January Makamba Na Baraza Jipya: Ni Manun'guniko

[Selemani]

Aliwahi kuwa mgombea mtarajiwa? Hivi Makamba naye ni mmoja kati ya watu wanaotaka kutafuta uteuzi? Kweli na kuna watu wanaamini kabisa hivyo?

We jamaa bwana. Umemsapoti Mbowe 2005, ukaingia chaka la Slaa 2010, na unaingia choo cha kike 2015. Ila unatusema sisi tunaompigania January. Kweli nyani haoni kundule.

 

[William J. Malecela]

Kati ya wanasiasa waliotarajia nyadhifa kubwa katika mabadiliko ya jana kuelekea 2015, mmoja wapi ni mwanasiasa chipukizi January Makamba.

Taarifa zinaeleza kwamba Makamba Junior amepata pigo kubwa sana na harakati zake za urais 2015 kwani kuingia katika harakati zile kama naibu waziri kunakuweka kwenye disadvantage kidogo na wenzake wengi kwani ingawa katiba haisemi mgombea lazima awe na uzoefu kama waziri kamili bali awe tu na sifa za kuwa mbunge, fitina itachezwa vilivyo kumpunguza makali ya his candidacy kwa hoja za kutokuwa na uzoefu wa kitosha ngazi ya uwaziri relative to wagombea wengine.

Hii ni changamoto kubwa sana kwa mwanasiasa huyu chipukizi kwani pia yupo kwenye wizara ambayo ni ngumu kujiweka vizuri na grassroots. Whether mamlaka ya uteuzi ilifanya hili na lile la kumwacha kama naibu waziri makusudi au kwa kupitiwa, it is open to discussion.

- Tatizo ni kwa wale ambao hawapo madarakani kabisa maana hawana nafasi kabisa ya kushika Urais, yaani mtu ni Naibu Waziri tayari utalinganisha na hao kina Slaa na Mbowe ambao hawapo kabisa kwenmye ramani vipi mkuu?

Le Mutuz

 

[Mjamaa masalia]

Mawaziri na Manaibu waliohamishwa wizara ni wachache kuliko waliobaki, lakini wewe umemuona January peke yake.

Kweli kabisa comred alex, kwanza ni nani ambae amemwambia kuwa Makamba alikuwa anataka uwazir? Kwa jicho la kisiasa kutobadilishiwa wizara au kutolewa kabisa.kama mulugo, bado ni kithibitisho tosha kuwa mheahimiwa rais anaridhika na utendaji wake

 

[Sir oby]

awe mpole tu asubiri round hii ipite asije kuwa kama zitoo kabwe

 

[toxic]

Januari ni smoke screen tu,ipo njemba nyuma yake inavuta kasi.

 

[fikirikwanza]

watu wenye div four na zero nao siku hizi wanataka kuwa marais? nchi gani hiyo?? maana ni kitendawili kikubwa

 

[Stanley Kamote]

Kila jambo na wakati ukifika hakuna wa kuzuia

 

[LOOOK]

We jamaa bwana. Umemsapoti Mbowe 2005, ukaingia chaka la Slaa 2010, na unaingia choo cha kike 2015. Ila unatusema sisi tunaompigania January. Kweli nyani haoni kundule.

kuw ccm lazima uwe na akili kama kuku!

 

[morenja]

Mleta mada kama unadhani kuna wizara isiyompa umaarufu waziri, unakosea. Mpe magufuli wizara hata ya kuuza panzi, itavuma kuliko maliasili na utalii!!!

Ur right ni kama alivyokuwa lyatonga mrema .

 

[Crucial Man]

- Tatizo ni kwa wale ambao hawapo madarakani kabisa maana hawana nafasi kabisa ya kushika Urais, yaani mtu ni Naibu Waziri tayari utalinganisha na hao kina Slaa na Mbowe ambao hawapo kabisa kwenmye ramani vipi mkuu?

