Chombezo: Kivuruge Wa Tandale

Chombezo: Kivuruge Wa Tandale

KIVURUGE WA TANDALE- 20
ILIPOISHIA:
“Mh! Kama ni mume wako kweli si ataniua? Kwa nini usitoke wewe?”
“We... we! Mimi ndiyo anaweza kunichinja kabisa.”
“Sasa tufanyeje?” nilimuuliza huku nikiwa natokwa na kijasho chembamba, nikajua ule msemo wa za mwizi arobaini umetimia. Mara tukasikia mlango ukigongwa, ngo! Ngo! Ngo!
SASA ENDELEA...
“Kaka Ashrafu!” sauti ya kike ilisikika na kutuondolea ile hofu kubwa iliyokuwa imetanda ndani ya mioyo yetu, nikashusha pumzi ndefu na kumtazama mama mwenye nyumba usoni.
“Ni Khazija huyo.”
“Khazija ndiyo nani?”
“Si huyo mpangaji mpya anayekaa hicho chumba cha pili?”
“Kwani hicho chumba kilishapata mpangaji?”
“Ndiyo, wewe huwa hushindi nyumbani siyo rahisi kujua, ana wiki mbili sasa.”
“Mh! Sasa amelijuaje jina langu na atakuwa anataka nini?”
“Sasa hayo ni maswali ya kuniuliza mimi kweli? Hebu mfungulie umsikilize, ikiwezekana muulize kwa nini alikuwa anatuchungulia, kumbe hana adabu kiasi hiki,” alisema mama mwenye nyumba kwa sauti ya kunong’ona.
Bado mlango ulikuwa ukigongwa na baada ya kupata uhakika kwamba alikuwa ni mpangaji mwenzangu, sikuona hata umuhimu wa kuvaa nguo, nilijifunga taulo na kufungua kidogo mlango.
“Samahani kaka, wewe ndiyo Ashrafu?”
“Ndiyo, vipi kwani?” nilimuuliza huku nikimtazama usoni kwa sababu ukweli ni kwamba nilikuwa simfahamu vizuri wala sikuwa nimewahi kukutana naye uso kwa uso. Japokuwa hiyo ndiyo ilikuwa mara yangu ya kwanza kukutana naye, nikiri kwamba nilijikuta nikivutiwa kuendelea kumtazama kwani alikuwa na uzuri fulani hivi ‘amazing’.
Macho yake yalikuwa madogo na mdomo fulani hivi wenye lipsi nyeusi za kuvutia sana. Hakuwa mrefu wala mfupi, hakuwa mweusi wala mweupe, alikuwa na rangi fulani hivi ya chocolate, kifua kidogo kama msichana kigori huku uso wake ukionesha wazi kwamba alikuwa na aibu sana.
Alipoona namkodolea sana macho, na yeye alijikaza na kunitazama usoni, macho yangu na yake yakagongana huku akiwa na tabasamu fulani hivi la aina yake. Kwa kuwa nilikuwa na uhakika wa asilimia mia moja kwamba alikuwa akipiga chabo muda mfupi uliopita, maana yake ni kwamba alikuwa ameshuhudia kila kitu kilichokuwa kimetokea.
Hali hii ilinifanya nikwepeshe macho yangu haraka kutokana na aibu niliyokuwa naihisi. Cha ajabu wakati mimi nikikwepesha macho yangu, eti na yeye alikuwa akinitazama usoni huku akiwa ni kama mtu anayetaka kusema jambo lakini anahofia kitu, aibu za kikekike zikiwa zimemjaa usoni.
“Samahani, naomba niazime chaja ya smartphone, mimi ni jirani yako wa chumba cha pili nimehamia siku chache zilizopita,” alisema huku akiendelea kunitazama kwa macho ya kuibia, nikawa kama siamini kile alichokuwa anakisema.
Yaani kugonga kote mlango kumbe hiyo ndiyo ilikuwa shida yake? Nilishusha pumzi ndefu na kulazimisha tabasamu kwenye uso wangu.
Niliingia ndani bila kusema chochote na wala hata sikujiuliza zaidi ya mara moja, nikatoa chaja na kumpa, akanishukuru na akawa anaondoka, alitembea kwa maringo mithili ya twiga awapo mbugani.
Nadhani kuna jambo alikuwa amelikusudia kwa sababu hiyo ondoka yake ilikuwa ni balaa, alitembea kwa kujitingisha sana, ni hapo ndipo nikagundua kwamba licha ya upande wa kuanzia kiunoni kuja juu alikuwa kama msichana kigori, kuanzia kiunoni kushuka chini ilikuwa ni balaa, kumbe alikuwa na ‘chura’ mkubwa, ukichanganya na ‘pensi nyanya’ aliyokuwa amevaa, nilijikuta kwenye wakati mgumu sana.
Alipofika mlangoni kwake, aligeuka, macho yangu na yake yakagongana, halafu akaachia katabasamu fulani hivi kakichokozi na kunifanya nibaki nimeganda kama ‘zombie’.
“Alikuwa anasemaje?”
“Eti alikuwa ananiomba chaji ya simu.”
“Jana alikuja kuniomba, nikamwambia labda akusubiri wewe maana ya kwangu aliondoka nayo mume wangu. Msichana mcheshi sana huyo, yaanihakawii kumzoea mtu,” alisema huku akinitazama usoni, nadhani alikuwa akitaka kunisoma kitu.
Kwa bahati mbaya, mimi nilikuwa mjanja zaidi yake, basi nikajifanya kuzuga kwamba huwa sipendi mazoea na wanawake kiasi hicho kwani ni rahisi watu wengine kunihisi vibaya.
“We jishaue tu! Nikikuona mmeanza kuzoeana mazoea yasiyofaa nitajua cha kukufanya,” alisema huku akionesha kumaanisha kile alichokisema. Basi nikacheka sana, nikamuuliza kwa sababu gani amesema hivyo? Jibu lake likawa eti ni kwa sababu ananipenda sana na hajawahi kukutana na mwanaume kama mimi.
Wakati mazungumzo yakiendelea, kichwani mwangu bado sura ya yule msichana ilikuwa ikizunguka ndani ya kichwa changu. Hata sijui kwa nini nilikuwa nimebadilika na kuwa na ‘uchu’ kiasi hicho kwa sababu hakukuwa na sababu yoyote ya mimi kuhangaika na wanawake wengine kwani muda mfupi tu uliopita, nilikuwa nimetoka kuelea kwenye bahari yenye kina kirefu.
“Utakula nini?” aliniuliza mama mwenye nyumba wakati akiinuka na kujinyoosha huku akipiga miayo mfululizo. Nikamjibu kwamba chochote atakachotaka yeye mimi sina tatizo, akaniambia kwamba ngoja aingie jikoni akaniandalie madikodiko kama shukrani kwangu kwa kazi nzuri niliyoifanya.
Basi alinisogelea na kunikumbatia, akanimwagia mvua ya mabusu na kunitaka nikaangalia pale mlangoni kama hakuna mtu anayeweza kumuona. Basi nilichungulia lakini hakukuwa na dalili za mtu yeyote, ukiachilia mbali yule msichana ambaye naye alikuwa amejifungia mlango wake kwa ndani.
Harakaharaka alitoka na kwenda kwake, na mimi nikaenda bafuni kujimwagia maji ili kuondoa uchovu ambao sasa ni dhahiri ulishaanza kunielemea. Dakika chache baadaye, nilitoka na kurudi ndani, nikaenda kutandika na kuweka mazingira vizuri kwani kila kitu ndani kilikuwa vululuvululu.
Nilipomaliza nilitoka na kujilaza sebuleni, nikaongeza feni na kuchukua simu yangu. Ilikuwa imejaa meseji ambazo hazijasomwa pamoja na missed call kibao.
Basi nikaanza na meseji ambazo nyingi zilikuwa ni za kutoka kwa Ruqaiya ambaye ilionesha ile shughuli ya usiku uliopita imemchanganya kabisa kiasi cha kuanza kuwa na mahaba mazito kwangu.
Nilimjibu meseji zake zote harakaharaka, muda mfupi baadaye akanipigia. Nilipopokea nilipokelewa na busu mwanana, akaniambia kwamba eti ameshindwa kwenda kazini kwa sababu amechoka sana, hivyo amelala tu nyumbani.
Nilicheka sana, tukapiga stori za hapa na pale lakini kikubwa ni kwamba alikuwa akinisifia sana kwa jinsi nilivyoweza kumfanya avunje madafu, kitu ambacho tangu usichana wake hakuwahi kukutana nacho.
Basi na mimi nilimsifia sana kwa sababu ukweli ni kwamba alikuwa tofauti sana na wanawake wote niliowahi kukutana nao kwenye kumi na nane zangu. Nikiwa naendelea kuongea na Ruqaiya kwenye simu, tukifurahi na kucheka pamoja, mlango wangu ambao haukuwa umefungwa, ulifunguliwa kidogo kisha mtu akaingiza kichwa na kuchungulia.
Alikuwa ni yule msichana, basi ikabidi nimkatishe Ruqaiya kwa muda, kweli alinielewa na kukata simu. Eti yule msichana akaniuliza kama nipo peke yangu ndani, sikuelewa kwa nini ameniuliza hivyo, nikamjibu nipo peke yangu na kumkaribisha. Harakaharaka aliingia ndani na cha ajabu, alikuja kukaa pembeni yangu, jirani kabisa.
Kama mtu angeingia haraka, angeweza kudhani mimi na yeye ni wapenzi, mkononi alikuwa ameshika simu yake na ile chaja niliyompa.
“Simu yangu haiingizi chaji halafu nilikuwa naomba ukanisaidie kitu, unajua bado sijapanga vizuri vitu ndani kwangu kwani sina mtu wa kunisaidia, leo nimekuona upo nyumbani nimefurahi,” alisema huku akinitazama kwa macho fulani hivi, na mimi nikawa namtazama huku nikimuitikia kwa kutingisha kichwa tu kwani akili zangu zilishaanza kuhama.
Moyoni nikawa najisemea ‘hawa wanawake’ wataniua sasa, yaani hata sipati muda wa kupumzika! Basi nilimuuliza anataka nimsaidie nini, akaniambia kwanza anataka nikamchomekee simu yake kwenye chaji kule ndani kwake halafu nimsaidie na kupanga baadhi ya vitu.
Kitu kisicho cha kawaida kilitokea, kwa kuwa nilikuwa nimejifunga taulo tu, kitendo cha kuendelea kutazamana naye kihisia, kilisababisha ‘Ashrafu’ aamke tena kwa fujo na kwa kuwa hakukuwa na kizuizi, yule msichana aliweza kuona kila kitu, akawa ni kama ameshtuka hivi na kujiziba usoni eti ili asione kilichotokea.
Hata sijui nilipata wapi ujasiri kwa mtu ambaye hatujazoeana, nilimgusa shingoni na kumsogeza kwangu, naye bila kikwazo chochote akasogea mzimamzima, nikajisemea ‘liwalo na liwe’, nikamkubatia kwa nguvu huku mikono yangu ikienda moja kwa moja kwenye ‘chura’ wake, akashtuka kidogo na kuanza kunitazama kwa macho ya kurembua.
“Unataka kuni..fanya ni..ni,” aliuliza kwa sauti ya kudeka kama mtoto mdogo.
Je, nini kitafuatia?
 
KIVURUGE WA TANDALE- 21
ILIPOISHIA:
Hata sijui nilipata wapi ujasiri kwa mtu ambaye hatujazoeana, nilimgusa shingoni na kumsogeza kwangu, naye bila kikwazo chochote akasogea mzimamzima, nikajisemea liwalo na liwe, nikamkumbatia kwa nguvu huku mikono yangu ikienda moja kwa moja kwenye chura wake, akashtuka kidogo na kuanza kunitazama kwa macho ya kurembua.
“Unataka kuni..fanya ni...ni?” aliuliza kwa sauti ya kudeka kama mtoto mdogo.
SASA ENDELEA...
Sikumjibu kitu, nikamsogeza zaidi na kugusanisha ndimi, tukawa tunawaigiza njiwa wanavyoyalisha makinda yao. Khazija alikuwa mtundu sana, yaani ilionesha wazi kwamba alikuwa mtoto wa mjini kwani alikuwa akijinyonganyonga kama chatu aliyemeza mbuzi na kuzidi kunipandisha mizuka.
Sijui alifanyaje, nikashtukia lile taulo limedondoka, akajikunja kama mwanasarakasi na kuikamata ‘microphone’, akaipeleka usawa wa mdomo na kuanza kurap kwa staili ya kufokafoka huku akiwa ameishika kwa mikono yake yote miwili.
Huwezi kuamini, mimi huwa mgumu sana kupiga kelele tuwapo kwenye sanaa hiyo ya kikubwa lakini umahiri wake ulinifanya nishindwe kujizuia na mimi nikawa namfuatisha anavyorap, sauti yangu ilikuwa ikizidi kuongezeka kadiri muda ulivyokuwa unasonga mbele.
Waliosema kila mjanja na mjanja wake hawakukosea, Khazija alikuwa mjanja wangu, ndani ya dakika chache tu za kupasha misuli, tayari alikuwa ameshaibuka mshindi kwa sababu mambo aliyokuwa ananifanyia ama kwa hakika yalikuwa mageni kabisa.
Kuna wakati alikuwa anarap mpaka anailamba ‘microphone’ upande wa nyuma, nyaya za kupeleka sauti kwenye spika zinapoanzia, basi nikajikuta macho yanapoteza utulivu wake, yakawa yanazunguka kama goroli, mdomoni nikawa kama natafuna ‘bablish’ wakati ukweli ni kwamba hakukuwa na chochote, nilikuwa nimepatikana.
“Shhh!” alisema Khazija huku akinioneshea ishara ya kuacha kupiga kelele, nadhani mayowe niliyokuwa napiga sasa yalikuwa yamekolea kiasi cha kumfanya hata yeye awe na hofu.
Ilibidi harakaharaka niinuke na kwenda kuongeza sauti ya redio, nikaufunga mlango vizuri kwa ndani ili kusitokee usumbufu wa aina yoyote.
Niliporudi kwa Khazija, tayari alikuwa ameitoa ile ‘pensi nyanya’ aliyokuwa ameivaa na sasa alikuwa akimalizia kuitoa blauzi. Kwa sababu ya udogo wa kifua chake, wala hakuwa na ulazima wa kuvaa ‘bra’, kwa hiyo alipomaliza alikuwa saresare na mimi, mimacho ikanitoka nikiwa ni kama siamini nilichokuwa nakiona mbele ya macho yangu.
Khazija alikuwa na umbo zuri mno, nikawa namtazama kuanzia juu mpaka chini, mimate ikawa imenijaa mdomoni kwa uchu. Yaani usingeamini kama ni mimi ndiye ambaye muda mfupi uliopita nilikuwa ‘msambweni’ na mama mwenye nyumba mpaka mwenyewe akaomba ‘poo’.
Alitembea kwa maringo huku akijitingisha na kunisogelea pale nilipokuwa nimesimama, nikaendelea kubabaika mwenyewe, ‘Ashrafu’ akiwa amefura kwa hasira na kuongezeka ‘saiz’.
Basi alinishika mkono na kunielekeza nini cha kufanya, basi nikawa namfuata kama kondoo anayepelekwa machinjioni.
Chumba kilikuwa changu lakini nilikuwa kama mgeni, akanipeleka mpaka chumbani na kunitaka nilale kifudifudi, hata sijui ilikuwajekuwaje, nikashtukia amekamata ‘microphone’ tena na kuanza kuimba ila safari hii hakuwa akirapu bali alikuwa akiimba nyimbo za taratibu zilizonifanya niwe najinyonganyonga kama nacheza ‘mabreka’.
Nikiwa nimeshakolea kisawasawa, alimkamata ‘Ashrafu’ aliyekuwa amefura kisawasawa na kumuelekeza njia ya kupita, raha niliyoisikia ilinifanya niwe nataka kufumbua macho lakini muda huohuo nataka kuyafumba, kwa hiyo yakawa hayajafumbuliwa wala hayajafumbwa, hebu vuta picha!
Nadhani na yeye aligundua kwamba alikuwa amenipatia kisawasawa, akawa ni kama anaendesha baiskeli hivi, kwa mara nyingine nikajikuta naanza kubwabwaja kwa sauti ya juu, hata sijui nilikuwa nazungumza nini ila ninachojua ni kwamba nilikuwa natoa sauti.
Alipoona nimezidiwa, naye aliongeza kasi, basi akili zangu zikawa nusu zipo eneo la tukio na nusu nyingine sijui ziko wapi, nikawa naweweseka tu na haukupita muda, tayari nilishaanza kuiona theluji juu ya Mlima Kilimanjaro, nikaongeza kasi ya kukwea juu na sekunde chache baadaye, tayari nilishakuwa juu kabisa ya kilele.
Kumbe kile kitendo cha kuongeza kasi Khazija hakukitegemea, kwa hiyo kikamfanya na yeye aongeze kasi ya kuifuata ile theluji kule kileleni na katika hali ambayo hakuna aliyeitegemea, wote tulifika kwa wakati mmoja, mimi nikatoa sauti nzito na yeye akapiga ukelele fulani ulioleta raha ya ajabu masikioni mwangu, nikajitupa pembeni na haukupita muda, nilianza kuhisu usingizi mzito kuliko kawaida.
Muda huohuo nilimsikia Khazija akiinuka na kuchukua nguo zake, baada ya muda kidogo nikasikia mlango ukifunguliwa, sikumbuki nini kiliendelea lakini nilikuja kuzinduka baadaye sana na kujikuta nimelala peke yangu pale kitandani.
Niliinuka nikiwa nimechoka sana, harakaharaka nikachukua taulo na kujifunga kiunoni, nikatoka sebuleni na kukuta msosi umewekwa pale mezani na bila hata kuuliza, nilijua lazima umetoka kwa mama mwenye nyumba.
Sikumbuki alileta saa ngapi lakini kwa kuwa ulikuwa kwenye ‘hotpot’ bado ulikuwa wa motomoto.
Kwa jinsi nilivyokuwa na njaa niliufakamia harakaharaka na ndani ya muda mfupi tu, vyombo vilikuwa vitupu, nikashushia na glasi mbili za maji kisha nikatoka na kwenda bafuni kuoga. Angalau sasa nilirudiwa upya na nguvu lakini kuna kitu cha tofauti nilikuwa nakisikia ndani ya mwili wangu.
Nilikuwa mwepesi sana, yaani kuna wakati nilikuwa nahisi kwamba hata upepo mkali ukija unaweza kuniangusha. Nilijizoazoa mpaka ndani, nikajilaza pale sebuleni na kuwasha runinga, nikawa naendelea kutazama huku akili zangu zote zikiwa kwa mtoto Khazija.
Japokuwa jana yake nilikuwa naamini kwamba Ruqaiya ni mwanamke wa kipekee sana ambaye sijawahi kukutana na mtu kama yeye maishani mwangu, Khazija alikuwa ni habari nyingine! Tofauti yao ni kwamba Ruqaiya alikuwa na ile ladha ya asili wakati Khazija yeye alikuwa ‘fundi’ kwelikweli.
Kila nilipokuwa navuta picha jinsi alivyonipelekesha, nilikuwa naishia kucheka mwenyewe, nikawa nakarudiarudia kale kamsemo ka wahenga kwamba kila mjanja na mjanja wake.
Kwa kuwa watoto wa mama mwenye nyumba walikuwa wamesharudi shuleni, nadhani mwenyewe alishindwa kuja kuvifuata vyombo vyake, kwa hiyo nilichokifanya nilivichanganya na vyombo vyangu na kuvitoa nje, nikaviweka kwenye karo la vyombo.
Nilirudi ndani na kukaa mkao wa kutazama kwenye mlango wa Khazija, nilitaka japo nimuone tu sura yake ili roho yangu ifurahi kwa sababu alikuwa ameniweza kisawasawa lakini huwezi kuamini mpaka giza linaanza kuingia, sikumuona.
Nilitamani kwenda kugonga mlango wake lakini moyo ukawa unasitasita kwa sababu kiukweli kila mtu angenishangaa.
Japokuwa nilikuwa napigiwa sana simu siku hiyo kuanzia na Salma, Madam Bella, Ruqaiya na Nancy, wote nilikuwa nawajibu kimkatomkato isipokuwa Ruqaiya peke yake, muda wote macho yangu yalikuwa kwenye mlango wa Khazija.
Muda ulizidi kuyoyoma, kwenye majira ya kama saa tatu hivi, nilisikia mlango wa chumba cha Khazija ukifunguliwa, harakaharaka nikainuka na kufungua pazia, nikamuona akitoka.
Nilifungua mlango wangu harakaharaka na kutoka nje.
“Jirani vipi, naomba nipitishie chaja yangu,” nilizuga kwa sababu nilijua lazima mama mwenye nyumba na wapangaji wengine wanatusikia, basi alipomaliza kufunga mlango wa chumba chake, akaja mlangoni kwangu.
Alikuwa amejipodoa na kupodoka kisawasawa, kinguo alichokuwa amevaa, kigauni fulani hivi chenye rangi za kung’aa, kilimfanya aonekane kama malaika, ukizingatia na ile shepu yake ya kukata na shoka, alipendeza mno na uzuri wake kuongezeka maradufu.
Yote tisa, kumi alikuwa akinukia sana na begani alikuwa na mkoba mdogo wa kisasa.
“Umependeza sana jamani,” nilimwambia, akanijibu kwa kifupi ‘ahsante’.
“Wapi mida hii?”
“Naenda kwa rafiki yangu, ana bethidei yake.”
“Wapi?”
“Masaki.”
“Nikusindikize?”
“Hapana, tutaonana kesho.”
“Kesho? Ina maana hurudi leo?”
“Hapana, mpaka kesho,” alisema huku akigeuka na kuanza kutembea kwa maringo kuelekea getini, huwezi kuamini kwa mara ya kwanza nilijisikia wivu wa kupindukia kwenye moyo wangu, nikatamani nimfuate lakini nikaona nishai, nikabaki nimeduwaa tu pale mlangoni kama msukule. Mara nikasikia mlango wa mama mwenye nyumba ukifunguliwa.
Je, nini kitafuatia?
 
