Mtambuzi
Platinum Member
- Oct 29, 2008
- 8,809
- 15,443
Utafiti uliofanywa hivi karibuni umeitaja Tanzania kuwa ni miongoni mwa nchi ambazo watu wake hupenda sana kuvumisha mambo na yakaonekana kama kweli. Pamoja na kuwa na vyombo vingi vya habari ambavyo vingasaidia kufafanua mambo, utafiti huo unasema, vyombo hivyo, navyo husaidia kuvumisha uongo na ukaonekana kuwa kweli.
Inaelezwa kwamba, wananchi wa Tanzania hawana kawaida ya kuchunguza au kujiuliza kuhusu mambo yanayowazunguka. Kila siku wanaamini wanakutana na jambo jipya hata kama liliwatokea jana na juzi. Ndio maana, matumizi ya wizi wa ulaghai (Utapeli) umekuwa ukifanikiwa sana.
Taarifa zinasema, nchini Tanzania mtu anaweza kuzusha jambo la kijinga na jambo hili likashika kasi na kufikia mahala ambapo hata mamlaka fulani zikaingilia kutaka kufanya utafiti au uchunguzi. Hata hivyo utafiti huo haukutoa mifano ya mambo ambayo yamekuwa yakizushwa hapa nchini na kuonekana kama kweli. Lakini huenda suala la mwanaume na mke wa mtu walionasiana guest wakati wakizini ni kati ya mambo hayo.
Lakini inaelezwa kwamba, huenda sababu ya watu kuwa wambea na wavumishaji ni kutokana na mfumo wa utoaji habari kwa umma kwa siku za nyuma. Magazeti na redio zilizokuwa zinaruhusiwa nchini zilikuwa ni za serikali peke yake. Wananchi walikosa nafasi ya kujua ukweli kuhusu mambo mengi yenye kuwazunguka, kwani mengine yangeweza kuikwaza serikali.
Kwa hiyo wananchi wakawa wanavumisha na kuzua pale jambo fulani dogo linapotokea mahali. Utamaduni huu umeendelea hadi sasa. Magazeti redio na televisheni zinadaiwa kwamba, nazo zimekuwa zikieneza umbea bila zenyewe kujua. Mwandishi anajua habar fulani ni uzushi, lakini kwa sababu anataka kuonekana amefuma habari nzuri, huupamba uvumi hadi unaonekana kama ni kweli.
