Hii ndio Kambi yangu, Mtakao karibuni Kambini Msiotaka Acheni

[Azizi Mussa]

"Kujijengea tabia ya kufanya vitu kwa namna na katika viwango ambavyo ungependa kila mtu afanye vivyo hivyo,kumfanyia mwingine ambacho ungependa nawe ufanyiwe na kufanya vitu katika kiwango ambacho ungetamani iwe standadi ya ulimwegu ndio msingi mkuu wa Uadilifu na ubinadamu" (E. Kant).

Basi awezaye kuufuta msingi huu uliojaa hekima na aufuate kwa ustawi wa jamii ya mwanadamu.

Wala usijaribu kunitisha eti nitapoteza mvuto wa kisiasa halafu ntakosa kura.Ebo! mimi si wanasiasa na wala sitafuti kura.Ni mwalimu ninayekufundishia watoto wako.

​

Ubakaji ni uhuni na kitendo cha kinyama kisichokubalika, yeyote anayebaka anatakiwa kupigwa vita bila ya kujali ni nani!,

Wizi ni uovu, unapaswa kukemewa bila kujali nani anaiba!,

Uongo na ulaghai ni uovu, unatakiwa ukemewe bila kujali nani anaufanya. Huo ndio msingi wa uungwana na hekima kwa jamii ya watu wastaarabu wanaojitambua.

Kitendo cha kukemea uovu unapofanywa na mtu fulani, lakini uovu huo huo ukifanywa na mtu mwingine unachekelea na kushangilia, ni kinyume na misingi ya ustaarabu na utu.Haiyumkiniki unalalama mwanao anapodhulumiwa na kujifanya wewe ni mtu wa haki sana, ila anapodhulumu unashangilia , na kwa bahati mbaya watanzania wengi tumejikuta katika kundi hili.

Haiyumkiniki tukawa tunadai sisi ni waumini wa demokrasia, tukadai vyama vingi ili kupanua demokrasia, tukadai chaguzi huru na haki za mara kwa mara ili kupanua demokrasia n.k halafu watu hao hao tukawa tunashabikia watu wanaozuia demokrasia ndani ya vyama vinavyodai kuanzishwa ili kutetea na kukuza demokrasia.

Haiyumkiniki; Sisi sisi ndio tunaolalamika kwamba chama tawala (kinachofanya chaguzi kwa ngazi zote mara kwa mara kwa mujibu wa katiba yao) kuwa wanawekana kwa misingi ya kindugu, hawana demokrasia n.k, kisha na sisi tunaanzisha vyama kwa kukipinga halafu tunafanya vivyo hivyo au zaidi ya hivyo halafu tunateteana na kupongezana kisa tumkomoe fulani.

Sisi ndio tunaodai twataka demokrasia, lakini kuna vyama mwanyekiti ni mume katibu mke, halafu mara tunakemea, tukiona maslahi upende wetu mara tunatetea, mara leo tunalalamika mara kesho tunawatetea kwa kukumbatia tabia hiyo hiyo.

Haiyumkiniki; sisi tunaodai demokrasia na kuanzisha vyama kwa hoja ya kupanua demokrasia, halafu ndani yetu kuna watu wanapambana na hiyo demokrasia yenyewe kwa ndani (kwa kutotaka uchaguzi huru na haki), halafu kwa nje wanadai kuipigania hiyo demokrasia na sisi tunawapigia vigelegele.

Haiyumkiniki mtu ukiyasema haya unaambiwa kwa nini huwaambii wale, kana kwamba kuna wenyehaki ya kufanya uovu kuliko ilivyo kwa wengine.

Nasema hivi: Kambi yangu ni ya wapenda demokrasia daima.Kokote nitakapoiona demokrasia nitaitetea.Yeyote atakayeitetea na kuisimamia nitamuunga mkono na yeyete atakayeisigina nitamkosoa.Demokrasia ni pamoja na chaguzi huru na haki na za mara kwa mara.Yeyote anayependa na kutea kufanyika chaguzi za mara kwa mara, huru na haki katika level na nyanja zote nitamuunga mkono. Hiyo ndio kambi yangu na anayetaka kujiunga na kambi hiyo naajiunge na asiyetaka aache!.

Watu wanaulizana, wewe uko kambi ya nani au nani? waambie niko kambi ya wapenda uadilifu kwa dhati ya moyo wangu. kambi ya wapenda uchaguzi huru na haki, niko kambi ya wanaotenda yale wanayopenda kutendewa na nitabaki hivyo daima.

Kama unafikiri ni busara kuchagua kambi hii inayosimamia misingi karibu, kinyume chake chagua kambi utakayo wewe maana binadamu hawafanani wngine wanafanya kazi, wengine omba omba, wengine wezi, wengine panya road lakini maisha yanaenda.Dunia ndivyo ilivyo!

