Tikiwaambia mje mashambani huku muishi nyie mnang'ang'ania Mbagala Kuu. Huku kwetu sauti pekee unayoisikia asubuhi ni jogoo kuwika.
Poleni sana kwa makohozi
Hata huko mashambani ni balaa, asikwambie mtu.
Siku moja nilitembelea mkoa, babu yangu amepanda miembe shambani kwake na mimi ninapenda sana hayo matunda.
Kipindi hicho ndiyo ulikuwa msimu wake na mchana nikawa nimepanda mwembeni bila kelele nikila matunda kimyakinya kwa utulivu mkubwa, bila kelele wala sauti.
Baadaye kidogo nikasikia sauti ya baiskeli, kisha mtu akapaki akaja moja kwa moja kujibanza na kuchuchumaa kwenye shina la mti niliopanda bila ya kuangalia juu, kisha akafungua mkanda na kuanza kujisaidia haja kubwa!
Kitendo hicho kilinikera na kuniharibia 'mood' kwa sababu alikuwa akinyea sehemu niliyopandia.
Lakini pia alinivuta hisia za cheko zangu kwa jinsi madoido yake aliyokuwa akiyafanya wakati wa tendo hilo.
Alianza kwa kukenua meno na kutoa sauti yenye kujirudiarudia...' Enhnhenhenhenhenheneeeee' huku katoa jicho mkoma, katepesha midomo na kushindwa kujikontroo.
Tendo hilo likanifanya nicheke kwa kujibana!
Lahaula! Huyo mzee akashituka, kama mtu anayekatishwa usingizini ghafla!
Akavuta suruali juu bila ya kuchamba na kuanza kuangalia juu huku akijifunga mkanda na aliponiona akanitambua na kuanza kuniporomishea matusi.
Aliendeleaa kulalamika na kutoa lawama nzito kwamba kwanini nilimwacha ajisaidie bila hata kumshitua kwa kujikohoza?
Mashitaka hayo aliyapeleka hadi kwa babu kunikandamiza kuwa mimi ni mtovu wa nidhamu niliyekubuhu.
Wakati yeye kosa lake la uchafuzi wa mazingira kwenye shamba la mtu kaliweka pembeni!
Kesi ile babu yangu aliimaliza kiutu uzima.
Uone kwamba hakuna mahali panapoishi binadamu pakakosa vituko. Iwe mjini ama vijijini, pote ni vurugu tupu.
