia wa taswira ya Lowassa kwamba ni mchapa kazi inabidi kumuangalia katika maeneo makubwa matatu alikofanyia kazi, ambayo ni katika chama chake cha CCM, AICC na serikali alipokuwa waziri na baadaye waziri mkuu. Msingi wa uchapa kazi wa Lowassa unaelezwa katika aina ya maamuzi ambayo amekuwa akiyafanya kama kiongozi. Nitaanisha baadhi ya maeneo haya.

Mzee mmoja aliyepata kushika nafasi mbalimbali ndani ya CCM na serikalini na ambaye amefanya naye kazi kwa karibu, anamweleza Lowassa kikazi kama ‘frontliner'.

Kwamba Lowassa siku zote alikuwa mbele akitaka kuhakikisha kwamba anatekeleza jambo mlilokubaliana na kuona matunda yake kwa haraka iwezekanavyo. Kichama, mzee huyu alimwelezea Lowassa kama mtu anayeijua CCM ya sasa kuliko mtu mwingine yeyote aliyeko madarakani ndani ya CCM na serikalini. Kwa mujibu wa mzee huyu, ambaye mwenyewe anajibainisha kuwa ni CCM asili, Lowassa "ndiye mchawi anayefaa kuilea CCM ya sasa"!!

Mmoja wa wafanyakazi wa zamani wa Kituo cha Kimataifa cha Mikutano cha Arusha (AICC) aliyepata kufanya kazi na Lowassa anakiri kwamba ni mchapa kazi, lakini kwa maoni yake ni kwamba aliivuruga sana AICC. Hii ni kwa sababu kwa muda mfupi aliokaa pale AICC alibinafisisha vitega uchumi vya AICC vikiwamo duka la zawadi (gift shop) lililokuwa Uwanja wa Ndege sambamba na kampuni ya magari ya watalii na hoteli.

Mfanyakazi huyu anamueleza Lowassa kama mtu mwenye maamuzi ya ‘kiMagufuli' na ‘kiMrema' yasiyozingatia umakini na utaratibu.

Hata hivyo, mfanyakazi mwingine aliutetea uamuzi wa Lowassa wa kubinafisisha vitega uchumi vya AICC kwa maelezo kwamba vilikuwa vinaendeshwa kwa hasara. Pengine uamuzi huu wa Lowassa wa kubinafisisha vitega uchumi vya AICC inatupa mwanga kidogo juu ya falsafa yake kiuchumi, ambayo tutaijadili katika sehemu ya tatu ya makala hii.

Mifano mingine inayotajwa kuwa ni uwezo alionao wa kufanya maamuzi magumu na kuyasimamia yanahusishwa na ujenzi wa Chuo Kikuu cha Dodoma, ujenzi wa Shule za Sekondari za Kata, kuvunjwa kwa mkataba wa City Water na mradi mkubwa wa maji kutoka Ziwa Victoria. Tuitazame kidogo mifano hii.

Pamoja na kwamba wazo la kujenga Chuo Kikuu kipya cha Dodoma lilitolewa na Rais Kikwete katika kampeni zake za mwaka 2005, inajulikana kwamba Lowassa ndiye aliyesukuma utekelezaji wake kwa kutafuta fedha za ujenzi wa chuo hicho kupitia mifuko ya pensheni.

Kuna ‘hadithi' kwamba mwanzoni alipowaita makatibu wakuu wa wizara walionyesha ugumu wa kutekeleza mradi ule katika muda ambao Rais alikuwa anataka utekelezwe. Hata hivyo, inaelezwa Lowasa aliwakaripia na kuwaambia kuwa Katibu Mkuu yeyote anayeamini kwamba mradi huu hautekelezeki ampelekee barua ya kujiuzulu na yeye angeifikisha kwa Rais.

Ni katika hatua hii ndipo makatibu wakuu walipokuja na wazo la kutafuta fedha kutoka mifuko ya pensheni. Panaweza pakawa na ubishi juu ya chanzo hasa cha wazo la kujenga Chuo Kikuu cha Dodoma, lakini hakuna ubishi mkubwa kuhusu ukweli kwamba Lowassa ndiye aliyesukuma utekelezaji wake na kuhakikisha kwamba fedha za ujenzi wa chuo hicho zinapatikana.

