Zanzibar Yadai Uhuru 2017

[gimanini]

Tatizo la wazanzibar walio wengi ni njaa,

 

[OSOKONI]

Ile kesi mliofungua kupinga muungano imeishia wapi?
Tulimabiwa na Sefu jini ameshapanda kichwani,karibu atataja jina,ndio hilo la kudai uhuru?

Wazenj watu wa maneno sana

 

[chabuso]

Nawahi siti ya mbele kabisa hapa

😀😀😀

 

[Fyengeresya]

Wana ZECO kama TanEsco ya kwetu.

 

[gromiko]

Baada ya wiki mbili kutoka sasa, (tarehe 10 Disemba 2016) inafika siku ya Uhuru wa Zanzibar, siku ya Zanzibar kujigomboa na makucha ya ukoloni wa Kingereza mwaka 1963. Kwa muda ya miaka 53 tumesahaulishwa siku hii tukufu ambayo walishirikiana wazee wetu wa pande zote za siasa na makundi ya kabila zote na tabaka zote kupigania Uhuru na wakasherehekea pamoja tarehe 10 Disemba 1963. Leo siku hii tukufu haisherehekewi Zanzibar wala hapana kiongozi yeyote aneitaja siku hii, si CCM wala si CUF. Anakuja kijogoo cha Bara Tundu Lissu kuwafundisha vizazi vipya vya Zanzibar kwamba nchi yao ilipata Uhuru kutokana na utawala wa ukoloni wa Kingereza tarehe 10 Disemba 1963.

Baada ya kupita miezi minne kutoka siku ya Uhuru (26 Aprili 1964), Zanzibar ilipoteza Uharu wake kwa kuingia kwenye makucha ya mtawala mpya na kugeuka kuwa sehemu ndogo ya jamhuri mpya ya Tanzania. Tokea hapo 1964 mpaka hii leo nchi yetu ya Zanzibar haijasita kudai iwe na haki Zaidi katika huu utawala wa ukoloni mpya wa mabavu unaoitwa Muungano wa Tanzania. Mzee Rais Abeid Amani Karume kapoteza roho yake huku anajaribu kulivua koti la Muungano lililokua linaibana Zanzibar. Si siri kwamba Sheikh Karume alifika kuwa hasemi na Mwalimu Julius Kambarage Nyerere kwa sibabu karume anataka kutokana na Muungano. Nyerere akamuweka Alhajj Aboud Jumbe kushika pahala pa Sheikh Karume. Rais Alhajj Aboud Jumbe nae akataka kutokana na maonevu ya Muungano. Nyerere akawatumia vibaraka vyake kutoka Zanzibar kumfitini Rais Alhajj Aboud Jumbe akaishia kufukuzwa kwa adhara na kashfa.

Miaka michache iliyopita alisimama mwana halisi wa Zanzibar Sheikh Farid na Mashekhe wenziwe wa Uamsho wakadai Uhuru kamili wa Zanzibar. Leo Mashekhe hao wametupwa gerezani na kuadhibiwa na kunajisiwa kwa sibabu ya mapenzi yao ya Uhuru wa Zanzibar yao. Badili ya kudai Mashekhe wa Ukawa watolewe kifungoni, anasimama mwanasiasa anawakejeli kua “leo wako jela wanakunya kwenye ndoo”. Aibu gani Zanzibar kua na wanasiasa kama hawa?

Jitihada ya kudai Uhuru wa Zanzibar zimeendelea baina ya wananchi wa Zanzibar miaka yote iliopita. Wananchi wamechoka na utawala wa kikoloni wa Tanganyika. Kwa bahati mbaya viongozi wa Zanzibar hawakuthubutu kupeleka mbele matakwa ya wananchi. Badala yake wakawa wanababaisha wanachi kwa kudai serikali tatu au mengineo. Hapana kiongozi yeyote Zanzibar anaethubutu kuisemea nchi yake na kudai Uhuru wa Zanzibar kama anavyo isemea Zanzibar kijogoo cha Tanzania Bara Tundu Lissu.

Sasa imefika wakati wanasiasa wa Zanzibar washughlikie matakwa ya Wazanzibari kudai Uhuru wao kutokana na Muungano. Wananchi hatutaki Muungano. Wanasiasa wa CCM na CUF ama watuunge mkono kudai Uhuru wetu kamili mwaka 2017 au wawe tayari kutupwa na wananchi kwenye madebe ya taka ya historia.

Wala sina huruma na nyinyi, mume yataka wenyewe. Kuana mzee wangu aliwambia msidai uhuru mpaka mkasomeshe watoto wenu kwanza, angalau kwa miaka kumi ili wao waje kuongoza. Kwa uroho wenu wa madaraka mkamkejeli hadi mkawa mnachezea ngoma na kumwita chachandu - Mnaona matokeo yake, mkome nyinyi na vizazi vyenu.

