Zanka, kata ndogo iliyokithiri vitendo vya mauaji, ubakaji

[vvm]

Bahi. Kata ya Zanka wilayani Bahi, imegubikwa na matukio ya mauaji na ubakaji, huku wananchi wakilalamika hatua stahiki kutochukuliwa na mamlaka husika.

Zanka ni kata ya siku nyingi inayoundwa na vijiji vya Zanka, Mayamaya na Mkondai, ikiwa na vitongoji sita vya Zamahero, Halo, Lulunde, Mkong'oni, Mtungutu na Mtita.

Kitongoji cha Zamahero kuna makazi ya Makamu wa Rais, Dk Philip Mpango.

Tukio la hivi karibuni lilitokea Mei 26 mwaka huu katika Kijiji cha Mayamaya, kilichopo umbali wa kilomita 41 kutoka Dodoma mjini, barabara iendayo Arusha.

Simulizi

“Ilikuwa saa moja usiku nilitoka kunywa pombe kilabuni, wakati narudi nikakutana na… (anamtaja mmoja wa vijana kijijini hapo), akanikaba kisha kunipeleka kwenye pagale lile na kuanza kunibaka akiwa na wenzake,” anasema Zawadi (si jina halisi).

Anasema alibakwa na watu wanne, pia alipigwa kichwani na kitu kizito kilichosababisha avuje damu puani, mdomoni na masikioni.

Mwanamke huyo mwenye umri wa miaka 34 ni mkazi wa kijiji hicho kwa kuzaliwa. Ana watoto wanne katika ndoa ambayo sasa imesambaratika.

Akizungumza na Mwananchi kijijini hapo, alisema tukio hilo lililotokea Mei 26, mwaka huu, akidai wahusika ni jirani zake.

Anasimulia kwamba siku hiyo baada ya shughuli zake za kujitafutia kipato, saa 11 jioni alikwenda kilabuni kunywa pombe.

Mwanamke huyo anasema saa moja usiku aliondoka kurudi nyumbani na kwamba huo ulikuwa utaratibu wake wa kawaida.

Hatua chache kutoka kilabuni anasema alikutana na jirani yake na alipompisha alishtukia akikabwa koo na kubebwa kwa nguvu.

“Alirudi nyuma kidogo kwenye nyumba ya mtu, aliniingiza kwenye pagale akaanza kunivua nguo. Wakati huo walishafika wenzake watatu (anawataja) wakaanza kunibaka kwa zamu,” anasema.

Anasema tukio hilo lilitokea mita 40 kutoka kilabuni ambako kwa wakati huo watu walijaa.

Mwanamke huyo anayetembea kwa shida huku sauti yake ikiwa ya chini kutokana na maumivu ya koo, anasema hakukumbuka kitu hadi alipojikuta amezungukwa na watu akiwa nje na amevishwa nguo zisizo zake.

Anasema wakati wa tukio hilo alimng’ata kwa meno mmoja wa watu hao na anaamini akipatikana atakuwa na alama kutokana na nguvu alizotumia kumng’ata. Pia anasema alichana shati la mmoja wao.

Mashuhuda

Asha Makula, muuza pombe kilabuni hapo alisema alimhudumia ‘kitochi’ kimoja (lita moja) mwanamke huyo saa 11.30 jioni na alikaa muda mfupi akaondoka akiongozana na mtu aliyetajwa pia na mama huyo.

“Muda wa kama saa moja tangu waongozane, alikuja tena mwanaume kuendelea kunywa pombe, lakini tukamuona nguo zake zimelowa damu na alipoulizwa aliwaambia wenzake kuwa alikuwa amebakwa, lakini hakufunga zipu ya suruali yake,” anasema Asha.

Kauli hiyo anasema iliwashtua, hivyo walitaka kujua ukweli, lakini dakika chache baadaye waliitwa na mmoja wa wazee kijijini hapo aliyekuwa akipita njia na kusikia mtu akikoroma kwenye pagale.

Anasema walipofika eneo hilo walimkuta mama huyo na kumsaidia kwa kumpatia huduma ya kwanza.