Ujenzi wa Shule za Sekondari za Kata ni jambo la kisera ambalo limeanishwa vizuri katika Sera ya Elimu ya Mwaka 1995 iliyotengenezwa wakati Profesa Philemon Sarungi akiwa waziri wa elimu.

Katika sera hiyo, ujenzi wa Shule za Kata umeelezwa kama mkakati sahihi wa kupanua elimu ya sekondari nchini. Utekelezaji wa sera hii ulianza mwaka 1997. Hata hivyo, ufanisi wake ulikuwa wa kusuasua hadi baada ya uchaguzi wa mwaka 2005 ambapo Rais Kikwete alihimiza zaidi kama sehemu ya mpango wake wa kupanua elimu ya sekondari na elimu ya juu nchini na hapa ndipo tunapomuona tena Lowassa. Hakuna ubishi kwamba ni yeye aliyesimamia kwa kasi zaidi ujenzi wa shule hizi alipokuwa waziri mkuu.

Baadhi yetu katika tasnia ya elimu hatuamini kwamba ilikuwa ni uamuzi wa maana kujenga shule hizi kwa mkupuo na kwa muda mfupi kiasi kile kana kwamba dunia inaisha kesho.

Kasi ya ujenzi wa shule hizi ndani ya muda mfupi ulisabisha kupatikana majengo mengi yakiitwa shule lakini pasipo elimu ya maana ndani yake.

Hata hivyo, shule hizi sasa zipo na maelfu ya watoto wa Kitanzania wanasoma, pamoja na kwamba elimu waipatayo inatia shaka ya kutosha.

Uamuzi mwingine unaoelezwa kwamba ni mgumu uliofanywa na Ndugu Lowassa ni kumshauri Rais kufuta umiliki wa kiwanja Mikocheni mwaka 1995 kwa mfanyabiashara maarufu wakati huo akiitwa Bipin Raichada.

Uamuzi huu ulisababisha kushtakiwa kwa Lowassa na mfanyabiashara huyu kwa madai kwamba alimshauri Rais vibaya. Uamuzi huu ulienda sambamba na raia kadhaa wenye asili ya kihindi kunyang'anywa viwanja katika eneo la mnazi mmoja ambalo walikuwa wamelivamia bila kujali kwamba ni eneo la wazi kwa kutumia fursa ya ‘ruksa'.

Akiwa waziri wa maji na maendeleo ya mifugo, Lowassa alivunja mkataba kati ya Serikali na Kampuni ya City Water iliyokuwa imekabidhiwa jukumu la kuendesha shirika la maji Dar es Salaam.

Kampuni hii baadaye iliishtaki serikali, kesi ambayo ilikuwa imemuweka pabaya Lowassa kwa maelezo kwamba alivunja mkataba husika kimakosa na alikuwa anakwenda kuisababishia serikali hasara kubwa. Bahati nzuri serikali ilishinda kesi hiyo na pengine hiyo ikawa ndiyo pona ya Lowassa.

Moja ya sifa za kikazi za urais nilizoeleza katika makala zilizopita ni bidii, weledi na umakini katika kazi. Nilibainisha kuwa "tunahitaji Rais ambaye ana historia ya bidii katika kazi popote huko alikopita, na tukimfuatilia tunaweza kuona alama yake alipopita".

Jambo la wazi ambalo halihitaji mjadala sana ni kuwa popote alipofanya kazi Lowassa aliacha alama. Pengine jambo ambalo tunaweza kulijadili ni umakini wa maamuzi yake na kiwango ambacho alama alizoacha zilikuwa chanya na kwa manufaa ya Taifa.

Kwa upande mmoja unaona umuhimu wa kiongozi wa aina ya Lowassa mwenye uwezo wa kufanya maamuzi ya haraka yenye kuzingatia matokeo zaidi kuliko mchakato wa kupata matokeo husika. Hii ni taswira njema kwa kiongozi, hasa kama kuna mtu juu yake wa kuweza kudhibiti kasi ili kuhakikisha kwamba matokeo chanya yanapatikana bila kuathiri haki za watu.