KIVURUGE WA TANDALE 22
ILIPOISHIA:
“Hapana, mpaka kesho,” alisema huku akigeuka na kuanza kutembea kwa maringo kuelekea getini, huwezi kuamini kwa mara ya kwanza nilijisikia wivu wa kupindukia kwenye moyo wangu, nikatamani nimfuate lakini nikaona nishai, nikabaki nimeduwaa tu pale mlangoni kama msukule. Mara nikasikia mlango wa mama mwenye nyumba ukifunguliwa.
SASA ENDELEA...
“Vipi ulikuwa unaongea na nani?”
“Huyu dada mgeni alikuwa ananiomba nifunge mlango anatoka,” nilimdanganya mama mwenye nyumba, akasogea mpaka getini na kuhakikisha kama kweli ametoka.
“Mbona sasa hujafunga?”
“Nilikuwa nataka kuja kufunga ndiyo nikakusikia unafungua mlango,” nilizidi kuutetea uongo wangu, akaufunga mlango na kunisogelea.
“Mtoto mshenzi huyu, anaenda kwenye biashara zake saa hizi kurudi mpaka asubuhi!”
“Biashara gani?”
“Hee! Kumbe hujui... anafanya biashara ya kujiuza pale Kona, Sinza Afrika Sana, kila siku asubuhi mimi ndiyo namfungulia mlango, alisema mama mwenye nyumba, moyo ukanilipuka paah! Japokuwa kulikuwa na baridi, kijasho chembamba kilianza kunitoka.
“Changudoa?” niliuliza nikiwa ni kama siamini.
“Ndiyo, hawa wasichana wa siku hizi mchana ukimuona utadhani mtu wa maana kweli, ngoja giza liingie,” alizidi kushindilia msumari mama mwenye nyumba.
Hata sikumbuki tuliagana naye vipi, nilikuja kujikuta nimekaa sebuleni nikiwa nimejikunyata, mawazo tele yakipita ndani ya kichwa changu.
Pamoja na ujanja wangu wote, hakuna kitu nilichokuwa nakiogopa kama kutoka na machanguoa, kibaya zaidi ni kwamba nilipokutana na Khazija nilikuwa nimeuza mechi. Niliingia mzimamzima bila tahadhari yoyote.
Kama umewahi kupiga gemu na mtu halafu baadaye ukaanza kuwa na hofu kuhusu usalama wako, unaweza kuelewa ni hofu kiasi gani niliyokuwa nayo. Nilibaki nikiwa nimejikunyata kwa muda mrefu, yaani nimekaa tu! Sitazami runinga wala sisikilizi redio, muda wote natetemeka tu.
Mpaka inafika saa saba za usiku, nilikuwa nimekaa tu pale sebuleni, mawazo mengi yakiendelea kukisumbua kichwa changu. Nilikuwa nikipiga picha jinsi nitakavyokonda, jinsi nitakavyokuwa nakohoa na kutokwa na madonda mwili mzima. Hakika yajayo yalikuwa yakitisha.
Hata sijui nilipitiwa na usingizi saa ngapi, nilipokuja kuzinduka ilikuwa ni tayari saa kumi na mbili alfajiri na kilichoniamsha ni baada ya kusikia mlango wa geti ukifunguliwa, nikakurupuka na kusogea dirishani, nikawa nachungulia nje.
Kweli alikuwa ni Khazija, alikuwa akitembea kwa kuyumbayumba, mkononi akiwa ameshika chupa ya pombe kali. Nilimuona mama mwenye nyumba akipita haraka na kurudi kwake, Khazija akawa anahangaika kufungua mlango wa chumba chake.
“Kwa nini umeniua Khazija? Kwa nini? Why?” nilijikuta nikijisemea huku machozi yakianza kunitoka, donge kubwa lilinikaba kooni, machozi yakawa yanamwagika kwa wingi na kuulowanisha uso wangu.
Niliona kama nitaendelea kukaa ndani naweza hata kuchukua uamuzi wa kujidhuru, nikaona bora nijiandae na kwenda kazini labda kidogo nitachangamka. Basi nilitoka na kwenda bafuni kinyonge, nikajimwagia maji huku nikiendelea kuumia mno ndani ya moyo wangu.
Nilijikuta namchukia sana Khazija na nikajiapiza atakapokuja kunishibokea tena, naweza hata kumtia makofi.
Nilirudi ndani na kujiandaa, muda mfupi baadaye nikatoka kimyakimya, sikutaka hata mtu yeyote anione, nafsi yangu ilikuwa inanisuta mno na nikiri kwamba sijawahi kuwa kwenye majuto kwenye moyo wangu kama kuanzia nilipopewa taarifa kwamba Khazija ni changudoa.
Kwa kawaida kila ninapoondoka kwenda kazini nawasalimu majirani zangu, washkaji na watu wote ninaowafahamu lakini siku hiyo tangu natoka ndani mpaka nafika kituoni, sikuwa nimemsemesha mtu yeyote, muda wote nilikuwa natembea huku nimeinamisha kichwa chini, machozi yakinilengalenga.
Hakuna kitu nilichokuwa nakiogopa kama kufa kwa Ukimwi, nikawa natamani kila kilichotokea kiwe ndoto. Nilijuta kumfahamu Khazija na kubwa zaidi nilijuta mno kumvamia mtu nisiyemjua, tena bila kutumia kinga.
nilipofika kazini, ilibidi kwanza nitafute sehemu na kutulia kabla sijapanda ngazi kuelekea juu ofisini, kwa sababu nilikuwa na hali mbaya sana. Nilinunua maji na kunawa usoni ili hata mtu akinitazama asijue kwamba nilikuwa nalia.
Baada ya kuhakikisha nipo sawa, nilipanda ngazi mpaka juu, mtu wa kwanza kukutana naye alikuwa ni Salma wa mapokezi. Aliponiona tu, aliacha kila kitu alichokuwa anafanya, akanikimbilia na kunikumbatia kwa nguvu huku akinibusu shingoni.
“Kwa nini hupatikani hewani? Halafu hata ukiwa unapatikana mbona unakuwa mzito kupokea simu zangu?” Salma aliniuliza kwa sauti ya chini iliyojaa mahaba na upole, tofauti kabisa na jinsi alivyokuwa siku zote.
“Bado naumwa, nimejikaza tu kuja kazini!”
“Ooh! Maskini pole, hata uso wako unaonesha unaumwa,” alisema huku akiniachia, mwili wangu wote ukabaki na harufu ya pafyumu aliyokuwa amejipulizia. Sikuzungumza naye mambo mengi, nikapita na kwenda ofisini kwangu.
Bado kazi nilizoziacha zilikuwa palepale, kompyuta kadhaa zilizokuwa zinahitaji marekebisho, simu za ofisi na vifaa vya kuunganishia intaneti, vyote vilikuwa vinanisubiri. Nikaweka begi langu sehemu yake na kuchukua vifaa vyangu vya kazi. Niliamua kuelekeza nguvu kwenye kazi nikiamini nitasahau majanga niliyokuwa nayo.
Niliifungua kompyuta ya kwanza na kuanza kuitengeneza, nilibadilisha ‘hard drive’ na kuweka nyingine mpya, nikarekebisha na vitu vingine muhimu kisha nikaichomeka kwenye umeme, nikaiwasha lakini haikuwaka.
Nilirudia kuikagua tena na tena, nikarekebisha kila nilichokuwa nadhani ndiyo tatizo lakini kila nilipokuwa naiwasha, bado ilikuwa ikigoma. Nikaachana nayo na kuanza kuitengeneza nyingine, nayo nikarekebisha kila kitu lakini nilipoiwasha, haikuwa ikiwaka.
Ni hapo ndipo nilipogundua kwamba kichwa changu hakipo sawa kwa sababu kwa jinsi nilivyobobea kwenye masuala ya teknolojia ya mawasiliano, hata kama kompyuta ni mbovu kiasi gani, ikishafika kwangu lazima itapona. Nilivyoona kompyuta zote mbili zimenishinda, niliamua kuachana nazo, nikawa nafanya kazi nyingine.
Niliingia kwenye website ya kampuni na kuanza kukagua baadhi ya mambo kama ilivyokuwa kawaida yangu, vitu vingi havikuwa sawa na kila nilichokigusa kwa lengo la kurekebisha, nilijikuta nazidi kuharibu, nikaamua kuachana nayo.
“Sasa nitafanya kazi gani leo?” nikiwa nado najiuliza, simu ya mezani iliita. Nilipoipokea alikuwa ni Salma, akaniambia bosi ananiita ofisini kwake, nilishusha pumzi ndefu na kujifuta jasho, nikaacha kila kitu na kwenda mpaka ofisini kwa Madam Bella.
Nilipofungua mlango tu, aliacha kila alichokuwa anakifanya na kusimama, akaja mbiombio na kunikumbatia kwa mahaba, tukagusanisha ndimi zetu huku mikono yake ikifanya utalii wa ndani kwenye maeneo mbalimbali ya mwili wangu.
“Nimekumiss jamani mume wangu,” alisema baada ya kuniachia, akanibusu tena na kunikaribisha kiti.
“Mbona umepooza namna hiyo, tatizo nini?” alisema Madam Bella huku akinikazia macho, nikamuungia humohumo kwamba nilikuwa naumwa sana na kwamba nimejilazimisha kuja kazini.
“Pole mume wangu, nakuona kabisa hauna furaha! Basi we nenda tu kapumzike, tutawasiliana baadaye, nikitoka naweza kuja kukuona nyumbani mgonjwa,” alisema Madam Bella, akanibusu mdomoni na kuifuata pochi yake. Alitoa noti tano za shilingi elfu kumikumi na kuniwekea kwenye mfuko wa shati, akanibusu tena.
Nilimshukuru na kutoka, nikaenda ofisini kwangu na harakaharaka nilichukua begi langu na kutoka mpaka mapokezi. Nikamuaga Salma ambaye alibaki ananishangaa.
“Naenda hospitali, nisije nikakufia bure,” nilimtania, akacheka na kunibusu kwa mbali, nikateremka kwenye ngazi na muda mfupi baadaye nilikuwa nimeshafika chini.
“Ebwana kuna mgeni wako anakutafuta kwelikweli.”
“Nani?”
“Yule dada uliyekuwa naye siku ile mkakaa pale, anasema hupatikani hewani kila akikupigia,” alisema mlinzi.
“Dah! Yuko wapi kwani?”
“Yule amekaa pale mlipokuwa mmekaa siku ile, tena naona amekuona maana anasimama,” alisema mlinzi, nikageukia kule alikokuwa ananionesha. Alikuwa ni Nancy, nilimfuata na kuzungumza naye juujuu, nikamwambia naumwa sana na naenda hospitali.
Kwa jinsi uso wangu ulivyobadilika, kweli aliamini naumwa, akataka anisindikize lakini nilimkatalia, nikaondoka huku akionesha wazi kwamba hakufurahishwa na nilichokifanya. Niliingia kwenye Bajaj na kumuelekeza dereva sehemu ya kunipeleka.
“Nipeleke Muhimbili.”
“Hospitali au?”
“Ndiyo,” nilisema huku nikishusha pumzi ndefu. Niliamua liwalo na liwe, lazima nikapime nijue mbivu na mbichi.
Je, nini kitafuatia?
 
KIVURUGE WA TANDALE- 24
ILIPOISHIA:
“Niachee! Niachee mwanamke muuaji wewe,” nilisema kwa sauti ya juu, akazidi kupigwa na butwaa, hata sijui nini kilitokea, nilimuona akitoa kufuli lake kisha sikuelewa kilichoendelea, nilikuja kushtukia tu nipo juu ya kitanda na Khazija, hata sikumbuki nguo zangu zilitokaje mwilini.
SASA ENDELEA...
“Unalia nini sasa, au hutaki nikupe?” aliniuliza huku akiniweka mkao mzuri wa kulamba asali, hata sikumbuki nilimjibu nini, nikajikuta tayari nimezama kwenye bahari ya kina kirefu, nikawa nafanya yangu huku nikiendelea kugugumia kwa kilio cha chinichini ambacho kadiri tulivyokuwa tukiendelea ndivyo kilivyokuwa kinazidi kushuka.
Unajua aliyesema mwanamke siyo mtu wa kushindana naye hakukosea kabisa, yaani kumbadilisha mwanaume mawazo ni jambo la sekunde chache sana, akijua kukupumbaza akili hata kama wewe ni mkuu wa majeshi unaweza kuiingiza nchi kwenye vita bila kutegemea ilimradi tu umfurahishe.
“Nani amekwambia kwamba mimi nimeathirika?”
“Ni mama mwenye nyumba, ameniambia eti wewe unajiuza,” niliropoka hata bila kufikiria mara mbilimbili madhara ya majibu niliyokuwa nampa, naye ni kama alijua kwamba nimefika kwenye kile wazungu wanachoita ‘a point of no return’, basi akaongeza mbwembwe huku akinipiga maswali mfululizo, na mimi nikawa namwaga tu mchele kwenye kuku wengi.
Mpaka kipyenga kinapulizwa kuashiria kumalizika kwa mpambano, nilikuwa nimesahau kabisa ile hofu kubwa niliyokuwa nayo ndani ya moyo wangu kwamba ‘nimeungua’, basi Khazija akawa anaendelea kunipetipeti huku akiniambia kwamba eti mimi ni dume la mbegu niliyekamilika kila idara.
“Lakini Khazija, hebu niambie ukweli mama, hivi kweli wewe huna ngoma?” nilimuuliza huku nikimtazama usoni, hofu ikawa imeanza kurudi upya ndani ya moyo wangu. Basi Khazija alicheka kwa nyodo za kikekike na kunitazama usoni, akawa anajikaza kuzishinda aibu zake za kikekike.
“Hivi ukiniangalia nafanana na mwanamke anayefanya biashara ya ukahaba? Hivi ukiniangalia unaona nafanana na mtu mwenye Ukimwi?”
“Lakini wanasema huwezi kumtambua mwathirika kwa kumtazama kwa macho.”
“Wala usiwe na wasiwasi, mimi nataka tuongozane mguu kwa mguu mpaka hospitalini tukapime, najua umeshalishwa sumu ya hatari mpaka ukaamini kwamba mimi ni mgonjwa.
“Umenikosea nini mpaka nikuambukize virusi kwa makusudi? Au kwa sababu ‘nilijilengesha’ kwako ndiyo unanifikiria mimi ni mwanamke wa hovyo kiasi hicho?” alisema Khazija huku safari hii akiwa ‘siriasi’.
“Niliamua kujilengesha kwako kwa sababu nilikupenda, nakumbuka siku ya kwanza kukuona tulipishana pale dukani lakini sidhani kama wewe uliniona. Lakini pia nimekushuhudia zaidi ya mara tatu ukiwasulubu wanawake watatu tofauti, moyo ukawa unaniuma sana kwa sababu ya wivu.
“Isitoshe mimi ndiyo nilitakiwa niwe na hofu kama hujaniambukiza virusi kwa sababu ndani ya siku chache tu nimekufuma na wanawake watatu tofauti, tena mara zote ulikuwa ‘unauza mechi’ na kibaya zaidi kumbe huwa unakunywa pombe kama hivi, sasa ukilewa si utakuwa unawaparamia mabaamedi hovyohovyo?” alisema Khazija na kunifanya nishtuke sana.
Kikubwa kilichonishtua ni kauli yake kwamba amenishuhudia mara tatu nikiwa naivunjilia mbali amri ya sita na wanawake tofautitofauti, ikabidi nimhoji ili nipate uhakika.
“Mara tatu?”
“Ndiyo, unataka nikupe uthibitisho? Mara ya kwanza ulikuwa na dada mmoja mrefumrefu hivi amejazia ila hajanizidi mimi, mara ya pili ulikuwa na jimama fulani hivi jeupee na mara ya mwisho ulikuwa na mama mwenye nyumba, bisha tena,” alisema Khazija.
Nilishangaa sana kugundua kwamba kumbe alikuwa ananifuatilia bila mwenyewe kujijua, nikashindwa hata kuendelea kumtazama usoni na kujiinamia. Kwa maelezo yake hayo, ilionesha kwamba kumbe siku ile nilipokuja na Nancy pale nyumbani aliniona na alishuhudia kila kitu, siku nilipokuja na Madam Bella, bosi wangu pia alishuhudia kila kitu na kibaya zaidi kumbe ni yeye ndiye aliyekuwa akitupiga chabo wakati tukibingirishana na mama mwenye nyumba.
“Kama kweli unaogopa virusi kama ulivyokuwa unaniletea uchuro kwa kulia na kudai mimi ndiyo nimekuambukiza, unatakiwa kubadilisha mwenendo wako! Mungu amekujaalia zawadi ya kuwa ngangari kwenye sita kwa sita lakini hii inatakiwa iwe zawadi kwa mwanamke mmoja tu atakayekuwa mkeo na si kugusagusa kila mahali, mimi nakupenda ndiyo maana nakwambia maneno haya.”
“Kwani huwa ukiondoka usiku unaenda wapi?” nilijikakamua na kumuuliza, lengo likiwa ni kupata uhakika kama kweli nipo salama.
“Mimi nafanya kazi ya ‘customer care’ kwenye kampuni ya simu pale Mlimani City, naweza kuingia shift ya usiku hata wiki tatu mfululizo lakini mimi sijiuzi wala siwezi kufanya upuuzi huo, mshahara ninaolipwa unanitosha kuishi maisha yoyote ninayotaka, upo?”
Hiyo ndiyo kauli ambayo hasa nilikuwa naihitaji kutoka kwake, nikashusha pumzi ndefu na kumtazama usoni huku katabasamu hafifu kakiwa kameanza kuchanua kwenye uso wangu. Kwa maelezo hayo, ile hofu yote niliyokuwa nayo ndani ya moyo wangu, iliyeyuka kama barafu iyeyukavyo juani.
Niliinuka na kwenda kuwasha redio, nikaweka CD ninayoipendaga, yenye nyimbo za kulalia na kuchagua wimbo wa George Michael uitwao Careless Whisper, nikabonyeza kitufe kwenye rimoti ili wimbo huo uwe unajirudia, nikarudi kitandani na kumvaa Khazija ambaye bado alikuwa akiendelea kutoa maneno mazuri ya kuniusia juu ya tabia yangu.
Kwa furaha niliyokuwa nayo, ya kuhakikisha kwamba kumbe hakuwa changudoa kama mama mwenye nyumba alivyoniaminisha, niliamua kuingia upya uwanjani, nikiwa na nguvu mpya, ari mpya na kasi mpya huku muziki laini uliokuwa ukipiga kwenye redio yangu kubwa ukizidi kunidatisha.
Akiwa anaendelea kuongea kwa upole, nilianza kumfanyia vituko vya hapa na pale na kusababisha kauli zake ziwe zinakatakata, haikuchukua muda tayari naye alishaanza kunionesha ushirikiano, safari hii ikawa zamu yangu.
Nilimuweka sawa, nikapitisha mikono yangu kwa nyuma yake na kuukamata mlima wake kwa staili fulani hivi ya kipekee sana, nikamuona akijikunjakunja kama nyoka aliyemeza mbuzi mzima, nikaweka mwiko kwenye chungu na kuanza kufanya kama nasonga ugali hivi!
Nadhani kilikuwa kitu kipya kabisa kwake kwani miguno aliyokuwa akiitoa haikuwa ya kawaida, akawa anahema kama anataka kuzama kwenye maji ya kina kirefu, basi nikazidisha mbwembwe huku nikimtazama usoni jinsi alivyokuwa akibadilikabadilika kadiri muda ulivyokuwa unasonga mbele.
Ilifika mahali akaanza kuweweseka kama mtu aliyepo kwenye njozi, mara azungumze hili mara azungumze lile, basi ilikuwa ni tafrani ya aina yake.
Haukupita muda mrefu akatangaza kuiona theluji iliyopo juu kabisa ya Mlima Kilimanjaro unaoongoza kwa kupendwa na watalii, sikutaka kumchosha sana, na mimi nikaongeza spidi ya kukwea juu ya mlima na muda mfupi baadaye, na mimi niliiona theluji, nikamuachia na kila mmoja akadondokea upande wake.
Baada ya kama dakika kumi hivi kupita, aliinuka na kuja kunilalia kifuani kwangu, akazungumza jambo ambalo sikulitegemea kabisa kutoka kwake.
“Nataka unioe niwe mke wako! Mi nakupenda mwenzio na nakuahidi nitakupenda siku zote za maisha yako na nitakubadilisha, sasa hivi unahangaika hovyo na wanawake kwa sababu hujampata mtu anayeweza kukubadilisha,” alisema kwa hisia za hali ya juu huku akinibusu kila baada ya sekunde kadhaa.
Japokuwa wakati naingia nilikuwa nimelewa chakari, ‘dawa’ aliyonipa Khazija ilinifanya hata nisikumbuke kama nilikuwa nimekunywa. Nilibaki namkodolea macho nikiwa ni kama siamini kama kile alichokuwa anakisema kimetoka kwenye kinywa chake.
Nilieleza mara ya kwanza kwamba japokuwa nilikuwa na muda mfupi tangu nifahamiane na Khazija, alikuwa na uzuri fulani wa kipekee ambao ama kwa hakika ulikuwa ukinichanganya sana kichwa changu, hasa jinsi alivyokuwa amegawanyika nyonga yake na kubeba mzigo wa kutosha upande wake wa nyuma.
Sikuwa na malengo ya kuoa lakini kwa jinsi Khazija alivyokuwa amenichanganya kichwa changu kwa penzi motomoto alilokuwa ananipa, nilijikuta nikishawishika.
“Kwa hiyo unataka nikuoe?” niliuliza nikiwa hata sijui nataka kujibiwa nini kwa sababu tayari alikuwa amefunguka kila kitu.
“Nakupenda sana mwenzio, mimi ni mgumu sana kujirahisi kwa mwanaume, wapo watu walikuwa wanakuja kunifuata kazini na magari yao ya thamani lakini hakuna aliyewahi kunivutia lakini tangu nilipokuona wewe, nimejikuta nikikupenda na kuridhika mno na wewe, hata sijui moyo wangu utahitaji nini cha ziada nikiwa mkeo,” alizidi kulalama Khazija kwa sauti ya chini iliyojaa mahaba yaliyotukuka.
“Lakini Khazija, mimi mwenzio nina... nina...” nilitaka kusema jambo lakini maneno yakawa yanaishia ndani kwa ndani, nilitaka ‘nimchane’ ukweli kwamba mwenzake sijatulia hata kidogo na sijui kama nitaweza kutulia japokuwa nilikuwa ‘nimemuelewa’ sana.
Kabla hata sijamalizia kauli yangu, alidakia juu kwa juu na kuniambia kwamba anajua kwamba sijatulia lakini amenipenda hivyohivyo na atahakikisha ananibadilisha. Aliposema hivyo, akili zangu zilienda kwa Ruqaiya, nikajiuliza kweli nawezaje kumuacha mwanamke kama yule? Yaani raha zote zile tulizopeana halafu ghafla eti nimwambie mimi na wewe basi, nimepata mchumba? Niliona ni jambo lisilowezekana.
Nilimfikiria Nancy, jinsi alivyokuwa akinipenda na kujituma kwa moyo wake wote kuhakikisha nafurahi, akafikia hatua mpaka ya kurudi nyumbani kwao usiku wa manane, naanzaje kumwambia mimi na yeye basi?
Yote tisa, kumi nilikuwa namfikiria bosi wangu, Madam Bella, nawezaje ‘kumchomolea’ kirahisi eti kisa nimepata mwanamke anayetaka tuoane na kuishi kama mume na mke?
“Haiwezekani!” nilijikuta nimetamka, Khazija akashtuka akiwa ni kama haamini alichokisikia.
Je, nini kitafuatia?
 
