Biashara na Kupata Leseni ya Saloon ya Kiume

[youngkato]

Kila mfanyabiashara wa saloon ya kiume anatakiwa kuwa na leseni ya biashara ili kutambulika kisheria. Sheria ya Leseni ya Biashara Na. 25 ya mwaka 1972 inaweka wazi kuwa kufanya biashara bila leseni ni kosa. Leseni hii hukulinda dhidi ya faini, kufungiwa biashara, na pia hukufungulia milango ya kupata mikopo na fursa mpya.

Masharti ya Mwombaji Ili kupewa leseni ya saloon ya kiume, unatakiwa:

• Uwe raia wa Tanzania mwenye umri wa miaka 18 au zaidi.
• Usiwe na rekodi ya makosa ya jinai.
• Uwe na eneo lililoidhinishwa kisheria na linalokidhi viwango vya usafi na afya.
• Uwe na mkataba wa pango iwapo fremu ya biashara umeipanga
• Uwe na TIN number kutoka TRA na cheti cha ulipaji kodi (Tax Clearance).

Masharti haya yanahakikisha kuwa biashara yako ni salama, halali na yenye heshima.
Kibali cha BASATA
Kwa kuwa huduma za saloon zinahusiana na ubunifu na sanaa ya nywele, unatakiwa pia kuwa na kibali kutoka BASATA (Baraza la Sanaa la Taifa). Kibali hiki ni sharti la kisheria kabla ya kupata leseni yako ya mwisho. Bila kibali hiki, hata kama nyaraka zako zingine zipo sawa, leseni ya saloon haitatolewa.
Hatua Tatu Muhimu za Kuomba Leseni

1. Maombi kupitia Mfumo wa Tausi Jaza fomu rasmi za maombi kupitia mfumo wa serikali. Hapa utahitajika kuambatanisha TIN number, mkataba wa pango, na nyaraka za msingi.
2. Kupata Kibali cha BASATA Hii ni hatua ya lazima kwa saloon ya kiume kwani inahusiana na shughuli za sanaa na ubunifu. BASATA hukuthibitishia kisheria kuwa unaruhusiwa kutoa huduma hii.
3. Ukaguzi na Utoaji Leseni Baada ya kukamilisha nyaraka na kupata kibali cha BASATA, maafisa wa afya na biashara watakagua eneo lako. Ukikidhi vigezo, leseni ya saloon ya kiume itatolewa rasmi.

Ada na Muda wa Leseni
Ada ya leseni hutegemea eneo lako la biashara na inalipwa kupitia mfumo wa mapato wa Halmashauri. Leseni ni ya mwaka mmoja (12 months). Baada ya muda kuisha, unaruhusiwa kuhuisha ndani ya siku 21 bila adhabu. Ukichelewa, utatozwa adhabu ya asilimia 25 ya ada, pamoja na ongezeko la 2% kila mwezi unaochelewa.
Wajibu na Faida za Kumiliki Leseni Mara baada ya kupata leseni ya saloon:

• Ulipie ada yako kila mwaka kwa wakati.
• Weka leseni yako sehemu inayoonekana dukani.
• Hakikisha wafanyakazi wako wanakidhi masharti ya afya.

Faida ni nyingi: unajulikana kisheria, unapata mikopo na fursa mpya, unalinda biashara yako dhidi ya usumbufu, na unachangia pato la Taifa.
Ushauri Muhimu Kwa saloon ya kiume, usafi na afya ni msingi. Kabla ya leseni kutolewa, eneo lako lazima lipimwe na kuidhinishwa. Hii inalinda wateja wako na kuimarisha sifa ya biashara yako.

Kwa Msaada wa Haraka​

Unataka kufungua saloon ya kiume na kupata leseni kwa urahisi?

👉 Ikiwa unahitaji leseni ya saloon, kibali cha BASATA, kufungua kampuni au kusajili jina la biashara, tupo tayari kukusaidia hatua kwa hatua.
Piga sasa

👉 +255693880325 Fika ofisini kwetu au tumia huduma zetu online popote ulipo Tanzania, tunakuhudumia kwa haraka na ufanisi.