Katika eneo la pagale hilo anasema kulikuwa na chupi ya kiume ukutani ambayo mtu anayetajwa kuwa na shati lililokuwa na damu aliichukua na hajaonekana tena kijijini hapo.



Taarifa ofisi ya kijiji

Mhudumu wa ofisi ya kijiji, Amina Mikidadi alisema saa mbili usiku wa siku ya tukio alipokea simu kutoka kwa Asha kwamba kulikuwa na mtu amejeruhiwa kwenye pagale jirani na nyumbani kwake.

Alisema aliwasiliana na Mwenyekiti wa kijiji, Jonathan Chibalangu ambaye kwa wakati huo alikuwa mgonjwa ili atoe maelekezo ya nini kifanyike.

“Mwenyekiti aliniagiza kwenda eneo la tukio nikiwa na mgambo na balozi wa eneo husika, kweli alikuwa na hali mbaya huyu dada. Alikuwa amelowa damu mwilini, tulipeleka taarifa Polisi na baadaye tulimpeleka kituo cha afya kupata huduma ya kwanza,” alisema.

Mwenyekiti Chibalangu alisema taarifa zilisambaa kijijini na wanaendelea kuwasaka watuhumiwa waliokimbia kusikojulikana baada ya tukio.

Chibalangu alisema matukio ya uhalifu ni mengi katika Kata ya Zanka na yamekuwa yakiripotiwa Polisi, ingawa kwa sehemu kubwa ufuatiliaji huwa mdogo.

Kamanda wa Polisi Mkoa wa Dodoma, Martin Otieno alipoulizwa na Mwananchi kuhusu tukio hilo alisema bado hajapata taarifa lakini atafuatilia.

Pia aliahidi kufuatilia matukio mengine yanayotokea kujua ukweli wake, ndipo ajue nini kifanyike.

Matukio mengine

Tukio la awali la ubakaji lilitokea mwaka 2020, mwanamke mmoja alibakwa na kuuawa lakini hakuna aliyekamatwa.

Katika kata hiyo pia kumeripotiwa matukio yenye kushabihiana ya watu kuuawa ndani ya nyumba.

Tukio la kwanza lilitokea katika kitongoji cha Zamahelo ambako familia ya baba, mama na mtoto waliuawa ndani ya nyumba yao.

Wakati wa tukio hilo lililotokea mwaka 2018 waliohusika na mauaji hawakuchukua chochote, zikiwemo Sh6 milioni zilizokutwa ndani ya nyumba.

Tukio hilo lilitajwa kuhusishwa na ugomvi wa kifamilia na kwamba baba wa marehemu alilalamika awali akitaka Serikali kuchukua hatua hata kama waliokuwa wakihusika na ugomvi ni wanafamilia.

Mwaka 2017 mwananchi kutoka jamii ya wafugaji aliuawa mchana kwa kuchinjwa akitokea kwenye kesi ya mgogoro wa shamba kati yake na aliyekuwa diwani wa kata hiyo, Rister Chedego.

Mfugaji huyo alikutwa ameuawa kwa kukatwa na kitu chenye ncha kali.

Polisi walipokwenda kuuchukua mwili kulikutwa simu iliyotambuliwa kuwa ni ya Chedego, alikamatwa na kuachiwa baadaye kwa kukosekana ushahidi.

Januari 15, 2022 iligundulika miili ya watu watano wa familia moja katika kijiji cha Zanka baada ya watoto waliokuwa wakicheza kusikia harufu na kuona inzi wakizengea katika nyumba hiyo.

Waliokutwa wamefariki dunia ni wanandoa Hosea Kapande na Paulina Kalonga na watoto wao (Agnes na Isaka) na mjukuu wao Heltone. Vifo hivyo vilihusishwa pia na migororo ya kifamilia, lakini mauaji ya kutumia vitu vizito kichwani yalikuwa kama ilivyokuwa kwenye vifo vya watu watatu.

Katika tukio hilo hakuna kilichokuwa kimechukuliwa ndani, ikiwemo mifugo nje ya boma ambayo wanafamilia waliendelea kufungulia na kupeleka machungaji, huku ndani kukiwa na maiti za watu.

