Baba Hubezwa kwa sababu hapendi kujitetea

[JESUS NEWS RADIO]

Ni jambo la kusikitisha sana na la kugusa moyo namna wanaume wengi wanavyobeba maisha kama mzigo mzito usioonekana — mzigo wa kutegemewa, mzigo wa ukimya, na mzigo wa kutokueleweka.

Mwanaume anaamka asubuhi mapema, mara nyingine hata kabla ya jua kuchomoza, anaenda kazini au kwenye mihangaiko ya kutafuta riziki. Anaweza kutumia saa kumi na mbili au zaidi akipambana — wengine vibarua, wengine madereva, wengine wakulima au wajasiriamali wadogo — lakini mwisho wa siku anarudi nyumbani mikono mitupu. Si kwa sababu hakujitahidi, bali kwa sababu hali ni ngumu. Uchumi unamlemea, na wakati mwingine dunia inaonekana kama haimwelewi.

Licha ya hayo, anabaki kuwa baba. Mume. Kiongozi. Mlinzi. Tegemeo. Hakati tamaa. Hakuna anayemuuliza "unaendeleaje?" au "unajisikiaje?" Mara nyingi, hata akiwa na maumivu moyoni, anabaki kutabasamu ili asiwatishe au kuwavunja moyo waliomtegemea. Anapofeli, hapati faraja. Anapofanikiwa, mara nyingine hata hasifiwi. Lakini bado anapenda familia yake bila kipimo.

Na haya yote anayapitia kimya kimya — kwa sababu jamii inamwambia "wanaume hawalii", "wanaume wanastahimili", "wanaume ni nguzo", kana kwamba si binadamu wa kawaida wenye hisia na uchovu wa ndani.
Leo, tunasimama kwa heshima na upendo mkubwa kuwaambia:
HERI YA SIKU YA BABA DUNIANI

Kwa wanaume wote wanaopambana kimya kimya...
Kwa waliokata tamaa lakini bado wanajifanya imara kwa ajili ya familia...
Kwa walioumizwa lakini hawana mtu wa kumweleza...
Kwa wanaume wanaobeba majukumu ambayo hawawezi hata kuyaeleza.

 

[BARDIZBAH]

Baba ni unsung hero.
Ila asilimia kubwa ya wamama ni wabinafsi haswa kwa watoto dhidi ya baba zao ndio maana mama anasemwa sana katika jamii. Baba anaweza kuwa anamenyeka sana ila upendo anaugawa kwa mke, watoto na wazazi wake,, jambo ambalo wanawake wengi hawaliwezi

 

[JESUS NEWS RADIO]

Baba ni unsung hero.
Ila asilimia kubwa ya wamama ni wabinafsi haswa kwa watoto dhidi ya baba zao ndio maana mama anasemwa sana katika jamii. Baba anaweza kuwa anamenyeka sana ila upendo anaugawa kwa mke, watoto na wazazi wake,, jambo ambalo wanawake wengi hawaliwezi

kweli kabisa