Unaonaje jinsi ambavyo Mwanasheria wake Mkuu anavyosimama hadharani kuukana Muungano na bado Shein amemwacha kwenye nafasi yake? Shein ambaye aliwahi kuwa Makamu wa Rais wa Jamhuri ya Muungano ameweza vipi kuwa na Mwanasheria Mkuu anayepinga Muungano?
Go figure!
Dr. Shein sio dhaifu, yeye ni mtu mkimya, makini na mtulivu asiye na papara!. Kwa huu ni wakati wa mchakato wa maoni ya katiba mpya, Mwanasheria Mkuu wa Zanzibar, yuko right kutoa maoni yoyote kuhusu uwezekano wa kuuvunja muungano!.
Nilipoyasoma yale makubaliano ya Muungano, niliwahi kutamka humu kuwa makubaliano yale, hayana sifa ya kuitwa mkataba kwa sababu hayakuweka kipengele cha namna ya kuuvunja muungano!. Mkataba wowote halali kisheria, lazima uwe na kipengele cha namna ya kuuvunja!. Makubaliano ya muungano hayana kipengele cha kuuvunja, huo ni udhaifu mkubwa uliovumiliwa kwa kipindi kirefu bila kuhojiwa!.
Katiba ya JMT inazungumzia kuwa hoja yoyote ya kuhusu kuuvunja muungano ni kosa la uhaini!. Zanzibar ina katiba yake na haisemi hivyo!. Dhaifu ni yule aliyiachia Zanzibar kupitisha katiba yenye vifungu vinavyokinzana na katiba ya JMT, na ilisemwa wazi, kunapotokea ukinzani wowote baina ya katiba hizi mbili, katiba ya JMT ndio ita prevail, kwa vile alichosema Mwanasheria Mkuu wa Zanzibar sio kinyume cha Katiba ya Zanzibar, Dr. Shein hana sababu yoyote ya kumwajibisha, bali mwenye jukumu la kumwajibisha, ni yule aliyeapa kuilinda katiba ya JMT ambayo ndiyo iliyokiukwa!.
Ikumbukwe, Kila Mzanzibar, kwanza ni Mzanzibari, kisha ndio Mtanzania, hivyo kama hajavunja sheria yoyote kwa Uzanzibari wake, na badala yake, amevunja sheria ya Utanzania, anatakiwa kuwajibishwa kwa uvunjaji sheria ya Tanzania!.
Tena kutokana na ukimya huu wa Dr. Shein, umakini wake na utulivu wake, huyu ni mtu asiyefaa kabisa kuwa mgombea wa CCM kwa mwaka 2015 kwa sababu ni hatari kwa mustakabali wa ule ukombozi wa pili wa Mtanzania!