figganigga
JF-Expert Member
- Oct 17, 2010
- 25,689
- 55,661
WAZIRI wa Nishati na Madini, Profesa Sospeter Muhongo kwa kushirikiana na mawaziri wenzake wa kutoka Rwanda na Burundi leo wanatarajiwa kushuhudia uzinduzi wa ujenzi wa mradi wa kuzalisha umeme wa maji wa megawati 80 katika eneo la Rusumo katika Mto Kagera wilayani hapa.
Mradi huo wa kuzalisha na kusambaza umeme katika maporomoko ya maji ya Rusumo katika Mto Kagera utanufaisha nchi tatu za Tanzania, Rwanda na Burundi.
Ujenzi wa mtambo wa kuzalisha umeme unagharimiwa na Benki ya Dunia ilhali ujenzi wa njia ya umeme kuunganisha katika Gridi za Taifa za nchi hizo tatu unafadhiliwa na Benki ya Maendeleo ya Afrika (AfDB), kwa mujibu wa taarifa iliyotolewa kwa vyombo vya habari na waandalizi wa uzinduzi huo.
Wadau wengine wanaotarajiwa katika uzinduzi ni wawakilishi kutoka Benki ya Dunia, AfDB na wajumbe wa Bodi ya Mradi wa Umeme wa Rusumo kutoka nchi hizo tatu.
Kupitia kwa mpango huo kabambe, kila nchi itapata nyongeza ya megawati 26.6 katika gridi zao za taifa na hili linatarajiwa pia kuimarisha uunganishwaji umeme wa kikanda baina ya nchi hizo tatu ambazo pia ni wanachama wa Jumuiya ya Afrika Mashariki (EAC).
“Kukamilika kwa mradi huu kutanufaisha kaya elfu saba (7,000) kupitia mpango wa maendeleo katika serikali za mitaa na kaya nyingine 188 zinazozunguka mradi huu,” ilisema taarifa hiyo na kuongeza kuwa inategemewa pia wakati wa utekelezaji wa mradi huu kabambe wa kikanda katika eneo la Afrika Mashariki, kutakuwa na ajira kwa zaidi ya wafanyakazi 500 wenye weledi, weledi wa kati na vibarua kutoka nchi tatu zitakazonufaika na mradi huu.
Ujenzi wa mradi unatarajiwa kutekelezwa kwa miaka mitatu na utakamilika mwaka 2020. Makandarasi wawili kutoka China, CGCOC Group Ltd na Jiangxi Water & Hydropower Construction Company Ltd (CGCOC - JWHC JV) watajenga bwawa la maji pamoja na miundombinu mingine.
Kwa upande mwingine, muunganiko wa makandarasi wawili Rusumo Falls Andritz Hydro GmbH ya Ujerumani na Andritz Hydro PVT Ltd ya India watahusika na ufungaji wa mitambo ya kuzalisha na kusambaza umeme.
Mradi wa kuzalisha umeme wa maji wa Rusumo unasimamiwa na taasisi ya Nile Equatorial Lakes Subsidiary Action Program Co-ordination Unit (NELSAP-CU) iliyopewa jukumu hilo na nchi tatu wanufaika kupitia Kampuni ya Rusumo Power Ltd (RPCL), inayomilikiwa kwa pamoja na mashirika ya umeme katika nchi za Tanzania, Rwanda na Burundi
======
UPDATE; 30th March 2017
Mradi wa nchi tatu wa ujenzi wa umeme wa maporomoko ya Rusumo wazinduliwa rasmi wilayani Ngara.
Serikali za nchi tatu za Rwanda, Burundi na Tanzania leo zimezindua rasmi mradi wa pamoja wa ujenzi wa umeme utakaotokana na maporomoko ya mto Rusumo yaliyoko kwenye eneo la wilayani ya Ngara iliyoko mkoani Kagera katika mpaka unaotenga nchi za Rwanda na Tanzania ambao utakuwa na uwezo wa kuzalisha kiasi cha umeme wa megawati 80 ambapo kila nchi itapata mgao wa zaidi ya megawati 27.
Uzinduzi huo umeongozwa na waziri wa nishati na madini wa nchi ya Tanzania, Profesa Sospiter Muhongo na umehudhuriwa na waziri wa nishati na madini wa nchi ya Rwanda Jemsi Msoni, waziri wa nishati wa nchi ya Burundi , Come Manirakiza pamoja na viongozi wa mbalimbali wakiwemo wafadhili wa mradi huo ambao ni pamoja na benki ya dunia na benki ya maendeleo ya Afrika, akizungumza wakati akielezea gharama za mradi huo Profesa Muhongo amesema nchi ya Burundi haitachangia gharama yoyote katika ya mradi na nchi Rwanda itachangia asilimia 50 ambapo nchi ya Tanzania itachangia asilimia 100.
