Lissu aingia matatani

Lissu aingia matatani

OSOKONI

JF-Expert Member
Joined
Oct 20, 2011
Posts
10,965
Reaction score
5,344
MNADHIMU wa Kambi ya Upinzani Bungeni, Tundu Lissu ameshtakiwa kwenye Kamati ya Kinga, Haki na Maadili ya Bunge kutokana na kauli yake kuwa baadhi ya wabunge waliokuwa kwenye Kamati ya Nishati na Madini wana mgongano wa kimasilahi.

Habari zilizopatikana na kuthibitishwa na mbunge aliyefungua malalamiko hayo, Charles Mwijage (Muleba Kaskazini-CCM), zinasema kuwa mbunge huyo wa Singida Mashariki kwa tiketi ya Chadema, alimkashifu.

Hivi karibuni, Tundu Lissu alizungumza na waandishi wa habari bungeni na kuwataja wabunge saba kuwa wana mgongano wa kimasilahi kwenye Kamati ya Nishati na Madini.

Wabunge hao wote kutoka Chama Cha Mapinduzi (CCM) ni Sara Msafiri (Viti Maalumu), Mariam Kisangi (Viti Maalumu), Christopher Ole Sendeka (Simanjiro), Vicky Kamata (Viti Maalumu), Yusuph Nassir (Korogwe Mjini), Charles6 Mwijage (Muleba Kaskazini) na Munde Tambwe (Viti Maalumu).

Akizungumza na Mwananchi juzi, Mwijage alikiri kumwandikia Spika wa Bunge, Anne Makinda kumlalamikia kuhusu Lissu.

"Ni kweli nimemwandikia barua Spika na nimeshaikabidhi, nataka shauri letu lisikilizwe na nitendewe haki," alisema.

Alisema kutokana na matamshi ya Lissu, vyombo vya habari na mitandao ya kijamii ilimwandika kuwa ni mla rushwa na kuathiri hadhi yake.

Mwijage pia amelilalamikia gazeti la Tanzania Daima kuwa liliandika habari hiyo kwa kumtaja kuwa ni mla rushwa na baadaye likasambazwa jimboni kwake kwa masilahi ya kisiasa.

Kwa upande wake, Lissu alisema hajaitwa na Kamati ya Bunge kuhusu suala hilo lakini alikiri kupata taarifa hizo kutoka kwa Mwijage.

"Nimekutana na Mwijage akaniambia amenishtaki na mimi nimemuuliza ‘unajua nilichokisema?' na yeye akaniuliza kwani ulisema nini? Nimemweleza kuwa mimi nawajibika kwa maneno yangu kuwa yeye ana mgomgano wa kimasilahi kwa kuwa consultant (mshauri) wa kampuni ya Puma. Siwezi kumwita mtu mla rushwa kwa kuwa sina ushahidi na hilo," alisema
 
anawewesekatu Lisu habari nyingine kwanza inaonyesha hajui hata maneno aliyoyasema lisu neno mgongano wa masilahi.
 
Lissu ni lawyer anajua sana kuchagua maneno ya kuongea
 
Mwijage muaaache Tundu Lissu,Jeikei kamshindwa utamuweza wewe? TL anasimamia hoja yake kwamba wewe una maslahi na tanesco so haufai kuwa humo fullstop.
 
Kumbe ni hatari kukimbilia kauli za wanasheria! Lissu aliitisha kikao na waandishi wa habari huku kukiwa na sakata la wabunge kutuhumiwa kula rushwa huko TANESCO. Akawataja wabunge kadhaa tukadhani ametaja waliokula rushwa lakini leo anasema hakusema kuwa Mwijage (Aliyetajwa) amekula rushwa. Anasema alichokisema ni kuwa Mwijage ana mgongano wa masilahi kwa kuwa ni mshauri wa Puma! Patamu hapo.
 
Kumbe ni hatari kukimbilia kauli za wanasheria! Lissu aliitisha kikao na waandishi wa habari huku kukiwa na sakata la wabunge kutuhumiwa kula rushwa huko TANESCO. Akawataja wabunge kadhaa tukadhani ametaja waliokula rushwa lakini leo anasema hakusema kuwa Mwijage (Aliyetajwa) amekula rushwa. Anasema alichokisema ni kuwa Mwijage ana mgongano wa masilahi kwa kuwa ni mshauri wa Puma! Patamu hapo.
Tundu Lissu aangalie sana asijekuwa ngoma inayotaka kupasuka.
Mdomo uliponza kichwa.
 
