babalao 2
JF-Expert Member
- Apr 6, 2012
- 5,425
- 3,300
*Chadaiwa kuundwa na waliofukuzwa upinzani
WAKATI fukuto la kufukuzwa uanachama kwenye
Chama Cha Demokrasia na Maendeleo (Chadema)
likiwa bado bichi, chama kipya cha siasa kimeanzishwa
na watu wanaodaiwa kuwa ni muungano wa
wanachama waliofukuzwa kutoka vyama vya upinzani
nchini.
Taarifa zilizolifikia gazeti hili na kuthibitishwa na Ofisi
ya Msajili wa vyama vya siasa nchini, zinakitaja chama
hicho kuwa ni African Alliance for Change and
Transparence (AACT) na kwamba mipango ya usajili wa
muda wa chama hicho inadaiwa kuanza kuratibiwa kwa
takribani mwezi mmoja sasa.
MTANZANIA Jumapili limedokezwa kuwa, tayari chama
hicho kimekamilisha baadhi ya taratibu na kinatarajiwa
kupewa usajili wa muda na Ofisi ya Msajili wa Vyama
vya Siasa siku ya Jumanne, wiki ijayo.
Gazeti hili limedokezwa kuwa iwapo chama hicho
kitapata usajili huo, upo uwezekano wa wanachama
waliofukuzwa uanachama kutoka Chadema hivi karibuni
kujiunga na chama hicho.
Wanasiasa wengine wanaotajwa ama kuwa nyuma ya
kuanzishwa kwa chama hicho au wanatarajia kujiunga,
ni wale waliofukuzwa kutoka CUF, nia ikiwa ni
kuendeleza harakati zao za kisiasa.
Mmoja wa watu wanaounda chama hicho alilidokeza
gazeti hili kuwa endapo chama hicho kitapata usajili
baada ya hapo, taratibu na harakati za kuanza
kukitangaza zitafanyika katika maeneo mbalimbali
nchini.
Alisema pia wamepanga kuendesha siasa zenye
upinzani, ikiwa ni pamoja na kushiriki katika uchaguzi
wa serikali za mitaa na Uchaguzi Mkuu wa 2015 iwapo
kitakuwa tayari kimejiimarisha.
MTANZANIA Jumapili limedokezwa kuwa mchakato wa
kuanzisha chama kwa wanachama waliofukuzwa
upinzani, ulianza kitambo, ukilenga nia yao ya
kuhakikisha wanashiriki katika chaguzi hizo.
Hivi karibuni Kamati Kuu Chadema, iliwavua uanachama
aliyekuwa Mwenyekiti wa Chadema Mkoa wa Arusha,
Samson Mwigamba na Mjumbe wa Kamati Kuu, Dk.
Kitila Mkumbo, huku Mbunge wa Kigoma Kaskazini,
Zitto Kabwe, akikimbilia Mahakamani kuomba zuio la
kutojadiliwa uanachama wake na kikao hicho.
Zitto, Dk. Kitila na Mwigamba walituhumiwa na uongozi
wa juu wa Chadema kuandaa waraka wa siri wenye
lengo la kufanya mabadiliko ya uongozi ndani ya
chama, hali iliyoibua mgogoro mzito hadi kufikia uamuzi
wa kuwavua uanachama baadhi yao.
Aidha taarifa nyingine ambazo MTANZANA Jumapili
limezipata zinaeleza kuwa mbali na AACT, chama
kingine kilichopata usajili wa muda hivi karibuni ni
Chama cha Wananchi na Demokrasia (CHAWAD).
Gazeti hili lilimtafuta Msajili wa Vyama vya Siasa
nchini, Jaji Francis Mutungi, kujua iwapo kuna chama
kilichoanzishwa na wanachama waliofukuzwa upinzani,
alisema hana taarifa hizo, ingawa kuna chama
ambacho kimepata usajili wa muda na kingine kipo
kwenye mchakato huo.
MTANZANIA Jumapili lilimtafuta Mwigamba ili kujua
kama anafahamu kuhusu uanzishwaji wa chama hicho,
ambapo alisema hivi sasa bado hawajakaa pamoja na
wenzake kujadili suala la kuanzisha chama, kutokana
na kila mmoja kuwa mbali.
Tangu maamuzi ya Kamati Kuu hatujakutana, hii ni
kwa kuwa tuko mbalimbali, mimi niko Arusha na
nashauriana kwanza na familia yangu nijue nini cha
kufanya, alisema Mwigamba.
Alisema hivi sasa anachokifahamu ni kwamba Dk.
Mkumbo anarudi kwanza kwenye kazi yake ya awali na
Zitto anasubiri uamuzi utakaotolewa dhidi ya
uanachama wake.
Alipoulizwa Dk. Kitila kama ameshiriki na wenzake
kuanzisha chama cha siasa, alishindwa kukataa wala
kukubali, kwa kusema kuwa ukweli ama uongo wa
habari hiyo utajulikana.
Alipotajiwa chama hicho na kwamba kinatarajia kupata
usajili wa muda, alisema hafahamu hilo na hawezi
kuzungumzia.
Sina cha kuzungumza juu ya swali lako, kuwapo kwa
chama kipya au la, nadhani ukweli utajiweka wazi nanyi
mtabaini tu, hata hilo jina la chama kipya kuitwa AACT
sijui, alisema Dk. Kitila.
Mpaka sasa vyama vya siasa vyenye usajili wa kudumu
nchini ni 23, ambavyo ni CCM, CUF, Chadema, UMD,
NCCR-Mageuzi, NLD, UPDP, NRA, Tadea.
Vingine ni TLP, UDP, Demokrasia Makini, Chausta, DP,
APPT-Maendeleo, Jahazi Asilia, Sau na AFP, UMD,
FORD, CCK, ADC na Chaumma.