Mwenyekiti wa Kijiji cha Zanka, Yohana Japhet alisema tukio hilo lilikiweka katika wakati mgumu.

Makamu wa Rais, Dk Mpango alifika katika familia hiyo na kuagiza vyombo vyote nchini kufanyia kazi mauaji hayo mara moja na taarifa rasmi ya kazi hiyo iwasilishwe kwa Rais, Samia Suluhu Hassan ndani ya siku saba.

Wananchi walia na usalama

Aliyekuwa mjumbe wa Halmashauri Kuu ya CCM Mkoa wa Dodoma, Ismal Jama ambaye ni mkazi wa kijiji cha Mayamaya, alisema hali ya usalama kwa sasa ni tishio. Jama alisema zamani katika kijiji hicho hakukuwa na mauaji wala matukio ya kutisha, lakini inashangaza kwa sasa kusikia matukio katika kata hiyo.

Alisema matukio mengi yanatokea na vijana wanaotajwa kutoka kijiji au kwenye kata hawachukuliwi hatua.

Mwenyekiti wa Kijiji cha Mayamaya, Chibalangu alisema kumekuwa na shida ya mawasiliano kati ya uongozi wa kijiji na kituo kidogo cha Polisi Zamahero kwa kuwa kila wanapotoa taarifa za matukio inachukua muda kuchukua hatua.

Kituo cha Zamahero kipo ndani ya kata hiyo, umbali za kilomita moja kutoka Mayamaya na kilomita nne kutoka Zanka, lakini wanadaiwa hawafiki kwa wakati kwenye matukio na wakati mwingine hawafuatilii kabisa.

Chibalangu alisema yanapotokea matukio kama hayo, mara nyingi wamekuwa wakichukua hatua za haraka, lakini wanashindwa kwenda zaidi, hasa matukio yanapokuwa yameripotiwa vituo vya Polisi.

Na Habel Chidawali
Mwandishi wa Habari Mwananchi CL

Source link
Zanka, kata ndogo iliyokithiri vitendo vya mauaji, ubakaji

 

[Saint Anno II]

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

 

[Kennedy]

Zabayanga Anakaa Zanka

 

[vvm]

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

Hakuna shida Mwanamke kunywa pombe saa moja usiku kwenye nchi huru kama Tanzania.
Wenye shida ni hao walioamua kufanya hayo yasiyokubaliki, hata mwanamke alewe chakari, atembee uchi, huna authority au sababu ya kumbaka vinginevyo ni mfumo dume tu.

 

[mgen]

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

Huyo mama aliyebakwa kavunja sheria gani ya nchi???

 

[Mkanganyiko kukanganya]

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

 

[Mkanganyiko kukanganya]

Fuvuni kwako kuna utumbo mwingi, je mamaako ndo angekuwa kabakwa hivyo!!!
Hufai kuwa hata baba wa familia yako

 

[uwe hodari]

Huna adabu kwahiyo nchi hii mwanamke hana uhuru? Amekosea kipi

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

 

[Saint Anno II]

Huna adabu kwahiyo nchi hii mwanamke hana uhuru? Amekosea kipi

Kama adabu sina nisamehe mkuu ila mkibakwa tena msizilaumu mamlaka.

Mnajua kabisa pombe ikitumika ya kutosha inaondoa akili kichwani kama mwanamke anaweza akajisahau akakaa vibaya wakati huo huo wanaume zinahamia chini sasa nataka niuone uhuru unaoulalamikia hapa ukikusaidia pale umelewa kilabuni ukakaa uchi mbele ya mlevi mwanaume.

 

[Saint Anno II]

Fuvuni kwako kuna utumbo mwingi, je mamaako ndo angekuwa kabakwa hivyo!!!
Hufai kuwa hata baba wa familia yako

Nadhani hii ilikuwa quote yangu ila mimi nataka nikwambie kama kubakwa mama yangu asingebakwa akiwa ametoka vilabuni kwenye pombe mchanganyiko na wanaume wanakolewa pamoja ifundisheni jamii yenu ya kike ustaarabu.

