Kalamu karatasi na ufutio

[Herbalist Dr MziziMkavu]

Kijana mmoja baada ya kufunga ndoa,baba yake
alimtaka alete kalamu ya risasi karatasi na ufutio.

Baada ya kijana huyu kuja na vifaa hivi, baba akamwambia
mwanae andika:

Kijana akauliza:Niandike nini?

Baba akamjibu:Andika unacho taka.

Kijana akaandika sentesi.
Baba akamwambia kijana wake:Ifute,akaifuta.

Kisha baba akamwambia kijana wake andika sentesi nyingine.
Yule kijana akaandika sentesi nyingine.
Akamwambia:Ifute,akaifuta.

Kisha akamwambia kwa mara ya tatu:Andika sentesi nyingine.
Kijana akaandika sentesi nyingine mpya.
Akamwambia:Ifute,akaifuta.

Kisha baba akamuuliza kijana wake:Je karatasi bado ni nyeupe(ina sehemu ya kuandikia)?
Kijana akajibu: ndio,
Lakini baba umekusudia nini???

Baba akamshika kijana wake begani,akamwambia:
Kijana wangu, ndoa yahitaji ufutio.

Iwapo kama huto kuwa na ufutio katiaka ndoa yako,
ili uweze futa baadhi ya mambo au matukio ambayo

hufurahishwi nayo kutoka kwa mkeo, na mkeo vile vile
ikiwa hoto kuwa na ufutio ambao anaweza futia

baadhi ya mambo na matukio ambayo hafurahishwi
nayo toka kwako,basi ukurasa wa ndoa utajaa maandishi

kwa siku chache sana!
na kupelekea ndoa kuvunjika.

 

[missa]

very nice story!!nimeipenda bureee.

 

[Wise1]

ts a wonderful stor though ts all da truth..
ts da dedication to all who are in da marriage n to those who are intending to get married...

 

[HorsePower]

MziziMkavu, nami pia nimelikubali hilo somo. Ni kama linazungumzia kusamehe na kusahau.

 

[Nilufer]

ahsante kwa funzo zuri.

 

[Daud omar]

Sasa hyo karatasi si itatoboka mwisho..

 

[happiness win]

mafunzo muruwa kabisaaaaaaa MziziMkavu unafaa kuwa kungwi, ukiona udaktari haulipi usisumbuke anzisha Unyago clinic