Le Mutuz

ww upo kwenye madaraka yapi mkuu?hako ka nafasi uchwara unajiona na wewe upo kwenye system.pole sana

 

[1800]

- Tatizo ni kwa wale ambao hawapo madarakani kabisa maana hawana nafasi kabisa ya kushika Urais, yaani mtu ni Naibu Waziri tayari utalinganisha na hao kina Slaa na Mbowe ambao hawapo kabisa kwenmye ramani vipi mkuu?

Le Mutuz

Mkuu mbona una ji contradict sana,kwa hiyo ulitaka Slaa na Mbowe wawe manaibu mawaziri ndio waweze kua marais wajao?kumbuka huu ni mfumo wa vyama vingi,wananchi ndio waamuzi!ukweli kauli yako hiyo imenichekesha sana na kunipa doubt!pia nakupa ushauri wa bure tu ndugu,ilo jina la LEMUTUZ kwa umri wako haipendezi kulishabikia litumike!mtu una approach 50 bado una entartain childish stuff?hata mimi wa 30s tu siwezi fanya utoto huo!jitambue ndugu,hata kama haukwenda shule vizuri ila kuna umri ukifika busara na fikra zinatumika kumuongoza mtu!

 

[Honest boy]

Tunahitaji raisi mzuri basi...nadhan hii dhana ya vijana wanaweza inatuharibu mno vijana,,,mtu hana ata uzoefu wa kuongoza familia anataka uongoz...maadili yako wap???i knw january ni kiongozi mzuri sana aandaliwe tu

 

[masomo]

Kwa tanzania bado urais ni sehemu ya kufanyia majaribio.lengo la uraisi ni kumwondolea mwananchi umaskini na kumletea maisha bora,na kwa tz bado tunaishi chini ya dola moja na nusu hata baada ya kujitawala kwa miaka 50 na maraisi wanne tofauti kwa vipindi kibao.mpaka sasa bado nchi ina tatizo la umeme,maji,barabara,bado magonjwa na uwezo wa wananchi kujitibu ni shida,bado rushwa na usimamiaji wa sheria ni tabu,bado pamoja na kuwa na majishi hatujaweza kushimamia rasilimali za taifa.bado hakuna uwajibikaji.bado rais anaweza kuchagua washikaji zake kushika nyadhifa mbali mbali bila kujali uweza wao.kama urais usingekuwa wa majaribio leo hii tungekuwa na taifa lililoendelea.tumekuwa tukiongozwa na aina ya viongozi wasiojua maendeleo ni kitu gani na wamekuwa biz kusafiri ugaibuni kujifunza nini maendeleo.hopeless

 

[mwekundu]

Kwamba hata post hii unahesabiwa kwenye malipo per post?

mtoto wa kiume wewe acha ghubu

 

[Ileje]

Unataka ajenge kwa pesa yake?Kinachoangaliwa ni ufuatiliaji wa matumizi ya pesa zinazotolewa na kuchukua hatua bila kuremba ndio tunataka watu wa namna hiyo.TRA wanakusanya kupita malengo wanayojiwekea,pesa zinazokusanywa zinaenda wapi?Hapa waziri wa fedha ndiye anatakiwa kujibu

Sent from my BlackBerry 9220 using JamiiForums

Acha umburula! Nani kakwambia miradi ya serikali inajengwa kwa fedha binafsi!? Unajua hizo fedha za TRA zinafika wakati gani katika mawizara na halmashauri! Fanya utafiti ndiyo utoe hoja!!

Kwanza lazima ufahamu kuwa kazi ya Waziri si kusimama mbele ya vyombo vya habari na kuanza kutoa mapovu kunyanyasa watumishi!! Kazi ya waziri ni kusimamia sera za wizara na ilani ya uchaguzi ya chama chake kama inatekelezwa ipasavyo!!

 

[Eddo mkweli]

Kati ya wanasiasa waliotarajia nyadhifa kubwa katika mabadiliko ya jana kuelekea 2015, mmoja wapi ni mwanasiasa chipukizi January Makamba.