 

[swissme]

Njaa tu zinakusumbu.

swissme

 

[rpg]

Duh....! Naona evolution inanukia!

 

[RockSpider]

Ooh my God kumbe wewe ndo yule Mwalimu wa magumashi wa ACT ibin ESCROW ibin Mamluki wa Ashk Majnoon wa CCM ... Grrrrrrrrrrrrrrrrrr

 

[Azizi Mussa]

Ooh my God kumbe wewe ndo yule Mwalimu wa magumashi wa ACT ibin ESCROW ibin Mamluki wa Ashk Majnoon wa CCM ... Grrrrrrrrrrrrrrrrrr

jamii yeyote hujengwa na mtu mmoja mmoja. Ujenzi wa jamii ya aina fulani huanza na wewe ukiungana na mwingine na mwingine.Kama unafikiri unachofanya unatimiza wajibu wako kulingana na akili yako, fursa zako na vipaji ulivyo pewa bure na mungu, basi keep it up.Kinyume chake wala huna na hutakuwa na wakumlaumu.

 

[Bramo]

Wewe ni wa Kupuuzwa,hujitambui na hujielewi.
Wewe uko kambi moja na watu kama Asumpta Mshama.

 

[SINA]

Ni kweli kabisa umenena ndugu. Kuna watu wengi wanakosoa CCM wakati wanafanya madudu yaleyale.

 

[ChescoMatunda]

Kambi hiyo mwafaka kabsaa ila sasa uko na nani? Kama uko pekee yako hiyo nayo sio demokrasia chukua hatua moja mbele

 

[Azizi Mussa]

Kambi hiyo mwafaka kabsaa ila sasa uko na nani? Kama uko pekee yako hiyo nayo sio demokrasia chukua hatua moja mbele

Mkuu mimi nishachukua hatua.Sasa kama nawe unaamini ni kambi sahihi ila unadhani niko mwenyewe, ni wajibu wako sasa kuungana nami tuwe wawili. na baadae wengi tu. Ninachokiona mimi ni kwamba wengi wetu ni wale wale tu. Ukiona mtu leo anakeea hili, ni kwa kuwa anaona anafaidi mwezake au kaathirika yeye ila siku akiona anafaidika yeye anatetea.Mavyama haya sio ishu sana maana yanaundwa na watu.Kama watu wengi wazinguaji, hakuna namna ambayo tunaweza kuwa na chama chochote kile cha maana sana kabla ya kuwabadilisha watu wenyewe kwanza.Hivyo ndivyo ninaamini siku zote.

 

[Jumanne Mkota]

Mkuu naungana na mtoa maada sehemu kubwa swali kwako huko act watu wanatiana ngeu mbona sikusomi mkubwa?

jamii yeyote hujengwa na mtu mmoja mmoja. Ujenzi wa jamii ya aina fulani huanza na wewe ukiungana na mwingine na mwingine.Kama unafikiri unachofanya unatimiza wajibu wako kulingana na akili yako, fursa zako na vipaji ulivyo pewa bure na mungu, basi keep it up.Kinyume chake wala huna na hutakuwa na wakumlaumu.

 

[chikutentema]

Kambi ya Mwigamba hiyooo

 

[Tindo]

jamii yeyote hujengwa na mtu mmoja mmoja. Ujenzi wa jamii ya aina fulani huanza na wewe ukiungana na mwingine na mwingine.Kama unafikiri unachofanya unatimiza wajibu wako kulingana na akili yako, fursa zako na vipaji ulivyo pewa bure na mungu, basi keep it up.Kinyume chake wala huna na hutakuwa na wakumlaumu.

Kaka kwanza heri ya mwaka mpya. Baada ya hilo nirudi kwenye mada, mimi ni mmoja wa watu waliosikitika kwa wewe kukosekana kwa muda hapa jukwaani labda kama ulikuwa unaingia kama guest ama ni mambo ya kuwa bize. Ni kweli kabisa usemacho na mimi ninaungana sana na hoja zako wala katika hilo sina ubishi. Ukijaribu kuangalia matatizo mengi sana yanatokana na ubovu ama niseme udhaifu wa katiba mama. Hapa ndio penye udhaifu wa haya mengine yote unayoona chama A kukisema chama B kwenye jambo fulani lakini chama B kikashindwa kutekeleza ndani yake kilekile kinacholaumu ndani ya chama A. Ukijaribu kuangalia madhaifu haya kwa kiasi kikubwa kunachangiwa na katiba hii iliyopo kw mantiki ya kwamba rais amepewa madaraka makubwa sana au kwa maneno mengine yuko juu ya sheria na hapa ndio umetokea mpenyo wa sheria nyingi sana kukiukwa. Ukijaribu kuangalia rais anafanya mambo fulanifulani yenye madhara kwa jamii na mamlaka nyingine zote zinakosa ujasiri wa kumuuliza, kwa kuwa watu wengine wote wananona kinachotokea basi na wao wanaamua kufanya wapendavyo.

