Maxence Melo: Neno la shukrani kwa wote

[Njaa]

Wametusaidia kuitangaza Jamii forums

 

[Mnondwe]

"KUNA AMBAO WATAJIKUTA KUWA WALIKIWA NDIO WALENGWA HATA HAWAKUGUSWA NA KUKAMATWA KWANGU,HAPO NDIPO WATAJUA TUNAPIGANIA NINI"
Hakika,kwa sisi tunaojua kuwa umesimama imara kwa niaba yetu,huku tukiwa na majina ya kusadikika na kuandika tupendacho,tunaumia kiakili pamoja na wewe,tunatamani siku moja tuandike kwa kutumia majina halisi kama ufanyavyo,tunakutia moyo kuendelea mbele,pengine itakuwa kama utakavyo,kwa niaba yetu.
Si jambo rahisi maana maeneo mengine huko mbaaali huko,mambo haya yaligharinu damu na nyama.
POLE KWA YOTE UNAYOPITIA,hatutaweza kukulipa ila kupaza sauti zetu na dua kwako mkuu.

 

[MwanawaMUNGU41]

Penye ukweli uongo hujitenga pole sana,pole kwq familia kwa usumbufu utakao na uliojitokeza bila jamii forum sijui life litakuwajeee Mungu akusimamie kakaangu

 

[Kajirutaluka]

Pole mkuu

 

[LOMAYANN]

Vita yako vita yetu wote bila kujali itikadi wala dini.

Anayekandamiza huwa hachoki ataendelea hata kwa wale wanaoamini ni wa karibu yake akimalizana na wale wa mbali kwa sasa.

I wish you all the best Melo

 

[silasc]

Heshima kwenu wakuu!

Shukrani:

Kwanza namshukuru Mwenyezi Mungu kwa kutujalia kuiona siku ya leo nami kuwa nanyi siku hii ninapoandika waraka huu mfupi ukilenga zaidi kutoa shukrani. Shukrani hizi nilitamani nimtumie mmoja mmoja lakini nimeshindwa kwani ni wengi wanaostahili kushukuriwa.

Napenda kuchukua fursa hii kuwashukuru wote walioshiriki kwa namna moja ama nyingine kupaza sauti zao (kwa njia yoyote ile) ili aidha nifikishwe mahakamani au niachiwe bila masharti yoyote (nilipokuwa Kituo cha Kati) na baadae kuendelea kupaza sauti kutaka mahakama initendee haki niwe huru baada ya kupelekwa gerezani Keko.

Nawashukuru mawakili wangu na wengine walioamua kujitolea kuingia katika utetezi wangu hata bila kuombwa. Kipekee, namshukuru na kumpa pole sana Ndg. Albert Msando ambaye tayari alishaonesha nia ya kuwa mtetezi wangu lakini yakamkuta yaliyomkuta, tumwombee kwa Mwenyezi Mungu apate uponyaji wa haraka.

Nipende kuwashukuru wana JamiiForums wote kwa mijadala iliyoendelea wakati wote ambao sikuwepo; vyombo vya habari vya ndani na nje ya nchi vilivyoshiriki katika hatua hii ya awali (kazi ndio imeanza); watumiaji wa mtandao wa Twitter(bila kutaja mmoja mmoja) kwa jitihada zao ambazo zimenishangaza kuhakikisha hashtag ya [HASHTAG]#FreeMaxenceMelo[/HASHTAG] ina-trend na kuwa tayari kwao kutoa maoni yao kwa vyombo vya habari pale walipohitajika kufanya hivyo; nawashukuru Wahisani mbalimbali na wadau wa maendeleo ambao walituma wawakilishi wao Central na Gerezani kufuatilia napitia maisha gani na hata kuwasiliana na mamlaka zinazohusika kutaka nitendewe haki.

Aidha, nawashukuru sana wafanyakazi wa Jamii Media ambao naelewa kwa kiwango gani kilichotokea kilivyowaathiri kisaikolojia na hata kiutendaji. Nawashukuru Asasi za Kiraia zikiongozwa na THRDC, LHRC, Sikika, C-Sema, TMF, ChangeTanzania n.k kwa kuwa mstari wa mbele kufuatilia na kuelewa kinachoendelea na hata kujitoa kwa ajili ya udhamini wangu pale walipoombwa na wengine hata bila kuombwa. Jukwaa la Wahariri(TEF) – Asanteni sana!

Nichukue fursa hii kuwashukuru pia watanzania katika makundi mbalimbali ya WhatsApp, Facebook na Telegram kwa ushirikiano waliouonesha. Watumiaji wa Instagram(nashindwa kutaja mmoja mmoja), nawashukuruni sana kwani nimeona posts nyingi toka kwa watu hata ambao hawanifahamu lakini walioelewa ninachosimamia wakitoa support kubwa sana.

Ndugu, marafiki na majirani zangu – asanteni sana kwani mlikuwa nasi bega kwa bega wakati wote. Watanzania na wote ambao si watanzania mliojitahidi kufika Central na Gerezani kunijulia hali – Asanteni sana na Mungu awabariki sana!

Kuna wale ambao hata hawajaelewa kesi inahusu nini hasa na wameanza kuwashambulia waliokuwa wakinitetea, nao nawashukuru kwani naamini ni kwakuwa hawajajua nini kimo kwenye kesi. Ila niwahakikishie kuwa si rahisi kutetea mhaini, unapoona mtu anaamua kufanya hivi ni vyema kutafakari.

