Mada maalum ya ndege toka FB

Ibrahim Mahama, mfanyabiashara mashuhuri wa Ghana, na mmiliki wa kampuni uchimbaji madini ya Engineers & Planners, ametangaza kuwa ndege yake binafsi ya zamani aina ya Bombardier Challenger 604 itatumika kama gari la wagonjwa la anga (Air Ambulance) kwa ajili ya wananchi wote wa Ghana.

Tamko hilo lilitolewa baada ya kupokea ndege yake mpya ya Bombardier Global 6500 yenye thamani zaidi ya dola milioni 56.

Ndege hiyo ya zamani, ambayo ilinunuliwa mwaka 2024, ina uwezo wa kubeba wagonjwa na vifaa vya matibabu, na itatumika kwa ajili ya usafiri wa dharura ndani na nje ya nchi.

Mahama alieleza kuwa ndege hiyo itatumika kwa ajili ya wananchi wote wa Ghana, bila malipo yoyote, na itaongeza uwezo wa huduma za matibabu nchini humo.

Pia, alitaja kuwa ndege hiyo itatumika kwa usafiri wa dharura kwa wagonjwa wanaohitaji matibabu maalum nje ya nchi.

Shrika la ndege la Kenya (KQ) limepanga safari maalum za kurejesha abiria kutoka Nairobi kuelekea Dubai na kurudi, tarehe 4 na 5 Machi 2026, ili kuwasaidia abiria walioathiriwa na mivutano ya kikanda na kufungwa kwa anga ya UAE.

Safari hizi ni maalum kwa ajili ya kurejesha abiria na hazimaanishi kuanza kwa safari za kawaida.

Safari hizo zimewezekana baada ya mamlaka ya uwanja wa ndege wa Dubai kuruhusu idadi ndogo ya safari za kurejesha abiria.

Abiria wanashauriwa kuhakiki taarifa za safari zao moja kwa moja na Kenya Airways kwa ajili ya kurekebisha au kupata mwongozo zaidi.

Concorde ilikuwa ndege ya kwanza ya abiria iliyokuwa na kasi mara mbili ya sauti "Supersonic Transport' (SST) ambayo itakumbukwa na mashabiki na wadau wa sekta ya anga kwa mtindo wake wa kipekee wakati wa kutua.

Wakati wa kutua, Concorde ilitua kwa pembe ya juu (high angle of attack) kwasababu ya tabia ya muundo wa mabawa ya pembe tatu (Delta Wing) kuzalisha " Lift" katika mwendo mdogo.

Lakini pia Pua yake ilishuka chini (nose droop) ili kuruhusu rubani kuona vizuri barabara ya ndege wakati wa kutua.

Utuaji huo ulifanya Concorde ifanane na ndegehai aina ya Tai (Fish Eagle) anayetaka kukamata samaki au nyoka aina ya Swila (Cobra) anayetaka kushambulia.
https://www.facebook.com/
View: https://www.facebook.com/share/v/187sToxBq3/

Cruise missile" ni aina ya silaha ya kombora mfano wa ndege isiyo na rubani inayojiendesha yenyewe kuelekea shabaha yake.

Kombora hilo lenye mabawa mfano wa ndege, huruka chini chini karibu na ardhi au bahari kwa mwendo mrefu ikiepuka kuonekana na rada, na kusukumwa na injini ndogo za mfano wa ndege au roketi wakati wote wa safari.

"Cruise missile" imeundwa kwa ajili ya mashambulizi ya usahihi wa hali ya juu (Pin Point accuracy) ikiwa na uwezo wa kubeba vilipuzi vya bomu (warhead) na hata vilipuzi vya nyuklia.

Kombora hili lenye sifa za kuruka kama ndege, linaongozwa na mifumo ya uongozaji ikiwa ni pamoja na GPS, INS, na kamera kwa ajili ya kulenga shabaha.

Mfano wa "Cruise Missiles" maarufu ni kama Tomahawk (USA), Neptune (Ukraine) na V-1 Flying Bomb (Ujerumani) ambaye ni mtangulizi wa uundaji wa "cruise missile" katika Vita vya Pili vya Dunia.

"Cruise missile" zinaweza kurushwa kutoka Angani, Baharini, au Ardhini.
https://www.facebook.com/
View: https://www.facebook.com/share/v/1BsB6zbLAi/

https://www.facebook.com/
View: https://www.facebook.com/share/v/1BsB6zbLAi/

Taarifa kutoka baadhi ya mtandao zinasema kiwa, Iran imekuwa ikitumia mbinu za udanganyifu wa kijeshi kama vile uchoraji wa ndege ardhini na uundaji wa ndege za bandia ili kupotosha uchunguzi wa anga ikiwemo satelaiti na ili kupoteza kombora za gharama kubwa za adui.

