Mada maalum ya ndege toka FB

Huyo rubani aliyemchoma kisu mwenzake alikuwa amepania kuiangusha ndege na kuwaua abiria wote . Wayahudi wana maadui kila kona aisee!

GAIDI ALIYETAKA KUANGUSHA NDEGE YA FLYDUBAI NI MTU ANAYESWALI MUDA WOTE!

Rubani ambaye pia ni raia wa Oman aliyetaka kuiangusha Ndege ya Flydubai iliyobeba abiria wengi wao wakiwa raia wa Israel ameelezwa kuwa ni mtu wa dini sana (religious extremist). Kwamba anaswali sana na mara kwa mara kila siku na hataki kushikana mikono na wanawake ikiwa ni ishara ya kuwa ni mtu aliyeshiba dini.

Rubani mwenzake ameiambia Channel 16 ya Israel kuwa rubani huyo alijiunga na Flydubai miezi 8 iliyopita. Wakati Ndege hiyo ikiruka toka Dubai kwenda Israel jana na ikiwa angai, rubani huyo alimchoma rubani kiongozi na akaanza kuiangusha Ndege. Rubani kiongozi alifanikiwa kufungua mlango wa chumba cha kuongozea Ndege kabla hajazimia akapiga kelele kuomba msaada. Abiria walifanikiwa kumdhibiti rubani aliyegeuka gaidi na wakaiongoza Ndege kutua salama kwa dharura nchini Saudi Arabia.

Ndege hiyo ilibeba abiria 174 ambapo karibu wote wakiwa raia wa Israel. Mtu aliyeiokoa hiyo Ndege isianguke ni raia wa Israel aliyeelezwa kuwa fundi bomba wakati rubani aliyechomwa kisu ni raia wa India.
Je, nini kimekushangaza? Je, nini maoni yako?

Mwana Kondoo Ameshinda! Tumfuate!
Askofu Emmaus Bandekile Mwamakula
Itunge, Dar es Salaam; 1 Oktoba 2026; Saa 12:10 jioni

https://www.facebook.com/
View: https://www.facebook.com/share/v/19ciQScdJ4/

Abiria 174 wa Flydubai walinusurika baada ya ujasiri wa Nahodha Smit Machchhar mwenye asili ya India kuzuia janga kubwa angani.

Licha ya kujeruhiwa vibaya na kuchomwa visu ndani ya chumba cha marubani, Nahodha Smit Machchhar hakukata tamaa.

Akiwa anavuja damu, alipambana, akafanikiwa kufungua mlango wa chumba cha marubani uliokuwa unagongwa na abiria na kutoa nafasi muhimu kwa wahudumu na abiria kuingia na kumdhibiti afisa wa kwanza wa ndege hiyo.

Hatua hiyo ya ujasiri ilisaidia kuzuia hali ambayo ingeweza kusababisha madhara makubwa kwa watu 174 waliokuwa ndani ya ndege.

Ujasiri huo haukuishia kwenye kwenye chumba cha abiria tu.
Marubani waliokuwa safarini kama abiria, wahudumu pamoja na abiria wengine walijitokeza kusaidia, wakishirikiana kumdhibiti afisa huyo na kusaidia kurejesha udhibiti wa ndege.

Tukio hilo limeonyesha namna ujasiri na ushirikiano wa watu ndani ya ndege ulivyosaidia kuzuia janga, huku Nahodha Machchhar akitakiwa kupewa pongezi kwa juhudi zake na kutakiwa afya njema na kupona haraka.

Wanigeria wawili waliokuwa wanahudumu katika Jeshi la Anga la Marekani wamehukumiwa kifungo kwa kuhusika na mpango wa ulaghai wa kimtandao uliolenga kampuni na mashirika nchini Marekani.

Chijioke Timothy Odimegwu amehukumiwa miezi 111 jela, huku Harafat Mogaji akifungwa miezi 78.
Mtandao huo ulitumia barua pepe za ulaghai na taarifa za kadi zilizoibwa kuhamisha fedha za waathirika kwenye akaunti zilizodhibitiwa na wahalifu.

Uhalifu huo ulihusisha zaidi ya dola milioni 1.68 kutoka Iowa na zaidi ya dola 720,000 kutoka Ohio.

