CHA The GREAT
JF-Expert Member
- Nov 11, 2010
- 651
- 855
Dada Fatma, awali ya yote nikupongeze kwa kuchaguliwa kuwa Rais mpya wa chama cha mawakili Tanzania (TLS), nina amini viatu vya Tundu Lissu vimepata mvaaji anayestahili.
Dada Fetty, ninaandika barua hii kwa uchungu sana na ninaomba uichukulie kwa uzito wake haya ninayoandika. Usipuuze hata moja, kwani kufanya hivyo utakuwa unamkosea hata Mungu wako.
Dada Fetty, alipoingia kwenye nafasi hiyo, Rais aliyekutangulia yaani Tundu Lissu na TLS kwa ujumla, waliahidi kuipeleka serikali mahakamani kuhusiana na hii mambo ya mifuko ya hifadhi ya jamii ambayo imegeuzwa kuwa shamba la bibi.
Kwa bahati mbaya sana, kaka Lissu, alipatwa janga kubwa kutokana na MAHARAMIA kutaka kuondoa uhai wake. Nachukua nafasi hii kuwalaani wote waliohusika, na kuratibu jaribio lile la kumuondoa Lissu duniani. Kutokana na janga alilopata kaka Lissu, mambo mengi sana yalisimama likiwamo hili la mpango na nia ya kuiburuza mahakamani serikali kuhusu mifuko ya hifadhi ya jamii.
Dada Fetty, siku kama mbili zilizopita, kupitia Mbunge wa Kigoma Mjini, Mh. Zitto Kabwe, wahanga wa mifuko ya hifadhi ya jamii tumearifiwa kwamba, CCM imekopa mamilioni ya shilingi toka mifuko ya hifadhi ya jamii na bado haijarudishwa pesa hiyo.
Kwa nafasi yako, na kwa kushirikiana na team nzima ya TLS, na wanasheria wenye nia njema na wapenda haki, tunaomba mfuatilie na mjiridhishe kisheria kuona iwapo mifuko hiyo inaruhusiwa kutoa mikopo kwa vyama vya kisiasa, na kwa makubaliano gani na wanachama ambao ni sisi. Tupiganieni sisi tuliotelekezwa na vyama vya wafanyakazi, vilivyopoteza dira na mwelekeo.
Naomba pia, kwa kushirikiana na wanasheria wa TLS, muangalie namna gani mtafanya ili kuiomba mahakama kwa hoja, iweze kutengua sheria inayomzuia mwanachama wa mfuko wa jamii kuchukua mafao yake eti mpaka afikishe umri wa miaka 55 au 60. Hili liangaliwe kwa kuzingatia uhaba wa ajira, umri wa kuishi, ugumu wa maisha, na watu wasio na ajira kukosa kuaminiwa kupata mikopo. Saidia hili, maana sisi wanachama ambao pesa zetu zimezuiwa na mifuko ya jamii, kwa sasa tunataabika mitaani, kazi hazipatikani, hatuna mitaji ya kuanzisha hata biashara ya ICE CREAM, halafu pesa zetu kuna watu wanagawana kwa kukopeshana bila taratibu. Hii si haki hata kidogo.
Baada ya kuainisha grievance yangu, nikutakie majukumu mema. Mungu akubariki na aibariki TLS.
Dada Fetty, ninaandika barua hii kwa uchungu sana na ninaomba uichukulie kwa uzito wake haya ninayoandika. Usipuuze hata moja, kwani kufanya hivyo utakuwa unamkosea hata Mungu wako.
Dada Fetty, alipoingia kwenye nafasi hiyo, Rais aliyekutangulia yaani Tundu Lissu na TLS kwa ujumla, waliahidi kuipeleka serikali mahakamani kuhusiana na hii mambo ya mifuko ya hifadhi ya jamii ambayo imegeuzwa kuwa shamba la bibi.
Kwa bahati mbaya sana, kaka Lissu, alipatwa janga kubwa kutokana na MAHARAMIA kutaka kuondoa uhai wake. Nachukua nafasi hii kuwalaani wote waliohusika, na kuratibu jaribio lile la kumuondoa Lissu duniani. Kutokana na janga alilopata kaka Lissu, mambo mengi sana yalisimama likiwamo hili la mpango na nia ya kuiburuza mahakamani serikali kuhusu mifuko ya hifadhi ya jamii.
Dada Fetty, siku kama mbili zilizopita, kupitia Mbunge wa Kigoma Mjini, Mh. Zitto Kabwe, wahanga wa mifuko ya hifadhi ya jamii tumearifiwa kwamba, CCM imekopa mamilioni ya shilingi toka mifuko ya hifadhi ya jamii na bado haijarudishwa pesa hiyo.
Kwa nafasi yako, na kwa kushirikiana na team nzima ya TLS, na wanasheria wenye nia njema na wapenda haki, tunaomba mfuatilie na mjiridhishe kisheria kuona iwapo mifuko hiyo inaruhusiwa kutoa mikopo kwa vyama vya kisiasa, na kwa makubaliano gani na wanachama ambao ni sisi. Tupiganieni sisi tuliotelekezwa na vyama vya wafanyakazi, vilivyopoteza dira na mwelekeo.
Naomba pia, kwa kushirikiana na wanasheria wa TLS, muangalie namna gani mtafanya ili kuiomba mahakama kwa hoja, iweze kutengua sheria inayomzuia mwanachama wa mfuko wa jamii kuchukua mafao yake eti mpaka afikishe umri wa miaka 55 au 60. Hili liangaliwe kwa kuzingatia uhaba wa ajira, umri wa kuishi, ugumu wa maisha, na watu wasio na ajira kukosa kuaminiwa kupata mikopo. Saidia hili, maana sisi wanachama ambao pesa zetu zimezuiwa na mifuko ya jamii, kwa sasa tunataabika mitaani, kazi hazipatikani, hatuna mitaji ya kuanzisha hata biashara ya ICE CREAM, halafu pesa zetu kuna watu wanagawana kwa kukopeshana bila taratibu. Hii si haki hata kidogo.
Baada ya kuainisha grievance yangu, nikutakie majukumu mema. Mungu akubariki na aibariki TLS.
