Jaji Warioba ni Muongo au Msahaulifu?

[MwanaDiwani]

Wakati akikabidhi Katiba Inayopendekezwa kwa Rais Kikwete, Mwenyekiti wa Kamati ya Uandishi ya Bunge Maalumu la Katiba, Mhe. Andrew Chenge alieleza umakini mkubwa uliofanywa na Bunge hilo wakati wa kuandaa Katiba Inayopendekezwa.

Alisema, asilimia 81.8 ya mapendekezo ya Rasimu iliyowasilishwa bungeni na iliyokuwa Tume ya Mabadiliko ya Katiba yamo katika Katiba Inayopendekezwa. Alisema Ibara 46 ambazo ni sawa na asilimia 10.7 zimefutwa na Ibara 54 sawa na asilimia 18.2 ni mpya.

Kwa mujibu wa Mhe. Chenge, ili kukidhi muundo mpya wa Serikali mbili ambao ulitofautiana na wa Tume iliyopendekeza wa Serikali Tatu, baadhi ya ibara ziliongezwa na nyingine kufutwa, kuboreshwa au kubadilishwa kukidhi muundo mpya wa Serikali Mbili.

Ibara zilizoathirika zaidi ni Ibara ya Kwanza na Ibara ya Sita ya Rasimu ya Tume ambazo zilihusu Muundo wa Serikali Tatu. Katiba Inayopendekezwa ambayo itapelekwa kwa wananchi kupigiwa Kura ya Maoni, itakuwa na Sura 19 zenye Ibara 296 tofauti na ile ya Tume ya Warioba iliyokuwa na Sura 17 na Ibara 271.


Katika kujibu hoja za Bunge Maalum, Mwenyekiti wa iliyokuwa Tume ya Mabadiliko ya Katiba, Jaji Joseph Warioba akiwa katika likizo ya wiki moja nyumbani kwake Bunda, Mkoa wa Mara, Jaji Warioba alialikwa na vijana wa mji huo kupitia Jukwaa lao la Uwazi na Fikra Yakinifu, wakiomba azungumze nao kuhusu masuala mbalimbali hasa mchakato wa Katiba Mpya.

Katika mkutano huo uliofanyika katika Hoteli ya Harrieth, Jaji Warioba alinukuliwa akisema, "Kazi yetu kama Tume ya kuandaa Katiba ya Watanzania tuliimaliza. Bunge nalo limemaliza kazi yake japo ina upungufu. Sasa kazi imebaki kwenu wenye Katiba; kuisoma Katiba Inayopendekezwa kwa makini kabla ya kuipigia kura," alisema Warioba.

Jaji Warioba alieleza kusikitishwa na taarifa iliyotolewa na Mwenyekiti wa lililokuwa Bunge la Katiba, Samuel Sitta siku ya kukabidhi Katiba Inayopendekezwa kwa Rais, kwamba Bunge hilo limeweka ndani ya katiba hiyo asilimia 81 ya maoni ya Tume, akisema huo ni uongo mkubwa.

"Ukweli ni kwamba wamechukua asilimia 20 tu na kutupa nje asilimia iliyobaki na kubandika yaliyomo katika Katiba ya sasa ambayo hayawezi kuleta mabadiliko yoyote," alisema Jaji Warioba.

Habari yenyewe inapatikana HAPA

Hivyo, Jaji Warioba aliwataka Watanzania kwa umoja wao bila kujali tofauti zao za kisiasa, dini, rangi, kabila kuhakikisha kuwa wanapata Katiba Inayopendekezwa na kutumia muda mwingi kuisoma kabla ya kuipigia kura.

Fast forward mpaka tarehe 2 November 2014, kwenye ukumbi wa Ubungo Plaza, jijini Dar es Salaam, ambapo kulifanyika Kongamano liliandaliwa na Taasisi ya Mwalimu Nyerere (MNF).

Kabla ya Jaji Warioba kuanza kuzungumza, mshehereshaji wa mdahalo huo Hamza Kassongo alimuomba atoe jibu kama ni kweli Katiba Inayopendekezwa imebeba asilimia 80 ya maudhui ya rasimu ya Pili ya Katiba.

Jaji Warioba katika jibu lake, alisema, ukihesabu Ibara baada ya Ibara utapata asilimia 81 ya ibara za Rasimu ya Tume zimewekwa kwenye Katiba Inayopendekezwa, hata hivyo, maudhui yake yakitazamwa kwa makini mambo mengi ya msingi yametupwa.