Taarifa zinaeleza kwamba Makamba Junior amepata pigo kubwa sana na harakati zake za urais 2015 kwani kuingia katika harakati zile kama naibu waziri kunakuweka kwenye disadvantage kidogo na wenzake wengi kwani ingawa katiba haisemi mgombea lazima awe na uzoefu kama waziri kamili bali awe tu na sifa za kuwa mbunge, fitina itachezwa vilivyo kumpunguza makali ya his candidacy kwa hoja za kutokuwa na uzoefu wa kitosha ngazi ya uwaziri relative to wagombea wengine.

Hii ni changamoto kubwa sana kwa mwanasiasa huyu chipukizi kwani pia yupo kwenye wizara ambayo ni ngumu kujiweka vizuri na grassroots. Whether mamlaka ya uteuzi ilifanya hili na lile la kumwacha kama naibu waziri makusudi au kwa kupitiwa, it is open to discussion.

January Makamba ni mtu mwenye simile na hana papara kabisa katika kutaka madaraka hivyo moja kwa moja napingana na mtoa mada ila naamini mtoa mada alitaka kusema January Makamba anafaa sana kugombea urais 2015,nami naunga mkono kwa hilo kwani kijana anaweza kutupa mabadiliko chanya pia kuhusu fununu nyingine tuwaachie wenye fununu maadam tumemwona anaweza ukweli utabaki kuwa anaweza tu

 

[Eddo mkweli]

Kwa tanzania bado urais ni sehemu ya kufanyia majaribio.lengo la uraisi ni kumwondolea mwananchi umaskini na kumletea maisha bora,na kwa tz bado tunaishi chini ya dola moja na nusu hata baada ya kujitawala kwa miaka 50 na maraisi wanne tofauti kwa vipindi kibao.mpaka sasa bado nchi ina tatizo la umeme,maji,barabara,bado magonjwa na uwezo wa wananchi kujitibu ni shida,bado rushwa na usimamiaji wa sheria ni tabu,bado pamoja na kuwa na majishi hatujaweza kushimamia rasilimali za taifa.bado hakuna uwajibikaji.bado rais anaweza kuchagua washikaji zake kushika nyadhifa mbali mbali bila kujali uweza wao.kama urais usingekuwa wa majaribio leo hii tungekuwa na taifa lililoendelea.tumekuwa tukiongozwa na aina ya viongozi wasiojua maendeleo ni kitu gani na wamekuwa biz kusafiri ugaibuni kujifunza nini maendeleo.hopeless

Weka kiongozi kijana kama Nyerere alivyoingia madarakani akiwa kijana,tumweke January Makamba ndio jibu sahihi ya hivi vitendawili

 

[Eddo mkweli]

Mkuu mbona una ji contradict sana,kwa hiyo ulitaka Slaa na Mbowe wawe manaibu mawaziri ndio waweze kua marais wajao?kumbuka huu ni mfumo wa vyama vingi,wananchi ndio waamuzi!ukweli kauli yako hiyo imenichekesha sana na kunipa doubt!pia nakupa ushauri wa bure tu ndugu,ilo jina la LEMUTUZ kwa umri wako haipendezi kulishabikia litumike!mtu una approach 50 bado una entartain childish stuff?hata mimi wa 30s tu siwezi fanya utoto huo!jitambue ndugu,hata kama haukwenda shule vizuri ila kuna umri ukifika busara na fikra zinatumika kumuongoza mtu!

Ushapewa bhangi na gongo ilibarikiwa na padre na mbege kidogo hapo,ukweli utabaki ukweli hakuna mwananchi anayependa mabo kama ya Sudani kusini au afrika ya kati, hakuna mwananchi anayeamini amani,upendo na mshikamano nje ya rais wa CCM,hakuna kijana asiyeamini kama J.Makamba akipewa nchi 2015 atawezesha vijana kunufaika na rasilimali zao wenyewe, hakuna kijana (isipokuwa wanywa gongo na bangi kisha wanaenda kuandamana) asiyeamini kuwa J.Makamba ndiye rais 2015

 

[tata mbuya]

Amekushawishi wewe ukashawishika lakini amewahi kufanya nini cha kumwamini kirahisi hivyo kumpa nchi naona ikulu pamekuwa sokoni sasa siyo

 

[Kamisaa]

MAHOJIANO YA JANUARY MAKAMBA NA GLOBAL PUBLISHERS...

