Kuna tofauti kati ya Nchi, Serikali na Chama cha Siasa. Nikurejeshe wewe na wenye mawazo kama yako kwenye Katiba ya Jamhuri ya Muungano wa Tanzania (JMT), 1977 na Sheria husika.
Ibara1: Tanzania ni nchi moja na ni Jamhuri ya Muungano.
Ibara ya 3(1) Jamhuri ya Muungano ni nchi ya kidemokrasia na ya kijamaa, yenye kufuata mfumo wa vyama vingi vya siasa.
Ibara ya 4(1) Shughuli zote za Mamlaka ya Nchi katika Jamhuri ya Muungano zitatekelezwa na kudhibitiwa na vyombo viwili vyenye mamlaka ya utendaji, ...
(2) Vyombo vyenye mamlaka ya utendaji vitakuwa ni Serikali ya Jamhuri ya Muungano na Serikali ya Mapinduzi ya Zanzibar, ...
Ibara ya 33(1) Kutakuwa na Rais wa Jamhuri ya Muungano
Ibara ya 39(1) Mtu hatastahili kuchaguliwa kushika kiti cha Rais wa
Jamhuri ya Muungano isipokuwa tu kama:
(c) ni mwanachama, na mgombea aliyependekezwa na chama cha siasa;
Ibara ya 103(1) Kutakuwa na Kiongozi wa Serikali ya Mapinduzi Zanzibar ambaye ndiye atakuwa Rais wa Zanzibar na Mkuu wa Serikali ya Mapinduzi ya Zanzibar na vile vile Mwenyekiti wa Baraza la Mapinduzi la Zanzibar.
Sheria Ya Uchaguzi Serikali ya Mapinduzi Zanzibar (Na 4, 2018), Ibara ya 43 Kwa kuzingatia masharti ya Katiba, mtu atakuwa na sifa ya kuteuliwa kuwa Mgombea wa Urais iwapo:
(d) ni mwanachama na mgombea aliyependekezwa na chama cha siasa ambacho kimesajiliwa kwa mujibu wa Sheria ya Vyama vya Siasa.
Asante kwa kuelewesha, lakini kuna utata kidogo, tafadhari tusaidie, katiba ya Zanzibar inasemaje ndugu kuhusu vipengele vya:
1. Nchi
2. Serikali
3. Chama
kumbuka, kinacho ulizwa hapa si utendaji wa serikali au mamlaka ya nchi zinavyopatikana ,hizo ibara zote umefanya kazi bure kuzitaja.
Kinacho ulizwa ni upatikanaji wa viongozi wa kuongoza:
1. Jamhuri ya muungano na
2. Zanzibar ( yenye nchi na mamlaka yao Kamili kama katiba yao ya sasa inavyosema)
3. Serikali zote
4. Chama - sehemu zote
5. Hivi ccm imo katika mambo ya muungano? Imetajwa? Kama haimo, je kuchanganya Udongo ndio mkataba?
6. Huo mkataba Wa muungano kama upo, ulilidhiwa na pande mbili?
7. inakuwaje Raisi wa muungano ambaye ndiye kiongozi wa muungano ahusike kumpata kiongozi wa nchi ya Zanzibar ( tafadhari tupe reference ya katiba ya Zanzibar kama inaruhusu hilo) .
8. Mwisho, kiongozi wa muungano hupigiwa kura na wananchi wa pande mbili za muungano, kama Raisi wa muungano anahusika katika uchaguzi wa Zanzibar, ni kwa nini basi wananchi wote wa muungano wasihusike kumpigia kura huyo kiongozi wa Zanzibar? Huoni hapo kuna mkanganyiko au ni ubaguzi wa wao Zanzibar kuhusika kumpigia kura Raisi wa Muungano ambaye pia ni wa tanganyika halafu wananchi wa tanganyika hawana fursa sawa katika kumpigia kura huyo kiongozi wa nchi na Taifa la Zanzibar ?
Huu ni ubaguzi na pia ni breach of fundamental rights, haki ya kuwachaguwa viongozi wote kisawa. Kama wananchi zanzibar wanawachagulia Tanganyika kiongozi basi na wananchi wa Tanganyika pia wahusike kumpigia kura kiongozi wa Zanzibar.
Ibara 1 uliyoitaja: kama Jamhuri ni nchi moja, yanini basi kuwa na Maraisi wawili? Mbona kuna ukimya katika katiba ya muungano wa kusema kwamba wananchi wa tanganyika pia nao wahusike kupiga kura kumchagua kiongozi wa Zanzibar ? Ni hayo- hebu tueleweshe wakwetu...