Sasa nani hapo yuko matatani kati ya mwijage na lissu?

Yan habari hile hile ya kila siku!
Lissu aliwataja watu wenye mgongano wa kimaslai na Tanesco.

Tunajua mmeshaanza kutapatapa ili kamati iwasafishe.
 
Kumbe ni hatari kukimbilia
kauli za wanasheria! Lissu aliitisha kikao na waandishi wa habari huku
kukiwa na sakata la wabunge kutuhumiwa kula rushwa huko TANESCO.
Akawataja wabunge kadhaa tukadhani ametaja waliokula rushwa lakini leo
anasema hakusema kuwa Mwijage (Aliyetajwa) amekula rushwa. Anasema
alichokisema ni kuwa Mwijage ana mgongano wa masilahi kwa kuwa ni
mshauri wa Puma! Patamu hapo.

magazeti hutia chumvi ili wauze nakala nyingi!
 
Lissu anajua alicho kifanya.
Labda muunde zengwe kujisafisha!

Lakini kamwe lissu hakukurupuki.

Tundu Lissu aangalie sana asijekuwa ngoma inayotaka kupasuka.
Mdomo uliponza kichwa.
 
Mtoa hoja hivi kweli anajua maana ya kuingia matatani au ameamua kujiandikia tu? Huwezi kutoa dai ambalo ni haki kisheria ukaingia matatani vinginevyo neno matata lina maana nyingine tofauti na tunayojua. Yaelekea mtoa hoja ameamua kuingia mtego wa ushabiki na kutofikiri kiasi cha kuandika kitu ambacho hakifanani na kichwa cha habari. Lissu hajaingia matatani. Kama kuna utata si mwingine bali uelewa wa mtoa hoja ambaye kwa mujibu wa michango hapa ameingia matatani mwenyewe kwa kuzusha.
 
'TL: Unajua nilichokisema?
Mwijage: Kwani ulisema nini?'

Sasa mh Mwijage kama hujui alichokisema umeshitaki nini?
 
Hili suala si lipo kwenye uchunguzi sasa unaweza ukalizungumzia au kumshitaki mtu wakati uchunguzi wa kamati haujamalizika au inakuwaje hapa
 
Kwani Lissu kakosea nini hapo,
unataka kusema hakuna mgongano wa kimaslahi tanesco.
tena hawa wezi wametuletea balaa hata sisi wateja na kusababisha tunalipa bili
kubwa kwa matumizi kidogo, tena tanesco ni wizi mtupu.
 
Lissu amesema ni Mgongano wa Kimaslahi lakini tunachojua sisi yeye na wenzake ni Wezi na Mafisadi wakubwa ambao wameliletea hili taifa hasara kubwa
 
I will not comment maana si haki swala liko kwenye kamati tunakatazwa kulisemea .hehehhe Tanzania bwana
 
Hapo hakuna matata yoyote kwa Lisu, labda yeye Mwijage ana kesi ya kujibu kwa kufungua kesi bila kujua shitaka lenyewe! Kwani ulisemaje? Sasa umeshitaki nini tumb..f wewe? Wabungo wa Mwabwepande siku zote wanatumia RIBUSAMA kufikri. Nani wa kumweza Tundu Lisu? Mwulizeni Nkapa habari ya Lisu!
 
Kwa upande wake, Lissu alisema hajaitwa na Kamati ya Bunge kuhusu suala hilo lakini alikiri kupata taarifa hizo kutoka kwa Mwijage.

"Nimekutana na Mwijage akaniambia amenishtaki na mimi nimemuuliza ‘unajua nilichokisema?' na yeye akaniuliza kwani ulisema nini? Nimemweleza kuwa mimi nawajibika kwa maneno yangu kuwa yeye ana mgomgano wa kimasilahi kwa kuwa consultant (mshauri ) wa kampuni ya Puma. Siwezi kumwita mtu mla rushwa kwa kuwa sina ushahidi na hilo," alisema

Hapo kwenye red ni kichekesho! Ameshaki kutokana na maneno ya kwenye magazeti na mtandaoni au ameshtaki kwa maneno aliyoyasikia mtaani? Maana inaonekana hajui alichokisema Lissu!
 
Back
Top Bottom