KARIBU msomaji wetu katika makala maalumu kuhusu Naibu Waziri wa Mawasiliano, Sayansi na Teknolojia. Global Publishers Ltd ilimualika January Makamba mwishoni mwa mwaka jana na hapa ni mfululizo wa mahojiano kati yake na wafanyakazi wa kampuni hiyo.

Awali ya yote, mwongozaji wa mahojiano hayo, Luqman Maloto, alimtambulisha January kwa wafanyakazi katika idara mbalimbali ndani ya Global Publishers na baada ya hapo, alimkaribisha kwenye podium aweze kuzungumza.
“Nafurahi sana kuwepo hapa, nawapongezeni Global kwa sababu mmekuwa mkifanya kazi kubwa sana ya kuiweka sawa jamii ambayo inapotoka kimaadili,” alisema January kisha akaruhusu maswali, akitoa uhuru wa kuulizwa chochote, akaongeza: “Hotuba yangu itapatikana katika maswali, kipindi nitakapokuwa nayajibu.”
Baada ya hapo, wafanyakazi wa Global, walisimama mmojammoja kwa utaratibu maalum kisha kumuuliza January ambaye alijibu kama ifuatavyo.

SWALI: Unapolitazama bunge la leo, ukiwaangalia wabunge vijana waliopo kutoka CCM na upinzani, kwa namna unavyoweza kuichambua michango yao tangu ulipoingia bungeni Novemba 2010, je, unadhani wanaweza? Kwa kiwango gani?

JANUARY: Nina matumaini makubwa na jinsi vijana wanavyochangamkia fursa za uongozi hivi sasa, ninaimani kubwa sana na baadaye, tutafanya makosa lakini ni lazima jamii izoeshwe kuwa na viongozi vijana. Katika watakaokosea, wapo watakaofanikiwa na hao ndiyo watakuwa mfano.

Suala la kuweza siyo jibu la haraka, inabidi kufanya tathmini ya kina. Mbunge kuweza siyo tu kuzungumza na kutoa mishipa bungeni, inabidi kuangalia jinsi anavyowatumikia wananchi wake jimboni.

SWALI: Mbunge yupi kijana anakuvutia zaidi katika michango yake bungeni, uongozi wake na uwakilishi wake kwa wananchi? Kwa nini?

JANUARY: Pamoja na ukweli kwamba tupo vyama tofauti lakini ukweli navutiwa na rafiki yangu Zitto Kabwe. Sababu ni moja tu kwamba anashirikisha watu, kabla hajatoa hoja bungeni, anaifanyia utafiti wa kina na anashirikiana na wabunge wenzake bila ubaguzi wa vyma. Zitto naweza kufanya naye kazi.

SWALI: Upinzani bungeni unakupa picha ya namna gani? Unayaelezeaje malumbano ya mara kwa mara kati ya wabunge wa upinzani dhidi ya kiti cha spika? Kwa mtazamo wako, kiti cha spika kikikaliwa na nani mambo huwa shwari sana bungeni, yupi akikaa huwa matatizo?

JANUARY: Nianze na hilo la majina, siwezi kutaja, sahau kabisa. Kuhusu upinzani, wapinzani wananichanganya. Dhana nzima ya upinzani ni kutoa sera, fikra na njia mbadala lakini hawafanyi hivyo, badala yake wanazua tu malumbano. Wapinzani hawatumii hii fursa kwamba Watanzania wapo tayari kusikiliza.

Mfano ni wakati Bunge la Bajeti mwaka huu, katika Hotuba ya Waziri Mkuu ambayo iligusia mambo mengi ya nchi, Kiongozi wa Kambi ya Upinzani alichambua mambo mawili tu, tena akatumia muda mwingi kueleza ubovu wa mchakato wa Katiba Mpya na kutishia kujitoa, kwa hiyo sioni faida ya upinzania mpaka sasa.
SWALI: Unadhani kama CCM kitashindwa katika Uchaguzi Mkuu 2015, ni chama gani cha upinzani kinatosha kushika dola?