KIVURUGE WA TANDALE 25
ILIPOISHIA:
Yote tisa, kumi nilikuwa namfikiria bosi wangu, Madam Bella, nawezaje ‘kumchomolea’ kirahisi eti kisa nimepata mwanamke anayetaka tuoane na kuishi kama mume na mke?
“Haiwezekani!” nilijikuta nimetamka, Khazija akashtuka akiwa ni kama haamini alichokisikia.
SASA ENDELEA...
“Haiwezekani! Haiwezekani kabisa,” nilisema kwa sauti ya juu huku nikiwa najitoa kwenye mikono yake, akazidi kupigwa na butwaa.
“Umepatwa na nini?”
“Sijapatwa na chochote, mimi sijajiandaa kuoa kwa sasa, kwanza mimi bado mdogo.”
“Hujajiandaa kivipi? Mdogo kwani una umri gani wewe?” Khazija alitaka kunibana kwa hoja lakini nazidi kumkwepa kwa kusisitiza kwamba sikuwa tayari kumuoa.
“Kwa hiyo nimefanya makosa kukupenda?”
“Hapana, siyo hivyo mpenzi wangu, wala hujakosea chochote na mimi napenda tuendelee kuwa wapenzi lakini hilo suala la ndoa naomba tuliache kwanza,” nilisema, nikamuona akibadilika, uso wake ukajawa na huzuni isiyoelezeka.
Ilibidi nianze kazi ya kumbembeleza Khazija, nikamwambia asiwe na wasiwasi sina lengo lolote la kumuacha bali nataka kwanza tufahamiane kwa kina kisha mambo mengine yote yatafuatia, kwa mbali nikamuona kama ameanza kuelewa ‘saundi’ zangu.
Basi siku hiyo aliniganda kuliko kawaida, ikawa kila baada ya muda mfupi ananipeleka ‘msambweni’ mpaka nikawa hoi bin taaban, hata sikumbuki nililala saa ngapi, ninachokumbuka nilikuja kuzinduka baada ya kusikia jogoo akiwika kuashiria mwanzo wa siku mpya, mapambazuko!
Nilishtuka kugundua kwamba sikuwa nimelala peke yangu, nilipogeuka pembeni yangu, nilimuona Khazija akiwa amelala fofofo, wote tukiwa watupu na tukiwa tumejifunika shuka moja. Nilijikuta nikitamani kumkumbatia Khazija, nikawa najiuliza ilikuwaje mpaka akalala na mimi? Hajaenda kazini usiku kama kawaida yake?
Nilipomkumbatia, ni kama na yeye alizinduka nusunusu kutoka usingizini, kwani naye alinikumbatia na kunibusu kisha akajilaza kwenye kifua changu. Baadaye aliamka, akanibusu kwa mahaba mazito na kuniuliza nimeamkaje, nikawa nachekacheka tu mwenyewe.
Usingeweza kuamini kwamba ndiyo mimi ambaye siku moja iliyopita nilikuwa nahaha, nikiwa nimekata tamaa kabisa na kuamini kwamba tayari nilikuwa nimenasa ‘ngoma’, kweli akili ya binadamu ina uwezo wa kusahau jambo kwa haraka sana.
“Umejisikiaje kulala na mimi mpaka asubuhi?”
“Nimejisikia poa sana, lakini naomba nikuulize, kwani jana hukwenda kazini?”
“Sikwenda kwa sababu nimeshamaliza shift yangu ya usiku, wiki yote hii nitakuwa naingia mchana,” alisema huku akijinyoosha, akaamka na kujifunga upande wa khanga, akaendelea kujinyoosha huku akipiga miayo.
Nilishindwa kuvumilia kumuona katika hali ile, nikamvutia kwangu na muda mfupi baadaye, tulikuwa uwanjani, tukapelekeshana puta na japokuwa asubuhi ile kulikuwa na kaubaridi fulani, wote wawili tulijikuta tukitokwa na kijasho chembamba.
Baada ya hapo, nilijikuta nikilala tena, nilipokuja kushtuka tayari ilikuwa ni kama saa tatu hivi za asubuhi. Haikuwa kawaida yangu kuchelewa kuamka kiasi hicho kwa sababu siku zote saa kumi na mbili nakuwa nimeshaamka lakini siku hiyo mpaka saa tatu asubuhi! Haikuwa kawaida yangu.
Nilipoamka, yeye hakuwepo pembeni yangu, nadhani alishaamka na kwenda kwake, basi nikatoka nikiwa na mswaki wangu, kiunoni nikiwa nimejifunga taulo, ile natoka tu nikakutana uso kwa uso na mama mwenye nyumba, akanikata jicho mpaka nikawa najiuliza ‘nimemkosea nini huyu mama?’.
Nilimsalimu lakini hakunijibu, nikaenda mpaka bafuni huku nikijiuliza maswali mengi yaliyokosa majibu. Nilioga na angalau mwili ukapata nguvu, wakati natoka, nilikutana na baba mwenye nyumba ambaye kimsingi huwa tunaheshimiana sana na hakuwepo hapo nyumbani kwa muda kwa sababu yeye ni mtu wa kusafirisafiri sana.
Alinichangamkia vizuri na nadhani alirudi usiku maana bado alionesha kuwa mchovu, basi nikaingia zangu ndani huku moyoni nikijisikia kuwa na hatia sana, nikawa najiuliza siku akigundua kwamba akiwa hayupo natia mkono kwenye chungu chake cha asali itakuwaje?
Akili nyingine ikawa inaniambia kwamba eti mimi sina kosa kwa sababu mkewe ananishobokea mwenyewe. Basi nilipoingia ndani tu, mara nilisikia mlango ukifunguliwa, kutazama alikuwa ni Khazija, mkononi akiwa na chupa ya chai na sahani ya vitafunwa, nikamkaribisha akaingia mpaka ndani.
Aliandaa chai, tukakaa na kuanza kunywa huku tukipiga stori za hapa na pale, nikajikuta nikizidi kumpenda. Tulipomaliza kunywa chai, Khazija alinisaidia kufanya usafi mle ndani kwangu kwa sababu huwa sina kawaida ya kufanya usafi mara kwa mara.
Nyumba ikabadilika na kuanza kuwa na hadhi katika suala zima la usafi, alitoka na kwenda kwake akiwa amebeba vile vyombo, muda mfupi baadaye akarudi akiwa na kitezo kilichokuwa na mkaa, akafungua kikopo kidogo kilichokuwa na udi maalum nasikia kutoa Uarabuni, akauweka juu ya mkaa kwenye kitezo na kufukiza chumba kizima, harufu ikabadilika.
Kiukweli sikuwa nimeyazoea kabisa mambo hayo, kwa kifupi mimi nimekulia bara na huko kwetu mambo kama hayo hayapo kabisa! Nimewahi kusikia kwamba maeneo kama Tanga, Pemba na Mombasa ndiyo kwenye mambo hayo ya kufukiza nyumba nzima marashi, ukiingia utadhani upo kwenye dunia nyingine ya tofauti.
Basi tulishinda na Khazija mpaka majira ya kama saa saba hivi ambapo aliniaga kwamba anaenda kazini, lakini tayari alikuwa ameshaniandalia chakula na kuniwekea kwenye ‘pot’, kabla hajaondoka tukaingia tena uwanjani ‘kuagana’ ambapo kama kawaida yake, alinitoa jasho kisawasawa.
Alipoondoka kwenda kujiandaa, nilijikuta nikitamani kwenda ndani kulala, nikainuka kichovu na kuingia chumbani, nilipojitupa kitandani, sikuamka mpaka ilipofika majira ya kama saa kumi na moja jioni na kilichoniamsha, ilikuwa ni njaa.
Haikuwa kawaida yangu kulala hovyo kiasi hicho, basi nikaamka na kwenda tena bafuni kuoga, nikakutana tena na mama mwenye nyumba lakini safari hii alikuwa amekaa na mumewe kwenye jamvi pale uani wakicheza karata.
Japokuwa alikuwa na mumewe lakini bado nilimuona akinitazama kwa macho yaliyobeba ujumbe wa mahaba mazito ingawa ilionesha wazi kwamba moto mkali wa wivu ulikuwa ukikiunguza kifua chake.
Nilioga na kurudi ndani harakaharaka, nikakaa na kuanza kuufakamia msosi alioniandalia Khazija. Nilichokigundua hata aina yake ya upishi ilikuwa tofauti kabisa kwani chakula kilikuwa kimewekwa viungo vilivyokifanya kiwe kizuri sana, nikajikuta nazidi kumpenda Khazija.
Ni mpaka nilipomaliza kula ndipo nilipoishika simu yangu na kuiwasha maana tangu jana yake nilikuwa nimeizima, meseji mfululizo zikaanza kumiminika. Nyingi zilikuwa ni za kutoka kwa bosi wangu, Madam Bella ambaye alikuwa akitaka kujua naendeleaje pamoja na meseji nyingine za kimapenzi.
Lakini pia zilikuwepo meseji za kutoka kwa Ruqaiya naye akitaka kujua naendeleaje, zilikuwepo nyingine kutoka kwa Nancy na kwa Salma, basi ilikuwa tafrani. Ndani ya muda mfupi tu simu yangu ilikuwa imeingia meseji karibu thelathini na muda huohuo ilianza kupigwa.
Wa kwanza alikuwa ni Ruqaiya ambapo nilipoona namba yake tu, uso wangu ulijawa tabasamu, nikapokea yake ambapo kitu cha kwanza alianza kunilaumu eti kwa nini namuweka roho juu kiasi hicho, meseji sijibu na simu haipatikani wakati naumwa. Kwa jinsi alivyokua akilalama kwa hisia nzito, nilijikuta nikitamani nimuone ili kama ni kunilaumu, anilaumu nikiwa namuona.
Kabla hata sijasema chochote, alianza mwenyewe kwa kuniambia kwamba anahitaji sana kuonana na mimi, nimuelekeze mahali popote alipo atanifuata. Nilijua nikisema nimlete nyumbani, naweza kugonganisha ‘magari’, nikamwambia nitajitahidi anikute Magomeni Kanisani, akaniambia anakuja muda si mrefu.
Nilipomaliza tu kuzungumza na simu, mara nilisikia mlango ukigongwa, niliinuka na kwenda kufungua, katika hali ambayo sikuitegemea, nilikutana uso kwa uso na Madam Bella ambaye naye alionesha kama amekuja akiwa na manung’uniko yake moyoni kwamba kwa nini sijamjibu meseji na hewani sipatikani, akaingia na kwenda kitandani moja kwa moja.
Je, nini kitafuatia?
 
KIVURUGE WA TANDALE 26
ILIPOISHIA:
Nilipomaliza tu kuzungumza na simu, mara nilisikia mlango ukigongwa, niliinuka na kwenda kufungua, katika hali ambayo sikuitegemea, nilikutana uso kwa uso na Madam Bella ambaye naye alionesha kama amekuja akiwa na manung’uniko yake moyoni kwamba kwa nini sijamjibu meseji na hewani sipatikani, akaingia na kwenda kitandani moja kwa moja.
SASA ENDELEA...
“Kwa nini unakuwa Mswahili kiasi hicho,” Madam Bella alianza kuwaka huku akisaula viwalo vyake, kimoja baada ya kingine. Sikutaka kuwa na maneno mengi kwani niliamini kwa shoo atakayoipata, mwenyewe atatulia na kunisamehe yote.
Nilimsogelea na kujifanya bado naumwa sana, akanidaka mzimamzima na kunivutia kwake, akanimwagia mvua ya mabusu huku akiniambia kwamba hapendi tabia yangu ya kutokuwa napokea simu anaponipigia.
Nilimdanganya kwamba nakunywa dawa kali sana kiasi kwamba nikishameza tu, napitiwa na usingizi ndiyo maana hata simu ikiita siisikii. Uongo huo ulionekana kumuingia kisawasawa, akanipa pole na kuniambia kwamba hata kama naumwa, anataka ‘nimvuruge’.
Tayari mwenzangu alishaonesha injini imeshachanganya, kilichotakiwa ni kuingiza gia namba moja ili safari ianze. Hata hivyo, tofauti kabisa na siku zote, kuna hali isiyokuwa ya kawaida ilikuwa inanitokea. ‘Mkuu wa kaya’ ni kama hakuwa na habari kabisa juu ya kilichokuwa kinataka kuendelea kwani hakuonesha ushirikiano kabisa.
Jambo hilo pia lilimshtua Madam Bella, ikabidi ajaribu kutumia mbinu zake ili kumrudisha mchezoni lakini ilikuwa ni kazi bure, aligoma kabisa.
“Una nini wewe?”
“Hata mimi sielewi.”
“Ulikuwa namwanamke humu ndani si ndiyo?”
“Mimiii?”
“Wewe ndiyo, kwa nini iwe hivi wakati mimi nakujua wewe ni mwanaume wa shoka?”
“Labda ni kwa sababu ya dawa ninazokunywa, wala usiwe na wasiwasi mambo yatakuwa mazuri.”
“Mambo yatakuwa mazuri saa ngapi bwana?” alisema huku akimvamia tena mkuu wa kaya na kujaribu kumfanyia kukurukakara lakini wapi... alikuwa amelala fofofo.
Kwa mara ya kwanza niliyaona machozi ya Madam Bella, alilia kwa uchungu, alinilaumu sana kwa kumfanyia ukatili wa kiasi kile, alilalama mpaka nikatamani nifanye kitu ili kumridhisha lakini sikuwa na namna.
Basi niliendelea kujitetea kwamba ni kwa sababu ya dawa lakini moyoni nilikuwa najua kilichotokea. Ni kweli muda mfupi uliopita nilikuwa na Khazija na kiukweli ni kwamba alinishughulisha sana, sasa nikawa nahisi pengine hali ile ndiyo iliyosababisha gari lishindwe kuwaka.
Madam Bella alisusa na kugeukia ukutani, akajilaza huku akiwa hataki kabisa kuzungumza na mimi. Mara simu yangu ilianza kuita, harakaharaka nikaichukua na kutazama namba ya mpigaji, alikuwa ni Ruqaiya na nadhani alikuwa akitaka kujua nimefikia wapi kama tulivyokubaliana.
Kiukweli sikuweza kuipokea, nilibonyeza kitufe cha kutoa mlio, nikaiacha iite mpaka ilipokata. Mara meseji ikaingia; Leo nimejiandaa kikamilifu, nimekunywa bakuli la supu ya pweza kwa ajili yako, kazi ni kwako!
Nilijikuta nikizidi kuchanganyikiwa, nikashusha pumzi ndefu na kuitoa simu mlio, nikaiweka chini ya mto na kuanza kutafakari ndani ya kichwa changu nini cha kufanya. Mara nilipata wazo la kutoka na kwenda dukani kwa Mangi ‘kubusti’ kama kawaida yangu.
“Naenda dukani mara moja, nikuletee nini?”
“Sitaki chochote,” madam Bella hakujibu chochote, nikajua kazi ninayo. Basi harakaharaka nilitoka na kwenda kwa Mangi, nikaagiza kinywaji ninachopenda kukitumia ili ‘kubusti’ mambo yetu yale, nikachukua na tangawizi, nikaitafuna nzimanzima mpaka machozi na kamasi vikawa vinanitoka.
Nilipojiona niko fiti, nilirudi nyumbani fasta, nikamkuta Madam Bella kajiweka kihasara pale juu ya kitanda, sikusubiri kuuliza, nikamvamia mzimamzima, ile kupiga ‘stata’ jino moja, gari likawaka.
Madam Bella naye hakutaka stori, alikamata kisawasawa na kuanza kuukwea mnazi kwa pupa huku akiendelea kunililia eti kwa sababu gani namnyanyasa. Sikumjibu chochote zaidi ya kuendelea kupiga mashuti ya mbali, akawa anatoa miguno ya hapa na pale iliyonizidisha munkari.
Hakuchukua raundi, akatangaza kuangua madafu mawili kwa mpigo, akanikamata kwa nguvu utafikiri tupo kwenye ule mchezo unaopendwa sana wa miereka. Aliponiachia, alijitupa pembeni kama mzigo na muda mfupi baadaye, alikuwa akikoroma.
Licha ya kufanikiwa kuitii kiu yake, bado nilikuwa na maswali mengi ndani ya kichwa changu juu ya kilichotokea, kwa nini hali kama ile inikumbe wakati haijawahi kunitokea hata mara moja? Mara nilisikia mlango ukigongwa, harakaharaka nikaamka na kwenda kuchungulia.
Mapigo yangu ya moyo yalishtuka mno baada ya kugundua kwamba alikuwa ni Khazija, mkononi akiwa na kisinia kidogo ambacho juu yake kilikuw ana glasi mbili za juisi. Kwa jinsi ilivyoonesha, moja ilikuwa yake na nyingine yangu, nikawa natetemeka nitafanyaje ili anielewe?
Basi nilijikaza kiume huku nikijiambia kuwa liwalo na liwe, nikafungua mlango. Nilitaka kuanza kumpanga Khazija lakini katika hali ambayo hata sikuitegemea, alinikatisha na kuniambia eti nisijali, anajua kwamba niko na mgeni na ndiyo maana ameniletea juisi glasi mbili.
Mwanzo nilikuwa nimetoa kichwa tu lakini mshangao ulinifanya niuachie mlango, akalitazama tauli nililokuwa nimelivaa huku akililazimisha tabasamu kwenye uso wake, akanikabidhi ule mzigo na kuondoka zake. Kiukweli nilijisikia vibaya kuliko kawaida, niliyahisi maumivu aliyoyapata Khazija kwenye moyo wangu.
Nilirudi ndani na kufunga mlango, nikaweka zile glasi mbili za juisi mezani, nikawasha runinga na kukaa, muda mfupi baadaye Madam Bella alitoka na kuja pale nilipokuwa nimekaa.
“Whaoo, umejuaje kama nahitaji juisi,” alisema huku akikaa na kuichukua glasi moja ya juisi, akaigida na alipoishusha chini, ilikuwa nusu. Nikazidi kujisikia vibaya ndani ya moyo wangu.
Basi tuliendelea na stori za hapa na pale, Madam Bella akaniambia kwamba alikuja mara moja kunijulia hali lakini ana ratiba ngumu siku hiyo, akanishukuru na kuniomba radhi eti kama alikuwa amenikwaza katika mazungumzo yake.
Moyoni nilikuwa nataka aondoke tu, basi nikawa najichekesha pale, akaenda kuoga na aliporudi, alivaa na kunitaka nimsindikize. Kabla hajatoka, alitoa bahasha iliyokuwa na noti kadhaa za shilingi elfu kumikumi na kuniambia eti hizo ni kwa ajili ya juisi ya mgonjwa.
Nilimsindikiza mpaka mahali alipokuwa amepaki gari lake, akaingia na kunitaka na mimi pia niingie na kukaa upande wa pili, tukawa tunapiga stori za hapa na pale na katika mazungumzo yake, aliniambia jambo ambalo lilinishtua sana.
Aliniambia eti anataka nimuoe ili awe mke wangu halali, amechoka kuishi kwa kuibia penzi langu wakati anaamini nampenda sana na yeye ananipenda sana, akaniambia nilifikirie hilo kisha tutaonana kesho yake.
Alinibusu kimahaba mdomoni kisha nikateremka, nikamsaidia kumuongoza kutoa gari na muda mfupi baadaye, aliondoka huku akinipungia mkono. Nilirudi haraka mpaka nyumbani kwangu na kabla sijaingia, nilienda kumgongea Khazija, akafungua mlango kidogo na kuchungulia.
“Unasemaje?” aliniuliza huku akionesha kutokuwa tayari kuzungumza na mimi.
“Samahani naomba tuongee Khazija,” nilimwambia, akajifikiria kwa zaidi ya dakika nzima kisha akashusha pumzi ndefu na kufungua mlango, lakini akawa anakwepa nisimuangalie usoni.
Na mimi niliendelea kukazania kumuangalia usoni huku nikimsemesha, aliponitazama, nilijikuta nikimuonea huruma kupita kiasi, macho yake yalikuwa yamebadilika rangi na kuwa mekundu sana kuonesha kwamba kumbe alikuwa analia, nikamsogelea na kutaka kumkumbatia lakini alikataa, nikatumia nguvu na kumkumbatia hivyohivyo, na yeye akanikumbatia huku akianza upya kuangua kilio.
Je, nini kitafuatia?
 