Udhaifu huu kwa kiasi kikubwa tulitarajia urekebishwe na katiba pendekezwa. Lakini kwa mshangao wangu nilishangaa siku moja ukija hapa kumpongeza Kikwete au kujaribu kumtetea eti watu wamekosa uungwana kwamba rais ni mwema sana mpaka ameleta mchakato wa katiba lakini watu wanampuuza!!! Hivi mchakato wa katiba ilikuwa ni wema wa rais ama mazingira ndio yalitaka tupate katiba mpya? Kwa mtazamo wangu kitendo cha kuacha rais asiweze kushtakiwa kwa makosa anayoyafanya hapo ndio imekuwa dhambi inaendelea na itaendelea kututafuna kwani hapa ni mpenyo mkubwa sana na madhaifu yote tunayoyapigia kelele leo kwenye vyama vyetu na taifa kwa ujumla. Nasema hivyo kwa sababu unasema unaposema ukilaumu kuhusu kosa fulani watu wanakuambia mbona huwaambii wale, hiii inatokana na sehemu kubwa rais wa nchi ambaye hashitakiwi popote akiwa na baada ya kutoka madarakani ni kiongozi wa chama fulani kwa hiyo wakati wa maamuzi anaamua kwa maslahi ya chama chake lakini akiwa na kofia ya urais ambapo hashitakiwi. Kwa mazingira haya huyo msajili wa vyama anapata wapi nguvu ya kupambana na chama B wakati sheria nyingi zinapindwa na kiongozi wa chama A ambaye ni rais wa nchi? Udhaifu huu unasababisha demokrasia kupungua kwani sheria sasa zinatekelezwa kwa kufuata chama kipi kipo madarakani na kama kina makosa makubwa kitalindwa na rais ambaye ni kiongozi mkubwa wa nchi na hivyo kupelekea vyama vingine kufanya vipendavyo.

Tatizo lingine ambalo ninaliona kwanini demokrasia inakuwa ngumu kufuatwa katika vyama, siku hizi uongozi imegeuka ni sehemu ya ajira za kudumu na wala sio dhamana tena kama ilivyokuwa zamani. Unakuta mtu akiwa kiongozi wa chama basi anaacha shughuli zake nyingine zote anageukia ajira hii ya uongozi na kwakuwa kiasi kikubwa maadili yameshuka kwa nchi yetu viongozi wananeemeka sana kwa rushwa kupitia nafasi zao za uongozi. Ndio maana unakuta mtu akishika madaraka hataki kupisha wengine ili aendelee kunyonya kupitia mrija huo. Nadhani unaona kile kinachotekea humu nchini wakati wa uchaguzi kuanzia wa vyama mpaka wa kitaifa, tunashuhudia mauaji, siasa za majitaka, hila, fitina na uchafu mwingine wote, kisa ni huo ulaji wa rushwa. Hivi karibuni nadhani unaona viongozi wa ccm wanachofanya kuhusu kuaapishwa, mtu hajashinda lakini analazimisha kwenda kuapishwa. Lakini kama hakuna aliye juu ya sheria kuanzia rais mpaka wengineo ungeona kila mamlaka na taasisi zikifuata sheria.

 

[Azizi Mussa]

Mkuu naungana na mtoa maada sehemu kubwa swali kwako huko act watu wanatiana ngeu mbona sikusomi mkubwa?

Nafikir kama utakuwa sio mshabiki, utakuwa unaelewa kwamba hata kinachotokea huko ACt ni kutofautiana kati ya wanaotaka uchaguzi kwa mujibu wa sheria, na wanaotaka uongozi kwa hoja ya uasisi na kupinga uchaguzi.Nafikiri unaelewa kuwa jambo hili la hoja ya uasisi kwenye vyama vya upinzani ndicho kitu ambacho wengine tumekuwa tukikikosoa na kukipinga wakati wote.Kwa hiyo wanaotetea uchaguzi ndani ya act kimsingi ndio wanaotetea jambo la maana na jambo hilo li wazi.