JANUARY: CCM kitaendelea kushinda kwa sababu chama chetu ndicho chenye sifa, hakuna chama cha upinzani chenye ubora wa kuongoza nchi.

SWALI: Kama si wewe, nani mwingine ndani ya CCM unadhani anafaa kuwa Rais wa Tanzania?
JANUARY: Moja ya makosa tunayofanya katika kujadili hatima ya uongozi wa nchi yetu baada ya 2015 ni kuanza kujadili majina.

Binafsi, nisingependa kufanya kosa hilo. Namna nzuri zaidi ni kujadili sifa tunazozitaka katika Rais wa nchi yetu kwa kuzingatia mazingira na mahitaji ya sasa na yajayo hasa katika ulimwengu huu wa sayansi na teknolojia, ulimwengu wenye mabadiliko ya kasi na ushindani mkubwa.

SWALI: Katika vyama vya upinzani, mwanasiasa gani unamuona ana sifa za kuwa rais?

JANUARY: Kama vyama vya upinzani vingekuwa na sera na mipango madhubuti kuhusu maendeleo ya nchi, kama vingekuwa na sera madhubuti za kupambana na changamoto zilizopo basi ningeweza kuwa kwenye nafasi ya kutafakari jina la mtu kwenye upinzani ambaye anaweza kufaa kushika nafasi hiyo. Lakini kwasasa, bado sijasikia mipango thabiti ya vyama vya upinzani kukabiliana na tatizo la ajira, suala la elimu, suala la kilimo, maendeleo ya viwanda na mambo mengineyo.

Ambacho nimekuwa nasikia kutoka kwao ni lawama, malalamiko na shutuma tu dhidi ya serikali na CCM. Dhamana ya uongozi siyo tu kusema unapinga nini au kukosoa tu bali kusema unasimamia nini na utafanya kipi tofauti. Sijasikia sera mbadala. Lakini pia, kama vyama hivi havijajijenga kama taasisi madhubuti, ni vigumu kutoa kiongozi atakayefaa kuongoza nchi.

SWALI: Je, umewahi kuwa na uhasama na mwanasiasa yeyote? Malumbano yako ya hivi karibuni na Mbunge wa Ubungo, John Mnyika kuhusu kodi ya SimuKadi unayazungumziaje? Yalikuathiri kivipi? Tatizo lilikuwa nini?

JANUARY: Sijawahi kuwa na uhasama na mwanasiasa yeyote. Kupishana kimsimamo na kimtazamo hilo ni jambo la kawaida kwenye siasa na nimeshapishana na baadhi ya wenzangu. Bahati nzuri huwa sina hulka ya kuweka uadui na watu kwahiyo tofauti hizo zilipotokea sikubaki nazo.

Ila ni dhahiri kwamba kwenye siasa kuna kutokupendana hata kama hujamfanyia mtu kitu chochote. Kuhusu Mnyika, sikupendezwa na kitendo chake cha kutangaza namba yangu ya simu kwenye mikutano ya hadhara na kuhimiza watu wanipigie kuonyesha hasira zao.

Nilishangazwa kwa sababu suala la kodi ni suala lililopitishwa na Bunge. Lakini pia Wizara inayohusika na masuala ya kodi ni Wizara wa Fedha. Lakini hata kama Wizara yetu ingekuwa inahusika bado mimi nina Waziri wangu, sijui kwa nini alinichagua mimi ili watu waelekeze hasira zao kwangu na nilipata meseji nyingi za matusi ya nguoni kutokana na uhamasishaji wangu. Nadhani alikuwa na lake jambo.

Bahati mbaya nina simu moja tu ambayo ndiyo naitegemea kwa kila mawasiliano, wapo wengine wana simu hadi nne baadhi zikiwa ni za faragha.

SWALI: Tangu ulipoteuliwa kuwa Naibu Waziri wa Mawasiliano, Sayansi na Teknolojia, Mei, mwaka jana, ni mapinduzi gani ambayo umeyafanya, yapi umeyarekebisha? Unawaahidi Watanzania unafuu upi katika sekta yako siku zijazo?