Kwa upande mwingine, unaweza kumuogopa kiongozi wa aina ya Lowassa katika nafasi ya juu sana kwa kuwa kwa mtindo wake wa kufanya maamuzi makubwa kwa haraka na bila kuzingatia mchakato wa kimaamuzi anaweza kuirudisha nchi nyuma katika utawala bora na ujenzi wa demokrasia. Yote hii itategemea na nchi inahitaji kiongozi wa aina gani kwa wakati husika, maana mzee Ali Hassan Mwinyi alishatuonya kitambo kuwa kila zama na kitabu chake. Nawaachia wasomaji wafanye tathmini juu ya uhalisia wa taswira ya uchapa kazi wa- Lowassa.
 
Wasifu wa Edward Lowassa

Umoja usio rasmi wa vyama vinne vya upinzani nchini Tanzania unajulikana kwa jina la Katiba ya Wananchi (UKAWA), baada ya kusubiri kwa muda hatimaye umemtangaza Waziri Mkuu wa zamani Edward Lowassa kuwa mgombea wake wa urais.

Lowassa anagombea kupitia Chama Cha Demokrasia na Maendeleo (Chadema), huku vyama vingine vitatu vikimuunga mkono. Hii inatokana na sheria za Tanzania ambayo haitambui umoja wa vyama.

Kabla ya kujiengua chama Tawala chama cha Mapinduzi CCM, Edward Lowassa amekuwa mwanachama wa CCM kwa muda wa miaka 38, ambapo alijiunga na chama hicho mara tu baada ya kumaliza elimu yake ya chuo kikuu mwaka 1977.

Hatua ya mwanasiasa huyo mashuhuri nchini Tanzania kuamua kujiunga na chama cha upinzani Chadema, ikiwa imebaki miezi mitatu tu kuelekea uchaguzi mkuu, kumebadilisha kabisa upepo wa kisiasa nchini Tanzania, na hasa uchaguzi mkuu ujao.

Lowassa alikuwa Maziri Mkuu kati ya mwaka 2005 na 2008 kabla ya kujiuzuLu wadhifa huo kufuatia sakata la kashfa ya rushwa iliyohusisha kampuni ya kuzalisha umeme ya ki-Marekani Richmond Development Company LLC ya Houston Texas.

Hata hivyo wakati anatangaza kuhamia kwake Chadema, Lowassa alikanusha katu katu kuhusika kwa namna yoyote na kashfa hiyo na kudai kuwa yeye alifuata tu amri kutoka kwa ‘wakubwa' walio juu yake.

"Kama kuna mtu yeyote mwenye ushahidi basi na aende mahakamani ama sivyo anyamaze" alisema Lowassa

"Kama kuna mtu yeyote mwenye ushahidi basi na aende mahakamani ama sivyo anyamaze" alisema Lowassa

Kuhama kwake kunamfanya Lowassa kuwa ndie kiongozi wa kwanza wa ngazi ya juu kabisa wa CCM kukihama chama hicho tangu kuanza kwa mfumo wa vyama vingi nchini Tanzania mnamo mwaka 1992.

Mwanajeshi wa zamani na aliyewahi kupigana wa vita kati ya Uganda na Tanzania mwaka 1978/79, Lowassa aliiambia hadhara kwamba akiwa kama mtu mwenye uchungu na nchi yake isingekuwa rahisi kubaki ndani ya CCM huku akiona chama hicho kimepoteza mwelekeo na sifa ya kuongoza nchi.

Lowassa amekimbilia upinzani baada jina lake kukatwa wakati alipoomba kuwa mgombea urais kupitia chama tawala CCM katika uchaguzi mkuu ujao utakafanyika mwezi Oktoba mwaka huu.

Wakati mchakato wa CCM wa kumtafuta mgombea wao wa urais ulipoanza, Lowassa ndiye aliyekuwa kinara wa wagombea wote 42. Kila kona aliyozunguka, mikutano yake ya hadhara ilivutia maelfu ya watu waliomuunga mkono.

Wakati chama cha CCM kilimtaka kila mgombea apate sahihi za wadhamini 450 lakini Lowassa alipata sahihi za wadhamini zaidi ya 700,000.

