HORSE POWER
JF-Expert Member
- Feb 22, 2015
- 2,212
- 1,552
Habari wanaJF,
Ninaandika thread hii nikiwa na uchungu mkubwa moyoni jinsi umasikini ulivyokithiri nchi hii ilhali kuna manyang'au wachache nchini waliotugeuza mabwege tulio wengi kwa kutuibia kila uchao tena mchana wa jua kali.Tena majizi haya yanaiba bila ya hofu ya kuhojiwa wala kuwajibishwa.Mfululizo wa kashfa za wizi nchini ni mikakati thabiti ya nyang'au hawa.
Miongoni mwa kashfa kubwa zilizotikisa nchi ni mradi wa MEREMETA;hapa tulipigwa mabilioni ya fedha na dhahabu yetu ya Buhemba ikasombwa na majizi yanayofahamika kwa majina.Kashfa hii 'ikauawa' kwa kisingizio cha usalama wa Utaifa.Ikaja kitu kinaitwa ICS (Intensive Commodity Support).Hapa nako mabilioni ya fedha 'hayajulikani yalikokwenda'.Wajanja wamenyuka hizi fedha na hakuna wa kuhojiwa.Ikaibuka kashfa kabambe iliyozua 'kasheshe' Bungeni na taharuki kwa Watanzania wengi.
Ni kashfa ya Escrow.Hii kashfa imedhihirisha wazi kabisa kwamba mifumo yetu ya utawala na utoaji haki IMEKUFA.Kashfa hii ambayo kimantiki ni UJAMBAZI wa dhahiri kabisa,pamoja na watawala wetu kutaka 'kulifunika',bado ni mbichi mno.Sote tunafahamu hapa jinsi jinsi wanaoitwa waheshimiwa walivyogawana mapesa kama karanga zisizo na mwenyewe.Kwa sasa kuna kashfa nyingine inayofukuta,ni kashfa ya Lugumi Enterprises na Jeshi la Polisi.
Na katika suala hili dana dana zimeshaanza kama kawaida.Kila Taasisi inasema lake.Kamati ndogo ya bunge imeundwa kuchunguza suala hili.Na mantiki yake hapa napata tabu kuielewa kwani vyombo vya kiuchunguzi.Niharakishe kutamka hapa kwamba SITARAJII JIPYA katika hiyo kamati.
Hizo ni kwa uchache tu,lakini kashfa ni nyingi mno.Wizi huu kwa hakika unaratibiwa kwa ustadi mkubwa na wahusika.Ni mkusanyiko wa maharamia dhidi ya mfumo wa utawala wanaopanga na kuratibu mikakati ya kuibia nchi.Ni mikakati ya KIMAFIA dhidi ya umma.
Hili ni GENGE LA MAFIA la hapa nchini.Limeshateka mifumo yote muhimu:mfumo wa kisiasa,mfumo wa uchumi na mfumo wa sheria.Genge ndilo linaloyumbisha nchi,ndilo linalompa hali ngumu Rais Magufuli. Siku yaja nitalielezea kiundani genge hili.
Naomba kutoa hoja.
Ninaandika thread hii nikiwa na uchungu mkubwa moyoni jinsi umasikini ulivyokithiri nchi hii ilhali kuna manyang'au wachache nchini waliotugeuza mabwege tulio wengi kwa kutuibia kila uchao tena mchana wa jua kali.Tena majizi haya yanaiba bila ya hofu ya kuhojiwa wala kuwajibishwa.Mfululizo wa kashfa za wizi nchini ni mikakati thabiti ya nyang'au hawa.
Miongoni mwa kashfa kubwa zilizotikisa nchi ni mradi wa MEREMETA;hapa tulipigwa mabilioni ya fedha na dhahabu yetu ya Buhemba ikasombwa na majizi yanayofahamika kwa majina.Kashfa hii 'ikauawa' kwa kisingizio cha usalama wa Utaifa.Ikaja kitu kinaitwa ICS (Intensive Commodity Support).Hapa nako mabilioni ya fedha 'hayajulikani yalikokwenda'.Wajanja wamenyuka hizi fedha na hakuna wa kuhojiwa.Ikaibuka kashfa kabambe iliyozua 'kasheshe' Bungeni na taharuki kwa Watanzania wengi.
Ni kashfa ya Escrow.Hii kashfa imedhihirisha wazi kabisa kwamba mifumo yetu ya utawala na utoaji haki IMEKUFA.Kashfa hii ambayo kimantiki ni UJAMBAZI wa dhahiri kabisa,pamoja na watawala wetu kutaka 'kulifunika',bado ni mbichi mno.Sote tunafahamu hapa jinsi jinsi wanaoitwa waheshimiwa walivyogawana mapesa kama karanga zisizo na mwenyewe.Kwa sasa kuna kashfa nyingine inayofukuta,ni kashfa ya Lugumi Enterprises na Jeshi la Polisi.
Na katika suala hili dana dana zimeshaanza kama kawaida.Kila Taasisi inasema lake.Kamati ndogo ya bunge imeundwa kuchunguza suala hili.Na mantiki yake hapa napata tabu kuielewa kwani vyombo vya kiuchunguzi.Niharakishe kutamka hapa kwamba SITARAJII JIPYA katika hiyo kamati.
Hizo ni kwa uchache tu,lakini kashfa ni nyingi mno.Wizi huu kwa hakika unaratibiwa kwa ustadi mkubwa na wahusika.Ni mkusanyiko wa maharamia dhidi ya mfumo wa utawala wanaopanga na kuratibu mikakati ya kuibia nchi.Ni mikakati ya KIMAFIA dhidi ya umma.
Hili ni GENGE LA MAFIA la hapa nchini.Limeshateka mifumo yote muhimu:mfumo wa kisiasa,mfumo wa uchumi na mfumo wa sheria.Genge ndilo linaloyumbisha nchi,ndilo linalompa hali ngumu Rais Magufuli. Siku yaja nitalielezea kiundani genge hili.
Naomba kutoa hoja.