KIVURUGE WA TANDALE- 27
ILIPOISHIA:
Na mimi niliendelea kukazania kumuangalia usoni huku nikimsemesha, aliponitazama, nilijikuta nikimuonea huruma kupita kiasi, macho yake yalikuwa yamebadilika rangi na kuwa mekundu sana kuonesha kwamba kumbe alikuwa analia, nikamsogelea na kutaka kumkumbatia lakini alikataa, nikatumia nguvu na kumkumbatia hivyohivyo, na yeye akanikumbatia huku akianza upya kuangua kilio.
SASA ENDELEA...
“Kwa nini unanifanyia hivi lakini?”
“Nisamehe Khazija.”
“Unanipenda?”
“Ndiyo nakupenda.”
“Malengo yako ni nini kwenye maisha yangu?”
“Nataka nikuoe, nataka uwe mke wangu, mama wa watoto wangu,” nilijikuta nikiropoka huku nikiendelea kumbembeleza Khazija ambaye nikiri wazi kwamba alishaanza kuniingia moyoni.
Basi tulibembelezana pale kwa muda mrefu na mwisho tukajikuta tukiishia juu ya kitanda kikubwa kilichokuwa ndani ya chumba cha Khazija. Miongoni mwa vitu ambavyo Khazija alikuwa ananipatia, ilikuwa ni kwenye suala zima la mbinu na medani za aina yake tuwapo kwenye uwanja wa fundi seremala.
Nililigundua hilo kwa sababu muda mfupi tu uliopita nilikuwa nimetoka kuchoshana nguvu na Madam Bella, tena gari likawaka kwa mbinde kwelikweli lakini kwa Khazija ilikuwa tofauti kabisa. Mpaka kipyenga cha mwisho kinalia kuashiria kumalizika kwa mpambano, nilikuwa hoi bin taaban.
Nakumbuka kwa mara ya kwanza, nilishindwa kusimama kutokana na jinsi miguu ilivyokuwa inatetemeka huku mwili ukiwa umeishiwa kabisa nguvu. Basi harakaharaka akanirudisha pale kitandani na kunichanganyia ‘glucose’ kwenye maji na kuninywesha, kisha glasi ya juisi ikafuatia.
Nikiwa nimeanza kurejewa na nguvu zangu, yeye aliamka na kuanza kuandaa maakuli huku akinipigisha stori za hapa na pale. Nilikuwa nimefanikiwa kabisa kumuondolea huzuni aliyokuwa nayo ndani ya moyo wake, akawa ananihimiza kwamba nisirudie tena kumuumiza.
“Unajua kwetu Pemba kuna uchawi wa kumfunga mwanaume, ukiendelea na mambo yako itabidi nikakufunge maana nakupenda na nataka uwe wangu peke yangu,” alisema huku akiendelea kukaangiza.
“Unakuwaje huo uchawi!”
“Ukichepuka tu gari haliwaki, hata ufanyeje ila ukirudi ndani mambo yanakuwa safi,” aliniambia, nikashtuka sana kwa sababu ni kweli hicho ndicho kilichotokea nilipokuwa na Madam Bella na kama nisingefanya juhudi za ziada, huenda ningedhalilika.
Japokuwa mwenyewe alikuwa akizungumza kama masihara, tena akicheka, kwangu mimi niliona ‘nimepatikana’. Basi tuliendelea na mazungumzo na baadaye msosi ulipokuwa tayari, aliandaa, tukakaa mezani tayari kwa kula.
Kabla sijaanza kula, alianza yeye kunilisha kisha akanibusu! Kiukweli Khazija alikuwa anajua sana kunidekeza kiasi kwamba mpaka chakula kinaisha, sikutamani kutoka kurudi kwangu. Nilishasahau kama nina ‘appointment’ na mtu muhimu sana, Ruqaiya.
Huwezi kuamini, tuliendelea ‘kubebishana’ na Khazija mpaka usiku na kilichokuja kunishtua ni baada ya kugundua kwamba sikuwa nimefunga mlango wangu.
Khazija naye alivyo mjanja, akaniambia nimuelekeze ataenda kufunga mwenyewe, kidume nikalainika, akaenda kufunga harakaharaka na muda mfupi baadaye alirejea akiwa na funguo zangu.
Kilichoendelea hata sikumbuki ni nini lakini nilipokuja kuzinduka, tayari kulikuwa kumepambazuka, nikiwa juu ya kitanda kimoja na Khazija, tukiwa tumejifunika shuka moja na msichana huyo mrembo ambaye kiumri alikuwa ‘saizi yangu’.
Waliosema kwamba mchovya asali hachovyi mara moja, hawakukosea. Kwa Khazija ni kama nilikuwa nimechovya asali, huwezi kuamini kwamba siku iliyofuatia sikuwa na habari na kazi wala simu yangu, nilishinda kutwa nzima nikiwa ndani na Khazija!
Naye alikudanganya kazini kwao kwamba anaumwa kwa hiyo muda pekee aliotoka ulikuwa ni wa kwenda kununua vitafunwa pamoja na mboga, baada ya hapo tulijifungia kutwa nzima ndani.
Jioni majira ya kama saa kumi na mbili, ilibidi nitoke nikaangalie kama ndani kwangu kulikuwa salama, nikamuacha Khazija akiwa amejilaza kitandani. Ile natoka tu, niligongana macho na mama mwenye nyumba, akaachia msonyo mmoja mkali sana.
“Kuna nini kwani mke wangu,” sauti ya mumewe aliyekuwa ndani ilisikika, nadhani alishtuka kumsikia mkewe akiachia msonyo, akamdanganya kwamba eti kuna kitu kilikuwa kimemkwaza huku akijifanya hana habari na mimi.
Sikumjali, nilienda mpaka mlangoni kwangu na kufungua, nikawasha redio na taa maana kigiza cha jioni kilishaanza kisha nikachukua ndoo ya maji kwa ajili ya kwenda kujimwagia ili kupunguza uchovu. Mama mwenye nyumba aliendelea kunikata jicho lakini nikawa najifanya kama vile simuoni.
Baada ya kumaliza kuoga, nilitoka bafuni na kuelekea ndani. Ile naingia tu, nilisikia rafiki yangu Ras akiniita kwa bashasha.
“Ulikuwa wapi mwanangu, nimekutafuta kinoma kuanzia asubuhi,” alisema rafiki yangu huyo ambaye huwa anashinda stendi, pale kwa Mtogole.
“Dah, naumwa mwanangu, nimeshinda hapahapa nyumbani, sijatoka kabisa.”
“Aunt, ingia,” alisema Ras huku akimuoneshea ishara mtu aliyekuwa amesimama koridoni, nikashtuka kugundua kwamba alikuwa amekuja na mtu. Nikiwa bado nang’aang’aa macho, nilishtukia Ruqaiya akitokezea, mshtuko nilioupata almanusra nidondoke.
“Ooh! Karibu sana mgeni, daah! Karibu sana,” nilisema kwa kujibaraguza huku uso ukiwa umenishuka. Ruqaiya hakunionesha bashasha kama nilivyozoea, nikazidi kupata hofu ndani ya moyo wangu.
Ili kuepusha ‘kuuza gazeti’, harakaharaka nilimkaribisha ndani, nikamshukuru sana Ras kwa kuniletea mgeni wangu, nikachukua shilingi elfu mbili pale mezani na kumkabidhi.
“Dah, inabidi umuombe radhi aunt maana amekutafuta kinoma, tangu saa nne asubuhi tunahangaika kukutafuta,” alisema Ras huku akiniaga, akanipa ‘tano’ kisha akaondoka zake, Ruqaiya akawa amekaa juu ya kiti huku akiwa amejiinamia.
Nilijihisi kuchanganyikiwa, nilichokifanya nilienda kufunga mlango kwa ndani kisha nikaenda kuvaa bukta chumbani nakurudi pale sebuleni, nikaenda kukaa pembeni ya Ruqaiya. Nilishtuka sana kumuona akilia, ikabidi kazi ya kumbembeleza ianze.
“Nataka uniambie ulikuwa wapi ndiyo mambo mengine yataendelea, unajua ni kwa kiasi gani nimehangaika kukutafuta?”
“Sijaenda popote mke wangu, nimeshinda hapa nyumbani yaani nimekamatwa na tumbo la kuendesha tangu jana usiku mpaka nahisi kufa,” nilidanganya, akanitazama huku akiendelea kutokwa na machozi.
“Nimekupigia simu mara ngapi? Nimekutumia meseji ngapi? Kwa nini hunijibu? Kwa nini unanifanya niwe na wasiwasi kiasi hiki?” alisema huku akiendelea kulia, nikamkumbatia na kuendelea kumbembeleza.
Kitendo cha Ruqaiya kunililia kiasi kile kilinitisha kwa sababu kama nilivyowahi kueleza, alikuwa ni mwanamke wa nguvu haswaa! Kwanza alikuwa mzuri kuanzia sura mpaka umbo lakini kubwa zaidi, alikuwa na fedha za kutosha na aliolewa na mwanaume anayejimudu kwelikweli kimaisha!
Kwa hadhi yake, hakutakiwa kabisa kumwaga machozi kwa sababu ya ‘kivuruge’ mimi, nikajihisi kuwa na hatia kubwa ndani ya moyo wangu. Wakati nikimbembeleza, akili yangu nyingine ilikuwa ikimfikiria Khazija, maana nilipoondoka pale kwake nilimwambia nitarejea muda si mrefu, nikawa najiuliza akiamua kunifuata itakuwaje?
Yaani nishinde kutwa nzima nikiwa naye ndani kwake halafu atoke anikute na mwanamke mwingine ndani, tena siku moja tu baada ya kutokea kwa tatizo lingine kama hilohilo lililomliza sana! Itakuwaje?
“Inawezekana wewe una mwanamke mwingine ndiyo maana unanifanyia hivi, kwa nini lakini unanitesa jamani?”
“Ha..pana! Sina mwanamke mwi..ngine Ruqaiya, nisamehe mama, nakupenda sana,” nilijiumauma kwenye maelezo yangu.
“Sasa kwa nini unanitesa mwenzio kiasi hiki? Angalia nalia machozi kwa sababu yako,” alisema huku akianza kufungua ushungi aliokuwa amevaa kwa sababu alikuwa anapenda sana kujistiri mwili mzima.
Niliendelea kumbembeleza lakini akawa bado analalamika huku akiendelea kupunguza nguo kwenye mwili wake, moja baada ya nyingine huku akionesha kuwa na ‘kiu’ iliyopitiliza, moyo ukawa unanidunda kwelikweli.
Kilichofanya moyo unidunde ni kwa sababu Khazija alikuwa amekombeleza kila kitu kwenye chungu cha asali kiasi kwamba sikuwa na uwezo wa kumlambisha Ruqaiya asali kama alivyokuwa akitaka.
Nikiwa bado naendelea kujiuliza nini cha kufanya, nilimshuhudia akimalizia nguo ya mwisho kisha akasimama na kujinyonganyonga kimadaha mbele yangu kama wafanyavyo wanamitindo, akahamia kwenye bukta yangu na kuitoa, akamvamia ‘mkuu wa kaya’ kwa mbwembwe zilizopitiliza.
Je, nini kitafuatia?
 
KIVURUGE WA TANDALE 28
ILIPOISHIA:
Nikiwa bado naendelea kujiuliza nini cha kufanya, nilimshuhudia akimalizia nguo ya mwisho kisha akasimama na kujinyonganyonga kimadaha mbele yangu kama wafanyavyo wanamitindo, akahamia kwenye bukta yangu na kuitoa, akamvamia ‘mkuu wa kaya’ kwa mbwembwe zilizopitiliza.
SASA ENDELEA...
Hata hivyo, jambo lisilo la kawaida lilitokea. Mkuu wa kaya hakutaka kabisa kuonesha ushirikiano, hata sijui alikuwa amekumbwa na balaa gani kwani muda wote alinywea na licha ya jitihada zilizofanywa na Ruqaiya za kumrudisha mchezoni, aligoma kabisa.
“Una nini wewe?”
“Hata sijui, mimi mwenyewe nashangaa.”
“Siyo kawaida yako, au huwa unatokewa na hali kama hii?”
“Hapana! Mimi mwenyewe najishangaa.”
“Ulikuwa na mwanamke humu ndani si ndiyo?”
“Mimi?”
“Ndiyo wewe kwani naongea na nani?”
“Hapana Ruqaiya, siyo kweli! Unanihisi vibaya tu jamani.”
“Sasa kwa nini imekuwa hivi? Unafikiri itakuwaje wakati hali yangu ndiyo kama unavyoiona na nimehangaika kutwa nzima ya leo kukutafuta ili uutibu moyo wangu, kwa nini lakini unanifanyia hivi,” alisema Ruqaiya huku machozi yakianza kumlengalenga.
“Ukinilaumu unakosea Ruqaiya!”
“Nakosea? Nakosea nini? Kama hukuwa na mwanamke aliyemaliza kila kitu humu ndani kwa nini imekuwa hivi?” Ruqaiya alicharuka. Tangu nimfahamu sijawahi kusikia akizungumza kwa sauti ya ukali kiasi hiki, nikawa na kazi ya kumbembeleza.
Licha ya kujitahidi kumbembeleza kwa muda mrefu hakutaka kusikia la muadhini wala la mchota maji, alikuwa akilia kama mtu aliyepokea taarifa za msiba huku mkono wake mmoja ukiwa kwenye chungu cha asali!
Nilijisikia vibaya sana kwa kushindwa kufanya kile kilichomfanya awali akanipenda na kuniheshimu kiasi cha kufikia hatua ya kuacha kila kitu chake na kufunga safari kunifuata.
Mara nilipata wazo la kutoka kwenda kwa Mangi ‘kubusti’, nikajishangaa kwa nini sikupata wazo hilo haraka?
“Nisubiri naenda dukani mara moja,” nilimwambia lakini hakunijibu chochote, harakaharaka nikavaa na kutoka, ili kuzuia Khazija asije akaingia na kuharibu mambo, nilifunga mlango kwa nje na funguo, nikanyata kimyakimya na wakati nikimalizikia kutoka getini, nilisikia ‘msonyo’ mkali kutokea ndani, bila hata kuuliza niligundua kwamba ni mama mwenye nyumba.
Tabia aliyokuwa ameamua kuianzisha mama mwenye nyumba, ya kunitolea misonyo kila anaponiona na mwanamke, ilinifanya nijisikie vibaya sana ndani ya moyo wangu. Ni kweli nilikuwa nimeangukia naye dhambini mara kadhaa lakini ukweli ambao hata yeye alikuwa anaujua ni kwamba sikuwa nampenda.
Ilitokea tu kwamba tumeangukia dhambini lakini si kweli kwamba nilikuwa na mapenzi naye, na hata kama alikiri kwamba nimemfanya ajisikie tofauti kabisa katika uwanja wa huba, hicho hakikuwa kigezo cha yeye kuanza kuingilia maisha yangu na kuniamulia nini cha kufanya.
“Mbona yeye analala na mume wake lakini mimi simsemeshi chochote?” nilijisemea wakati nikiongeza mwendo kuelekea dukani kwa Mangi.
“Mbona siku hizi unabusti sana babaake? Zina madhara hizo, siku nyingine utakuwa huwezi kabisa,” Mangu muuza duka aliniambia wakati akiniohudumia lakini sikumjali. Najua utakuwa na hamu kubwa ya kutaka kujua nilikuwa nabusti vipi, potezea nitakueleza siku nyingine.
Nilijibusti harakaharaka, nikanunua na ‘big g’ na kuchangamsha mdomo, harakaharaka nilimlipa na kuondoka kurudi kwangu, huku mkononi nikiwa nimenunua vocha na juisi ili hata akiniuliza nilifuata nini niwe na majibu.
Nilifanikiwa kuingia ndani kimyakimya bila mtu yeyote kushtukia, nikaufunga mlango kwa ndani huku nikijitahidi sana kuvuta pumzi ndefu na kuzitoa ili kutuliza akili maana kama akili haijatulia hata ukijibusti ni kazi bure.
“Nimekuletea juisi.”
“Aliyekwambia nimefuata juisi kwako ni nani?”
“Jamani Ruqaiya mbona unakuwa mkali kiasi hicho?”
“Hiki ni nini?” alisema Ruqaiya huku akinionesha kitu ambacho kilinshtua mno moyo wangu.
“Umeipata wapi kwani?”
“Nijibu swali langu,” alisema huku safari hii akiinuka na kukaa kitako pale kitandani. Mapigo ya moyo yalikuwa yakinienda mbio nikiwa hata sijui nitamjibu nini. Kumbe mara ya mwisho Khazija alipoingia mle ndani tukavurugana kisawasawa, aliacha ‘kufuli’ lake pale chini bila mimi kujua.
“Aah, unajua jana nilifua nguo, sasa wakati wa kuanua nilichelewa nikaanua usiku na hapa kuna mabinti wana kawaida ya kuanika nguo zao hadharani, inawezekana nilijichanganya lakini nakuhakikishia hakuna mtu aliyeingia humu ndani,” kidume nilimwaga uongo wenye kasi ya 4G, hata sijui nilipata wapi akili hiyo lakini huwezi kuamini, Ruqaiya aliniamini kabisa.
“Kwani hawajafundwa mpaka waanike nguo za siri hadharani, wasichana wengine sijui wakoje! Kaitupe nje,” alisema huku akiisukumia pembeni na mguu wake, nikaona hapohapo ndiyo muda wa kujaribu tena bahati yangu.
Nilifanya kama kumshtua kidogo hivi kwenye mbavu zake, basi akaruka mzimamzima utafikiri amekanyaga moto na kutoa kasauti fulani hivi ‘amaizing’, nikajikuta nimesisima mno.
“Unanitesa bure wakati unajua huwezi kuninanii!”
“Kufanyeje?” nilimuuliza huku nikiisogeza sura yangu karibu na yake. Mkono mmoja nikalishika shavu lake la kushoto na kumsogeza karibu, nikambusu, naye akafanya hivyohivyo, nikafanya hivyo tena huku roho yangu ikipata burudani ya aina yake kutokana na jinsi alivyokuwa mzuri, muda mfupi baadaye tukagusanisha ndimi zetu na kuanza kuelea kwenye ulimwengu wa tofauti kabisa.
Hatua zile zilifanikisha azma yangu kwani gari liliwaka ‘fasta’, alipopeleka mkono na kukutana na kitu kigumu, nilimuona akinitazama kwa kushtuka kisha akawa anayarembua macho yake huku tabasamu fulani hivi la aina yake likiupamba uso wake na kumfanya azidi kuwa mrembo.
Hakuwa na muda wa kusubiri, alijiweka katika mkao wa kula, akanivuta mzima mzima na kumuelekeza ‘mkuu wa kaya’ kwenye sehemu anayotakiwa kuwepo kwa wakati huo. Kwa jinsi alivyokuwa amenibana, ungeweza kudhani tuna ugomvi au anahisi naweza kuchoropoka na kukimbia, moyoni nikawa najiambia kwamba ‘utaomba po mwenyewe’.
Basi mtanange wa kukata na mundu uliendelea, utafikiri mechi ya fainali ya UEFA kati ya Ral Madrid na Liverpool ilivyokuwa kali, ikawa ni piga nikupige! Niliamua kufanya kweli kwa sababu lawama alizokuwa amenitolea zilikuwa kali sana, kazi yangu ikawa ni kufuta makosa.
Nilimvuruga kwelikweli, ikafika mahali akaniachia mwenyewe huku akitoa kiguno ya hapa napale ambayo ilizidi kunihamasisha, nikaendelea kuonesha umahiri wa kucheza na mpira, mara nipige danadana, mara nimpige tobo, mara nimpige darizi, basi ilikuwa burudani kwelikweli.
“Kwani tuna ugomvi baba?”
“Hapana mama!”
“Mbona kama unanikomoa sasa?”
“Mimi? Mbona unanisingizia mama?” nilisema huku nikitabasamu, nikaendelea kufanya mambo na muda mfupi baadaye, Ruqaiya alijifunga bao moja matata sana, bila kutegemea akajikuta akishangilia kwa sauti ya juu ambayo bila hata kuuliza nilijua lazima itafika kwa Khazija.
Sikujali sana, nikawa naendelea kulisakata kabumbu huku nikilishambulia sana lango lake na muda mfupi baadaye, tayari nilikuwa nimewamaliza mabeki wake wote, nikabaki mimi na golikipa tu, wakati najiandaa kupiga shuti kali, mara nilisikia mlango ukigongwa.
“Ngo! Ngo! Ngo!”
Usikose
 