Uchunguzi huo ulifanywa na FBI kwa kushirikiana na U.S. Air Force Office of Special Investigations.

Ndege ya Flydubai yenye namba ya safari FZ1073, iliyokuwa ikitoka Dubai kuelekea Tel Aviv, imelazimika kubadili njia na kutua katika Uwanja wa Ndege wa Tabuk, Saudi Arabia, baada ya kuripotiwa kutokea ugomvi kati ya marubani ndani ya chumba chao "cockpit".

Wahudumu wa ndege wenye asili ya Kenya walihusika katika kutoa huduma ya kwanza kwa rubani wa Flydubai aliyedungwa kisu wakati ndege hiyo ikisafiri kutoka Dubai kuelekea Tel Aviv.

Kwa mujibu wa mwanahabari Larry Madowo, wahudumu hao walionekana kwenye video wakimhudumia rubani huyo aliyejeruhiwa huku wakizungumza Kiswahili.

Madowo aliandika kuwa: “Kenyan cabin crew attended to the stabbed pilot of the Flydubai plane to Tel Aviv, Israel.”

Ndege hiyo ilitua kwa dharura Tabuk, Saudi Arabia, kufuatia tukio hilo lililotokea ndani ya ndege ambapo inatajwa rubani mmoja alitaka kuangusha ndege hiyo kusudi

Mkurugenzi Mkuu wa Mamlaka ya Usafiri wa Anga Zimbabwe, George Mashababe, amesema uchunguzi wa awali umeonyesha kuwa mafuta yalivuja baada ya helikopta kuanguka katika eneo la Marondera.

Mashababe amesema mafuta hayo yalivuja wakati wa helikopta hiyo kuanguka, kisha moto ukazuka na kuteketeza nyasi na miili katika eneo la ajali, jambonamablo linafanya baadhi ya miili iwe ngumu kutambuliwa hadi uchunguzi wa kitaalamu.

Hata hivyo, amesema chanzo cha kuanguka kwa helikopta hiyo bado hakijabainika, huku uchunguzi ukiendelea kubaini kilichosababisha ajali hiyo.

Helikopta iliyokuwa ikimilikiwa na mfanyabiashara wa Zimbabwe, marehemu Wicknell Chivayo, aina ya Leonardo AW139, ni toleo la aina moja na Helokopta inayotumiwa na Jeshi la Anga la Kenya (KAF) katika shughuli mbalimbali, ikiwemo usafirishaji wa viongozi wa serikali.

Chivayo aliitaja helikopta hiyo kama Leonardo AW139 katika moja ya machapisho yake kwenye mtandao wa LinkedIn, akieleza kuwa aliinunua kwa thamani ya takribani dola milioni 9.8 za Marekani.

Leonardo AW139 ni helikopta yenye injini mbili (Twin) inayotengenezwa na kampuni ya Leonardo ya Italia ambayo hutumika katika shughuli mbalimbali duniani, zikiwemo usafiri wa viongozi ikiwemo Rais, shughuli za serikali, uokoaji, huduma za dharura na operesheni za kijeshi.

Nchini Kenya, Jeshi la Anga hutumia AW139 katika majukumu yanayohitaji usafiri wa anga kwa viongozi na shughuli nyingine za serikali na kijeshi.

Hata hivyo, licha ya kuwa na modeli moja, helikopta hizo si lazima ziwe na vifaa na mifumo inayofanana. AW139 inaweza kutengenezwa au kusanidiwa kulingana na mahitaji ya mtumiaji.

Kwa mfano, helikopta inayotumika kwa usafiri wa VIP inaweza kuwa na mpangilio maalumu wa viti, mifumo ya mawasiliano na vifaa vingine vinavyolenga usafiri wa abiria wa kiraia.

Kwa upande mwingine, helikopta inayotumiwa na jeshi inaweza kuwa na mifumo ya mawasiliano ya kijeshi, avionics, vifaa vya uokoaji, usalama na vifaa vingine maalumu kwa ajili ya operesheni za kijeshi

Maelezo mapya yameibuka kufuatia tukio la hivi karibuni ambapo rubani wa ndege ya FlyDubai alishambuliwa kwa kisu katikati ya safari, huku ushahidi wa abiria mmoja ukitoa mtazamo mpya kuhusu sintofahamu iliyotokea ndani ya ndege wakati wa dharura.