Mbinu hizi ni sehemu ya mkakati mpana wa kuhifadhi kundi lake halisi la ndege, ambalo mara nyingi huhifadhiwa chini ya ardhi kama vile handaki la Eagle 44 wakati ndege bandia " decoys" zikionekana zimeachwa juu

Baadhi ya mifano ya michoro hiyo ni pamoja na uchoraji wa Silhouettes za ndege za F-14 Tomcat kwenye uwanja wa ndege wa Mehrabad.

Wataalamu wamegundua shambulio la helikopta ya Mi-17 ilikuwa uchoraji wa picha ya 3D.
Picha za satelaiti zinaonyesha 'mock-ups' za ndege za Su-35 Flanker kwenye kituo cha chini cha ardhi cha Eagle 44.

Mbinu hizi zinataja kuwa Iran inatumia mbinu za udanganyifu wa kijeshi ili kupotosha adui na kulinda ndege zake halisi.

Hata hivyo, mbinu hizi sio ngeni, kwani zilianza kutumika kwenye vita vya pili vya dunia na hadi sasa baadhi ya nchi zinaendelea na mbinu hizo za kuweka vituo na vifaa bandia vya kijeshi.

Uhalali wa taarifa za Iran kutumia mbinu hizi zimekuwa zikienea kwenye majukwaa mengi ya kijamii mtandaoni lakini kwa sasa hazijaripotiwa na vyombo vikubwa ya habari.

https://www.facebook.com/
View: https://www.facebook.com/share/v/184hZP7G9a/

https://www.facebook.com/
View: https://www.facebook.com/share/v/1EbWHXFpBW/

Washington, Marekani - Gharama ya operesheni ya Marekani dhidi ya Iran, "Operation Epic Fury" imetajwa kufikia dola bilioni 3.7 kwa saa 100 za awali kulingana na makadirio ya takwimu za Center for Strategic and International Studies (CSIS).

Gharama hizo zimegawanywa katika makundi ya;
Dola bilioni 3.1 kwa ajili ya kurudishia nafasi ya makombora 2000 ambayo hayakupangwa kutumika,
Dola milioni 350 kwa ajili ya hasara za mapigano na matengenezo, na
Dola milioni 196 kwa gharama za uendeshaji.

CSIS imetaja kuwa, operesheni za anga pekee zinagharimu dola milioni 30 kwa siku (ambayo ni zaidi ya bilioni 77 za kitanzania) pamoja na dola milioni 15 (zaidi ya bilioni 38 za kitanzania) kwa siku kwa operesheni za majini (Navy)

Wataalamu wanatabiri kuwa vita hivi vinaweza kugharimu takribani dola bilioni 40 hadi 95 kwa miezi miwili ya mapigano, pamoja na athari za kiuchumi zinazoweza kufikia dola bilioni 50 hadi 210.

Operesheni hii imetajwa kuwa ni moja ya gharama kubwa zaidi katika historia ya Marekani, ikizidi gharama ya operesheni ya "Midnight Hammer" iliyofanyika Juni 2025, ambayo iligharimu dola bilioni 2.04 hadi 2.26.

Soma zaidi:

Tehran, Iran - Ndege ya Boeing 747 ya Iran imeripotiwa kuharibiwa vibaya kutokana na mashambulizi ya angani ya Marekani na Israeli, kulingana na ripoti za hivi karibuni.

Mnamo Machi 3 na 7, 2026, ndege moja ya Boeing 747 ilionekana kuteketea na moto katika Uwanja wa Kimataifa wa Mehrabad, Tehran, kufuatia mashambulizi ya angani ya Marekani na Israeli.

Hapo awali, mnamo Juni 15, 2025, shambulio la angani la Israeli liliharibu ndege ya Boeing KC-747 ya Iran iliyotumika kama ndege ya kujaza mafuta angani katika Uwanja wa Kimataifa wa Mashhad.

Ndege ya pili, Boeing 747-200 ya abiria pia iliharibiwa vibaya katika shambulio linalotajwa kutokea hivi karibuni.

Mashambulizi haya yamefanyika kama sehemu ya operesheni za kijeshi zinazohusisha Marekani na Israeli dhidi ya Iran, na yamepelekea uharibifu mkubwa wa miundombinu ya angani ya Iran.

Tazama video inayoonesha wakati ndege isiyo na rubani "drone" ilipogonga na kulipuka katika uwanja wa ndege wa kimataifa wa Dubai, na kusababisha kusimamishwa kwa shughuli zote za ndege.