KIVURUGE WA TANDALE 29 ILIPOISHIA:
Sikujali sana, nikawa naendelea kulisakata kabumbu huku nikilishambulia sana lango lake na muda mfupi baadaye, tayari nilikuwa nimewamaliza mabeki wake wote, nikabaki mimi na golikipa tu, wakati najiandaa kupiga shuti kali, mara nilisikia mlango ukigongwa.
“Ngo! Ngo! Ngo!”
SASA ENDELEA...
Akili ilihama kutoka mchezoni na kwenda mlangoni, nikawa najiuliza ni nani anayeweza kuwa anagonga kwa muda huo? Hata hivyo, huwezi kuamini nilipuuzia na kurudisha akili mchezoni, nikapiga shuti kwa nguvu na mpira ukaenda moja kwa moja nyavuni.
Ruqaiya alinikamata kwa nguvu sana huku macho yake akiwa ameyafumba kisha taratibu akaanza kuniachia, nikadondokea upande wa pili huku miguu ikitetemeka utafikiri nimetoka kufanyishwa mazoezi makali ya kutingisha misuli gym.
Bado mlango uliendelea kugongwa lakini sikujali, nikawa nimejilaza huku nikipumua utafikiri nimetoka kukimbia mbio za marathon, kijasho chembamba kikinitoka.
“Mume wangu!” Ruqaiya aliniita kwa sauti ya chini. Kwa jinsi alivyoniita kimahaba, nilijikuta nikisisimka sana, nikamsogelea na kumtazama machoni, naye akawa ananitazama kwa macho yake ya kurembua.
“Nani tena huyo anagonga mlango?”
“Watakuwa ni hao watoto wa mwenye nyumba, achana naye mke wangu,” nilisema na kumbusu kwenye paji la uso, akanikumbatia tena kisha tukagusanisha ndimi zetu.
“Yaani ningekuwa sijaolewa, lazima wewe ndiyo ungekuwa mume wangu, unanifanya nijisikie kama mwanamke niliyekamilika, ahsante sana baba,” aliniambia kwa sauti ya kunong’ona iliyopenya kwenye masikio yangu na kunifanya nijihisi kama nipo kwenye ulimwengu wa tofauti kabisa.
Unajua miongoni mwa ‘maradhi’ waliyonayo wanaume wengi, ni kupenda kusifiwa baada ya kumaliza kulisakata kabumbu. Na baadhi ya wanawake nao ni kama wameshajua huu udhaifu, akitaka kukuchuna hata kama umecheza chini ya kiwango atakupamba kwa sifa kedekede ilimradi apate anachokitaka.
Hata hivyo, mimi nilikuwa najua kwamba Ruqaiya anachokisema kinatoka ndani ya moyo wake kwa sababu ni kweli nilikuwa nimemuweza na ukitaka kujua kama kweli umemuweza mwenzi wako, zipo dalili za waziwazi ambazo huwa hazijifichi anapofika pale anapopataka muwapo faragha.
Unajua kukua kwa sayansi na teknolojia, kumewafanya wanawake kujifunza uongo mwingi sana wawapo faragha na wanaume wao. Kuna wakati mwingine anaweza kukuektia kama ameiona theluji ya Mlima Kilimanjaro kumbe hakuna chochote, anataka kukufariji tu lakini moyoni anakudharau kwa jinsi ulivyoshindwa kuonesha ukakamavu wa kumtoa chozi la utamu.
“Unasema kweli mke wangu?”
“Kweli baba, unajua nilishakwambia kuanzia mwanzo mimi kuwa na wewe siyo kwamba nina tabia ya kutokatoka hovyo na wanaume, mume wangu ananipa kila kitu ninachokihitaji, wewe ni shahidi kwamba sina shida ndogondogo lakini kuna kitu kikubwa sana nakikosa kwa mume wangu,” aliniambia kwa sauti ya chini.
Akanibusu tena na kuendelea kunieleza kile alichonieleza siku chache zilizopita kwamba mumewe alikuwa na tatizo la kushindwa kumfanya afike mwisho wa safari yake wawapo faragha, jambo ambalo limemtesa kwa kipindi kirefu mpaka alipokutana na mimi.
“Ilifika mahali nikawa nachukia hata kukutana naye maana najua tu kwamba hata ajitahidi vipi, ataniacha mwenzake kwenye hali mbaya, lakini siyo wewe,” alisema huku akinipigapiga kifuani, nikafurahi sana.
“Lakini nakuomba sana, huo ‘ukivuruge’ wako hebu achana nao, nitakupa kila utakachokihitaji. Unajua mimi ni mwanamke mwenye heshima zangu sasa kushea mapenzi na visichana viruka njia ni jambo ambalo siwezi kabisa kulivumilia, naomba unielewe sana kwenye hili suala,” alisema Ruqaiya, nikajifanya mtiifu sana na kuitikia kila alichokuwa ananiambia.
“Najua lazima utakuwa na visichana vyako ulivyotoka navyo huko nyuma, nakupa muda wa kuweka mambo yako sawa, ukiwa mwaminifu kwangu utafaidi sana lakini usiponiheshimu basi...” alisema Ruqaiya huku akionesha kumaanisha kwelikweli kile alichokisema.
“Usijali mama, mbona nimeshabadilika sana, unajua tangu nilipokutana na wewe, umenibadilisha kwa vitu vingi sana, inawezekana wewe mwenyewe hujui lakini huo ndiyo ukweli,” nilizidi kumpiga fiksi.
Yule mtu aliyekuwa akigonga mlango hakuendelea tena kugonga lakini kwa ugongaji ule, nilijua lazima atakuwa ni Khazija, kichwani nikawa napanga mistari ya namna ya kumdanganya.
Unajua watu wengi hawajui lakini ukweli ni kwamba mwanaume au mwanamke msaliti, hawezi kuwa na amani ndani ya moyo wake hata kidogo. Yaani muda wote anakuwa anafikiria jinsi ya kudanganya ili kuweka mambo sawa au kufikiria nini kitatokea endapo usaliti wake utagundulika.
Ndiyo maana mtu msaliti, kila anapokaa anakuwa mtu wa machale tu, hataki kukaa mbali na simu yake na hata akiiacha mbali, basi ujue imewekwa password kila sehemu na imetolewa mlio na kugeuziwa chini ili hata mtu akipiga asijue mtu yeyote.
Ukiona uko na mwenzi wako lakini simu ameweka silence halafu ameigeuzia kioo chini, na muda wote anaitazamatazama jua kuna namna hapo, hiyo ni tabia ya watu wasio waaminifu.
“Mbona kama unawaza, unafikiria nini?” Ruqaiya alinizindua kutoa kwenye lindi la mawazo, nikajifanya kujichekeshachekesha pale lakini ukweli ni kwamba nilikuwa naifikiria sana kauli aliyoitoa Khazija kwa sababu naye alinitishia kwamba eti kama sitabadilika kitabia na kutulia, ataenda kuniroga ili jogoo wangu asiwe anapanda mtungi ninapofikiria kumsaliti.
“Potelea mbali,” nilijiambia ndani ya moyo wangu kwa sababu ni kweli Khazija alikuwa ananipatia sana tuwapo faragha lakini kuwa na watu kama Ruqaiya kwenye maisha yangu, lilikuwa ni jambo muhimu sana.
“Nakuahidi nitakuwa mwaminifu sana kwako na nitajitahidi kutunza siri ili nisikuharibie ndoa yako,” nilimwambia, basi akafurahi sana na kunikumbatia huku akinimwagia mvua ya mabusu.
Haukupita muda tukarudi tena uwanjani, safari hii aliniomba niende naye ‘mdogo-mdogo’ kwani hakuwa amezoea ‘masebene’ kama yule msanii wa Bongo Fleva aliyewahi kuimba ‘sijazoea masebene miee’, hata sijui jina lake anaitwa nani.
Wakati tukiendelea kulisakata kabumbu katika kipindi cha pili, kuna wakati mwenzangu uzalendo ulikuwa ukimshinda na kumfanya atoe miguno ya hapa na pale ambayo ilipaa na kutoka mpaka nje.
Nikaanza kusikia misonyo ya mama mwenye nyumba ikiambatana na vicheko vya kebehi, mimi nikawa sijali, nikajifanya kama sisikii chochote. Mtanange wa nguvu uliendelea na baadaye, Ruqaiya alizifumania nyavu na muda mfupi na mimi nikazifumania, ikawa ngoma droo.
Kutokana na uchovu niliokuwa nao, nilijikuta nikipitiwa na usingizi mzito, Ruqaiya naye akalala fofofo. Nilipokuja kuzinduka baadaye, tayari ilikuwa ni usiku, nikamuamsha Ruqaiya ambaye alipogundua kwamba tayari ni usiku alishtuka kuliko kawaida.
“Nisindikize.”
“Si ukaoge kwanza?”
“Hapana, nimechelewa sana, daah! Kwa nini umeniacha nimelala hivi?” Ruqaiya alianza kunilaumu, ikabidi nimtulize kwanza mpaka alipotulia. Sikuona kama ni busara kwa yeye kuondoka vilevile alivyokuwa, kwa bahati nzuri alikubaliana na mimi kwenda kuoga.
Nilitembea kwa kunyata mpaka mlangoni, nikafunua pazia na kuchungulia nje kupitia kitundu cha funguo na nilipojiridhisha kwamba hakuna mtu yeyote pale nje, nilifungua mlango taratibu sana.
Nikaenda kumchukua Ruqaiya na kwa sababu zangu maalum, niliamua tuongozane mpaka bafuni. Yeye aliamini kwamba mahaba mazito ndiyo yanayonisukuma kufanya hivyo kumbe mimi nilikuwa na sababu zangu nyuma ya pazia. Basi tulioga pamoja huku nikiendelea ‘kumuektia’, akaniambia mume wake hajawahi kwenda naye bafuni kuoga hata mara moja.
Tulirudi ndani na ile tunaingia tu, nilisikia mlango wa chumba cha Khazija ukifunguliwa, mapigo ya moyo yakanilipuka na kuanza kudunda kwa nguvu, nikawa sijui nini kitakachotokea.
Je, nini kitafuatia?
 
KIVURUGE WA TANDALE 30
ILIPOISHIA:
Tulirudi ndani na ile tunaingia tu, nilisikia mlango wa chumba cha Khazija ukifunguliwa, mapigo ya moyo yakanilipuka na kuanza kudunda kwa nguvu, nikawa sijui nini kitakachotokea.
SASA ENDELEA...
Ni kama Khazija alikuwa anajua kila kinachoendelea na sasa alitaka kupata ushahidi tu maana alipofungua mlango wake, wala hakujishughulisha kuja kwangu kama nilivyokuwa nimefikiria bali alitoka na kukaa mlangoni huku macho yote yakiwa kule kwenye mlango wangu.
“Aah, potelea mbali, liwalo na liwe!” nilisema huku na mimi nikianza kujiandaa kwa ajili ya kumsindikiza Ruqaiya. Baada ya kumaliza kujiandaa, na yeye akiwa ameshamaliza kujiandaa, nilimtanguliza yeye nje.
Bila hata kujua kwamba nje kulikuwa na hali ya hatari, Ruqaiya alimsalimu Khazija, naye akaitikia kwa uchangamfu kama hakuna kilichotokea. Na mimi nilitoka na kufunga mlango kwa funguo kisha tukawa tunatoka na Ruqaiya.
Kumbe si Ruqaiya tu aliyekuwa ametoka nje, hata mama mwenye nyumba naye alikuwa ametoka nje na baada ya kuhisi kama sijamuona, alijikoholesha kwa makusudi na kuanza kuimba nyimbo za taarabu zenye mafumbo.
“Huku kwenu Uswahilini kwelikweli, naona hata watu wanaoishi huku wote akili zao zinafanana,” alisema Ruqaiya wakati tukitoka, nikamuuliza kwa nini?
“Wewe si umeona yule sijui ndiyo mama mwenye nyumba wako anavyoimba taarabu kwa mafumbo? Hajui kama mafumbo na ‘mastashtiti’ hapa yamelala? Halafu kile kisichana nacho kwa nini kimekaa pale nje kwa makusudi?”
“Inabidi uyazoee tu mazingira ya huku mama, hakuna namna.”
“Akuu, mi siwezi kuzoea Uswahili wa kiasi hiki! Kwanza unaonaje nikikutafutia nyumba sehemu nyingine tofauti na Tandale? Mi nataka mahali ambapo nitakuwa huru,” alisema Ruqaiya, nikacheka sana.
Nilicheka kwa jinsi alivyokuwa amelichukulia suala hilo lakini kubwa nilicheka kwa furaha baada ya kuona kwamba nimefanikiwa kumtoa salama maana sasa tulikuwa tukikaribia kufika pale alipokuwa amepaki gari lake.
“Sasa mimi naongea na wewe mambo ya maana halafu unanicheka, kwa nini?” alisema Ruqaiya huku akinikumbatia bila hata woga. Unajua mapenzi yana sifa moja kubwa ambayo inawezekana wengi hawaijui.
Mnaweza kuwa na uhusiano wa kisiri wa mapenzi lakini yatakapokolea tu, mtajikuta mkifanya mambo ambayo kwa watu wanaoelewa, wanaweza kabisa kugundua kwamba mpo kwenye uhusiano wa kimapenzi.
Hivyo ndivyo ilivyotokea kwa Ruqaiya kwa sababu nakumbuka siku ya kwanza hata kumgusa mkono wake tu alikuwa hataki mpaka tuwe sehemu ambayo hakuna mtu mwingine anayeweza kutuona lakini ajabu ni kwamba siku hiyo yeye ndiyo alikuwa akinikumbatia mara kwa mara.
Yaani kama angetokea mtu anayemfahamu, halafu akamuona alivyokuwa akinifanyia, ni dhahiri taarifa zingeenda moja kwa moja kwa mumewe.
“Huogopi kunifanya hivyo hadharani?” nilimuuliza.
“Niogope nini?”
“Wapambe wakimwambia mumeo je?”
“Hata akiambiwa hana cha kufanya, kwa jinsi anavyonipenda nitamuomba msamaha na yataisha. Hata akiniacha wewe si utanioa?” alisema huku akinikumbatia tena na kunibusu, tukaishia kucheka.
“Inabidi twende kwa yule rafiki yako Ras kumshukuru maana bila yeye sijui kama ningekupata leo.”
“Aah! Usijali, nitaenda kumshukuru mimi, twende nikusindikize uende zako maana huku kwetu siyo salama kabisa, wanaweza kukuvua hizo dhahabu zako,” nilimwambia, akacheka sana. Tayari tulishafika pale alipokuwa amepaki gari lake, tukaingia.
“Yaani japokuwa nimechelewa kiasi hiki lakini eti huwezi kuamini bado natamani kuendelea kukaa na wewe,” alisema Ruqaiya, wote wawili tukacheka sana na tukaishia kukumbatiana kimahaba.
“Nakupenda sana baby! Nakuomba zingatia nilichokwambia, nataka utulie na mimi tu nitakupa chochote ukitakacho,” alisema kwa sauti ya kimahaba huku akiwa amenikumbatia, nikatingisha kichwa kama ishara ya kumkubalia, akanibusu kwenye mdomo wangu na muda mfupi baadaye, tulikuwa tumegusanisha ndimi zetu.
Ilibidi mimi ndiyo nimhimize awahi kuondoka maana muda ulikuwa ukizidi kuyoyoma, nikafungua mlango wa gari ili nishuke.
“Nilikuletea zawadi yako, chukua,” alisema huku akitoa bahasha kwenye ‘dash-board’ ya gari na kunikabidhi. Ilikuwa imetuna na kwa haraka sikujua ndani yake ina nini, nikamshukuru kisha nikamsaidia kumuelekeza namna ya kutoa lile gari mpaka alipoingia barabarani, akanipigia honi ya kuniaga na kuondoka zake.
Niliingiza mkono mfukoni na kuitoa ile bahasha, sikuamini nilichokutana nacho. Ilikuwa imejaa noti mpya za shilingi elfu kumikumi, nikajikuta nikishindwa kujizuia, nikapiga kelele za kufurahia kisha nikaisokomeza mfukoni na kuanza kutembea harakaharaka kwenda kwa Ras.
Nilitaka nikamshukuru kwa kumleta Ruqaiya kwa sababu kama asingemleta, nisingepata fedha nyingi kiasi hicho na mahaba juu.
“Dah! Umempata wapi mwanamke mzuri kiasi kile na unamfanyiaga nini maana inaonesha anakupenda kwelikweli, mpaka alikuwa analia machozi hapa, waulize washkaji.”
“Kweli mwanangu, amekaa sana hapa anakusikilizia mpaka akawa analia! Ukimcheki mtu mwenyewe daah! Ebwana unatembea na hirizi nini wewe?”
“Hamna washkaji, kawaida tu,” nilisema huku nikivunga. Sikutaka kabisa kutoa siri ya kambi kwa washkaji, isitoshe hata akili yangu haikuwa imetulia kwa sababu mfukoni nilikuwa na fedha nyingi sana.
Basi nilizugazuga pale, nikatoa shilingi elfu kumi na kumshikisha Ras bila mtu yeyote kuona kisha nikaaga na kuondoka, huku nyuma nikaacha gumzo kubwa kwa sababu kila mtu alikuwa anataka kujua nimefanya nini mpaka mwanamke mrembo kama yule anizimikie kiasi cha kumwaga machozi hadharani.
Wakati natembea nilikuwa najiuliza maswali mengi sana ndani ya kichwa changu kwa sababu hata mimi mahaba aliyokuwa akinionesha Ruqaiya yalinifanya nikose msimamo na nishindwe kuelewa nini cha kufanya.
Ni kweli nilikuwa nimeshaanza kumpenda Khazija lakini mahaba ya nguvu aliyonipa Ruqaiya, ukichanganya na zawadi zake, nilijikuta nikijiuliza tena kama kweli nataka kuingia kwenye uhusiano ‘siriasi’ na Khazija au la!
“Mwana FA unaoa lini... bado niponipo kwanza! Bado niponipo mwana...” nilijikuta nikiimba huku nikipiga na mbinja. Nilikuwa najiimbia tu kwa sababu napenda sana muziki wa Bongo Fleva lakini kumbe kwa wengine, walikuwa wakinitafsiri tofauti kabisa.
Walioniona nikipita na Ruqaiya walidhani eti naimba hivyo kama ishara ya kujisifia kwa jinsi ninavyoweza ‘kung’oa’ wanawake wazuri wakati mimi mwenyewe sina mbele wala nyuma.
“Bado niponipo sa...” nilishindwa kumalizia kuimba baada ya kugongana uso kwa uso na Khazija. Kumbe kwa muda wote huo alikuwa amejibanza nje akinisubiri na inavyoonesha aliuwa akinifuatilia hata wakati namsindikiza Ruqaiya.
“Yule ni nani?” aliniuliza kwa ukali huku sauti yake ikitoka kwa kutetemeka.
“Khazija... kwa nini tusiende kuzungumzia ndani?”
“Nataka unipe majibu hapahapa, yule ni nani?” alisema Khazija huku akipandisha sauti kiasi cha kuwashtua watu waliokuwa pale dukani kwa Mangi, nikawaona wote wakigeuka na kututazama.
“Jamani Khazija, mambo gani tena hayo unayotaka kunifanyia mke wa...” hata sikumalizia kauli yangu, nikashtukia kofi kali likitua kwenye paji langu la uso, Khazija akanivaa mzimamzima na kunidondosha chini na katika kile ambacho sikukitegemea, nilishangaa akichomoa kisu na kukishika kwa mkono wake wa kulia huku mkono wa kushoto akiwa amenikaba, akawa anataka kukizamisha kifuani kwangu.
“Leo nakuua, shetani wewe. Hauwezi kucheza na moyo wangu halafu nikuache,” alisema huku akitetemeka kwa jazba.
Je, ninikitafuatia?
 