Kwa watu wenye fikra pevu lazima waanze kujiuliza, ukweli ni upi wa yale anayoyasema Jaji Warioba kwa sababu hoja zake zinakinzana. Kwa sasa anajikita kwenye maudhui badala ya idadi ya asilimia kama alivyosema wakati akiwa Bunda.

Kama Jaji Warioba anaweza akabadilisha majibu ndani ya muda wa mwezi mmoja, kitu gani zaidi ambacho mwananchi anaweza kuamini kuwa anachokisema leo hawezi kukikana kesho?.

Baadhi ya wananchi walimpatia the benefit of the doubt kuhusiana na kauli yake ya 26 Oct 2011 alipofanya Mahojiano na Gazeti la Raia Mwema pale aliposema Tusidanganyane, kutaka Serikali tatu ni kuvunja Muungano.

Mahojiano hayo yanapatikana HAPA

Jaji Warioba alinukuliwa akisema hivi,

Shughuli za wananchi wa kawaida haziangalii orodha ya mambo ya Muungano, bali haki yao kama raia. Wanajiona ni raia katika shughuli zao za kibiashara au nyingine. Mwananchi wa kawaida anaona anayo haki ya kufanya biashara mahali popote. Wananchi wamezoea hivyo. Msiwafikishe mahali wakajiona kuwa kwenda Zanzibar au kuja Bara inabidi wafuate taratibu za kwenda Kenya au Uganda.

Sasa hivi kiini ni ugomvi wa madaraka kati ya Serikali ya Muungano na Serikali ya Zanzibar. Hivi ukileta serikali tatu, ugomvi huu hautakuwapo? Ukileta Serikali ya Tanganyika yenyewe haitadai madaraka? Mwisho wataomba madaraka hadi Serikali ya Muungano isiwe na chochote.
Hivi Serikali ya Tanganyika kwa mfano ikawapo, ikataka iwe na wimbo wake wa Taifa, bendera yake, nembo yake, kisha inadai ifanye biashara ya nje, unafikiri tutakuwa tumefika wapi?

Lakini tukivunja Muungano madhara yake ni makubwa sana kwa pande zote mbili. Mimi naamini wale wanaotaka serikali tatu wanajua nia yao ni kuvunja Muungano na huu ndio ukweli. Ukianzisha serikali tatu, maana yake unavunja Muungano

Majibu aliyoyatoa Jaji Warioba hayatofautiani na majibu ambayo alishawahi kutoa kuhusu sababu zilizoifanya Tume ya Mabadiliko ya Katiba kuamua muundo wa Serikali tatu. Jaji Warioba alianza kwa kusisitiza na kusema, maamuzi ya kupendekeza Muundo wa Serikali tatu yamefikiwa baada ya ''wananchi wengi'' kupendekeza Muundo wa Serikali Tatu. Watanzania wengi katika maana ya Watanzania 17,280 waliopendekeza Muundo wa serikali tatu ambapo ni asilimia 37.2 ya Watanzania 47,280 walioongelea suala la Muungano.

Baada ya kugundua hoja zake hazina mashiko kwa watu wenye fikra pevu kwa sababu zimeangukia katika convenience sampling badala ya random sampling,ndiyo maana akageuka na kusema, umuhimu wa hoja ndiyo uliwafanya wachague Muundo wa Serikali tatu na siyo idadi wa waliochagua Muundo huo. Hii ilikuja baada ya watu wenye fikra pevu kuichana chana hoja yake kulingana na hali halisi ya takwimu na mazingira.

Kauli na hoja za Jaji Warioba zinanikumbusha usemi wa mwanasiasa, Mwingereza aitwaye, Joseph Chamberlain ambaye alinukuliwa akisema, ‘In politics, there is no use in looking beyond the next fortnight'. Hii ina maana kuwa, Kile anachokisema Jaji Warioba leo usitegemee ndicho atakachokisema wiki ijayo!

Hawa ndiyo wanasiasa na wazee wetu!

Mpaka kufika kwenye Kura ya Maoni, tutaona na kusikia mengi!

 

[NGANU]

Ko wewe maoni yako kama mwananchi yamezingatiwa?
au nawe ni familia ya akina makonda?