Akizungumza na CNN, Daniel Schlichter, abiria aliyekuwa ameketi katika safu ya pili ya FlyDubai Flight No.1073, amesimulia hali ya taharuki iliyotawala baada ya rubani msaidizi kuanza kumshambulia kwa kisu Kepteni Smit Machchhar.

Schlichter amesema mlango wa chumba cha marubani ulipofunguka ghafla na ndege kuanza kupoteza muinuko kwa kasi, kulikuwa na damu na mkanganyiko mkubwa kiasi cha kufanya iwe vigumu kutambua nani alikuwa akipambana na nani.

Abiria huyo alidai kuwa baadhi ya abiria hawakuwa na uhakika kama baadhi ya wahudumu wa ndege, akiwemo mhudumu raia wa Kenya, walikuwa wakijaribu kumzuia mshambuliaji au walikuwa wakishirikiana naye.

“Katika sekunde hizo za mwanzo za ugaidi na sintofahamu, kila kitu kilichanganya sana. Hatukuweza kutofautisha kama hatua zilizokuwa zikichukuliwa na baadhi ya wahudumu wa ndege zilikuwa za kujihami au zilikuwa za kusaidia mashambulizi,” Schlichter aliiambia CNN.

Hata hivyo, taarifa za uchunguzi wa awali na FlyDubai zinatoa picha tofauti.

Vyanzo vya karibu na uchunguzi vimesema wahudumu hao wawili wa Kenya, John Muchina, Mkuu wa Wahudumu, na David Kimotho, walikuwa mstari wa mbele katika kuwatuliza abiria na kumpatia huduma ya kwanza nahodha aliyekuwa akivuja damu.

Inadaiwa pia walizungumza kwa Kiswahili kuratibu juhudi hizo wakati marubani wengine waliokuwa abiria walipochukua usukani na kuitua ndege salama Tabuk, Saudi Arabia.

Mamlaka za usalama wa anga za UAE zimesema uchunguzi rasmi utazingatia ushahidi wote wa mashuhuda, ukiwemo ushahidi wa Schlichter uliotolewa kupitia CNN, ili kubaini kwa usahihi kilichotokea ndani ya chumba cha marubani na namna wahudumu walivyoshughulikia tukio hilo.

Rubani msaidi wa Oman, Hamam Al-Hammami, anayehusishwa na tukio la ndege ya Flydubai FZ1073, aliwahi kuwa katika mafunzo ya urubani katika shirika la ndege la Oman Air.

Kwa mujibu wa vyanzo vilivyonukuliwa na CNN, Al-Hammami alifanya mafunzo ya urubani na shirika Oman Air, lakini aliondolewa kwenye mafunzo hayo ya kuruka baada ya mamlaka kugundua wasiwasi kuhusu mitazamo yake ya itikadi kali.

Badala ya kuendelea na mafunzo ya urubani, alipewa jukumu jingine la kiutawala ndani ya shirika hilo.
Baadaye aliondoka Oman Air na hatimaye akaajiriwa na Flydubai kama rubani msaidizi.

Ripoti zimeibua maswali kuhusu iwapo Flydubai ilikuwa na taarifa za historia yake wakati wa kumuajiri.

Hata hivyo, madai kwamba Oman Air ilimzuia moja kwa moja kurusha ndege kwa sababu ya kutembelea tovuti za itikadi kali, au kwamba Flydubai haikuwasiliana na Oman Air, bado hayajathibitishwa rasmi.

Uchunguzi unaendelea kubaini historia yake, sababu za tukio la FZ1073 na iwapo kulikuwa na mapungufu katika mchakato wa kumchunguza kabla ya kuajiriwa.

Ndege ya Delta Air Lines aina ya Airbus A321, iliyokuwa ikifanya safari ya DL2743 kutoka Tampa kwenda Atlanta nchini Marekani, iliripotiwa kugonga opossum mdogo kwa gurudumu la mbele wakati ikianza kuruka.

Tukio hilo lilitokea Oktoba 1, 2026, wakati ndege hiyo yenye usajili N353DN ilipoondoka katika Uwanja wa Ndege wa Kimataifa wa Tampa majira ya asubuhi.