Askari wa Kituo cha Kati(Central) na wale wa Gereza la Keko – asanteni sana. Naelewa ni vigumu umma wa watanzania kuelewa namaanisha nini lakini ninyi kwa andishi hili mnaelewa vema ninachomaanisha. Wengi mliifanya kazi yenu kwa weledi mkubwa.

Viongozi wa kidini(wachungaji, ma-sheikh, maaskofu n.k) na wanasiasa wote(toka vyama vya upinzani na chama tawala) mlioshiriki katika hili – Asanteni sana. Hamkuingiza itikadi za kisiasa wala misimamo ya kidini bali mlitaka haki kutendeka. Nawashukuru!

Kuhusu kesi:

Ndugu zangu, ndio kwanza kesi inaanza kuunguruma tarehe 29 Disemba 2016. Si rahisi mimi kuongelea nini kilichomo kwenye kesi lakini naamini vyombo vingine vya habari kwakuwa tunayo sheria ya Haki ya Kupata Taarifa vinajua namna ya kuhakikisha vinaueleza umma nini kilichomo ndani yake (Mahakama Kuu na Mahakama ya Kisutu) ili watanzania waweze kuelewa mbivu na mbichi. Kuna ambao watajikuta kuwa walikuwa ndio walengwa hata hawakuguswa na kukamatwa kwangu, hapo ndipo watajua tunapigania nini.

Nipende kuwaomba tuendelee kuwa pamoja katika safari hii tunayoianza. Mimi ni sampuli tu, nasimama kwa ajili ya wale ambao naamini wana haki ya kutoa maoni na kufichua maovu (ili mradi hawajavunja sheria) na ninaamini wengi tunataka haki hii isipotee na iendelee kulindwa kwa mujibu wa Katiba ya Jamhuri wa Muungano.

Sina mengi kwa leo zaidi ya shukrani.

Wenu,

Maxence M. Melo

Tuko pamoja mkuu mpaka mwisho.

 

[Mbojoz]

Pole sana shujaa Max,unapowashukuru askari wa Central na Keko sijakuelewa, hasa askari police, wao ndio wamekukamata, wamekunyima dhamana kinyume na katiba unawashukuru kivipi au ndio Ile agizo toka juu? Afadhali kidogo askari wa keko, kuna siku nilienda kumuona ndugu yangu sikuamini kama askari magereza anaweza kuwa muungwana kiasi kile, ilikuwa mara ya kwanza mimi kufika keko lkn jamaa walinisaidia na kunielekeza mpaka nikaonana na ndugu yangu. Mpaka leo ninawasiliana naye yule askari baada ya ndugu yangu kutoka.

 

[Nafwachii]

Asante kwa kubeba gunia letu la misumali Melo, kweli ni kazi ngumu kupigania hii haki...tuko pamoja

 

[Mnondwe]

Shukrani ni neno na uungwana,kushukuru kwa yote bila ya kujali nani kakutendea na kakutendea nini.

Nimependa uungwana wako wa kuwashukuru hata wale waliowakejeli waliokuwa wakikutetea,hili ni daraja la juu kabisa la uungwana.

Tunashukuru kwa neno hili mkuu,tupo nawe katika safari yako hii ya kupigania uhuru wetu wa kutoa maoni.

Walengwa ni sisi tunaopaza sauti humu,wewe ni chambo tu kutupata sisi.
Nakupongeza kwa ujasiri wako wa kukataa 'kutunasisha' kwa wavuvi wasiotaka kusikia mabaya yao yakisemwa.

Sauti ya wengi ni sauti ya Mungu,Mungu atasimama nasi na tutashinda.

# TheBold's

Umenena Toto la the Bold

 

[Queen Kan]

Mungu akupe uvumilivu na ujasiri kukabiliana na yoote

 

[Ikwanja]

Umenitia sana moyo, tupo pamoja

 

[kengeledoi]

Our greatest happiness does not depend on the condition of life in which chance has placed us, but is always the result of a good conscience, good health, occupation, and freedom in all just pursuits.
Tupo pamoja mkuu.

 

[Mnondwe]

Shukrani ni neno na uungwana,kushukuru kwa yote bila ya kujali nani kakutendea na kakutendea nini.

Nimependa uungwana wako wa kuwashukuru hata wale waliowakejeli waliokuwa wakikutetea,hili ni daraja la juu kabisa la uungwana.

Tunashukuru kwa neno hili mkuu,tupo nawe katika safari yako hii ya kupigania uhuru wetu wa kutoa maoni.

Walengwa ni sisi tunaopaza sauti humu,wewe ni chambo tu kutupata sisi.
Nakupongeza kwa ujasiri wako wa kukataa 'kutunasisha' kwa wavuvi wasiotaka kusikia mabaya yao yakisemwa.

Sauti ya wengi ni sauti ya Mungu,Mungu atasimama nasi na tutashinda.

# TheBold's

Hashtag,na hiyo apostrophe kwenye jina la mlanyama kumaanisha anamiliki duh,kisu kikali hakiongopi.

 

[Dejane]

Tunakutakia kila la heriii Max

 

[ISIS]

Mwenye Enzi Mungu akupe AMANI

 

[Msigazi Mkulu]

Tuko pamoja kaka

 

[cocochanel]

Pole Max na yanayojiri, Mungu azidi kukusimamia yaishe ili ukae na amani.

 

[Ben Mugashe]

Poa sana Mkuu pamoja sana

 

[EMMYGUY]

Pole sana Mkuu, Mungu atakupigania mpaka mwisho wa kesi yako.

 

[Idimi]

Mwenyezi Mungu akusimamie kaka