Siku zote mila na desturi zetu pamoja zinatufundisha na kusisitiza maadili kama sehemu ya kujenga jamii iliyostaarabika.
Baada ya kutumia mitandao hasa jf kupitia jukwaa hili la MMU nimegundua kuna tabia inapandikizwa kutoka kwa watu ambao hatujui ni wa namna gani nje ya hapa.
Michango mingi ya members humu inaonesha kukinzana na maadili tuliyokulia na kufundishwa kama vile uasherati na zinaa.
Michango inayotolewa humu ni jinsi ya kupata mwanamke wa kulala naye au kuharibu ndoa za watu kwa kutembea na waume na wake zao.
Hakuna mijadala inayoweza kuwapa uelewa vijana pengine jinsi ya kujiandaa na majukumu ya kifamilia baada ya uchumba, au namna ya kuboresha mahusiano ya ndoa, badala yake watu wanafundishana jinsi ya kuharibu kwa ajili ya tamaa za mwili.
Akili za watu waliokuwa wanaamini kuwa ZINAA UASHERATI ni dhambi sasa zimechafuliwa na mashauri ya watu na sasa hawaoni ni shida kulala hata mke au mume wa mtu!!!!
Mmomonyoko huu wa maadili ndio unazitesa familia nyingi, wazazi wakitengana huku watoto wakibaki bila uangalizi jambo ambalo linaendeleza uharibifu.
Nawashauri watu mmbadilike, mkumbuke kuwa mnayoyaandika haya hayatafutika na yatakuja kusomwa na kizazi cha baadae.
Mtu mzima unaandika upumbavu huku ukijua mitandao inasomwa hadi na watoto wa miaka 15!!!!
Tumieni muda wenu kujenga ndoa na mipango ya ndoa na sio kubomoa na kupindisha rafsiri/maana za maneno.
Kama wewe ni mcha MUNGU na unaamini kuwa Uasherati na Zinaa ni dhambi(machukizo) kwa MUNGU kwanini usiwe wa kwanza kukemea hizo dhambi?
Leo hata ngono kupitia haya kubwa sio dhambi tena bali sifa na ujanja! unaelekea wapi rafiki?
Badilika, ulikuja peke yako hapa jf na ipo siku utaondoka peke yako, unayoyaandika hapa yatakuwa ushahidi siku zako za usoni.