Marubani waliwasiliana na mnara wa kuongozea ndege baada ya kugundua tukio hilo, wakisema hawakusikia wala kuhisi athari ndani ya chumba chao. Walikagua mifumo ya ndege na kubaini kuwa ilikuwa ikifanya kazi kawaida, hivyo wakaendelea na safari hadi Atlanta.

Ndege hiyo ilitua salama Atlanta bila kuripotiwa kwa hitilafu au usumbufu wa safari.

Tukio hilo linaangukia katika matukio ya 'wildlife strike', ingawa wanyama wadogo kama opossum kwa kawaida huwa na uwezekano mdogo wa kusababisha uharibifu mkubwa kwa ndege za abiria.

https://www.facebook.com/
View: https://www.facebook.com/share/v/19FBt2GFtU/

Kishoka cha kuvunjia au maarufu kama 'Crash Axe' ni kifaa cha dharura kinachowekwa ndani ya baadhi ya ndege kwa ajili ya kusaidia wahudumu wa ndege na marubani katika hali za dharura, hasa pale inapohitajika kuvunja au kukata sehemu za ndani ya ndege ili kuwezesha uokoaji.

Kishoka hicho kinaweza kutumika kusaidia kufungua njia iliyozibwa, kukata baadhi ya vifaa au paneli, au kufikia maeneo ambayo yamezuiwa baada ya ajali.

Malaka ya usafiri wa anga Marekani - FAA inakitambua kishoka hiki kama sehemu ya vifaa vya dharura kwenye ndege zinazohusika na kwa kawaida huhifadhiwa katika sehemu maalumu na inayoweza kufikiwa haraka na wahudumu, na si kifaa cha matumizi ya kawaida ya abiria.

Hata hivyo, tukio la Flydubai FZ1073 limeonyesha jinsi kifaa hichi kinavyoweza kuleta madhara makubwa kinapogeuzwa kuwa silaha.

Tarehe 30 Septemba 2026, rubani msaidizi wa ndege alidaiwa kutumia kishoka hicho kumshambulia Kapteni Smit Machchhar na kujaribu kuchukua udhibiti wa ndege.

Shambulio hilo lilisababisha rubani kujeruhiwa na ndege kushuka kwa kasi zaidi ya futi 17,000 kabla ya kudhibitiwa na kufanya kutua kwa dharura Saudi Arabia.

Tukio hilo linaonyesha kuwa licha ya kishoka cha Crash axe kuwa kifaa muhimu cha usalama, matumizi yake yasiyo sahihi yanaweza kuhatarisha maisha ya abiria na wafanyakazi kwa sababu kiko karibu na eneo muhimu la udhibiti wa ndege.

Ndege iliyotajwa kuwa Embraer 125, yenye usajili 5H-HLL, imetua kwa dharura katika Uwanja wa Ndege wa Kimataifa wa Kilimanjaro (KIA) leo, Oktoba 4, 2026, baada ya kuripotiwa kupata hitilafu kwenye mfumo wa magurudumu ya kutua.

Mamlaka ya Viwanja vya Ndege Tanzania (TAA) imethibitisha kutokea kwa tukio hilo, huku taarifa za awali zikieleza kuwa ndege hiyo ilikuwa ikitokea Seronera ikiwa na abiria 26.

Kwa mujibu wa taarifa za awali kutoka kwa mashahidi na watu waliokuwa karibu na shughuli za uendeshaji wa uwanja, ndege hiyo iliripotiwa kugonga mnyama aina ya pundamilia, hali inayodaiwa kusababisha hitilafu kwenye gurudumu la kutua upande wa kushoto.

Ndege hiyo ilifika KIA majira ya saa 5 asubuhi, ambapo rubani aliwasiliana na mnara wa uwanja na kuomba msaada wa kuthibitisha iwapo magurudumu ya kutua yalikuwa yameshuka kikamilifu.

Kwa mujibu wa taarifa hizo, ndege ilifanya upitaji wa chini ili kuruhusu wahudumu wa mnara na marubani wa ndege nyingine waliokuwa ardhini kukagua hali ya mfumo wa magurudumu.