 

[MwanaDiwani]

Nimesema humu humu JF yule Mzee kapigika, watu hawajanielewa, labda baada ya ufafanuzi huu watanielewa.

Ninashukuru Comrade kwa kuwakumbusha hasa blind followers.

Hatutachoka, tutaendelea kuzitingisha hoja za wapiga debe wa UKAWA kwa faida ya Taifa letu endelevu.

 

[storage]

Ndiyo umeambiwa uje uandike hivi. Haya

 

[FaizaFoxy]

Ninashukuru Comrade kwa kuwakumbusha hasa blind followers.

Hatutachoka, tutaendelea kuzitingisha hoja za wapiga debe wa UKAWA kwa faida ya Taifa letu endelevu.

Si mpaka wawe na hizo hoja, mimi mpaka leo sijaona hoja yao hata moja, naona wanahororoja na kubwabwaja bila mpango.

 

[Pascal Mayalla]

Mkuu Mwana Diwani, kumuita mtu wa rika la baba yako mzazi kuwa ni muongo!, ni ukosefu wa nidhamu!.

Warioba amekiri kama ni idadi ya ibara, then ni asilimia 81%, lakini ukija kwenye maudhui, ni ndio hiyo asilimia 20%!.

Hili la kura ya maoni, kiukweli mimi kwa upande wangu, nawashauri watu wote, tuipigie tuu kura za ndiyo hii "Bora Katiba!", kwa kutumia precedence ya zile kura za BMK, "zisipotosha, zitatosheshwa!", Ushauri huu nimeisha wapa rafiki zangu wote humu!.

UKAWA na Warioba kubalini matokeo, tuipigie wote kura ya Ndio!

[URL="https://www.jamiiforums.com/katiba-mpya/626078-mchakato-huu-wa-katiba-ni-umasikini-wetu-tujikubali-tuukubali-tuupigie-kura-ya-ndio.html"]Mchakato Huu wa Katiba, ni Umasikini Wetu!, Tujikubali..[/URL]

Jee Wajua Kuwa Kura ya "Hapana" Kwa Katiba Mpya! Ni Kura ya

Pasco

 

[Mtangoo]

Mwanadiwani tena! Nikiona post yako huwa natarajia propaganda za CCM. Huna tofauti na IDs zile zingine za propaganda za vyama vingine.
Wanasiasa wa Tanzania mlio mbele wengi wenu mmeshaishiwa.

Mwisho tu utuambie hiyo asilimia 20 kwa nini waliiondoa?
Kama tume ya katiba ilileta maoni ya wananchi kwa nini zilifutwa? kama hayakuwa maoni ya wananchi bunge lilipata wapi ubavu wa kuweka 80% ya maoni yasiyo ya wananchi ktk katiba yake pendekezwa?

mnaifanya siasa iwe ni worthless post kwa uselessness of your arguments

 

[MwanaDiwani]

Ko wewe maoni yako kama mwananchi yamezingatiwa?
au nawe ni familia ya akina makonda?

Ndugu,
Mimi siyo mbinafsi katika masuala ya kitaifa. Ninaangalia masuala mapana ya kitaifa kwa sababu Katiba haiwezi kumridhisha kila mwananchi katika .

Katiba Inayopendekezwa imeziangatia masuala mapana ya kitaifa kwa maana hiyo, maoni yangu yamezingatiwa.

Ninachosubiri kwa sasa ni kupiga Kura yangu ya Maoni.

 

[Mtangoo]

Nimesema humu humu JF yule Mzee kapigika, watu hawajanielewa, labda baada ya ufafanuzi huu watanielewa.

We baba wewe!
si aliwahi kuwa makamu na waziri mkuu?
ina maana utaratibu wa kuwalipa wastaafu hawa haupo?
Au ndio zile chuki?

 

[MwanaDiwani]

Mkuu Mwana Diwani, kumuita mtu wa rika la baba yako mzazi kuwa ni muongo!, ni ukosefu wa nidhamu!.

Warioba amekiri kama ni idadi ya ibara, then ni asilimia 81%, lakini ukija kwenye maudhui, ni ndio hiyo asilimia 20%!.

