Mahindi yakosa soko, gunia Tshs 18,000/-

[Magazetini]

​

BEI ya rejareja ya mahindi kwa mikoa ya Rukwa na Katavi imeporomoka kwa kasi kubwa kufuatia wakulima kuvuna kiasi kikubwa cha zao hilo ambalo sasa limekosa soko la uhakika.
Wakizungumza kwa nyakati tofauti na mwandishi wa habari hizi, wakulima hao wamedai gunia la mahindi lenye uzito wa kilo 100 kwa sasa linauzwa kati ya Sh 18,000 na Sh 20,000 tofauti na bei ya msimu uliopita ya Sh 45,000.

Imeelezwa kuwa wakulima walikuwa wakitegemea kuuza kwa wingi mahindi yao kwa Wakala wa Taifa wa Chakula (NFRA), Kanda ya Sumbawanga mkoani Rukwa lakini amepangiwa kununua tani 35,000 za mahindi katika msimu huu wa uuzaji wa mahindi ambao umeanza.

Mmoja wa wakulima maarufu wa zao hilo wilayani Mpanda, William Mbogo alisema msimu huu wa kilimo amevuna zaidi ya gunia 200 za mahindi lakini yamekosa soko.

"Sisi wakulima katika mikoa hii ya Rukwa na Katavi tumehamasika na kulima mahindi kwa wingi kwa kufuata kanuni bora za kilimo hivyo kuvuna ziada kubwa ya zao hili lakini cha kusikitisha yametudodea hatuna soko la uhakika," alisema.

Wengi wa wakulima wa mikoa hiyo wanalilia soko la uhakika la mahindi wakisema yanawadodea kutokana na nchi jirani, Zambia, pia kuvuna ziada kubwa ya mahindi.

Mkulima mwingine wa wilayani Nkasi, Credo Nkanga alisema wamekata tamaa kulima mahindi kutokana na kukosa soko la uhakika.

"Sasa hivi ukitoka na kutaka kununua mahindi wakulima watakuchangamkia kwa kukuuzia kwa Sh 18,000 kwa gunia la ujazo wa kilo 100 kwa kukosa soko la uhakika hakika kwetu sisi wakulima wadogo ni majanga," alisema Nkanga.

Mwenyekiti wa Matai Agriculture and Marketing Cooperative Society Ltd (MAMCOS), Kaprikoni Kayumbi anapendekeza bei ya ununuzi kwa msimu ujao wa mahindi iwe kati wa Sh 750 na 800 kwa kilo kupitia NFRA kutokana na kuongezeka kwa gharama za uzalishaji.

"Soko tunalolitegemea kwa sasa ni NFRA lakini bei yake bado haikidhi hivyo tunaiomba Serikali kupitia wakala wake huyu tumuuzie mahindi kwa bei ya ushindani," alisema.

Kwa mujibu wa Meneja wa NFRA, Kanda ya Sumbawanga, Amos Mtafya katika msimu huu wa ununuzi wa mahindi mikoa ya Rukwa na Katavi imepangiwa kununua tani 40,000 pekee za mahindi ambazo ni sawa na asilimia 10 ya ziada ya tani 359,785 zilizovunwa msimu huu wa kilimo mkoani Rukwa pekee.

CHANZO: Habari Leo

 

[Ezekiely Charlese]

Nahamia huko sasa

 

[baro]

Aisee serikali iangalie utaratibu wa kuwasaidia ikiwezkna ifungue mipaka wauze nje

 

[white wizard]

Mambo mengine ni ujinga wa wananchi tu, haiwezekani kila mwaka mna pigwa siasa tu majukwaani nanyi mnashangilia, kuwa hii ndio serikali sikivu!! hii serikali haina nia nzuri na wakulima wake, kwani kulima ulime tena kwa shida kweli, ukianza kuvuna tu wamefika wanapanga bei wao na mipaka yote inafungwa ni marufuku kupeleka mazao nje mnapiga kelele, mnatulia msimu ujao tena yale yale!! hapo utailaumu serikali au ni ujinga wenu, juzi morogoro nao wameahidiwa soko la mpunga eti sudan ya kusini nao wanakenua meno tu, ikifika muda wa maamuzi wanarudisha nyani wengine katika poli lile lile unategemea mabadiliko?!! kwa wakulima wa tz ni majanga kupata bei nzuri ya kile ulichovuna.Hadi pale watakapo jitambua.Hongera ccm

 

[Victor wa happy]

Napenda kuishi rukwa ila mauchawi yao tuu,mara koti linaongea,ataweza nan mambo hayo

 

[BIGURUBE]

Mbona Dar bei ya unga haishuki?