KIVURUGE WA TANDALE- 31
ILIPOISHIA:
“Jamani Khazija, mambo gani tena hayo unayotaka kunifanyia mke wa...” hata sikumalizia kauli yangu, nikashtukia kofi kali likitua kwenye paji langu la uso, Khazija akanivaa mzimamzima na kunidondosha chini na katika kile ambacho sikukitegemea, nilishangaa akichomoa kisu na kukishika kwa mkono wake wa kulia huku mkono wa kushoto akiwa amenikaba, akawa anataka kukizamisha kifuani kwangu.
“Leo nakuua, shetani wewe. Hauwezi kucheza na moyo wangu halafu nikuache,” alisema huku akitetemeka kwa jazba.
SASA ENDELEA...
“Sikia Khazija, nakuomba mama tukayaongee ndani.”
“Ukaongee na mimi nini? Wewe si unajifanya kidume sana, sasa leo ndiyo utanijua,” alisema Khazija huku akiwaka kama moto wa gesi, nikajua nisipofanya jambo anaweza kweli kuniua.
Tayari watu walishaanza kujaa, kama unavyojua tena mitaa ya uswahilini kwetu hata tukio litokee saa nane za usiku watajaa watu mpaka utashangaa walikotokea.
Basi niliamua kutumia uanaume wangu, nikapitisha mguu kutokea mgongoni kwa Khazija na kwenda kuubana ule mkono aliokuwa ameshika kisu, kufumba na kufumbua nikamsukuma kwa kutumia ule mguu, akadondokea upande wa pili.
Kwa kasi kubwa niliinuka na kutimua mbio kukimbilia ndani, kwa bahati nzuri geti lilikuwa wazi, nikaingia na kwenda ndani kwangu moja kwa moja, nikajifungia mlango kwa ndani. Kelele nilizoendelea kuzisikia nje zilikuwa kubwa sana, kuonesha kwamba Khazija alikuwa ananifuatilia huku wapambe wakiwa wanashangilia.
Tangu nimfahamu Khazija sikuwahi kudhani kama anaweza kuwa na akili mbovu kiasi hicho, ni kweli nilikuwa nimemkosea lakini sasa ndiyo anishikie kisu? Ukisalitiwa basi ndiyo umuue aliyekusaliti? Nilishindwa kupata majibu, moyoni nikawa naijutia nafsi yangu kwa kuanzisha uhusiano wa kimapenzi na Khazija.
Unajua kwa kipindi kirefu nilikuwa nikishangaa sana kusikia stori kwamba sijui mwanamke fulani amemuua mumewe baada ya kugundua kwamba anamsaliti, mara sijui mwanaume amekatwa nyeti na mkewe kwenye fumanizi na nyingine kama hizo. Nilikuwa naamini kwamba kwa jinsi wanawake walivyoumbwa, hawawezi kuwa na roho mbaya kiasi hicho lakini sasa yalikuwa yamenifika kooni.
“Nakwambia toka nje kama wewe kidume kweli,” alisema Khazija huku akigongagonga mlango wangu kwa nguvu. Yaani kama isingekuwa kufunga kabisa mpaka geti la chuma kwa funguo, huenda angeniingilia mpaka ndani.
Kwa bahati nzuri, mama mwenye nyumba alitoka na kitu cha kwanza alichokifanya, ilikuwa ni kumtaka Khazija aache kumjazia watu kwenye nyumba yake. Harakaharaka akawatoa wapambe waliokuwa wakishadadia wakitaka kujua nini kinachoenda kutokea na kufunga mlango mkubwa wa geti.
“Wewe, unamshikia nani kisu? Kumbe tunaishi na mwendawazimu humu ndani? Mnataka kuuana hapa kwangu mniletee kesi si ndiyo? Kesho unahama,” alisema mama mwenye nyumba kwa hasira, Khazija akakitupa kile kisu na kuanza kulia kwa sauti ya juu.
Nilijikausha ndani kama siyo mimi, akalia sana pale nje na baadaye nilimsikia akiinuka na kwenda chumbani kwake, nikawa na wasiwasi kwamba huenda baada ya kunikosa, anaweza hata kujiua.
Sikuwahi kukutana na mwanamke mwenye hasira kali kama Khazija, moyoni niliapa kama sakata hilo litapita salama basi huo ndiyo mwanzo na mwisho wa kuwa naye karibu kwa sababu kweli siku anaweza kuja kuniua.
“Hebu fungua mlango,” sauti ya mama mwenye nyumba ilisikika, nikashtuka maana bado nilikuwa nimekaa kwenye kochi kama sanamu. Nilifungua mlango wa ndani lakini geti sikufungua, tukawa tunatazamana na mama mwenye nyumba huku nikiwa na hofu kubwa.
“Unaona ujinga wako unavyotaka kusababisha maafa hapa nyumbani kwangu? Hivi wewe una nini? Huwezi kabisa kutulia na mwanamke mmoja, au umerogwa mwenzetu?” aliniuliza mama mwenye nyumba, nikakosa cha kujibu zaidi ya kujiinamia chini.
“Una bahati mume wangu amesafiri jioni hii, angekuwepo leo wote mngeenda kulala ndani, wewe na huyo changudoa wako! Na nimeshamwambia atafute nyumba ya kuishi, siyo hapa kwangu, siwezi kuishi na vichaa mimi. Na wewe...” alisema huku akinitazama usoni, nikajua tu kauli inayofuata ni kuniambia ‘uhame hapa kwangu, sikutaki’.
“Lakini mimi sina kosa mama, yeye ndiye aliyenishikia kisu,” nilimkatisha, akanitazama kisha akameza funda la mate, akageuka huku na kule kuangalia kama hakuna mtu aliyekuwa akitutazama.
“Fungua mlango nakuja tuongee vizuri,” alisema kwa sauti ya chini, akageuka na kuanza kutembea kwa maringo kuelekea ndani kwake.
“Hapana mama naomba tuongee kesho, sipo vizuri kabisa kwa sasa,” nilisema, akageuka na kunitazama kwa jicho la ukali kama anayesema ‘unasemaje?’, harakaharaka nikakwepesha macho yangu, akaondoka zake kwa mbwembwe.
Kimsingi nilikuwa nimechoka mno, ukichanganya na tukio la Khazija ndiyo nilizidi kuchanganyikiwa. Kwa jinsi ninavyomjua mama mwenye nyumba, alichokuwa anakitaka kutoka kwangu hakikuwa mazungumzo wala nini, alikuwa na hasira na mimi kwa yote niliyomfanyia na njia pekee ya kumalizia hasira zake nilikuwa najua anachokitaka.
Nilifunga mlango vizuri na ili kuonesha kwamba sikuwa tayari kwa alichokuwa akikitaka, nilizima kabisa na taa, nikaenda kujilaza kitandani huku mawazo tele yakipita ndani ya kichwa changu.
Japokuwa upande mmoja nilikuwa nimechoka lakini upande mwingine nilikuwa najifikiria, nitaachaje kuitumia nafasi ile ya ofa ya bure kutoka kwa mama mwenye nyumba? Nilisimama na kujaribu kujipima ubavu, nikapiga pushapu mbili tatu, nikaona bado nina nguvu.
Nikarukaruka kidogo, nikaona viungo vinakubali. Nilichokifanya, harakaharaka nilibadili maamuzi, nilivua nguo na kujifunga taulo, nikapulizia ‘air freshner’ maana chumba chote kilikuwa kinanukia manukato ya Ruqaiya! Waliosema ujana maji ya moto hawakukosea.
Baada ya hapo nilitoka na kwenda bafuni kuoga ili kuamsha nguvu mpya, shukrani kwa Mangi kwani ‘busta’ aliyonipa bado ilikuwa ikifanya kazi mwilini. Nilitoka kwa kunyata maana nilijua mwendawazimu Khazija akisikia nafungua mlango anaweza kuja kuliamsha tena dude.
Nilienda mpaka kwenye mlango wa Khazija na ili kuwa na uhakika wa usalama wangu, niliamua kubana komeo la geti lake la chuma kwa nje. Kwa ujanja huo, hata kama angeamka asingeweza kutoka, angalau nikawa na uhakika na usalama wangu.
Nilienda bafuni na kujimwagia maji harakaharaka, nikiwa naendelea kuoga nilisikia mlango wa mama mwenye nyumba ukifunguliwa kisha ukafungwa, nikasikia vishindo nje, nikajua moja kwa moja anaelekea eneo la tukio.
Nilimalizia kuoga na kutoka bafuni, nikaenda mpaka ndani kwangu, tayari alikuwa ameshajaa tele, akawa ananitazama kwa macho yaliyobeba ujumbe mzito.
“Huu mchezo wako wa kubadilisha wanawake kama nguo, mwenyewe unaona ni ujanja sana si ndiyo?” aliniuliza swali ambalo sikulitegemea.
“Hamna, wala mimi sipo hivyo sema unakuwa unanihisi vibaya tu,” nilianza ‘saundi’ zangu kama kawaida. Akaniuliza kwa nini nasema hivyo wakati ushahidi wa kila kitu ulikuwa wazi? Nikamwambia kwamba Ruqaiya hakuwa mpenzi wangu kama yeye au Khazija walivyohisi bali alikuwa ndugu yangu.
“Ndugu yako ndiyo mnajifungia kutwa nzima ndani, baadaye mnatoka kwenda kuoga pamoja? Huo undugu gani?” alinibana kwa maswali, nikakosa cha kujibu, akaniuliza pia kuhusu Khazija.
“Tumezoeana tu bwana wala hakuna chochote kinachoendelea, nashangaa yeye anaanza kuniletea wivu wa kimapenzi,” nilidanganya waziwazi, akawa ananikazia macho usoni.
“Lakini kwa nini unanibana kwa maswali namna hiyo, kwa nini usinipe hata pole mwenzako nilitaka kuchinjwa leo?” nilisema huku nikimgusa kijanja kwenye maeneo ambayo nilikuwa najua kwamba lazima mazungumzo yatabadilika.
Nilichokihisi ndicho kilichotokea, alikatisha mazungumzo yake na kunivaa mzimamzima, tukagusanisha ndimi na kuanza kuelea kwenye bahari ya huba. Mkono wake mmoja aliupeleka kwa ‘mkuu wa kaya’ na kuanza kuzungumza naye kwa lugha ya vitendo, hali iliyosababisha nisahau kwa muda kilichotokea kwa Khazija.
“Unajua kwamba nakupenda ndiyo maana unanitesa kwa kubadilibadili wanawake kama nguo,” alisema kwa sauti iliyotokea kwenye matundu ya pua zake, nikawa najibu kwa kugugumia tu kama dume la njiwa, sijui alinipinduaje bwana, nikajikuta nipo kwa chini yeye juu, tunatazamana kama majogoo yanayotaka kupigana.
“Nisamehe,” nilinguruma kwa sauti ya kiume, akatabasamu bila kujibu kitu na katika hali ambayo sikuitegemea, alishika kipaza sauti kwa bashasha za hali ya juu na kuanza kughani mashairi matamu, kuonesha kwamba msamaha wangu umepita, nikawa nazidi kugugumia tu ndani kwa ndani.
Baada ya kumaliza kughani ubeti wa kwanza, alimkamata ‘mkuu wa kaya’ na kumuelekeza sehemu ya kwenda, naye akatii bila shuruti.
Je, nini kitafuatia?
 
KIVURUGE WA TANDALE- 32

ILIPOISHIA:
“Nisamehe,” nilinguruma kwa sauti ya kiume, akatabasamu bila kujibu kitu na katika hali ambayo sikuitegemea, alishika kipaza sauti kwa bashasha za hali ya juu na kuanza kughani mashairi matamu, kuonesha kwamba msamaha wangu umepita, nikawa nazidi kugugumia tu ndani kwa ndani.
Baada ya kumaliza kughani ubeti wa kwanza, alimkamata ‘mkuu wa kaya’ na kumuelekeza sehemu ya kwenda, naye akatii bila shuruti.
SASA ENDELEA...
Kilichofuata baada ya hapo ilikuwa ni mwendelezo wa burudani na kiukweli mwili wangu ulikuwa umechoka mno kiasi kwamba baada ya mama mwenye nyumba kutangaza kuiona theluji ya Mlima Kilimanjaro, sikupoteza muda na mimi nikatangaza kufika mwisho na muda huohuo, nilipitiwa na usingizi mzito.
Hata sikumbuki mama mwenye nyumba aliondoka saa ngapi lakini nilipokuja kuzinduka, tayari ilikuwa ni karibu saa nane za usiku. Bahati mbaya ni kwamba nilikuwa nimemfungia Khazija ndani kwa muda wote huo.
Harakaharaka niliinuka kitandani, kumbe hata mlango wangu sikuwa nimeufunga, nikatoka huku macho yakiwa yamefumbuka nusu kutokana na kuzidiwa na usingizi. Sijui nini kilichokuwa kimetokea kwani nilipokaribia tu mlango wa Khazija, nilisikia akiniita kwa jina langu.
“Naomba nifungulie mlango, sijui mshenzi gani amenifungia kwa nje,” alisema Khazija kwa sauti ya juu, nikasita kidogo kwa sababu bado mimi na yeye hatukuwa tumefikia muafaka kwenye tatizo lililokuwa limetokea mpaka akataka kunichoma kisu.
“Najua una wasiwasi na mimi, wala siwezi kukufanya chochote, hasira zangu zimeshaisha na isitoshe nahitaji kuzungumza na wewe,” alisema Khazija kwa upole, nikashawishika kwenda kumfungulia huku moyoni nikijiambia kwamba liwalo na liwe.
“Wewe ndiye uliyenifungia mlango, si ndiyo?”
“Mimi? Hapana.”
“Kama siyo wewe ulikuwa unakuja mlangoni kwangu muda huu kufanya nini?”
“Nilitaka kuhakikisha kama upo salama,” nilimdanganya, akanitazama kwa macho yaliyojaa uchovu kisha akanisogelea mwilini, na mimi nikawa najihami kwani kwa kitendo alichonifanyia saa chache zilizopita kilinifanya niwe naye makini sana.
“Lakini kwa nini umenifanyia uliyonifanyia mpenzi wangu? Ina maana sikuridhishi baba?”
“Hapana siyo hivyo Khazija.”
“Sasa kwa nini ulale na mwanamke mwingine kwenye kitanda unacholala na mimi, tena muda mfupi baada ya mimi kukupa kila ulichokuwa unakitaka mpenzi wangu?” alisema Khazija huku akinikumbatia, machozi mengi yakaanza kumtoka na kuchuruzika mpaka kwenye shingo yangu.
Kimsingi nilimuonea huruma, na mimi nikamkumbatia, ukichanganya na kile kibaridi cha usiku ule, nilijikuta nikitamani kuendelea kumkumbatia, akawa anazidi kulia huku maneno mengi ya kunilaumu yakimtoka.
“Lakini Khazija, mimi nimeshakwambia kwamba hakukuwa na jambo lolote baya bali wewe umehisi vibaya, nakupenda sana na mimi siyo mchoyo wa fadhila kiasi hicho, kwa nini nikutese wakati nakupenda,” kidume nilianza kumwaga sera.
Miongoni mwa masuala ambayo nilikuwa najiamini kwamba niko fiti, ilikuwa ni kwenye suala zima la kuwadanganya wanawake. Nilimpanga kwa maneno matamu, akawa anaendelea kulia, ikafika mahali na mimi nikamgeuzia kibao.
“Hata kama ingekuwa ni kweli nimekusaliti, ndiyo utake kunichoma kisu Khazija?”
“Hapana, nisingeweza ila nilitaka tu kukutishia.”
“Muongo, kunitishia kivipi wakati ulikuwa ‘serious’ kabisa unataka kuniua?”
“Hapana, siwezi kufanya hivyo. Hata kuku tu sijawahi kuchinja, ndiyo itakuwa wewe kipenzi changu, mwanaume wa roho yangu? Siwezi! Siwezi,” alisema Khazija, nikashusha pumzi ndefu na kumtazama usoni.
Unajua kwa kipindi kirefu mimi nilikuwa najifanya mjanja lakini kwa Khazija nilikuwa nimegonga mwamba. Na yeye alikuwa fundi wa kuzungumza kiasi kwamba akiamua kukupangia maneno, huwezi kupinga chochote.
“Mimi na wewe tumeshapanga mambo mengi sana mume wangu, hayo yote unataka yavurugike kwa hiki kilichotokea? Naomba nisamehe kama nimekukosea na wewe nimekusamehe,” alisema huku akiniachia maana bado alikuwa amenikumbatia, akataka anivutie chumbani kwake.
“Basi tutaongea vizuri kesho asubuhi kabla sijaenda kazini,” nilimwambia lakini hakutaka kunielewa kwa chochote, akanivutia ndani. Kwa kuwa nilikuwa nimepumzika kwa zile saa chache nilizolala, niliona basi isiwe kesi.
“Basi naomba nikafunge mlango,” nilimwambia, akaniambia nisiwe na wasiwasi, anaenda kufunga yeye mwenyewe. Basi sikuwa na ujanja, ilibidi nitulie. Akaenda chumbani kwangu na kufunga vizuri milango, akarudi akiwa na funguo.
“Mbona kitanda chako kimevurugika namna ile, ulikuwa umelala na nani?”
“Nitalala na nani tena kama wewe mke wangu hunitaki?” nilimwambia, akanisogelea taratibu pale kitandani na kujilaza pembeni huku akijinyonganyonga umbo lake zuri kimitego, akawa ananitazama kwa macho yaliyokuwa yamebeba ujumbe mzito huku mikono yake laini ikipita taratibu kwenye mwili wangu.
Kile kibaridi kilichonipiga pale nje wakati nazungumza naye, kilinifanya niwe na shauku ya kumsogeza mwilini mwangu, nikamuinua taratibu na kumsogeza kwenye kifua changu, tukawa tunatazamana.
“Unajua wewe ni ‘daktari’ mzuri sana lakini tatizo lako unazingua.”
“Nazingua nini tena jamani?”
“Unapenda sana wanawake, yaani wewe kivuruge haswaa, na hilo jina limekukaa kisawasawa,” alisema huku akitabasamu, mkono mmoja akiwa anaupitisha taratibu kuelekea katikati ya miguu yangu.
“Na wewe tatizo lako una hasira sana, mwanamke gani anamshikia mumewe kisu? Nitakuwa sikuoi, ohooo!” niliongeza kimasihara, akacheka sana na muda mfupi baadaye, tulikuwa tumegusanisha ndimi zetu.
Nafsi ilikuwa inataka lakini mwili ulikuwa unakataa, nikaona ngoja nijifosi kidogo kwa sababu ili kumtuliza Khazija, ilikuwa ni lazima nifanye jambo ambalo lingemfurahisha. Kwa bahati nzuri, kwa sababu tayari nilikuwa nimepumzika vya kutosha, sikupata tabu sana kuliwasha gari, ukichanganya na mbwembwe za Khazija usiku ule, basi haikuchukua muda tukawa tayari mchezoni.
“Nakupenda sana mume wangu, ukinisaliti tena nitakuua,” alisema Khazija wakati nikiendelea kupiga naye mbizi kwenye bahari ya huba yenye kina kirefu.
“Ukiniua na mimi nitakuua,” nilisema huku nikiendelea na kazi, akacheka sana na kuniambia kwamba hawezi kuniua bali ananitania isipokuwa nikiendelea kumsaliti, kweli ataenda kuniroga kama alivyoniahidi tangu awali.
Haikuwa mara ya kwanza kwa Khazija kuzungumza kauli hii kiasi cha kufanya nianze kuamini kwamba kweli anaweza na mawazo hayo kichwani mwake, hasa ukizingatia kwamba kwao Pemba, kunasifika kuwa na waganga wenye nguvu kubwa za kishirikina.
Basi hata sijui tulilala saa ngapi, nilikuja kuzinduka alfajiri na kujikuta nikiwa kwenye kifua cha Khazija, tena akiwa amenikumbatia kisawasawa.
Nilichokigundua ni kwamba Khazija alikuwa ananipenda sana na kamwe hakuwa tayari kunipoteza kwa namna yoyote ile kwa sababu, kwa mwanamke mwingine isingekuwa rahisi kulala tena na mimi mpaka asubuhi baada ya purukushani iliyotokea usiku uliopita.
Yaani kama ungetuona, usingeamini kwamba ni sisi ndiyo tuliojaza watu nje ya nyumba hiyo usiku uliopita, baada ya Khazija kutaka kunichoma na kisu baada ya kunifumania.
“Hivi nashindwa nini kutulizana na mtoto mzuri kama huyu? Kwanza kiumri huyu ndiyo rika langu, hivi nimerogwa nini?” nilijiuliza wakati nikijitoa taratibu kwenye mikono yake maana nilitaka nikaanze kujiandaa kwa ajili ya kwenda kazini.
Wakati nikitaka kujitoa, alizinduka kutoka usingizini, akazidi kunikumbatia huku akinimwagia mvua ya mabusu. Hata sijui alitumia ujanja gani bwana, nikashtukia ‘mkuu wa kaya’ akikurupuka kutoka kwenye himaya yake, naye wala hakuwa na hiyana, akampa kile alichostahili na kusababisha kijasho chembamba kianze kunitoka asubuhi hiyo.
“Usiende kazini mpenzi wangu, waambie kwamba unaumwa na leo tushinde wote,” aliniambia lakini nikamkatalia katakata. Alinielewa, akanibusu tena na kuniruhusu nikajiandae.
Nilitoka nje huku miguu ikiwa haina nguvu kabisa kiasi cha kunifanya niwe napepesuka kama mlevi wa gongo. Awali nilidhani ni hali ya muda tu lakini huwezi kuamini, niliendelea kutetemeka miguu hata baada ya kuoga.
“Hata iweje lazima niende kazini,” nilisema huku nikijikakamua kiume, nikafungua kabati na kutoa suruali niliyokuwa naipenda. Cha ajabu, nilipoivaa, eneo la kiunoni kulibaki na uwazi mkubwa ulionishtua.
Ni suruali hiyo ndiyo niliyokuwa naivaa mara kwa mara na siku zote ilikuwa inanibana, iweje leo inipwelepwete? Ilibidi nijitazame vizuri, nikashtuka mno kugundua kwamba nilikuwa nimekonda sana, yaani kiuno kilipungua mno na kunifanya niwe kituko kwa ile suruali niliyokuwa nimeivaa.
Cha ajabu zaidi ni kwamba nilikuwa nimekonda ghafla kuanzia kiunoni kushuka chini.
Je, nini kitafuatia?
 