Hili la kura ya maoni, kiukweli mimi kwa upande wangu, nawashauri watu wote, tuipigie tuu kura za ndiyo hii "Bora Katiba!", kwa kutumia precedence ya zile kura za BMK, "zisipotosha, zitatosheshwa!", Ushauri huu nimeisha wapa rafiki zangu wote humu!.

UKAWA na Warioba kubalini matokeo, tuipigie wote kura ya Ndio!

Mchakato Huu wa Katiba, ni Umasikini Wetu!, Tujikubali..

Jee Wajua Kuwa Kura ya "Hapana" Kwa Katiba Mpya! Ni Kura ya

Pasco

Ndugu yangu Pasco.

Heading yangu imeuliza swali kama utakuwa umeisoma vizuri.

Mzee Warioba hajasema kwenye Maudhui ni 20%.

Pasco acha kumuwekea maneno mdomoni Mzee wetu!

Kura za Maoni zitatosha na kamwe haziwezi kutosheshwa kwa sababu hakuna sheria ya kutoshesha Kura za Maoni, ndiyo maana UKAWA na wapiga debe wa UKAWA wako kwenye midahalo, makongamano na mikutano ya hadhara wakiwatongoza wananchi ili waipigie kura ya HAPANA Katiba Inayopendekezwa.

 

[lendila]

Rudisheni maadili kwenye katiba acheni kubwela bwela ovyo, kwanini mnangania kufungua acc njee ya nchi wakati mnajua viongozi wakibanwa ni faida kwa nchi?

 

[kalikenye]

Nimesema humu humu JF yule Mzee kapigika, watu hawajanielewa, labda baada ya ufafanuzi huu watanielewa.

Nikimuangalia Mzee Warioba kwa macho pevu, namuona kama mset ajenda ya 2015 na si zaidi ya hapo na hasa ukizingatia uhusiano wake binafsi na Mwl JKN.

 

[super man]

Mkuu Mwana Diwani, kumuita mtu wa rika la baba yako mzazi kuwa ni muongo!, ni ukosefu wa nidhamu!.

Warioba amekiri kama ni idadi ya ibara, then ni asilimia 81%, lakini ukija kwenye maudhui, ni ndio hiyo asilimia 20%!.

Hili la kura ya maoni, kiukweli mimi kwa upande wangu, nawashauri watu wote, tuipigie tuu kura za ndiyo hii "Bora Katiba!", kwa kutumia precedence ya zile kura za BMK, "zisipotosha, zitatosheshwa!", Ushauri huu nimeisha wapa rafiki zangu wote humu!.

UKAWA na Warioba kubalini matokeo, tuipigie wote kura ya Ndio!

[URL="https://www.jamiiforums.com/katiba-mpya/626078-mchakato-huu-wa-katiba-ni-umasikini-wetu-tujikubali-tuukubali-tuupigie-kura-ya-ndio.html"]Mchakato Huu wa Katiba, ni Umasikini Wetu!, Tujikubali..[/URL]

Jee Wajua Kuwa Kura ya "Hapana" Kwa Katiba Mpya! Ni Kura ya

Pasco

sio kweli kwamba ukipiga kura ya hapana unataka katiba ya zamani hapo ni kwamba kura ya hapana itafanya raisi haitishe bmk warudie kazi upya ili kuondoa hizo kasoro labda ipigiwe kura ya hapana tena ndo tutarudi kwenye katiba ya zamani! so acha upotoshaji!

 

[MwanaDiwani]

Si mpaka wawe na hizo hoja, mimi mpaka leo sijaona hoja yao hata moja, naona wanahororoja na kubwabwaja bila mpango.

Nimeufuatilia sana thread yako hii,

https://www.jamiiforums.com/jukwaa-la-siasa/753246-ukawa-hamna-hoja-nipo-hapa-kujibu-hoja-zenu.html

Mpaka sasa zijakutana na hoja mbadala yoyote kutoka kwa UKAWA au wapiga debe wa UKAWA zaidi ya kuhororoja na kubwabwaja.

 

[kasinge]

Urojo mtupu. Njoo tar 16 Ubungo plaza useme urojo wako utajibiwa.

 

[mkezwag]

Mkuu Mwana Diwani, kumuita mtu wa rika la baba yako mzazi kuwa ni muongo!, ni ukosefu wa nidhamu!.

Warioba amekiri kama ni idadi ya ibara, then ni asilimia 81%, lakini ukija kwenye maudhui, ni ndio hiyo asilimia 20%!.

