PAYE
JF-Expert Member
- Jun 19, 2025
- 418
- 553
Nahodha wa zamani wa timu ya taifa ya Uganda, Emmanuel Arnold Okwi, ametangaza rasmi kustaafu soka la kulipwa baada ya miaka mingi ya mafanikio uwanjani. Kupitia ujumbe wake, Okwi amesema uamuzi huo ni miongoni mwa maamuzi magumu zaidi maishani mwake, akieleza kuwa soka halikuwa kazi tu bali lilikuwa ndoto, shauku na sehemu kubwa ya maisha yake.
Okwi amewashukuru klabu zote alizozichezea, makocha, wachezaji wenzake na mashabiki waliomuunga mkono katika safari yake ya soka. Pia amesema kuivaa jezi ya timu ya taifa ya Uganda na kupewa jukumu la unahodha ni heshima kubwa ambayo ataendelea kuithamini maisha yake yote.
Mshambuliaji huyo, ambaye aliwahi kung'ara pia akiwa na Simba SC ya Tanzania, amesema licha ya kustaafu kucheza, ataendelea kulitumikia soka kwa njia nyingine. Ameeleza kuwa hatua hiyo si mwisho wa safari yake kwenye mchezo huo, bali ni mwanzo wa sura mpya yenye lengo la kuchangia maendeleo ya soka na kuwahamasisha kizazi kijacho cha wachezaji.
Okwi amewashukuru klabu zote alizozichezea, makocha, wachezaji wenzake na mashabiki waliomuunga mkono katika safari yake ya soka. Pia amesema kuivaa jezi ya timu ya taifa ya Uganda na kupewa jukumu la unahodha ni heshima kubwa ambayo ataendelea kuithamini maisha yake yote.
Mshambuliaji huyo, ambaye aliwahi kung'ara pia akiwa na Simba SC ya Tanzania, amesema licha ya kustaafu kucheza, ataendelea kulitumikia soka kwa njia nyingine. Ameeleza kuwa hatua hiyo si mwisho wa safari yake kwenye mchezo huo, bali ni mwanzo wa sura mpya yenye lengo la kuchangia maendeleo ya soka na kuwahamasisha kizazi kijacho cha wachezaji.