 

[sblandes]

Kuna maslahi yapi kwa upande mmoja kugangania muungano?Muungano wenyewe ni gharama kubwa kimaumbile na wenye matatizo makubwa yanayoufanya kutoaminika kwa pande zote.Majibu sahihi iundwe shirikisho kati ya nchi ya bara yaani Tanganyika na Zenj.

 

[Madafu]

Baada ya kushuhudia utawala wa kibeberu wa serikali ya Tanganyika uliojaa dhulma, madhila na idhilali ambazo zimefanya hata roho za Kizanzibari kuwa hazina thamani, na Wazanzibari kuweza kuuliwa kama mijusi, Mzanzibari yoyote mwenye akili zake timamu ni lazima ataona kuwa hakuna njia iliyobakia ya kuuondosha utawala huo wa kibeberu ila kudai Uhuru. Jee kuna Mzanzibari yoyote ambaye amefurahishwa na idhilali za kutawawaliwa na serikali ya Tanganyika?

Kabla ya kuendelea zaidi, nataka kutafautisha jambo moja muhimu, nalo ni kuwa Wazanzibari hatukutawaliwa na Watanganyika, yaani watu wa Tanganyika, bali tumetawaliwa vibaya na serikali ya Tanganyika ambayo pia Imewatawala Watanganyika wenyewe kwa njiya nyingi zilizo mbaya kwao pia. Kwa hivyo hatuna kinyongo na ndugu zetu wa Tanganyika, bali tuna matatizo na serikali iliyowatawala na wao pia na kuwatendea mengi ya dhulma.

Tujiulize nini maana ya kutawaliwa? Nchi yoyote ikinyimwa moja tu katika mambo yake muhimu yenye kuendesha na kuihami nchi, na jambo hilo likawa linaendeshwa na serikali ya nchi nyingine, basi nchi hiyo huwa imetawaliwa.

Jambo la kwanza lenye kuashiria kutawaliwa kwa nchi ni kuwa sukani za kiuchumi, kama vile utozaji wa ushuru juu ya bidhaa zinazoingia na kutoka nchini huwa hazipo mikononi mwao. Hatamu hizi za kiuchumi wa Zanzibar zimedhibitiwa na serikali ya Tanganyika.

Pili, Iwapo mambo ya usalama wa nchi na raia hayamo katika mikono ya nchi hiyo bali yanaendeshwa na nchi nyingine, basi nchi hiyo imetawaliwa. Mambo ya Polisi na ya kijeshi yote Zanzibar yanaongozwa na serikali ya Tanganyika.

Tatu, iwapo mipaka imeondoshwa na watu wa nchi tawala wanaweza kuingia Na kutoka bila ya kizuwizi chochote, basi nchi hiyo imetawaliwa. Watanganyika ni zaidi ya milioni thalathini, na Wazanzibari hawafiki milioni moja. Kuweza Watanganyika kuingia na kuishi Zanzibar bila ya kikwazo chochote si kutawaliwa tu, bali kuna hatari ya kubadilisha maumbile hasa ya wakaazi, mila, dasturi, tabia na hadi lugha ya watu wa nchi hiyo iliyotawaliwa.

Nne, Iwapo nchi imenyimwa sauti katika mambo ya nje na ikawa inasikika sauti ya serikali ya nchi yenye kutawala tu, basi nchi hiyo, bila shaka, imetawaliwa. Zanzibar ilikuwa na kiti chake katika Umoja wa Mataifa, na tokea kutawaliwa na serikali ya Tanganyika imenyimwa kiti hicho na badala yake kuna kiti kimoja tu: kila cha nchi iliyotawala, na amri zote za kidiplomasia hutoka kwa watawala wa Tanganyika.

Tano, iwapo hata chama kinachotawala nchini hakiruhusiwi kumuweka mtu waliyemchagua wengi wao kuwa ndiye mtetezi wao wa uraisi wa nchi yao na badala yake wakapewa mtu aliyechaguliwa na watawala, basi si chama hicho pekee, bali nchi yenyewe huwa imetawaliwa.

Sita, na iwapo wananchi hata wakimpa mtetezi wa upinzani zaidi ya asilimia thamanini ya voti zao ili awe raisi wao mpya, na serikali ikafanya kila mazingaombwe na ghilba na kumpa ushindi aliyeshidwa, basi nchi hiyo huwa imetawaliwa.