 

[Ileje]

Nafikir kama utakuwa sio mshabiki, utakuwa unaelewa kwamba hata kinachotokea huko ACt ni kutofautiana kati ya wanaotaka uchaguzi kwa mujibu wa sheria, na wanaotaka uongozi kwa hoja ya uasisi na kupinga uchaguzi.Nafikiri unaelewa kuwa jambo hili la hoja ya uasisi kwenye vyama vya upinzani ndicho kitu ambacho wengine tumekuwa tukikikosoa na kukipinga wakati wote.Kwa hiyo wanaotetea uchaguzi ndani ya act kimsingi ndio wanaotetea jambo la maana na jambo hilo li wazi.

Anzisheni chama chenu na mtunge katiba mnayokubaliana nayo!! Siyo kudandia vyama walivyoanzisha wenzenu na kuanza kufanya mapinduzi ya uongozi kwa kisingizio cha demokrasia!!

 

[Azizi Mussa]

*Ukijaribu kuangalia matatizo mengi sana yanatokana na ubovu ama niseme udhaifu wa katiba mama.


*Tatizo lingine ambalo ninaliona kwanini demokrasia inakuwa ngumu kufuatwa katika vyama, siku hizi uongozi imegeuka ni sehemu ya ajira za kudumu na wala sio dhamana tena kama ilivyokuwa zamani. .

Mkuu anawe nakutakia heri ya mwaka mpya. By the way wakati fulani nabanwa sana ndio maana sionekani sana.

Umechangia mamb mengi mengine nakubali mengine natofautiana nawe.

Kwa sasa nizungumzie mawili tu kwanza.

1. Unaposemea udhaifu wa katiba ni sawa lakini hata tuwe na katiba kutoka kwa mungu wa mbinguni, kama tutaendelea na tabia hizi hizi, bado haiwezi kutatua tatizo la msingi. Kwa mfano huko act, ambapo ndiko wengi wanapenda nipazungumzie! hivi suala la hao wasiotaka uchaguzi, msingi wao ni katiba mama mbovu? mkuu watz tuna shida kubwa sana zaidi ya sheria na katiba.

2. kuhusu uongozi kufanywa ni ajira hilo nakubaliana nawe 100% lakini kinachonisikitisha ni kwamba na sisi ambao tunatakiwa tuibadilishe hiyo ultitude, badala ya kutimiza wajibu wetu tunafanya tu kile mbacho mtaaani wanakiita "Ushambenga" au "Ushakunaku"haafu kwa upande wa pili tunlalamika utafikiri mabadiliko chanya au hasi yanashuka toka mbinguni.Yaani wakati fulani najiuliza maswali mengi sana juu ya fikra zetu na kile tunachokitaka nakosa majibu kabisa.

 

[Azizi Mussa]

Anzisheni chama chenu na mtunge katiba mnayokubaliana nayo!! Siyo kudandia vyama walivyoanzisha wenzenu !

watu jamii yenu ni sehemu ya tatizo la msingi katika maendeleo ya kijamii na kisiasa nchi.Any way asante kwa kushiriki mjadala.

 

[Ileje]

watu jamii yenu ni sehemu ya tatizo la msingi katika maendeleo ya kijamii na kisiasa nchi.Any way asante kwa kushiriki mjadala.

Una haki kikatiba kuanzisha chama chako na ukatunga katiba ambayo itakufaa na kuweka tafsiri unayoitaka!!

Tumechoka na watu wanaojiunga na vyama kwa lengo la kupata nafasi za uongozi au kutafuta vyeo!! Jiunge na chama ambacho unakubaliana na katiba yake na kikubwa zaidi unakubaliana na viongozi wake, vinginevyo kaa mbali sana na chama hicho!

 

[Gracious]

njaa mbaya sana

 

[dinosour]

Ninakufananisha mtu atangazae,ahubilie amani asubuhi na mchana badala ya kutangaza haki!! maaana HAKI huleta amani!!!

 

[kamagetac]

Mkuu mimi nishachukua hatua.Sasa kama nawe unaamini ni kambi sahihi ila unadhani niko mwenyewe, ni wajibu wako sasa kuungana nami tuwe wawili. na baadae wengi tu. Ninachokiona mimi ni kwamba wengi wetu ni wale wale tu. Ukiona mtu leo anakeea hili, ni kwa kuwa anaona anafaidi mwezake au kaathirika yeye ila siku akiona anafaidika yeye anatetea.Mavyama haya sio ishu sana maana yanaundwa na watu.Kama watu wengi wazinguaji, hakuna namna ambayo tunaweza kuwa na chama chochote kile cha maana sana kabla ya kuwabadilisha watu wenyewe kwanza.Hivyo ndivyo ninaamini siku zote.

Kwani umesha anzisha chama tayari? au ndio unafatilia,maana huwezi sema unasimamia 1,2,3....... wakati uko hewani au kama vile unaelea juu ya maji