Kama kunywa pombe kwanini asiende na kifaa cha kubebea akarudi akanywea nyumbani?ni burudani gani anayoitaka zaidi kwamba akinywea nyumbani ataikosa?dizain kama nyie ndiyo wale huko kwenu kila siku watoto wadogo wasiokuwa na hatia wanaungua kwenye nyumba zenu za nyasi na vibatari kwa kuendekeza ujinga.

Msijifananishe na wanaume ninyi pombe kanyweeni nyumbani siyo vilabuni.

 

[Street Hustler]

Unapajua kijijini palivyo kweli? Umeme hakuna jiran Yako yupo 50mtrs na kwako kama unachakarika na maisha baada ya Kaz Kuna muda unahitaji uchangamshe akili yaan ukutane na watu myajenge huku ukichunguza jambo lako lasiku za mbelen

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

 

[Saint Anno II]

Unapajua kijijini palivyo kweli? Umeme hakuna jiran Yako yupo 50mtrs na kwako kama unachakarika na maisha baada ya Kaz Kuna muda unahitaji uchangamshe akili yaan ukutane na watu myajenge huku ukichunguza jambo lako lasiku za mbelen

Mkuu mimi nadhani watu wamenielewa vibaya.

Sijasema mwanamke asinywe pombe ila anywe ktk mazingira rafiki,kilabuni wanakaa pamoja na walevi wa kiume sasa bahati mbaya maji yamemkolea skate ikamsogea mlevi wa kiume nae akaona paja halafu kuna giza kama hivyo maelezo yako hakuna jirani karibu unadhani pana usalama hapo?

Kingine huyu mama anaeenda kunywa pombe kilabuni watoto huko nyumbani kamwachia nani?January juzi Iringa watoto watatu waliungua kiasi cha kuwa mkaa kisa mama kafunga mlango na komeo kwa nje kaenda kunywa pombe kilabuni huku baba akilinda wanyama waharibifu shambani.mimi sijui wanaotetea hili wametoka ktk mazingira ya namna gani nashindwa kuelewa.

 

[Street Hustler]

Mkuu mimi nadhani watu wamenielewa vibaya.

Sijasema mwanamke asinywe pombe ila anywe ktk mazingira rafiki,kilabuni wanakaa pamoja na walevi wa kiume sasa bahati mbaya maji yamemkolea skate ikamsogea mlevi wa kiume nae akaona paja halafu kuna giza kama hivyo maelezo yako hakuna jirani karibu unadhani pana usalama hapo?

Kingine huyu mama anaeenda kunywa pombe kilabuni watoto huko nyumbani kamwachia nani?January juzi Iringa watoto watatu waliungua kiasi cha kuwa mkaa kisa mama kafunga mlango na komeo kwa nje kaenda kunywa pombe kilabuni huku baba akilinda wanyama waharibifu shambani.mimi sijui wanaotetea hili wametoka ktk mazingira ya namna gani nashindwa kuelewa.

Kijijini kilabun sio sehemu yakunywea pombe tuu Bali ni sehemu pia yakupata taarifa mbalimbali pengine ndio sehemu ya maamuz.

Mnywaji kuzuri kunywa na wenzio ukiwa unaagiza na unaletea na wenzako wanaagiza huleta furaha moyoni.

Mbakaji habaki akiona paja Wala uchi wa mwenzake bali hutengeneza shambulio siku kadhaa nyuma nasio kwa kushtukiza na wabakaji mara nyingi hawabaki kwa starehe bali kutimiza mambo flan either malipizi ya madai au Iman flan

 

[Saint Anno II]

Kijijini kilabun sio sehemu yakunywea pombe tuu Bali ni sehemu pia yakupata taarifa mbalimbali pengine ndio sehemu ya maamuz.

Nilikotoka mimi mwanamke humkuti kilabuni amekaa anapiga soga akilewa so mpaka hapa mimi na wewe tuna ufahamu tofauti.

