Taarifa hiyo imetolewa jana Juni 11, 2025 na Meneja wa Uhusiano kwa Umma na masoko wa Tan Trade Lucy Mbogoro jijini Dar es Salaam akiwahimiza wananchi kuchangia kwa kupiga kura kuchagua miongoni mwa alama zilizochujwa kutumika kama chapa bora ya utambulisho wa bidhaa za Tanzania
===
Mamlaka ya Maendeleo ya Biashara Tanzania (TanTrade) imefanikisha hatua ya pili ya mchakato wa kuandaa Rajamu ya Taifa (Nation Brand Mark), alama maalumu itakayotambulisha bidhaa na huduma zinazozalishwa nchini Tanzania kwa matumizi ya ndani na usambazaji kimataifa, chini ya kaulimbiu ya “Made in Tanzania.”
Akizungumza Dar es Salaam, leo Jumatano Juni 11, 2025 Meneja Uhusiano kwa Umma na Masoko wa TanTrade, Lucy Mbogoro amesema hatua ya awali ya mchakato huo ilihusisha mwitikio mkubwa kutoka kwa wabunifu wa Kitanzania waliotuma jumla ya bunifu 88 kutoka maeneo mbalimbali ya nchi.
“Tulipokea jumla ya alama 88 kutoka kwa wabunifu mbalimbali. Baada ya tathmini ya awali, bunifu 6 zilichaguliwa kuingia hatua ya pili ya mchujo,” amesema Mbogoro.
Ameongeza kuwa wabunifu hao sita walipatiwa mafunzo na fursa ya kuboresha bunifu zao, na hatimaye alama tatu bora zimechaguliwa. Alama hizo sasa zimewekwa hadharani kwa umma kupiga kura kupitia mfumo wa mtandao, ili kuchagua alama moja itakayokuwa alama rasmi ya Taifa ya bidhaa na huduma za Tanzania.
“Tunawahimiza Watanzania wote kuchangia kwa kupiga kura ili kuchagua alama bora zaidi ile inayowakilisha vyema ubora, asili, na utambulisho wa bidhaa zetu kwenye soko la dunia,” amesisitiza Mbogoro. Mshindi wa shindano hili atatangazwa siku ya uzinduzi rasmi wa alama ya Taifa, tarehe ambayo itatangazwa hapo baadaye
chanzo: Mwananchi_official
===
Mamlaka ya Maendeleo ya Biashara Tanzania (TanTrade) imefanikisha hatua ya pili ya mchakato wa kuandaa Rajamu ya Taifa (Nation Brand Mark), alama maalumu itakayotambulisha bidhaa na huduma zinazozalishwa nchini Tanzania kwa matumizi ya ndani na usambazaji kimataifa, chini ya kaulimbiu ya “Made in Tanzania.”
Akizungumza Dar es Salaam, leo Jumatano Juni 11, 2025 Meneja Uhusiano kwa Umma na Masoko wa TanTrade, Lucy Mbogoro amesema hatua ya awali ya mchakato huo ilihusisha mwitikio mkubwa kutoka kwa wabunifu wa Kitanzania waliotuma jumla ya bunifu 88 kutoka maeneo mbalimbali ya nchi.
“Tulipokea jumla ya alama 88 kutoka kwa wabunifu mbalimbali. Baada ya tathmini ya awali, bunifu 6 zilichaguliwa kuingia hatua ya pili ya mchujo,” amesema Mbogoro.
Ameongeza kuwa wabunifu hao sita walipatiwa mafunzo na fursa ya kuboresha bunifu zao, na hatimaye alama tatu bora zimechaguliwa. Alama hizo sasa zimewekwa hadharani kwa umma kupiga kura kupitia mfumo wa mtandao, ili kuchagua alama moja itakayokuwa alama rasmi ya Taifa ya bidhaa na huduma za Tanzania.
“Tunawahimiza Watanzania wote kuchangia kwa kupiga kura ili kuchagua alama bora zaidi ile inayowakilisha vyema ubora, asili, na utambulisho wa bidhaa zetu kwenye soko la dunia,” amesisitiza Mbogoro. Mshindi wa shindano hili atatangazwa siku ya uzinduzi rasmi wa alama ya Taifa, tarehe ambayo itatangazwa hapo baadaye
chanzo: Mwananchi_official
