Ndugu zangu,
Sikutaka kabisa kushiriki katika hii mitandao ya kijamii ambayo mimi niliiona kama ni ya kihuni, lakini nimegundua kwamba kuna vitu vya msingi sana ambavyo huwa vinajadiliwa humu na hii imenifanya niamue kushirikii.
Nimesoma michango yenu mingi sana humu, kimsingi michango mingi imejaa chuki dhidi yangu na wenzangu, huwa nashindwa kuelewa sababu hasa ya kunichukia kiasi hiki. Sitaki Malumbano na yeyote, lakini sipendi pia muendelee kuendesha propaganda za kunichafua.
Kuna watu ambao watahakikisha napotea kisiasa, sijui ni kwa maslahi ya nani, najua sababu ni kwamba na wala sijisifu, mimi ni kati ya watu ambao pamoja na matatizo ya kibinadamu niliyonayo, nina uwezo mkubwa wa kuliongoza taifa hili na hii inanifanya nionekane tishio kwa wale wote ambao wanataka kuliongoza hili taifa. Mimi sina nia ya kuwa rais wa Tanzania kwa vyovyote vile lakini ningependa kuwaongoza watanzania iwapo wananchi wangependa iwe hivyo.
Kuhusu hizi shutuma ninazopewa, nadhani ni uonevu tu kwa kuwa hakuna hata mmoja wa wale wanaonishutumu ambaye ana ushahidi wa moja kwa moja kwamba mimi nilishiriki katika kuihujumu nchi, na kwa uzalendo wangu niliamua kuuacha uwaziri mkuu, sijui watanzania wanataka nifanye nini. Najua kama binadamu nina mapungufu yangu na kila mtu anayo lakini hiki kisiwe kigezo cha kuyaacha mazuri yote niliyoifanyia nchi hii na kunisakama, kunitushi na kunidhalilisha kwa kila njia.
Naomba watanzania mnielewe kuhusu Richmond nilifanya kwa nia njema lakini bahati mbaya na kwa makosa ya kibinadamu kampuni ile ikawa feki, ni nilikubali kubeba lawama kwa kujiuzulu. Watanzania kosa langu ni nini hasa? Nihukumuni kwa haki tafadhali sio kwa propaganda.
Ya CCM na dhana ya kuendelea kuchafuana ya magamba nitaileza siku nyingine. Naomba leo niishie hapa, nitaendelea kueleza ukweli wangu popote nitakapopata fursa ikiwa ni pamoja na kupitia mitandao hii ya kijamii.
Karibu sana mzee. Nakupongeza sana kujiunga kwenye jamvi ila sahihisha ID yako watu wataogopa kukueleza ukweli kama umeingia kwa ID yako ya public.
Chuki ni matokeo ya broken communication ambayo sasa umechukua hatua kuunga daraja. Mimi binafsi nachukia ufisadi kwa hiyo kama hilo unalo I am sorry sina choice ila kukuchukia. Kifupi madhara ya ufisadi inaa dimension kubwa isiyopimika na effect kwa maisha ya watu dhaifu wasiyotarajiwa kwa hiyo si kitu kizuri.
Kuongoza watu ni maumbile ya Mungu. Vigezo vingi, vya haki na halali vinamchagua kiongozi hata asipotaka mwenyewe kuwa kiongozi. Wenzetu nyinyi kwenye Chama Cha Magamba mnalazimisha kuwa viongozi tena kwa gharama yo yote. Hapo ndipo ugomvi unapoanzia.
Uongozi ni kuonyesha njia kwa hiyo hauna kujinufaisha ila wote tufike tunakokwenda tunufaike pamoja. Wenzetu nyinyi uongozi ni kuswaga watu wapite nyinyi msipotaka kupita ili mradi mnaweka chenu mfukoni wakati wengine wanapigika.
Iko mifano mingi.
Elimu ya shule za kata - hakuna watoto wenu huko.
TANESCO (Richmond/Dowans) hata mashine zingewashwa leo suala ni malipo ya huduma hiyo si halali na yanakwenda kwenu tu wakati nchi inakonda..
Ubunge - mnataka wabunge wenu siyo wabunge wanaotakiwa na watu.
Uchumi - sijui kama unakumbuka una mashamba mangapi na vitega uchumi vingapi. Ni kweli maisha Bora kwa kila mtanzania yanawezekana lakini ndivyo ilivyo wenzetu mnavyo kwa visingizio na kutokana na nafasi za uongozi.
Rasilimani - mlishabinafsisha kwa manufaa yenu sijui kama unaweza kusimama hadharani na kusema tumefaidika nini na mbuga ya Loliondo, Dhahabu, Almasi. Ila tunajua ndizo zinagharimia chaguzi za CCM.
Misuguano kwenye chama chenu 1. Kinatukatisha tamaa kuhusu mstakabali wa nchi yetu. 2. Mnatumia rasilimali zetu kutafuta suluhu ya matatizo yenu (Mfano muda mwingi wa shughuli za serikali mnfanya vikao vya chama chenu kwa gharama zetu).
KIFUPI NAKIRI KUWEPO KWA CHUKI DHIDI YAKO. Lakini wewe ni mtu mzima mtu hawezi kukuchukia bila sababu. Bila shaka na wewe pia huchukia au humchukia mtu kwa sababu yote ile; basi ni hivyo hivyo kwa binadamu wote.
NGUVU YAKO: Ni mchapa kazi lakini hata wauaji ni wachapa kazi. Imarisha uchapaji kazi wako kwa manufaa ya jamii kwa dhamira yenye hofu ya Mungu.
NI MKWELI: Nakumbuka ushauri wako kwa vurugu za Arusha ulikuwa Bomba naomba pia ukiri kuwa watu walikujadiri vizuri hapa JF. Lakini kwa nini ilikuwa hivyo. Wewe ulijua undani wa ule mgogoro na busara za kuusuluhisha. Wenzio (CCM) walikuwa na hila zao na wanazo hadi sasa. Matokeo yake ni chuki kuongezeka hadi leo na wewe bado uko nao hueleweki.
Ushauri Wangu.
Una kila kitu kwa sasa; na cha thamani zaidi ni
utu wako. Ondoka kwenye chama cha magamba kaa pembeni fanya shughuli zako wananchi wako wanokupenda watakufuata na utawahudumia bila kuwa na migogoro na chuku za kuchonga (Watakuomba Uwaongoze). Mimi kama mwana JF nitakuheshimu sana kama utasimama pembeni mwa uozo huu. Si hivyo tu, bali kama sababu za kukuchukia kama zinatokana na huko kwenye lichama lenyu basi zitakuwa hazipo. Lakini inzi kufia kidondani si ajabu
TAFAKARI CHUKUA HATUA