KIVURUGE WA TANDALE- 33
ILIPOISHIA:
Ni suruali hiyo ndiyo niliyokuwa naivaa mara kwa mara na siku zote ilikuwa inanibana, iweje leo inipwelepwete? Ilibidi nijitazame vizuri, nikashtuka mno kugundua kwamba nilikuwa nimekonda sana, yaani kiuno kilipungua mno na kunifanya niwe kituko kwa ile suruali niliyokuwa nimeivaa.
Cha ajabu zaidi ni kwamba nilikuwa nimekonda ghafla kuanzia kiunoni kushuka chini.
SASA ENDELEA...
Hapohapo nilianza kusikia kizunguzungu kikali, miguu ikawa inatetemeka na nikaishiwa nguvu. Nilishindwa kufanya chochote na bahati nzuri ni kwamba Khazija alikuja chumbani kwangu kwa lengo la kuniaga vizuri, akanikuta nikiwa nimelala kwenye kochi nikiwa hoi.
“Vipi tena?”
“Hata siele...wi!”
“Unaumwa?”
“Ha..pa..na ila mwili hauna nguvu,” nilisema, naye akawa ni kama amechanganyikiwa. Alitoka mbiombio na kwenda kutafuta usafiri, muda mfupi baadaye alirejea akiwa na dereva Bajaj, wakasaidiana kunibeba na kunitoa nje.
“Duh! Mbona umekuwa mwepesi kiasi hiki mwanangu?” alisema yule dereva teksi wakati akinisaidia kuingia kwenye Bajaj, sikuwa na cha kumjibu, muda mfupi baadaye safari ya kuelekea hospitali ikaanza.
Kwa jinsi hali niliyokuwa nayo, tulienda moja kwa moja mpaka Hospitali ya Mwananyamala ambapo tulipofika tu eneo hilo la hospitali, nilizidi kuzidiwa, nikawa natapika huku mwili ukiwa hauna nguvu kabisa. Sikuelewa tena kilichoendelea.
Nilipokuja kupata akili zangu nilijikuta nikiwa nimelala kitandani huku dripu ikitiririka kwa kasi kuingia kwenye mishipa yangu. Khazija alikuwa amekaa pembeni yangu huku akiwa amejiinamia, muda mfupi baadaye akaingia dokta na kuanza kunipimapima.
Japokuwa nilikuwa na uwezo wa kuona kila kilichokuwa kinaendelea, sikuwa na uwezo wa kujibu chochote, nikamsikia daktari akimuuliza Khazija ana uhusiano gani na mimi.
“Ni mume wangu!”
“Mh! Ana wake wangapi au ni wewe peke yako?”
“Ni mimi peke yangu, kwani vipi dokta?” aliuliza Khazija lakini hakumjibu chochote, akaendelea kunipimapima na baadaye, alitoka na kutuacha na nesi aliyekuwa amekaa pembeni akiendelea na shughuli zake.
“Unajisikiaje mume wangu,” aliniuliza Khazija, nikatingisha kichwa kuonesha kwamba naendelea vizuri. Tayari dripu ya maji ilikuwa imeisha, nesi akaja kunibadilishia na kuniwekea nyingine ambayo nayo iliendelea kuteremka kwa kasi kuingia kwenye mishipa yangu.
“Aliishiwa maji kabisa nesi eeh! Kwani hii ni dripu ya ngapi?”
“Alikuwa na hali mbaya, hii dripu ya tano inakatika sasa ndiyo maana unaona anaweza hata kufumbua macho,” alisema, maneno yaliyopenya kwenye masikio yangu vizuri. Baadaye Khazija aliambiwa anatakiwa kutoka ili nipate muda wa kupumzika, kweli akatoka na kuniacha pale kitandani na muda mfupi baadaye nilipitiwa na usingizi mzito.
“Vipi unaendeleaje?” alisema daktari baada ya kuzinduka kutoka usingizini na kumkuta akiwa ananipima.
“Naendelea vizuri,” nilisema kwa sauti ya chini, akawa anatingisha kichwa kuonesha kwamba anaelewa nilichokuwa nakisema. Akaniuliza kama naweza kumsikia vizuri, nikamjibu kuwa namsikia vizuri.
“Una wake wangapi?”
“Mmoja tu!”
“Mara ya mwisho ulishirikiana kimapenzi na wanawake wangapi?”
“Mmoja tu,” nilisema huku nikigeuza kichwa changu pembeni kwa sababu sikufurahishwa na maswali yake, nikahisi sasa ananiingilia maisha yangu binafsi.
“Kwa uzoefu wangu, hali uliyokuwa nayo wakati unafikishwa hapa, huwa inawapata watu wenye wapenzi wengi na wanaoshiriki sana tendo la ndoa bila kupata muda wa kupumzika,” alisema huku akinitazama usoni.
Nilijikuta nikishikwa na aibu sana kwa sababu alichokuwa anakisema kilikuwa ni kweli kabisa.
Kwa siku chache zilizopita, nilikuwa nimeshirikiana kimwili sana, tena na wanawake tofauti tofauti, kuanzia Madam Bella, Salma sekretari wetu, mama mwenye nyumba, Khazija na Ruqaiya, achana na wale wa zamani wasio na idadi, hali ambayo ilinifanya nikose kabisa muda wa kupumzika.
“Jinsi kiuno chako kilivyokondeana inaonesha wazi kwamba huwa hakipati muda wa kupumzika, wewe ni kijana mwenzangu kwa hiyo lazima nikwambie ukweli, ipo siku utakuja kufia kifuani kwa kuendekeza haya mambo,” alisema daktari.
Ninavyojua mimi madaktari huwa wanafundishwa kuwa na lugha nzuri na za kutia matumaini kwa wagonjwa wao lakini huyu alikuwa akinikandia waziwazi.
“Mtu una mke mzuri kama huyu lakini inaonesha bado unaendekeza michepuko, tumekupima mkojo una karibu aina sita za UTI, tena sugu,” aliendelea kuninanga, akaniambia kwamba eti kiumri mimi ni kijana mdogo sana kuendekeza mambo kama hayo.
“Na bahati yako nimekupima ngoma huna, ukiendelea na mchezo huo muda si mrefu utakanyaga miwaya, we mtu gani unashiriki ngono mpaka unakaukiwa maji?”
“Dokta, mbona kama unakiuka miiko ya kazi yako? Kwa nini unanitolea maneno machafu kiasi hicho?”
“Wagonjwa wengine wa kujitakia kama wewe mimi huwa nawachana tu, hata ukiniona mnoko ndiyo nimekuchana, achana na ‘hizo mambo’ babu! Ungekuwa unaumwa Malaria au ugonjwa wowote wa kawaida ningekuonea huruma lakini siyo kwa hili tatizo lako la kujitakia,” alisema na kwa bahati nzuri, daktari mwingine ambaye kimamlaka alikuwa akionesha kama ana cheo kuliko yeye, aliingia.
Jinsi daktari huyo alivyo mnafiki, eti akabadilisha mada muda huohuo na kujifanya kama ananipa matumaini ya kupona kisha akawa ananikata jicho kama anayesema ‘ole wako unichongee’!
Kimsingi nilimchukia daktari huyo, unajua mara zote mtu anayesema ukweli hawezi kupendwa, niliona kama anaingilia mambo yasiyomhusu lakini kwa upande fulani kuna maneno aliyoyazungumza yalijirudia ndani ya kichwa changu na kunifanya nishindwe kuamini kama ni kweli au la.
“Na bahati yako nimekupima ngoma huna, ukiendelea na mchezo huo muda si mrefu utakanyaga miwaya, we mtu gani unashiriki ngono mpaka unakaukiwa maji?” maneno yaliyosemwa na daktari huyo bishoo ambaye alikuwa amevaa cheni shingoni yalijirudia kwenye kichwa changu.
Nikageuka na kumtazama, naye akanitazama kwa jicho la ukali, nikashusha pumzi ndefu na kuamua kuwa mpole.
“Kwa hiyo dokta, hebu sogea nikuulize vizuri,” nilisema kiungwana, basi akasita kidogo kisha akanisogelea huku akiwa amekunja uso wake.
“Kwa hiyo unasema kweli kwamba umenipima ngoma sina?”
“Demu wako ndiye aliyeniambia nikupime ngoma, na yeye amepima.”
“Majibu yakoje?”
“Huna, ila muda siyo mrefu utapata, we mtu gani unapenda ngono kuliko kula,” alisema na kuendelea ‘kunikazia’ kama mwanzo.
“Vipi mke wangu?”
“Hana, sema mwanangu demu wako kifaa kwelikweli,” alisema huku safari hii akianza kujichekesha. Nilishaelewa kwa nini anakuwa na chuki za kiasi hicho kwangu, unajua sisi wanaume, ukimuona mwenzako ana demu mkali au mke mzuri sana, basi hata kama hajakukosea kitu unaweza kujikuta tu ukianza kumchukia.
“Ninao wengi tu, tena wote wakali, nikupe pande mmoja nini?” nilimuuliza, akacheka sana na kunitania kwamba eti ndiyo maana nilikuwa nakaukiwa maji. Basi huo ulikuwa mwanzo wa urafiki kati yangu na daktari huyo ambaye naye alionesha kuwa ni mtu wa ‘totoz’ sana.
Hata hivyo, bado aliendelea kunisisitiza kwamba natakiwa kubadili mfumo wangu kwani nikiendelea kwa mtindo huo, kweli naweza kupata tatizo kubwa kiafya, ikiwa ni pamoja na kupata maambukizi ya Virusi vya Ukimwi.
Basi nilimuelewa kwa sababu safari hii alikuwa akizungumza nami kirafiki, kuna wakati mwingine pia alimshauri Khazija kwamba natakiwa kupata mapumziko ya kutosha siyo kila wakati nafanya tendo la ndoa tu.
“Huwa mwenyewe ndiyo anataka, sasa nashindwa kumkatalia,” alisema na kusababisha wote tucheke, akanigeukia.
Je, nini kitafuatia?
 
KIVURUGE WA TANDALE- 34

ILIPOISHIA:
Basi nilimuelewa kwa sababu safari hii alikuwa akizungumza nami kirafiki, kuna wakati mwingine pia alimshauri Khazija kwamba natakiwa kupata mapumziko ya kutosha siyo kila wakati nafanya tendo la ndoa tu.
“Huwa mwenyewe ndiyo anataka, sasa nashindwa kumkatalia,” alisema na kusababisha wote tucheke, akanigeukia.
SASA ENDELEA...
Kiukweli moyoni nilifurahi sana kuambiwa kwamba licha ya sarakasi zote zile nilizokuwa nazifanya, sikuwa nimepata maambukizi ya Virusi vya Ukimwi na japokuwa mwenyewe aliniambia kwamba natakiwa kupima tena baada ya miezi mitatu ili niwe na uhakika, kwangu mimi nilishajihesabia kwamba nipo salama.
Nilimshukuru sana Khazija kwa uamuzi alioufanya wa kunipima bila mwenyewe kujua kwa sababu kiukweli sikuwa na ujasiri wa kwenda kupima na hata siku niliyojaribu, nilijikuta nikiishia kutoka nduki kutokana na hofu.
Basi niliendelea kupata tiba nyepesi za kurudisha nguvu mwilini kwani daktari alinieleza kwamba sikuwa naumwa isipokuwa mwili uliishiwa nguvu na maji kwa sababu ya kukosa muda wa kutosha wa kupumzika kwa sababu ya kuendekeza sanaa za kikubwa.
Baada ya kupumzishwa vya kutosha, ikiwa ni pamoja na kutundikiwa dripu, jioni niliruhusiwa kurudi nyumbani na daktari akanipa masharti kwamba natakiwa nisishiriki tendo mpaka baada ya siku saba, akanisisitiza kwamba natakiwa kula vizuri, kupata muda wa kupumzika na kufanya mazoezi mepesi angalau mara tatu kwa wiki.
Nilimshukuru sana, Khazija akalipa gharama za matibabu na tukatoka mpaka nje ambako tuliingia kwenye Bajaj na safari ya kurudi nyumbani ikaanza. Angalau sasa mwili wangu ulikuwa na nguvu japokuwa nilikuwa nimepungua uzito kwa kiasi kikubwa mpaka mwenyewe nikawa najishangaa.
Tulipofika nyumbani, Khazija alinishauri nifikie kwake ili aniandalie msosi, wazo ambalo nililiona kuwa la busara. Kweli dada wa watu alijitahidi sana kunihudumia, kwanza alinipelekea maji bafuni ambako baada ya kuoga kidogo nilijisikia ahueni.
Niliporudi ndani tayari alikuwa ameniandalia supu, baadaye kidogo akaandaa chakula kizuri na baada ya kula, hatimaye tulilala. Kwa mara ya kwanza tuliweza kulala mpaka asubuhi bila kufanya chochote kulingana na masharti ya daktari.
Kesho yake pia sikuweza kwenda kazini kwani bado sikuwa vizuri kiafya, kwa kuwa tayari walikuwa wanajua kwamba naumwa, hakukuwa na tatizo. Kutwa nzima nilishinda ndani na Khazija akinihudumia kwa kila kitu kama mtoto mdogo.
Siku iliyofuatia niliweza kujikongoja na kwenda kazini ingawa nililazimika kuvaa nguo kubwakubwa ili kuficha wembamba wa ghafla uliokuwa umenikumba.
Kama tulivyokuwa tumekubaliana na Khazija usiku uliopita, nilikuwa na kibarua kigumu cha kuwaeleza wanawake wangu wote kwamba nimepata mchumba na najiandaa kuoa kwa hiyo tupunguze mazoea.
Khazija alikuwa amenipa ‘option’ hiyo kwa sababu ilibidi niwe mkweli kwake, nikamwambia kwamba kabla ya kukutana naye nilikuwa na wanawake wengi ambao kila mmoja aliniganda kama ruba na sijui namna ya kuwaacha.
Wa kwanza kukutana naye alikuwa ni Salma, mfanyakazi mwenzangu ambaye yeye alikuwa kitengo cha reception, aliponiona tu aliinuka kwenye kiti chake na kuja kunikumbatia kwa nguvu, akawa ananipa pole kwa kuugua.
“Kweli umepatikana baby wangu, cheki ulivyokonda ndani ya siku mbili tu,” alisema Salma huku akitabasamu kwa bashasha, akaona kama haitoshi, anibusu mdomoni, akawa ananiambia jinsi alivyonimisi.
Nilijitahidi sana kuukwepa ukaribu wake lakini haikuwa rahisi, akawa anaendelea kunipigisha stori za hapa na pale huku akiwa bado amening’ang’ania mwilini. Ilibidi nimtoke kijanja na kwenda ofisini kwangu. Kazi zote zilikuwa zimesimama na kubaki vilevile kama nilivyoziacha, waliosema penzi kitovu cha uzembe hawakukosea.
Mambo ya wanawake yalikuwa yamesababisha nishindwe kabisa kufanya kazi kama ilivyokuwa awali na kwa picha ile niliyoiona, nilijua kabisa kwamba kama nitashindwa kujirekebisha, hata kazi yenyewe naweza kuipoteza.
Moyoni nilijihisi kuwa na hatia kwa sababu sikutimiza wajibu wangu ipasavyo na kwa namna moja au nyingine, nilikuwa naiibia kampuni kwa kuwa nilikuwa nalipwa mshahara ambao sikuufanyia kazi. Kwa upande mwingine, nilimtupia lawama bosi, Madam Bella kwani naye pia alikuwa chanzo cha mimi kuzembea baada ya kuanza kuingiza masuala ya mapenzi.
Nikiwa nawaza nianze na kazi ipi, simu ya mezani iliita, nilipopokea alikuwa ni Salma, mdada wa mapokezi, akaniambia kwamba bosi amesema niende ofisini kwake, nikajua picha limeanza upya. Nilitoka na kwenda mpaka ofisini kwa bosi, nilipoingia tu akainuka pale alipokuwa amekaa na kunikimbilia, akanikumbatia kwa nguvu huku akionesha kuguswa sana na hali yangu maana nilikuwa nimepungua ghafla.
“Pole sana mume wangu,” aliniambia huku akinibusu sehemu mbalimbali za mwili wangu, akaniambia kama bado nahisi sijapata nguvu, kwa nini nisipumzike tu nyumbani?
“Mh! Na kazi zangu atafanya nani bosi? Bora nijikaze tu, nimeshapona bado mwili kukaa sawa tu,” nilimwambia, akaniambia anataka nipone haraka kwani amemisi sana ‘mambo yetu’, tukacheka na kugongesheana mikono, akanikumbatia tena na kusababisha manukato mazuri aliyojipulizia yapenye kwenye pua zangu na kunipa burudani ya aina yake.
Kitu kimoja nilichokuwa nampendea Madam Bella, alikuwa anajipenda sana, muda wote ukimuona yuko ‘smart’, ananukia vizuri hadi raha. Wakati yeye akifurahia kuniona tena, mimi nilikuwa na mtihani mkubwa wa namna ya kumfikishia ujumbe kwa sababu kiukweli alionesha kunipenda mno mpaka nikawa najisikia vibaya.
“Nitamwambia siku nyingine,” niliwaza na angalau tabasamu lilirudi na kuwa halisi kwa sababu muda wote nilikuwa na wasiwasi mkubwa ndani ya moyo wangu kuhusu jinsi anavyoweza kupokea taarifa hizo.
“Nataka upone haraka bwana, unajua mume wangu anakaribia kurudi kutoka Sweden alikokuwa ameenda kimasomo sasa najua akija nitakuwa nakosa uhuru wa kukufaidi,” alisema, nikashtuka sana kusikia maneno hayo.
“Mbona unashtuka? Kwani nimeongea jambo lolote baya?” aliniuliza, nikatingisha kichwa kuonesha kwamba hakuna lolote baya aliloliongea. Akaniambia kwamba mumewe alisafiri kwenda nje ya nchi miaka minne iliyopita na walikuwa wakiwasiliana karibu kila siku japokuwa hakuwahi kurudi kutokana na kubanwa na masomo.
“Lakini nakuhakikishia wewe ndiyo utakuwa mume wangu mkubwa, yeye mume mdogo, unamzidi kwa kila kitu maana hata shughuli unayonipa, yeye hafikii hata robo,” alisema na kunifanya nicheke.
Moyoni nilifurahi kutokana na kauli yake hiyo kwa sababu alikuwa amenirahisishia sana kazi ingawa kwa upande mwingine nilijisikia wivu sana kugundua kwamba kumbe alikuwa na mume wake.
“Kwani unanipenda eeh, maana naona umebadilika nilipokwambia masuala ya mume,” aliniuliza, na mimi nikapata sehemu nzuri ya kumdanganya. Nilimwambia kwamba nampenda sana na sijawahi kukutana na mwanamke kama yeye, nikawa nampamba kwa maneno matamu.
Ukweli ni kwamba nilikuwa nataka kumuweka sawa tu ili aendelee kunibeba kazini na kunipa fedha maana alikuwa mhongaji mzuri.
“Umeongea maneno matamu sana jamani, mpaka nahisi kusisimkwa mwenzio,” alisema huku akianza kubana miguu yake mizuri kuonesha kwamba tayari wadudu walishaanza ‘kumnyevua’.
Ajabu ni kwamba nilipokuwa namtazama akifanya vile, na mimi nilianza kuhisi haki isiyo ya kawaida, nikashtukia tu tumegusanisha ndimi zetu huku mikono yake laini ikiperuzi na kudadisi kuelekea kwa mkuu wa kaya.
“Nimeambiwa nisubiri mpaka baada ya siku sa..ba,” niliongea huku nikifumbafumba macho kutokana na msisimko niliokua naupata.
“Sawa usijali, mi nataka nikuimbie tu kidogo mgonjwa,” alisema kwa sauti ya kudeka, sijakaa sawa nikashtukia amekamata ‘mic’, si akaanza kuimba bwana! Alikuwa akiimba kwa ufundi wa hali ya juu kiasi cha kunifanya nitupilie mbali masharti ya daktari, nikamsogeza mpaka kwenye sofa kubwa lililokuwa mle ndani ya ofisi yake.
Wakati akiendelea kuimba, nilifanya utundu wa kujipindua kama mwanasarakasi, nikavamia mzimamzima kwenye chungu chake cha asali, nikatoa mfuniko na kuanza kuilamba taratibu, akawa anatoa ukelele fulani huku akiendelea kuimba, hali iliyoyaamsha mno mashetani yangu.
Je, nini kitafuatia?
 
