Kuna tofauti kati ya kuvuliwa uanachama na kufukuzwa uanachama. Nijuavyo mimi, ukivuliwa uanachama unaweza ukarudishiwa uanachama wako endapo chama kitakuwa kimeridhishwa na mwenendo wako. Wakati huo chama kinakuwa kinakuchunguza na endapo hakiridhishwi hatua inayofuata ni kufukuzwa. Hatua ya kufukuzwa haina msamaha na kama ni mbunge automatically unapoteza sifa ya kuwa mbunge pale tu chama chako kitakapomwandikia barua spika kumjulisha kuwa jimbo fulani lipo wazi.
Sasa hii ya Kafulira haiko wazi maana habari hizi ni za kupikwa na vyombo vya habari na chama chake hakijatangaza kumvua au kumfukuza uanachama. Tuvute subira kidogo!
Kama ni kuvuliwa uanachama, ataendelea na shughuli zake za kuwawakilisha wapiga kura wake hadi pale maamuzi ya mwisho yatakapo fanywa na chama chake. Bado ataendelea kuwa mbunge na atahudhulia vikao vyote vya bunge na vya kamati za bunge. Mpiganaji huyo hawezi kutoweka kwenye siasa za uwakilishi maana alichaguliwa na wapiga kura wake kwa upambanaji wake wa kuelewa matatizo ya watu wake na ni si chama chake.