Baada ya kuthibitishwa kuwa mfumo wa magurudumu ulikuwa katika hali iliyowezesha kutua, ndege iliruhusiwa kuendelea na zoezi hilo huku vikosi vya zimamoto na uokoaji vikiwa tayari katika eneo la uwanja.

Wakati wa kutua, rubani alitua kwa tahadhari kubwa, ambapo gurudumu la upande wa kushoto, ambalo lilikuwa limehusishwa na hitilafu hiyo, lilitenguka wakati wa kutua na kusababisha ndege kuburuza uvungu kwenye njia ya kutua.

Abiria wote 26 na wafanyakazi 04 waliokuwa ndani ya ndege hiyo walifanikiwa kushuka salama na hakuna taarifa za majeraha zilizoripotiwa.

Tukio hilo limeanza kuchunguzwa na Tanzania Civil Air Accident Investigation Branch (TCAAIB) ili kubaini chanzo halisi cha hitilafu na mazingira yaliyosababisha tukio hilo.

Taarifa zaidi kuhusu chanzo cha tukio na matokeo ya uchunguzi zitatolewa na mamlaka husika baada ya uchunguzi kukamilika.

Kikosi cha Walinzi wa Pwani wa Marekani (US Coast Guard) kimepata mabaki ya ndege ya matibabu aina ya Gulfstream G100 katika bahari karibu na kisiwa cha Nantucket, Massachusetts, baada ya ndege hiyo kupoteza mawasiliano ikiwa katika safari kutoka Bermuda kwenda Boston.

Ndege hiyo yenye usajili C-GRJP, ikiendeshwa na kampuni ya Canada ya Latitude Air Ambulance, ilikuwa na watu sita, marubani wawili, wahudumu wawili wa afya, mgonjwa mmoja na ndugu wa mgonjwa.
Kati ya hao, anne walikuwa raia wa Canada na wawili raia wa Bermuda.

Kwa mujibu wa taarifa zilizotolewa, kabla ya mawasiliano kupotea majira ya saa 2:00 usiku kwa saa za eneo hilo, rubani aliripoti hitilafu katika mifumo ya umeme na kutangaza hali ya dharura huku dhoruba ikiwa inakaribia eneo la njia yao safari.

Operesheni ya utafutaji ilihusisha ndege na helikopta za US Coast Guard, zikiwemo HC-144 Ocean Sentry na MH-60 Jayhawk, ambazo zilipekua eneo la takribani maili za mraba 1,644 ndani ya saa 27.

Upatikanaji wa mabaki hayo unatarajiwa kusaidia wachunguzi kubaini kilichotokea kwa ndege hiyo kabla ya kuanguka baharini.

Ripoti ya uchunguzi iliyotolewa na Mamlaka ya uchunguzi ajali ya nchini Marekani "National Transportation Safety Board" (NTSB) imebaini kuwa kuishiwa mafuta kulisababisha ndege aina ya Stinson 108-3 kupoteza nguvu ya injini na kutua kwa dharura katika eneo lenye miti huko Lime Village, Alaska.

Kwa mujibu wa ripoti hiyo, rubani aliruka kutoka ziwani na ndege ikiwa na vifaa vya kutua majini, lakini injini ilipoteza nguvu ilipofikia urefu wa takribani futi 150 kutoka ardhini. Rubani alijaribu kuhamishia mfumo wa mafuta kwenye tanki la akiba, ambapo injini iliwaka tena kwa muda wa takribani sekunde 15 kabla ya kupoteza nguvu tena.

Uchunguzi wa NTSB ulibaini kuwa tanki la akiba lilikuwa likivuja na matangi yote hayakuwa na mafuta yanayoweza kutumika. Rubani alikiri kuwa alikuwa amepanga kubeba mafuta kidogo ili kupunguza uzito wa ndege, licha ya kuwa angeweza kuongeza mafuta zaidi.

NTSB ilihitimisha kuwa chanzo kikuu cha ajali hiyo kilikuwa ukaguzi usiotosheleza kabla ya safari na uzembe katika upangaji mafuta, hali iliyosababisha injini kuishiwa mafuta na ndege kulazimika kutua kwenye eneo lenye miti.

Ripoti hiyo ya uchunguzi ilitolewa Septemba 2024 kama sehemu ya juhudi za NTSB kutoa mafunzo kwa marubani kupitia ajali zilizowahi kutokea.