Iwapo katika mambo sita tuliyoyataja, ni jambo moja tu katika hayo linapatikana Zanzibar, basi nchi hiyo huwa imetawaliwa; tena imetawaliwa kwa dhulma kubwa ya utawala wa kibeberu. Lakini utawala wa serikali ya Kitanganyika haukutawala kibeberu jambo moja tu katika haya tuliyoyataja. Serikali ya Tanganyika inatawala Zanzibar katika mambo hayo sita na zaidi ya hayo. Jee ni kweli kuwa Wazanzibari waliuondisha utawala wa Kiingereza ili, kwa hiyari zao wajitie katika utawala dhalimu na wa serikali ya Tanganyika? Iwapo Wazanzibari, kweli, hawakujitia katika utawala dhalimu wa serikali ya Tanganyika, bali wametendewa hayo bila ya ridha zao, basi umefika wakati si wa kutafuta njia gani za kuutengeneza muungano, bali umefika wakati wa kudai UHURU.

Ni wazi kabisa kwa kila Mzanzibari kuwa tulionao si muungano. Hakuna muungano wa Tanganyika na Zanzibar. Zanzibar imetoka katika utawala wa Kiingereza na imetiwa katika utawala wa Serikali dhalimu ya Tanganyika bila ya ridhaa ya wananchi ama wa Zanzibar au wa Tanganyika. Utawala wa Kiingereza ulikuwa si mzuri, lakini utawala huu wa serikali katili ya Tanganyika ni muovu kupindukia kiasi. Mtawala yoyote anayewaingilia raia na kuwauwa kama kwamba si binadamu, basi utawala huo ni lazima upingwe na uondoshwe. Kwa hivyo, ni lazima Zanzibar idai UHURU wake. Hakuna njia nyingine itakayofaa. Kama hamsadiki, basi tuwe tayari kuoneshwa idhilali kubwa zaidi na mauwaji ya raia wengi zaidi bila ya kupata natija yoyote.

Uhuru unaweza kupatikana bila ya shaka yoyote. Lakini ni wajibu wa kila Mzanzibari mwenye akili timamu aliweke hilo mbele. Awe hataki tena kingine ila kujitawala wenyewe. Iwe nyimbo yetu ni hiyohiyo moja tu: Tunadai UHURU wetu, na hapana shaka yoyote, UHURU utapatikana iwapo Lengo la Wazanzibari walio wengi ni hilohilo moja. Ni wachache tu waliofikiria kuwa Muingereza na nguvu zake alizokuwa nazo kuwa siku moja ataondosha utawala wake; hakuna aliyefikiria kuwa makaburu wa Afrika ya Kusini na nguvu za kijeshi walizokuwa nazo kuwa siku moja watawacha ueberu wao na kukubali matakwa ya watawaliwa.
Kuanzia leo, nawaomba wenzangu wenye kuyakubali haya, wasilitumie tena jina la "TANZANIA" badala yake watumie jina la TANGANYIKA. Kulitumia jina la "Tanzania" ni kukubali kuwa kweli tuna muungano na hatukutawaliwa, na pia tuzipaze sauti zetu za kuidaia Zanzibar UHURU wake.

 

[Inno laka]

Mi naona wavunje tu maana huku kwetu wapo wengi na pia hata ajira wanapata huku......wajikatae tu sioni faida yao sisi ndo tunawabeba sana.

 

[AlP0L0]

Hamna haki ya kujitawala kama mnataka uhuru acheni kupiga poroja mitandaoni ingieni barabarani kudai uhuru tuwatengue miguu watu gani hamna shukrani mnabebwa hambebeki

Itakuwa unamlazimsha umbebe wakati wao hawataki kubebwa, hawawezi kukushuru wakati unawabeba kwa lazima.

 

[Banxbanxson]

Mambo taratibu.

1. Ilikuwa siyo nchi, sasa ni nchi.
2. Rais wa JMT akienda zenji, anapokelewa kama rais mgeni.
3. Mna shirika lenu la hbr
4. Mna mamlaka yenu ya kodi.
5. Mmetunga sheria ya mafuta na gesi kuwa si mambo ya muungano, ni yenu pekee, hakuna aliyewakatalia.
6. Mna ligi yenu huko. Kazaneni muingie kwenye FA na CUF
7. Tanganyika ni kwenu lkn mtanganyika zenji sio kwao.
8. Bado vichache sana lkn hadi sasa hamna sababu ya kulalamika. Mmekamilka

Ushauri. Anzeni kuunda shirika lenu la umeme. Ipo siku tutawakatia umeme, hafu nasikia mmehongwa hamlipii chochote

Tunataka kuifuta Tanzania tuingie Tanganyika kanyi muingiavyo zanzinzibar