Hili la kura ya maoni, kiukweli mimi kwa upande wangu, nawashauri watu wote, tuipigie tuu kura za ndiyo hii "Bora Katiba!", kwa kutumia precedence ya zile kura za BMK, "zisipotosha, zitatosheshwa!", Ushauri huu nimeisha wapa rafiki zangu wote humu!.

UKAWA na Warioba kubalini matokeo, tuipigie wote kura ya Ndio!

Mchakato Huu wa Katiba, ni Umasikini Wetu!, Tujikubali..

Jee Wajua Kuwa Kura ya "Hapana" Kwa Katiba Mpya! Ni Kura ya

Pasco

kama ni lazima zitotesheshwe,why usiwashauri ccm wakaitangaza katiba Yao kuwa katiba ya nchi badala ya kuteketeza mabilioni ya fedha kuandaa Kura ya maoni fake

 

[bantulile]

Tutakuelewaje wewe kwa mawazo ya mtu mwingine? Ugoro avute Abdala, Athumani atoe kamasi.

Nimesema humu humu JF yule Mzee kapigika, watu hawajanielewa, labda baada ya ufafanuzi huu watanielewa.

 

[Pascal Mayalla]

Ndugu yangu Pasco.
Kura za Maoni zitatosha na kamwe haziwezi kutosheshwa kwa sababu hakuna sheria ya kutoshesha Kura za Maoni, ndiyo maana UKAWA na wapiga debe wa UKAWA wako kwenye midahalo, makongamano na mikutano ya hadhara wakiwatongoza wananchi ili waipigie kura ya HAPANA Katiba Inayopendekezwa.

Mkuu Mwana Diwani, kwani kusheshwa sio sheria ni mbinu tuu, uliwahi kuona popote sheria ya kupiga kura za "siriwazi?!",
kuna sheria yoyote inayoruhusu kupiga kura nje ya kituo cha kupigia kura?!, yote haya hakuna sheria, ila ili kutimiza malengo kusudiwa, tangu ndani ya BMK, kura hazikutosha!, zilitosheshwa!, kwa vile kule ndio ilikuwa ngumu, na zilipotosheshwa, zikatosheleza na kutosha!, kwenye kura ya maoni ni simple zaidi, ndio maana mimi nimewashauri jamaa zangu, wasipoteze muda kufanya kampeni ya kura za hapana, kwa sababu zisipo tosha zitatosheshwa!.

Wengi wanataka kuitumia Zanzibar kama kingamaji kuzuia kura zisitoshe, kwa kuhamasisha kura nyingi za hapana!, bahati mbaya hawajui, hilo kingamaji limewekwa kwenye mteremko!, maji yakija kwa wingi, yatalipanda, na kasi ya maji ikizidi, hadi hilo kingamaji nalo litasombwa na maji, kwa sababu, utaratibu wa "kutoshesha!", huko Zanzibar, ndiko ulikoanzia siku nyingi!, siku zote "sharubu" huwa zinashinda, ila zinatosheshwa, na kutangwazwa mshindwa!.

Katiba imeishapita, kinachofanyika ni taratibu tuu za kuhalalisha, kwa faida ya hawa wajaza mabakuli yetu, tunaowatembezea!, lakini kwa sisi Watanzania!, katiba ni "ndiyo!".

Pasco.

 

[lendila]

Nimeufuatilia sana thread yako hii,

Mpaka sasa zijakutana na hoja mbadala yoyote kutoka kwa UKAWA au wapiga debe wa UKAWA zaidi ya kuhororoja na kubwabwaja.

Rudisheni maoni ya wananchi kwenye katiba pendekezwa, ondoweni maoni ya chenge na sita kwenye katiba pendekezwa, mkifanya hivyo narudi ccm

 

[Pascal Mayalla]

sio kweli kwamba ukipiga kura ya hapana unataka katiba ya zamani hapo ni kwamba kura ya hapana itafanya raisi haitishe bmk warudie kazi upya ili kuondoa hizo kasoro labda ipigiwe kura ya hapana tena ndo tutarudi kwenye katiba ya zamani! so acha upotoshaji!

Mkuu Super man, asante, kumbe kuna kipengele cha

raisi haitishe bmk warudie kazi upya

?!, elimu ya uraia kuhusu kura ya maoni, itakusaidia sana!.

Pasco