 

[rpg]

Mbona Dar bei ya unga haishuki?

Wala usishangae utakaposikia imepanda, huku kila mtu akiwa busy na mambo yake!

 

[Logikos]

Inabidi ushauri na misaada iwafikie huko vijijini kuwawezesha kuwa na storage nzuri ya hizi nafaka.., nafaka ngumu ikitunzwa vizuri inakaa hata zaidi ya miaka sita.

Pili huu mtindo wa kuwazuia wasiuze nje pindi bei ya huko inapokuwa nzuri serikali iuache sababu that is day light robbery

Wizara inayoshughulika na kilimo hawafanyi kazi zao.., huu ni muda ambao wangetafuta masoko ya nje kwenye njaa ili waweze kuwaunganishia wakulima na kuwatafutia masoko (increasing the demand)

Mwisho kabisa miundo mbinu itengenezwe mpaka mijini kupunguza gharama ya mazao kufika sokoni hapo mazao yatafika kwa bei rahisi na mkulima mwenyewe anaweza akamudu gharama ya kufikisha mazao mijini

 

[Lusungo]

Inauma Sana aisee kwa shuruba za wakulima halafu uuze kwa bei hiyo?

 

[124 Ali]

Niambiwe tu siku mchele wa mbeya ukikosa bei tujilete huko maana hapa zenji bei za mchele majanga na aina ya mchele majanga ,nimechoshwa na hii mipunga ya kihindi majina makubwa bei kubwa lakini inagaragazwa na mbeya kishenzi!

 

[fundik]

Ili kupunguza inflation lazima kushusha bei ya mazao (chakula), na kwa usalama wa chakula hakuna kuuza nje mpaka tuhakikishe kimetutosha wote, waliolima na wasiolima. Hata kama umelima wewe, chakula ni rasilimali ya taifa, usijali na mwaka kesho peperusha bendera yetu vyema kwa ajili ya amani na utulivu tunaowaletea

 

[Marire]

wakulima wa Tanzania wana taabu sana,juzi nilikuwa moshi kg moja ya kahawa ni sh 2000 ukiangalia garama hadi uvune ni mateso makubwa na hasara unakuta kuna dawa inaizwa hadi 18,000 kichupa hujalipa mpuliziaji,mlimiaji,mvunaji,msagaji....
alafu eti kule kagera wanazuiwa na serekali kuuza Uganda,what a hell government?

 

[Kaizer]

Nchi hii sijui uwe nani ili uwe na nafuu ya maisha?

 

[Marire]

Nchi hii sijui uwe nani ili uwe na nafuu ya maisha?

uwe mla rushwa alafu afisa wa serekali
au uwe mwanasiasa....

 

[ngalelefijo]

Napenda kuishi rukwa ila mauchawi yao tuu,mara koti linaongea,ataweza nan mambo hayo

.njoo ukamate fursa huku wewe.ilikuwa zamani

 

[simplemind]

Mbona Dar bei ya unga haishuki?

Middle man noma.

 

[ngalelefijo]

Sera chakavu za ccm.na bado yauzwe hadi elufu 2.wanakijiji wakipewa pombe,kofia na kanga wanakuwa na jeuri sana.wakome

 

[MATHIAS KABYEMERA]

Nadhani hili ni tatizo la miundombinu kwani tunasoa chakula Dar wakati huko kinatupwa

 

[MK254]

Dah! basi muendelee kutu uzia sisi Wakenya, badala ya hasara hii yote.
CC: kadoda11 Bulldog

 

[Chivundu]

Nchi hii sijui uwe nani ili uwe na nafuu ya maisha?

Mkuu siasa tuu ndio naafuu ya maisha,mwakani nagombea Sumbawanga mjini.