Kwako Miss Judith, Usiku wa kuamkia leo kuna jambo limenitatiza sana ningependa niondoe khofu yangu kwa kuliweka wazi. "Babu" kasema ameoteshwa na "Mungu" halafu "Babu" akaendelea kusema "Mungu" amemwambia atoze shilingi mia tano tu! Swali "Mungu" ana haja gani mia tano zetu? Hizi mia tano nina shaka nazo! Na sidhani kama Yesu aliponya watu kwa kuwatoza aliwaponya watu ili wapate kuamini Mungu yupo na ana uwezo wa kufanya jambo lolote hiyo ni "imani" kuwafanya watu waamini. Hii mia tano inanitatiza sana mimi.
Ndugu yangu Mohamed shosi, kwa kuwa mwenyewe kasema mungu amemuotesha hiyo dawa na kumuagiza atoze sh. 500/- tu kwa kila anayeihitaji, na yeye akaamini na kuchukua hatua na hatimaye kafanikiwa kuwaaminisha watu wengi tu wa mataifa mbalimbali juu ya hiyo dawa yake, basi hakuna ubishi kuwa hii nayo ni imani. Homework tuliyonayo ni:
1. je, hii ni imani ya aina gani?
2. imani hii inamuelekea mungu gani?
3. hii ni imani ya dini gani?
4. mungu mwenye utaratibu huo alioutoa ni yupi?, yuleyule aliyemtuma Yesu duniani kuokoa wanadamu, au mwingine?
Toka mwanzo nimesema waziwazi kuwa kutokana na utaratibu mzima wa ndoto hii na ufunuo huu na jinsi unavyotekelezwa likiwemo:
· hilo la kutoza sh. 500/- kwa kila kichwa,
· tiba kwa kikombe kimoja cha dawa bila kumhudumia mgonjwa kiroho,
· tiba kufanyikia loliondo peke yake,
· wengine wanapewa kikombe wakiwa ndani ya magari na wakishakunywa wanageuza na kuondoka bila hata neno moja la Mungu
· nk.
Kwa kweli mi sioni kabisa imani na utaratibu wa dini ya kikristo katika haya mambo yanayotokea huko loliondo, labda mtu wa dini nyingine aje abainishe kama dini yake inayakubali uponyaji wa utaratibu huu kiimani. Tena niwatahadharishe watu kuwa, kule kusema kuwa tiba imegunduliwa na mchungaji mstaafu wa KKKT baada ya kuota ndoto (kupata maono) haitoshi. Lazima tuchunguze na kuujaribu kila ufunuo na tujiridhishe kuwa uko consistent na imani yetu, vinginevyo tutakuwa tumekwama katika kumpa Mungu ibada kamili, safi na utukufu inavyosyahili.
Mungu aliyemtuma Yesu kuja kutafuta na kuokoa kilichopotea, hahitaji hata senti yetu moja (sembuse mia tano?). neema ya Mungu wetu huyu hutolewa bure hata kama wengi wanaona 500/- ni sawa na bure, lakini bado si bure. Na kwa kwa maelfu ya watu wanaomiminika huko hata kama anabaki na 200/- bado anaweza kuwa milionea very soon! Hapo hatujazungumzia zawadi nyingine ambazo watu wanaweza kuwa wanaenda kumpa baada ya kupona au kupata faraja ya tiba yake. Hizi hazisemi kabisa!
Yesu alikuja kuokoa waliopotea dhambini na kuwavuta wapate kuamini na kutubu wamrudie Mungu wa kweli. Huyu hahubiri mtu, anagawa dawa kwa malipo, amelenga kutibu mwili hajishughulishi na kutibu roho za watu walioangamia dhambini. Anasema kila anywaye atapona na kuwaita watu wote waende samunge kunywa dawa. Hata wakati wa Yesu, si wote waliponywa, kulikuwa na vipofu wengi sana katika Israel wakati ule, lakini ni Bartimayo na wachache wengine pekee walioponywa, hata enzi za naaman kulikuwa na wakoma wengi sana lakini ni naaman pekee aliyeponywa wakati wa Elisha, kulikuwa na vichaa wengi sana Israel wakati wa Yesu, lakini aliyeponywa ni legion pekee nk nk.
Ni wakati sasa wa kuwa waangalifu na ndoto kama hizi. Na kuendelea kumuomba Mungu atuzidishie hekima manake maangamizi yatokanayo na kukosa maarifa sasa ni dhahiri zaidi kuliko wakati tulipoanza kuamini.
Ubarikiwe sana mpendwa
Glory to God