JANUARY: Nilipoteuliwa, baadhi ya mambo ambayo nilipanga kuyasimamia kwa kiwango kikubwa ni kupeleka mawasiliano vijijini. Watu wengi wa mijini hatufahamu kwamba zipo sehemu nyingi sana hapa nchini ambapo bado mtandao haujafika. Binafsi naona siyo haki kabisa wala siyo sahihi kuwaacha Watanzania wenzenu nao wasinufaike na mawasiliano ambayo sisi watu wa mijini tunayafaidi.

Hili jambo nimelisimamia na kasi sasa inaongezeka. Wachumi wanasema ukiongeza mtandao nchini kwa asilimia kumi, unaongeza ukuaji wa Pato la Taifa kwa asilimia moja. Nia yetu ni kwamba itakapofika mwaka 2015, nchini nzima iwe ina mawasiliano.

Katika siku zijazo tutahakikisha ubora wa mawasiliano unakuwepo, kusiwe na usumbufu na wizi na udanganyifu mitandaoni. Lakini kubwa zaidi ni kuendelea kuhakikisha kwamba gharama za mawasiliano zinaendelea kushuka.

SWALI: Katika awamu nne za utawala Tanzania, ni awamu gani unaona imeweka historia kwa uimara wake, na ipi ni dhaifu?

JANUARY: Ni vigumu kulinganisha utendaji wa awamu hizi kwa sababu kila awamu ilikuwa na changamoto zake na kulikuwa na mazingira mahususi kwa wakati huo. Kila Rais aliyepita amejitahidi kukabiliana na changamoto zilizoikabili nchi katika wakati wake.

SWALI: Katika Serikali ya Rais Kikwete, ni eneo lipi unalipongeza kwa uimara wake na lipi unalikosoa kwa udhaifu wake?

JANUARY: Rais Kikwete amejitahidi sana katika uongozi wake ambao pia ulikabiliwa na mazingira magumu. Hulka yake ya uvumilivu imeisaidia sana nchi yetu kwa sababu katika zama zake demokrasia imepanuka na watu wamekuwa na uhuru, wakati mwingine uhuru uliopitiliza mipaka hata kiasi cha kumtukana yeye na familia yake lakini bado hakulipiza kisasi wala hakuhamaki. Atakumbukwa kwa hilo lakini pia mafanikio makubwa kwenye eneo la miundombinu na ujenzi wa mashule nchini.

SWALI: Lini ulifikiria kuwa mwanasiasa, lengo lako la juu kabisa la kuwa mwanasiasa lilikuwa nini?

JANUARY: Nilifikiria kuingia siasa baada ya kufanya kazi kwa karibu na Rais Kikwete kama Msaidizi wake. Nilivutiwa na utendaji wake na moyo wake na bidii yake katika kuwahudumia Watanzania. Nilitaka niige mfano wake. Lakini pia nilitaka kuwatumikia watu wa nyumbani kwetu kama Mbunge wao.
Nilijifunza mengi sana pale Ikulu, ikiwemo jinsi Serikali inavyoendeshwa, jinsi mabadiliko ya watu yanavyoweza kuletwa. Nilitaka yale niliyojifunza niyaweke katika matendo kule Bumbuli. Nataka niwe kiongozi-mtumishi. Lakini pia nilitaka kuweka ubunifu kwenye jinsi Mbunge anavyoweza kuwahudumia wananchi wake na kuleta mabadiliko kwenye maisha yao.

SWALI: Ni nyakati zipi umewahi kujihisi umemkosea mkeo? Ulifanya nini?

JANUARY: Kwenye uhusiano wa ndoa kukoseana kupo. Nimekuwa kwenye ndoa kwa miaka nane sasa na ni kweli nilikwishamkosea mke wangu mara kadhaa. Lakini makosa mengi ni yale yanayosameheka. Kwa mfano katika kazi zangu naweza kukaribisha wageni muhimu nyumbani kwa chakula halafu nikasahau kumpa taarifa mapema ili aandae chakula hadi wageni wanagonga hodi.