KIVURUGE WA TANDALE- 35
ILIPOISHIA
Wakati akiendelea kuimba, nilifanya utundu wa kujipindua kama mwanasarakasi, nikavamia mzimamzima kwenye chungu chake cha asali, nikatoa mfuniko na kuanza kuilamba taratibu, akawa anatoa ukelele fulani huku akiendelea kuimba, hali iliyoyaamsha mno mashetani yangu.
SASA ENDELEA...
Muda mfupi baadaye tayari tulikuwa kwenye ulimwengu mwingine tofauti kabisa, na japokuwa bado sikuwa na stamina za kutosha, lakini niliweza kwenda naye sawa na kweli ilionesha alikuwa amenimisi kisawasawa.
Sikukumbuka kabisa kwamba daktari alinisisitiza kukaa wiki moja bila kushiriki kwenye sanaa hiyo ya kikubwa.
Muda mfupi baadaye, Madam Bella alipasua madafu mawili kwa mkupuo, akanikumbatia kwa nguvu na kunipiga kabali kama wale vibaka wa kwetu Tandale, akashusha pumzi ndefu na taratibu akawa ananiachia, nikamsaidia kulala pale kwenye sofa.
Miongoni mwa udhaifu mkubwa aliokuwa nao Madam Bella, ilikuwa akishafanikiwa kupasua dafu hata moja, lazima kausingizi kampitie bila kujali yupo wapi.
Hicho ndicho kilichotokea na ili kumsaidia asije akathubutu kukutwa na mtu mwingine, niliyaweka vizuri ‘magwanda’ yake ikiwa ni pamoja na kumsogezea kufuli lake ili akiamka alione kwa urahisi, kisha nikatoka kimyakimya na kufunga mlango kwa nje kwa kutumia funguo, kisha funguo hizo nikazipitisha chini ya mlango kama nilivyofanya siku ya kwanza aliponiruhusu nilambe asali yake.
Nilirudi ofisini kwangu na kukaa, nikashtukia mapigo ya moyo yakianza kuongezeka kwa kasi huku mwili ukiishiwa nguvu. Zile dalili nilizokuwa nazo siku ile nilipozidiwa na kukimbizwa hospitali, zilianza kujirudia.
“Mungu wangu, nimefanya nini sasa,” niliwaza huku nikihofia mno kitakachotokea. Kwa bahati nzuri kwenye begi langu la laptop ambalo huwa natembea nalo kulikuwa na Glucose, nikaitoa na kuanza kuilamba harakaharaka.
Kwa kawaida Glucose huwa na uwezo mkubwa wa kumuongezea mtu nguvu ndani ya muda mfupi. Ilinisaidia sana, nikaona niongeze na Redbull. Nilimuita Salma ambaye harakaharaka alikuja na kunisogelea mwilini. Nikamueleza kwamba sijisikii vizuri na naomba akaninunulie Redbull na maji makubwa.
“Umepatwa na nini tena?”
“Naona mwili unaishiwa nguvu na mapigo ya moyo yananienda mbio,”
“Ooh, maskini pole! Inaonekana bado hujapona wewe,” alisema huku akinishika kwenye mashavu yangu kwa mikono yake laini, nikataka kutoa hela ya kwenda kununulia vitu nilivyomuagiza lakini aliniambia nisijali, atatumia hela yake.
Basi alitoka na muda mfupi baadaye, alirejea akiwa na vitu nilivyomuagiza lakini pia alikuwa na bakuli la supu mikononi mwake, akaniandalia kila kitu vizuri. Nilimshukuru sana kwani alinionesha upendo mkubwa sana. Nilianza kwa kugonga ile supu, nikafuta bakuli lote, nikahamia kwenye maji, nikapiga karibu nusu nzima ya chupa kisha nikawa nashushia na Redbull taratibu.
“Hapo vipi?”
“Hapo sawa!” nilimjibu, akacheka kisha tukagongesheana mikono, tangu mara ya kwanza nilipofanikiwa ‘kuona ndani’, Salma alikuwa amebadilika sana jinsi anavyozungumza na mimi.
Kama nilivyowahi kueleza, kabla hatujaanzana, Salma alikuwa na nyodo kwelikweli, muda wote anajifanya yupo siriasi, kila anachoongea anatanguliza jazba na hasira lakini sasa hakuwa tena na ujanja wa kunifanyia mambo hayo. Sijui kama kwa watu wengine alikuwa anaendelea kuwakazia lakini kwangu mimi alibadilika mno.
“Hapo ukipewa mchezo unaweza kweli?”
“Unataka kunijaribu si ndiyo? Mimi sijaribiwi!” nilisema huku nikibadilisha lafudhi na kuongea kama Wasukuma wanavyokandamiza maneno, akacheka mno na kuja kunikumbatia. Katika hali ambayo sikuitegemea, alinibusu, tena mdomoni huku akipitisha mikono yake nyuma ya shingo yangu.
Sijui nini kilinishawishi, na mimi nikajikuta nikipeleka mikono yangu kwenye kiuno chake kama dondola, akashtuka kidogo kama aliyechomwa na mwiba huku mihemo yake ikibadilika, tukagusanisha ndimi zetu na kuanza kubadilishana ‘juisi ya miwa’ huku akijiweka vizuri na kunikalia kwenye mapaja yangu.
“Nilikumisi mno mpenzi wangu,” aliniambia huku akinitazama kwa macho yake yaliyojaa aibu za kikekike, ambayo sasa yalikuwa yamelegea mithili ya mtu anayesikia usingizi, akanibusu tena mdomoni.
“Nilikumisi pia kipenzi cha moyo wangu, nikiwa mbali kidogo na wewe nazidi kuumwa,” nilimwambia. Kauli yangu hiyo ilikuwa ni kama imeamsha mashetani kwani alinikumbatia tena kwa hisia zaidi, akalegeza vifungo vya blauzi yake kisha katika hali ambayo sikuitegemea kabisa, alisimama akiwa ni kama amesahau kitu.
Alitembea harakaharaka mpaka pale mlangoni, akafunga kwa funguo kisha akarudi pale nilipokuwa nimekaa kwenye kiti, akalishusha kufuli lake na kulitoa kabisa, akalitupia pembeni, mapigo ya moyo yakanilipuka paah! Nikameza mate kama fisi aliyeona mfupa huku nikishangazwa na ujasiri wake wa kucheza na sharubu za simba.
Yaani kama kuna mtu aliyenilogezea kwenye haya mambo, basi alikuwa ameniweza kwelikweli.
Kuna wakati huwa naamini kwamba ile haikuwa akili yangu kwa sababu inawezekanaje nimetoka kumvuruga Madam Bella mpaka nimeishiwa nguvu, lakini muda mfupi baadaye baada ya kunywa supu na kunywa Redbull kisha Salma kujilengesha, najikuta tena nikiwa na uchu kama mtu aliyetoka jela?
Basi Salma alinisogelea akiwa anatembea kama miss, akijinyonganyonga huku na kule, akanisogelea pale nilipokuwa nimekaa na kukaa kama vile alivyokuwa amekaa mara ya kwanza, kwenye mapaja yangu.
‘Mkuu wa kaya’ alikuwa amefura kwa jazba kali, akawa anahisi kama namchelewesha. Nilichokifanya, nilimuelekeza Salma kuinuka kidogo, nikamtoa nyoka pangoni, Salma akawa anachekacheka kama mtoto aliyeona Ice cream huku na yeye akijilamba midomo yake.
Hata sijui nini kiliendelea, nilijikuta tu napiga mashuti marefu huku Salma akitoa miguno ya hapa na pale, mikono yake ikiwa imeshika vidole vya miguu yake na kunipa mgongo huku akiwa ni kama anayegoma kwenda mbele, eneo la katikati lote likiwa juu.
Basi niliendelea kupiga mashuti kwa nguvu, naye akawa anaendelea kulalama huku akilitaja jina langu na kunisihi nisiwe na kasi uwanjani kama yule mchezaji kinda wa Ufaransa, Mbappe aliyechukua tuzo ya mchezaji bora chipukizi kwenye kombe la dunia.
Haukupita muda mrefu, nilimbabatiza na shuti la kushtukiza, akajifunga bao moja matata sana na kuanza kushangilia ushindi huku akitetemeka mwili wote wakati kiuhalisia mimi ndiye niliyetakiwa kushangilia. Alitaka kunyanyuka lakini nikamzuia, nikapiga pasi ndefu kwa namna ile ambayo wataalamu wa soka wanaita ‘counter attack’, yaani unapiga mpira juu kidogo kuelekea mbele halafu na wewe unatimua mbio kuufukuzia ukiwaacha wachezaji wa timu pinzani wanakanyagana.
Niliwahi na bila kupoteza muda, nilifumua shuti lingine kali zaidi, likajaa moja kwa moja wavuni, kipyenga kikapulizwa kuashiria kumalizika kwa ngwe ya kwanza.
“Halafu wewee! Yaani hapo unaumwa ndiyo umenifanyia hivi, ungekuwa mzima si ungeniua kabisa? Mgonjwa gani una miguvu kama faru aliyejeruhiwa?” alisema Salma kwa sauti iliyokuwa inatokea kwenye matundu ya pua zake, akanikumbatia na kunibusu kisha akaninong’oneza sikioni.
“Unajua sana namna ya kuitii kiu yangu ndiyo maana nakupenda na kukuheshimu sana kivuruge wangu,” nilijikuta nacheka baada ya kauli hiyo, akawa ananiambia eti nisicheke kwa sababu anachokisema anamaanisha.
Basi aliendelea kunishukuru huku akinimwagia misifa kibao, mara simu ya mezani ikaanza kuita mapokezi ambapo kimsingi ndipo ilipokuwa ofisi yake. Harakaharaka alikurupuka na kwenda kufungua mlango, akaenda kupokea simu hiyo huku akiliacha kufuli lake palepale alipokuwa amelitupa.
Kwa kuogopa linaweza kuonwa na mtu mwingine na kuleta picha isiyofaa, nililiokota na kuliweka kwenye mfuko wa pembeni wa begi langu la laptop. Mara alirudi akiwa anatembea kwa kuyumbayumba kama mlevi, nadhani dozi aliyoipata ilikuwa imefika mahali pake.
“Bosi amepiga simu anasema uende ofisini kwake na laptop yako,” alisema huku akinitazama kwa macho yaliyobeba ujumbe mzito ndani yake.
Salma alishaanza kuwa ananipenda kwa dhati na hakuweza kujificha, angejua jinsi mwenzake nilivyokuwa na mambo mengi kichwani, wala asingekubali kunikabidhi moyo wake kiasi kile, kwa sababu mtu anaweza kukutazama kikawaida lakini pia anaweza kukutazama huku uso wake na macho yake vikizungumza lugha nzito kutoka ndani kabisa ya moyo, kama yeye alivyokuwa akifanya kwa wakati huo.
“Ok poa,” nilisema huku nikiinuka na kukimbilia maliwatoni kwani nisingeweza kwenda nikiwa na hali ile, Madam Bella ni mtu mzima kwa hiyo lazima angenishtukia, tofauti na Salma ambaye alishindwa kabisa kugundua kwamba muda niliokuwa nampa haki yake, nilikuwa nimetoka pia kumvuruga Madam Bella.
Nilijiswafi fastafasta kisha nikatoka na kurudi ofisini kwangu, yaani siku ya kufa nyani miti yote huteleza na za mwizi arobaini, waliosema misemo hii hawakukosea kabisa.
Sijui nini kilitokea kwani nilijikuta nimesahau kabisa kwamba lile kufuli la Salma nimeliweka kwenye begi la laptop, nikainuka huku na mimi nikipepesuka kwani miguu haikuwa na nguvu kabisa, nikabeba begi langu la laptop na kuelekea kule ofisini kwa bosi.
Je, nini kitafuatia?
 
KIVURUGE WA TANDALE 37
ILIPOISHIA:
Ninachokumbuka ni kwamba Salma alijifunga goli la kushtukiza, na mimi nikapachika lingine lililotingisha nyavu zake, kisha nikadondoka kama mzigo, giza nene likatanda kwenye upeo wa macho yangu.
SASA ENDELEA...
Sikuelewa tena kilichokuwa kinaendelea, baadaye nikaanza kusikia sauti kwa mbali, watu wawili walikuwa wakijadiliana, mmoja akimuuliza maswali na mwingine akijibu.
“Huyu ni nani yako?”
“Ni mume wangu.”
“Mh! Mume wako?”
“Ndiyo.”
“Nini kimetokea?”
“Kuanzia asubuhi alikuwa analalamika kwamba mwili unaishiwa na nguvu, ghafla tukashangaa amedondoka chini na kupoteza fahamu.”
“Hebu tusubirini nje.”
“Hebu mtundikieni dripu kwanza kwa sababu inaonesha ana upungufu mkubwa wa maji,” nilimsikia yule mwanaume akisema, nikaanza kuvuta picha kwamba lazima nitakuwa hospitali. Nilijaribu kufumbua macho mara kadhaa lakini nilikuwa nashindwa, kila kiungo katika mwili wangu kilikuwa ni kama kimekufa ganzi.
Basi nilisikia kama mkono wangu ukifutwafutwa na kitu chenye ubaridi, kisha nikasikia sindano ikiingia mishipani. Nilitamani kufumbua macho lakini sikuweza kwa hiyo ikabidi nitulie tu.
Baada ya kama dakika ishirini hivi, nilijaribu tena kufumbua macho, safari hii nilifanikiwa. Nilichokuwa nakihisi ndicho kilichotokea, kweli nilikuwa nimelazwa kwenye kitanda kilichotandikwa mashuka meupe huku dripu ikiwa inatiririka kwa kasi kuingia mishipani mwangu.
Nilijikakamua na kugeuka pembeni, nikaona kuna vitanda vingine kibao huku kukiwa na wagonjwa, nikageuka upande mwingine nako nikaona hivyohivyo, ni kweli nilikuwa hospitali.
“Dokta! Amezinduka,” nilisikia sauti ya nesi akimuita daktari. Kumbe kulikuwa na nesi amekaa pembeni ya kitanda changu upande wa miguuni akifuatilia kila kitu nilichokuwa nakifanya. Muda mfupi baadaye, kitanda changu kilikuwa kimezungukwa na daktari na manesi kadhaa.
“Unajisikiaje kijana.”
“Najisikia vizuri ila kichwa kinanigonga, hapa ni wapi na nimefikaje?”
“Hapa ni hospitali, umeletwa baada ya kudondoka na kupoteza fahamu,” alisema daktari huku akinipimapima kwa kutumia kifaa maalum, nikashangaa anawaambia wale manesi watupishe ana jambo la kuzungumza na mimi.
“Kijana umeoa?”
“Hapana dokta, kwa nini?”
“Kuna mama mmoja kati ya wanawake waliokuleta anasema yeye ni mkeo, ili nikikutazama mwili wako na umri wako naona kama hamuendani naye kabisa.”
“Dokta, kwani kushauri mambo ya mahusiano ya kimapenzi ya wagonjwa wako nayo ni miongoni mwa kazi zako?”
“Nilimuuliza kijeuri maana niliona anaanza kuniingia mwilini.”
“Siyo hivyo kijana, inaonekana wewe huumwi chochote kwa sababu tumekupima vipimo vyote lakini kuna kitu mimi nataka kuzungumza na wewe kama mwanaume mwenzangu,” alisema dokta kwa sauti ya chini kidogo huku akitazama huku na kule kuhakikisha kama hakuna mtu anayetusikia.
“Hivi huwa unafanya mapenzi mara ngapi kwa kutwa nzima na unakutana na wanawake wangapi kwa siku?”
“Swali gani hilo dokta?” nilimjibu huku nikigeukia pembeni. Nilijua na yeye anataka kuanza kuleta za kuleta kama yule daktari wa Mwananyamala.
“Dalili zote ulizonazo zinaonesha kwamba wewe unafanya ngono sana, hata ulipofikishwa hapa nilipokuchunguza kwa makini niligundua kwamba kuna uwezekano mkubwa ukawa umepoteza fahamu wakati wa tendo, kweli si kweli,” alisema yule daktari huku akinilazimisha nimgeukie.
Sikumjibu kitu, akaendelea kunieleza kwamba kutokana na tabia yangu hiyo, majimaji kwenye viungio vya mifupa (joints) kama kwenye magoti, kwenye mabega, kwenye kiuno na sehemu nyingine zenye viungio yalikuwa yamekauka.
Aliniambia pia kwamba nilikuwa na upungufu mkubwa wa maji na damu ambavyo vyote ni kwa sababu ya kuushughulisha sana mwili kwa kufanya mapenzi. Aliniambia kitaalamu, kufanya tendo la ndoa, unapopiga mshindo mmoja, nguvu inayotumika ni sawa na kutembea kwa miguu kwa kilometa kibao.
“Hapana dokta, naona sasa unaleta stori za vijiweni,” nilimkatisha kwa sababu vijiweni huwa kuna stori nyingi za aina hiyo, mwingine anakwambia kupiga mshindo mmoja ni sawa na kutembea 3 kwa miguu, mwingine anakwambia ni sawasawa na kilometa saba na kadhalika.
Kama ungefuata stori hizo za vijiweni, maana yake ni kwamba kwa muda wa wiki moja tu mimi ningekuwa nimeshapita Morogoro na sasa naitafuta Dodoma kwa miguu kwa sababu nilikuwa nimefanya sana, tena kwa wanawake tofautitofauti.
“Sawa, zinaweza kuwa ni stori za vijiweni lakini hoja ya msingi unayotakiwa kuijua hapa, ni kwamba unapofanya tendo la ndoa, nguvu unayotumia kwa kila mshindo ni kubwa sana kwa hiyo unapofanya hovyohovyo siyo kwamba unaonesha uhodari wako, bali unaumaliza kabisa mwili wako.
“Tazama ulivyokonda, kiuno kimebaki kama nyigu, hujionei huruma?”
“Hizo sasa dharau dokta, kama unaweza kunitibu wewe nitibu lakini siyo kunisimanga kwa sababu hata kiapo cha kidaktari sidhani kama kinakufundisha kumsimanga mgonjwa.”
“Yapo magonjwa ambayo mtu unaweza kumuonea huruma mgonjwa, lakini siyo mambo ya kishenzi kama yako, angalia dripu inavyoingia kwa kasi kwenye mwili wako, umekaukiwa kabisa maji. Unawaona hawa wagonjwa wengine, kila mmoja anaumwa sana lakini hakuna aliyejitakia kama wewe.
“Lile limama kubwa namna ile eti linasema wewe ndiyo mume wake, si lazima litakuwa linakutumikisha kingono? Acha uboya wewe,” alisema daktari huku akiondoka, akionesha kukasirika.
Hii ilikuwa mara ya pili sasa nakutana na suala kama hilo, mara ya kwanza ilikuwa ni kule Mwananyamala na yule daktari baada ya kunisemea mbovu, nilihisi ni kwa sababu ya wivu kwani nilikuwa na Khazija, lakini huyu naye ambaye kiumri alikuwa mkubwa kidogo, naye alikuwa akizungumza maneno yaleyale.
Niliona sasa kuna haja kweli ya kuyafanyia kazi yale waliyoniambia kwa sababu ilionesha kabisa kwamba nikiendelea na mchezo huo, siku zangu zinahesabika. Dakika chache baadaye yule daktari alirudi tena pale kitandani kwangu, akaendelea kunichana wakati mwingine akitumia maneno ya kuudhi.
“Wewe bado ni kijana mdogo sana, kwa nini usitafute mwanamke mnayelingana naye, ukafuata taratibu zote zinazotakiwa ili awe mkeo halali badala yake una kazi ya kuparamia watu wazima?”
“Dokta, hebu naomba uniache tafadhali, nimekusikia.”
“Wewe jifanye kichwa ngumu, siku nyingine ukiletwa hapa hata kama unakaribia kupoteza maisha, tutakuacha maana inaonekana wewe mwenyewe hujijali.”
“Tusifike huko dokta, unajua mimi ni kama ndugu yako,” nilijirudi baada ya daktari kuanza kutoa maneno makali, alionesha kweli kukasirishwa na kilichotokea.
Nilipoonesha kukubali makosa, na yeye alipunguza jazba na kuniambia madhara ya kiafya ya kufanya ngono hovyo na watu tofautitofauti, huku akinionya kwamba ukiachilia mbali mateso niliyokuwa nayapata, naweza pia kuambukizwa magonjwa ya zinaa, ikiwemo Ukimwi.
Alinipa elimu kubwa sana ambayo siyo kwamba sikuwa naijua kwa sababu hata yule daktari wa Mwananyamala alishanieleza, moyoni nikajiapiza kwamba nitafanya kila kinachowezekana ili kuondokana na hatari iliyokuwa mbele yangu.
Basi niliendelea kupewa matibabu pale na muda wa kuona wagonjwa ulipofika, kizaazaa kikubwa kiliibuka wodini kwani ukiachilia mbali Madam Bella ambaye ndiye aliyenileta pale hospitali, lakini pia alikuwepo Salma ambaye ndiye aliyenizimisha, alikuwepo Khazija wangu ambaye alishapewa taarifa lakini naye alikuja na mama mwenye nyumba, Ruqaiya naye sijui alipewa taarifa na nani kwani naye alikuja akiwa na mapochopocho kibao kwa ajili ya mgonjwa, sambamba na Nancy, ambaye sijui aliambiwa na nani.
Nikawa nimezungukwa pale kitandani na wanawake zangu wote, ambao kila mmoja alikuwa ameleta chakula na kila mmoja alikuwa anataka wenzake wamtambue kwamba yeye ndiye mpenzi wangu.
Je, nini kitafuatia?
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register