WAKATI fukuto la kufukuzwa uanachama kwenye
Chama Cha Demokrasia na Maendeleo (Chadema)
likiwa bado bichi, chama kipya cha siasa kimeanzishwa
na watu wanaodaiwa kuwa ni muungano wa
wanachama waliofukuzwa kutoka vyama vya upinzani
nchini.
Taarifa zilizolifikia gazeti hili na kuthibitishwa na Ofisi
ya Msajili wa vyama vya siasa nchini, zinakitaja chama
hicho kuwa ni African Alliance for Change and
Transparence (AACT) na kwamba mipango ya usajili wa
muda wa chama hicho inadaiwa kuanza kuratibiwa kwa
takribani mwezi mmoja sasa.
MTANZANIA Jumapili limedokezwa kuwa, tayari chama
hicho kimekamilisha baadhi ya taratibu na kinatarajiwa
kupewa usajili wa muda na Ofisi ya Msajili wa Vyama
vya Siasa siku ya Jumanne, wiki ijayo.
Gazeti hili limedokezwa kuwa iwapo chama hicho
kitapata usajili huo, upo uwezekano wa wanachama
waliofukuzwa uanachama kutoka Chadema hivi karibuni
kujiunga na chama hicho.
Wanasiasa wengine wanaotajwa ama kuwa nyuma ya
kuanzishwa kwa chama hicho au wanatarajia kujiunga,
ni wale waliofukuzwa kutoka CUF, nia ikiwa ni
kuendeleza harakati zao za kisiasa.
Mmoja wa watu wanaounda chama hicho alilidokeza
gazeti hili kuwa endapo chama hicho kitapata usajili
baada ya hapo, taratibu na harakati za kuanza
kukitangaza zitafanyika katika maeneo mbalimbali
nchini.
Alisema pia wamepanga kuendesha siasa zenye
upinzani, ikiwa ni pamoja na kushiriki katika uchaguzi
wa serikali za mitaa na Uchaguzi Mkuu wa 2015 iwapo
kitakuwa tayari kimejiimarisha.
MTANZANIA Jumapili limedokezwa kuwa mchakato wa
kuanzisha chama kwa wanachama waliofukuzwa
upinzani, ulianza kitambo, ukilenga nia yao ya
kuhakikisha wanashiriki katika chaguzi hizo.
Hivi karibuni Kamati Kuu Chadema, iliwavua uanachama
aliyekuwa Mwenyekiti wa Chadema Mkoa wa Arusha,
Samson Mwigamba na Mjumbe wa Kamati Kuu, Dk.
Kitila Mkumbo, huku Mbunge wa Kigoma Kaskazini,
Zitto Kabwe, akikimbilia Mahakamani kuomba zuio la
kutojadiliwa uanachama wake na kikao hicho.
Zitto, Dk. Kitila na Mwigamba walituhumiwa na uongozi
wa juu wa Chadema kuandaa waraka wa siri wenye
lengo la kufanya mabadiliko ya uongozi ndani ya
chama, hali iliyoibua mgogoro mzito hadi kufikia uamuzi
wa kuwavua uanachama baadhi yao.
Aidha taarifa nyingine ambazo MTANZANA Jumapili
limezipata zinaeleza kuwa mbali na AACT, chama
kingine kilichopata usajili wa muda hivi karibuni ni
Chama cha Wananchi na Demokrasia (CHAWAD).
Gazeti hili lilimtafuta Msajili wa Vyama vya Siasa
nchini, Jaji Francis Mutungi, kujua iwapo kuna chama
kilichoanzishwa na wanachama waliofukuzwa upinzani,
alisema hana taarifa hizo, ingawa kuna chama
ambacho kimepata usajili wa muda na kingine kipo
kwenye mchakato huo.
MTANZANIA Jumapili lilimtafuta Mwigamba ili kujua
kama anafahamu kuhusu uanzishwaji wa chama hicho,
ambapo alisema hivi sasa bado hawajakaa pamoja na
wenzake kujadili suala la kuanzisha chama, kutokana
na kila mmoja kuwa mbali.
Tangu maamuzi ya Kamati Kuu hatujakutana, hii ni
kwa kuwa tuko mbalimbali, mimi niko Arusha na
nashauriana kwanza na familia yangu nijue nini cha
kufanya, alisema Mwigamba.
Alisema hivi sasa anachokifahamu ni kwamba Dk.
Mkumbo anarudi kwanza kwenye kazi yake ya awali na
Zitto anasubiri uamuzi utakaotolewa dhidi ya
uanachama wake.
Alipoulizwa Dk. Kitila kama ameshiriki na wenzake
kuanzisha chama cha siasa, alishindwa kukataa wala
kukubali, kwa kusema kuwa ukweli ama uongo wa
habari hiyo utajulikana.
Alipotajiwa chama hicho na kwamba kinatarajia kupata
usajili wa muda, alisema hafahamu hilo na hawezi
kuzungumzia.
Sina cha kuzungumza juu ya swali lako, kuwapo kwa
chama kipya au la, nadhani ukweli utajiweka wazi nanyi
mtabaini tu, hata hilo jina la chama kipya kuitwa AACT
sijui, alisema Dk. Kitila.
Mpaka sasa vyama vya siasa vyenye usajili wa kudumu
nchini ni 23, ambavyo ni CCM, CUF, Chadema, UMD,
NCCR-Mageuzi, NLD, UPDP, NRA, Tadea.
Vingine ni TLP, UDP, Demokrasia Makini, Chausta, DP,
APPT-Maendeleo, Jahazi Asilia, Sau na AFP, UMD,
FORD, CCK, ADC na Chaumma.