Pia, mara nyingi huwa napanga naye mipango ya kutoka naye au kutoka naye na watoto lakini mara kadhaa natingwa na mambo nasahau au naahirisha kwahiyo anakuwa anakasirika lakini bahati nzuri anaelewa jinsi kazi zangu zilivyo.

SWALI: Je, una mtoto wa nje ya ndoa?

JANUARY: Sina mtoto nje ya ndoa.

SWALI: Akitokea mtu, akadai wewe ni baba yake wa nje, ni hatua zipi utazichukua?

JANUARY: Sidhani kama jambo hilo linaweza kutokea kwa sababu halipo kabisa, labda liwe ni katika njama za kuchafuliana majina. Hata hivyo, kama likitokea basi nitamtaka mtu huyo twende tukapime DNA ili kuthibitisha madai yake.

SWALI: Inasemekana ndani ya bunge, wabunge wao kwa wao huanzisha uhusiano wa kimapenzi. Hata walio kwenye ndoa, huwasaliti wenzi wao waliowaacha nyumbani. Je, wewe umewahi kutoka na mbunge wa kike?

JANUARY: Hapana sijawahi kufanya hivyo. Wabunge wanawake umri wangu nawachukulia kama dada zangu na wote wananichukulia kama kaka yao na tunaheshimiana sana. Wabunge wanawake watu wazima nawachukulia kama mama zangu na wao wananichukulia kama mtoto wao na hata salamu zangu kwao huwa ni “Shikamoo Mheshimiwa Mama”.

SWALI: Inadaiwa kuwa wanafunzi wa kike Udom, CBE na vyuo vingine Dodoma, hujirusha sana na wabunge Dodoma. Je, imewahi kukutokea? Umewahi kushawishika japo hukufanya?

JANUARY: Hili ni jambo ambalo huwa nalisikia ingawa ni vigumu kulithibitisha. Binafsi sijawahi kuwa kwenye mikusanyiko na mazingira ya kuwa na hao wanafunzi kiasi cha kushawishika kufanya hivyo.
Staili yangu ya maisha Dodoma ni kwamba jioni baada ya Bunge huwa napenda kuwa mwenyewe nyumbani kujisomea na kutafakari mambo kwa sababu kutwa nzima unashinda Bunge unakuwa umezungukwa na watu na kama kiongozi unahitaji muda wako wewe mwenyewe peke yako.
Lakini zaidi nafahamu kwamba wapo watu wengi sana wananiheshimu ikiwemo hao wanafunzi wa vyuo. Itakuwa ni kujishushia sana heshima ukianza kutangatanga na wanafunzi. Hata kama, kama binadamu, unapata ushawishi wa kufanya hivyo, lakini heshima na dhamana ya uongozi lazima ikuongoze kwa sababu tabia njema pia ni sehemu ya uongozi.

SWALI: Tutajie historia yako kwa ufupi.

JANUARY: Nilizaliwa mwaka 1974. Nilianza shule ya msingi 1982, Monduli. Mwaka 1983 wazazi wangu wakanipeleka kukaa na bibi mzaa mama kijijini Kituntu Kyaka Bukoba. Nilijifunza mengi kuishi kijijini – ambapo hakuna maji, umeme, nyumba haina sementi, shule ipo mbali na lazima kutembea umbali mrefu. Kazi yangu kubwa baada ya shule ilikuwa ni kuchunga mbuzi na kumsaidia bibi, ambaye alikuwa mjane peke yake.

Bibi yangu alikuwa mkali sana na alinifundisha sana nidhamu, hasa nidhamu ya kufanya kazi na kuwa na heshima kwa watu wengi, kuwa mkweli na muadilifu. Baadaye nilirudi Lushoto kujiunga na familia ambapo mzee alikuwa hana kazi wakati huo. Nilikuja kumaliza darasa la saba katika Shule ya Msingi Masiwani Tanga.

SOURCE:

JANUARY: NIKISEMA SITAKI URAIS NITADANGANYA - Global Publishers

JANUARY: NIKISEMA SITAKI URAIS NITADANGANYA -2 - Global Publishers