Hata hivyo mchujo wa chama ulipofanyika jina lake lilikatwa mapema kabla hata ya kupelekwa kwenye vikao vya vya juu vya chama hicho. Ambapo baadae Waziri wa Ujenzi John Pombe Magufuli ndiye aliyeibuka kidedea na kuwa mgombea kupitia chama tawala CCM.
Lowassa ameushutumu mchakato CCM wa kutafuta mgombea urais akiuita kuwa ulijaa chuki na mizengwe dhidi yake, hali ambayo aliifananisha na ‘ubakaji wa demokrasia'
"Nitakuwa mnafki nikisema bado nina imani na CCM. CCM niliyoiona Dodoma si CCM niliyokulia", alisema, na kuongeza "kama Watanzania hawapati maendeleo kupitia CCM basi wakayatafute nje ya CCM"

Wakati sakala la Richmond lilipoibuka miaka michache tu iliyopita, Chadema ilimfanya limsakama Lowassa kuwa ni mmoja wa mafisadi wakubwa nchini. Lakini wakati chama hicho kinamkaribisha kuwa mwanachama wao, kiligeuka na kusema hakuna mtu msafi nchini na kwamba hawawezi kuacha kumpokea mwanasiasa mwenye mtaji mkubwa wa wafuasi kama Lowassa.

Wakati akiwa Waziri Mkuu, Lowassa alisifika kama mchapakazi hodari na msimamiaji wa moja kwa moja wa shughuli za serikali. Bado anaendelea kufahamika kwa jina la utani la ‘mzee wa maamuzi magumu'.

Je unamfahamu Edward Lowassa ni nani katika siasa za Tanzania ?
Moja ya mafanikio makubwa ya uwaziri mkuu wake ni jitihada kubwa na mafanikio ya upatikanaji wa fedha za kujenga chuo kikuu cha Dodoma. Chuo hiki kikuu cha umma kilichopo katikati ya Tanzania kilianzishwa mwaka 2007.

Lowassa ni mashuhuri pia kwa kusimamia mpango wa serikali uliofanikiwa wa ujenzi wa shule za kata ambazo uliiletea Tanzania sifa kubwa kwa kutoa fursa ya watoto wengi kupata nafasi shuleni.

Mtoto wa Mzee Ngoyai Lowassa, ambaye aliwahi kuwa mtumishi wa serikali ya kikoloni, Lowassa ameanza harakati zake za kuwania urais tangu mwaka 1995 lakini inaarifiwa kwamba rais wa kwanza wa Tanzania Mwl Julius Nyerere alimkatalia kushika nafasi hiyo. Wafuasi wa Lowassa wamekuwa wakiyatupilia mbali madai hayo

Ulipofika uchaguzi wa mwaka 2005, Lowassa hakutaka kuwania urais, lakini badala yake alimnadi rafiki yake wa siku nyingi Rais wa sasa Jakaya Kikwete ambaye alipata ushindi wa kishindo wa zaidi ya asilimia 80.

Chanzo: BBC
 
Kwenye msafara wa mamba kenge wapo.Sasa tusione kipya kwa kina Prof na Dr.Slaa kupingia chocho
 
Kwa Vyama Hivi Vya Upinzani Ndio Maana WanaCCM Wanasema Watatawala Milele. Prof. Lipumba na Dr. Slaa Mbona Mmewaangusha

Watanzania.Kwa Kitendo Mlichokifanya Hata siku Moja Mstegemee Kuaminiwa na WaTZ, Usali Usio na Mfano. Hakika Heshima yenu Imeporomoka. Haitakaa Itokee Ku-gain any Political trust.
 

Usipende kuhukumu,sikiliza pande zote ndo uongee mawazo yako,Siamin kwamba Lipumba anaweza kuhangaika na cuf toka mwaka 1995 mpaka leo hii ndio ajiondoe uanachama bila sababu???Hata Slaa ajiondoe tu bila sababu? Naamin wote wanapenda mabadiliko but kuna kitu ambacho kimo ndan ya ukawa kilichowakera
 
Ben Saanane said:
Mbona ile shahada ya Mapambo na mazingaombwe haionekani.Shahada ya Kwanza ilikua Education Kweli?Huu ni ufisadi wa kitaaluma nao
Click to expand...
Kwani kaka imekuwaje tena? Au haupo tena CDM na .UKAWA. Tunaposhangaa ya firauni, tusubiri kuona Musa
 
You must log in or register to reply here.

Similar Discussions

Menu
Log in
Register
Cookies are required to use this site. You must accept them to continue using the site. Learn more…