Shambulizi hilo lilitokea siku ya Jumamosi, na kusababisha uharibifu mdogo kwa jengo la terminal na majeruhi kwa wafanyakazi wanne.

Baada ya tukio hilo, Ndege za shirika la Emirates zilisimamishwa kwa muda, lakini baadaye zikaanza kufanya kazi tena.

https://www.facebook.com/
View: https://www.facebook.com/share/v/1aSEAMRAF8/

Shirika la ndege la Qatar limeanzisha njia nafuu "relief corridor" ya muda mfupi ili kuendesha ndege chache za kurejesha watu nyumbani Machi 7, licha ya anga la nchi hiyo kufungwa kwa usafiri wa biashara.

Hatua hiyo inafuatia usumbufu mkubwa wa kikanda baada ya anga la Qatar kufungwa mnamo Februari 28, 2026.

Ndege hizo zitaondoka kutoka Uwanja wa Kimataifa wa Hamad (DOH) kwenda miji mitano mikuu ya Ulaya ya London (LHR), Paris (CDG), Madrid (MAD), Rome (FCO), na Frankfurt (FRA).

Safari hizo hazimaanishi kuanza tena kwa huduma za kawaida za safari, bali ni misheni inayolenga kuwahamisha watu walio hatarini.

Viti vya ndege vitatengwa kwa kuzingatia vigezo vya kibinadamu, na kipaumbele kutolewa kwa:

• Familia zilizo na watoto wadogo
• Wazee
• Wasafiri wenye mahitaji ya matibabu ya haraka
• Wale walio na mahitaji ya kibinadamu ya haraka

Abiria wameshauriwa wasiende Uwanja wa Kimataifa wa Hamad isipokuwa wawe wamepokea taarifa rasmi kutoka kwa shirika la ndege.

Mgogoro wa vita mashariki ya kati umeleta fursa na changamoto kwa mashirika ya ndege ya Kenya Airways (KQ) na Ethiopian Airlines (ET), kwani abiria na mizigo wanatafuta njia mbadala kutokana na kufungwa kwa viwanja vya ndege vya Ghuba.

Mashirika haya ya ndege ya Afrika, yanakutana na athari ya "Chungu-Tamu" kutokana na mgongano huo wa mataifa ya Ghuba.

Gharama za mafuta zimeanza kujitokeza kutokana na kuyumba kwa bei ya mafuta duniani, na kuathiri faida za mashirika ya ndege.

Ethiopian Airlines inatajwa kupoteza takriban dola milioni 137 kwa wiki moja kutokana na kusimamishwa kwa safari za ndege kuelekea vituo 10 vya Mashariki ya Kati, huku Kenya Airways ikifanya safari za kurejesha watu nyumbani kutoka Dubai.

Kwa upande mwingine Nairobi na Addis Ababa zimeweza kuwa vituo mbadala (Alternative Hubs) kwa abiria wanaosafiri kati ya Ulaya, Asia na Marekani kwa wakati huu wa kufungwa kwa anga mashariki ya kati.

Hii imeongeza mahitaji ya usafiri wa abiria na mizigo kwa mashirika haya mawili, na kuwafanya kuwa na nafasi nzuri ya kupata sehemu ya soko, na kukata makali ya hasara ya kusitisha safari kwenye vituo vyao vya mashariki ya kati.

Mfano, Kenya Airways imeongeza safari za ndege kwenda Paris, London, na Amsterdam kutokana na mahitaji makubwa ya wasafiri na mizigo lakini pia alikadhalika kwa shirika la ndege la Ethiopia.

Kwa mashirika mengine ya ndege kama RwandAir, Uganda Airlines, na Air Tanzania yana hatari ya kupoteza mapato kutokana na kusimamishwa mazima kwa safari za ndege kwenda Mashariki ya Kati.

Utafutaji wa hivi karibuni wa ndege ya Malaysia Airlines ya MH370, ambayo ilipotea miaka 12 iliyopita, umekamilika bila kupata chochote, kulingana na Wizara ya Usafiri ya Malaysia.

Ndege hiyo ya Boeing 777 iliyokuwa na watu 239 ilipotea kutoka kwenye rada mnamo Machi 8, 2014, wakati ikisafiri kutoka Kuala Lumpur kwenda Beijing.

Utafutaji huo ulifanywa na kampuni ya Ocean Infinity kwa kutumia vifaa vya chini ya maji vinavyoweza kufika kina cha mita 6,000.

Japokuwa ni utafutaji wa tatu uliofanywa na kampuni hiyo, lakini bado hawakupata chochote.

Familia za wahanga wameonyesha kukatishwa tamaa na ukosefu wa majibu, na wameiomba serikali ya Malaysia kuendelea na utafutaji.