Mnywaji kuzuri kunywa na wenzio ukiwa unaagiza na unaletea na wenzako wanaagiza huleta furaha moyoni.Mbakaji habaki akiona paja Wala uchi wa mwenzake bali hutengeneza shambulio siku kadhaa nyuma nasio kwa kushtukiza na wabakaji mara nyingi hawabaki kwa starehe bali kutimiza mambo flan either malipizi ya madai au Iman flan

Fanya research utagundua wengi wanaotembea na house girls zao,shemeji zao mama wakwe zao au kuwaomba wake zao mapenzi kinyume na maumbile kishawishi kikubwa ni pombe,"pombe ni mama wa maasi" ilipoandikwa hivi haikuandikwa kwa bahati mbaya.tuwaelimishe dada zetu usawa wanaoutaka uwe wa mambo ya maana siyo hadi wakukaa vilabuni kubishana kilevi levi.

 

[mgen]

Nadhani hii ilikuwa quote yangu ila mimi nataka nikwambie kama kubakwa mama yangu asingebakwa akiwa ametoka vilabuni kwenye pombe mchanganyiko na wanaume wanakolewa pamoja ifundisheni jamii yenu ustaarabu.

Kama kunywa pombe kwanini asiende na kifaa cha kubebea akarudi akanywea nyumbani?ni burudani gani anayoitaka zaidi kwamba akinywea nyumbani ataikosa?dizain kama nyie ndiyo wale huko kwenu kila siku watoto wadogo wasiokuwa na hatia wanaungua kwenye nyumba zenu za nyasi na vibatari kwa kuendekeza ujinga.

Msijifananishe na wanaume ninyi pombe kanyweeni nyumbani siyo vilabuni.

Ungewahimiza na Wanaume ambao wakinywa pombe inahamia kichwa cha chini! waendege na chombo cha kuchukulia pombe, Kisha wakanywee makwao, sababu watu Kama Hao wana pepo la ubakaji na ni hatarishj Kwa jamii!
Na Inawezekana wamesha wabaka hata Wanaume wenzao, sababu Wanaume wakifanyiwa uovu huwa hawatangazi wanakufa kikondoo

Sent from my vivo Y67 using JamiiForums mobile app

 

[uwe hodari]

Pumbavu we sant anna

 

[vvm]

Pumbavu we sant anna

NI Matatizo SANA ukishaitwa "POMBE"

 

[Mzee Ngonyani]

Huyo mama aliyebakwa kavunja sheria gani ya nchi???

Huo ni uhalifu, watafutwe wachukuliwe hatuna kali

 

[mliverpool]

Mimi nadhani kabla hawajaanza kuilaumu serikali hao mama na dada zetu waanze kwanza wao kubadilika.

Mwanamke anakuwaje na ratiba ya hovyo kiasi hicho kwamba akitoka kwenye shughuli zake za kutwa huenda kilabuni kunywa pombe tena kama huyu aliyetoka salama inabidi akipona vizuri ashikwe atandikwe viboko vya kutosha ili awe mfano yaani miaka 34 bado anaita kabisa nae anaenda kunywa pombe vilabuni?

Bado haijustfy kubakwa,hiyo ni ratiba yake na hayo ni maisha yake haihalalishi kubakwa kwake!!

 

[mliverpool]

Mkuu mimi nadhani watu wamenielewa vibaya.

Sijasema mwanamke asinywe pombe ila anywe ktk mazingira rafiki,kilabuni wanakaa pamoja na walevi wa kiume sasa bahati mbaya maji yamemkolea skate ikamsogea mlevi wa kiume nae akaona paja halafu kuna giza kama hivyo maelezo yako hakuna jirani karibu unadhani pana usalama hapo?

Kingine huyu mama anaeenda kunywa pombe kilabuni watoto huko nyumbani kamwachia nani?January juzi Iringa watoto watatu waliungua kiasi cha kuwa mkaa kisa mama kafunga mlango na komeo kwa nje kaenda kunywa pombe kilabuni huku baba akilinda wanyama waharibifu shambani.mimi sijui wanaotetea hili wametoka ktk mazingira ya namna gani nashindwa kuelewa.

Mm kuona paja la mwanamke mzuri,halinipi uhalali wa kumbaka,tuendelee na utaratibu wetu wa kitongozana kimasihara,kubaka hapana,ni ukatili!! Tufundishw vijana mwanamke anaombwa na anatoa kirahisi,habakwi!