Waufukweni
JF-Expert Member
- May 16, 2024
- 4,393
- 14,500
Mbunge wa Kigoma Mjini, Baba Levo, ameitaka Serikali kupunguza vikwazo vinavyowakabili vijana katika mchakato wa kupata mikopo, akisema masharti yaliyopo kwa sasa ni magumu na yanawanyima fursa vijana wengi kunufaika na mikopo hiyo.
Akichangia bungeni jijini Dodoma leo, Februari 3, 2026, mbunge huyo amesema licha ya jitihada za Serikali kuweka mifumo ya kuwainua vijana kiuchumi, bado changamoto za vigezo na taratibu za utoaji wa mikopo zimeendelea kuwa kikwazo kikubwa.
Amesema vijana wengi wanakosa mikopo kutokana na masharti yanayohitaji dhamana, nyaraka nyingi pamoja na taratibu ndefu zinazowakatisha tamaa waombaji. Ameeleza kuwa hali hiyo inazuia juhudi za vijana kujiajiri na kushiriki kikamilifu katika kukuza uchumi wa nchi.
Mbunge huyo amesisitiza umuhimu wa Serikali kupitia upya sera na mifumo ya utoaji mikopo ili kuweka mazingira rafiki yatakayowezesha vijana wengi zaidi kupata mitaji ya kuanzisha na kuendeleza shughuli za kiuchumi.
Aidha, ameshauri kuwepo kwa mifumo rahisi na yenye kuzingatia hali halisi ya vijana, ikiwemo kupunguza masharti magumu na kuongeza elimu kuhusu fursa za mikopo ili kuwafikia vijana wengi zaidi nchini.
Wito huo unakuja wakati Serikali ikiendelea kusisitiza ajira binafsi na ujasiriamali kama njia mojawapo ya kupunguza tatizo la ajira kwa vijana.
Akichangia bungeni jijini Dodoma leo, Februari 3, 2026, mbunge huyo amesema licha ya jitihada za Serikali kuweka mifumo ya kuwainua vijana kiuchumi, bado changamoto za vigezo na taratibu za utoaji wa mikopo zimeendelea kuwa kikwazo kikubwa.
Amesema vijana wengi wanakosa mikopo kutokana na masharti yanayohitaji dhamana, nyaraka nyingi pamoja na taratibu ndefu zinazowakatisha tamaa waombaji. Ameeleza kuwa hali hiyo inazuia juhudi za vijana kujiajiri na kushiriki kikamilifu katika kukuza uchumi wa nchi.
Mbunge huyo amesisitiza umuhimu wa Serikali kupitia upya sera na mifumo ya utoaji mikopo ili kuweka mazingira rafiki yatakayowezesha vijana wengi zaidi kupata mitaji ya kuanzisha na kuendeleza shughuli za kiuchumi.
Aidha, ameshauri kuwepo kwa mifumo rahisi na yenye kuzingatia hali halisi ya vijana, ikiwemo kupunguza masharti magumu na kuongeza elimu kuhusu fursa za mikopo ili kuwafikia vijana wengi zaidi nchini.
Wito huo unakuja wakati Serikali ikiendelea kusisitiza ajira binafsi na ujasiriamali kama njia mojawapo ya kupunguza tatizo la ajira kwa vijana.