Kwa upande wake, Mhandisi Johakim Joseph ambaye ni mkurugenzi mtendaji wa kampuni itakayojenga mradi huo ya Rusumo power company limited amesema huo utagharimu dola za kimarekani zaidi ya milioni 340 ambazo ni kwa ajili ya ujenzi wa mtambo wa kufua umeme na fidia kwa wananchi wataoondolewa kwenye maeneo ya mradi.
Naye, meneja wa TANESCO katika mkoa ya kanda ya ziwa , Amos Maganga amesema zaidi ya megawati 27 ambazo Tanzania itazipata kutokana na mradi huo zitaongezwa na zitaunganishwa kwenye gridi ya taifa, huku Deodatus Kinawilo mkuu wa wilaya ya Bukoba ambaye amemwakilisha mkuu wa mkoa wa Kagera Meja Jenerali mstaafu Salum Mstapha Kijuu katika uzinduzi wa mradi akisema kuwa mradi huo utakuwa chachu ya maendeleo kwa kuwa utaongeza ajira na mahusiano.
Chanzo: ITV
Mradi huo wa kuzalisha na kusambaza umeme katika maporomoko ya maji ya Rusumo katika Mto Kagera utanufaisha nchi tatu za Tanzania, Rwanda na Burundi.
Ujenzi wa mtambo wa kuzalisha umeme unagharimiwa na Benki ya Dunia ilhali ujenzi wa njia ya umeme kuunganisha katika Gridi za Taifa za nchi hizo tatu unafadhiliwa na Benki ya Maendeleo ya Afrika (AfDB), kwa mujibu wa taarifa iliyotolewa kwa vyombo vya habari na waandalizi wa uzinduzi huo.
Wadau wengine wanaotarajiwa katika uzinduzi ni wawakilishi kutoka Benki ya Dunia, AfDB na wajumbe wa Bodi ya Mradi wa Umeme wa Rusumo kutoka nchi hizo tatu.
Kupitia kwa mpango huo kabambe, kila nchi itapata nyongeza ya megawati 26.6 katika gridi zao za taifa na hili linatarajiwa pia kuimarisha uunganishwaji umeme wa kikanda baina ya nchi hizo tatu ambazo pia ni wanachama wa Jumuiya ya Afrika Mashariki (EAC).
“Kukamilika kwa mradi huu kutanufaisha kaya elfu saba (7,000) kupitia mpango wa maendeleo katika serikali za mitaa na kaya nyingine 188 zinazozunguka mradi huu,” ilisema taarifa hiyo na kuongeza kuwa inategemewa pia wakati wa utekelezaji wa mradi huu kabambe wa kikanda katika eneo la Afrika Mashariki, kutakuwa na ajira kwa zaidi ya wafanyakazi 500 wenye weledi, weledi wa kati na vibarua kutoka nchi tatu zitakazonufaika na mradi huu.
Ujenzi wa mradi unatarajiwa kutekelezwa kwa miaka mitatu na utakamilika mwaka 2020. Makandarasi wawili kutoka China, CGCOC Group Ltd na Jiangxi Water & Hydropower Construction Company Ltd (CGCOC - JWHC JV) watajenga bwawa la maji pamoja na miundombinu mingine.
Kwa upande mwingine, muunganiko wa makandarasi wawili Rusumo Falls Andritz Hydro GmbH ya Ujerumani na Andritz Hydro PVT Ltd ya India watahusika na ufungaji wa mitambo ya kuzalisha na kusambaza umeme.
Mradi wa kuzalisha umeme wa maji wa Rusumo unasimamiwa na taasisi ya Nile Equatorial Lakes Subsidiary Action Program Co-ordination Unit (NELSAP-CU) iliyopewa jukumu hilo na nchi tatu wanufaika kupitia Kampuni ya Rusumo Power Ltd (RPCL), inayomilikiwa kwa pamoja na mashirika ya umeme katika nchi za Tanzania, Rwanda na Burundi
======
UPDATE; 30th March 2017
Mradi wa nchi tatu wa ujenzi wa umeme wa maporomoko ya Rusumo wazinduliwa rasmi wilayani Ngara.
Serikali za nchi tatu za Rwanda, Burundi na Tanzania leo zimezindua rasmi mradi wa pamoja wa ujenzi wa umeme utakaotokana na maporomoko ya mto Rusumo yaliyoko kwenye eneo la wilayani ya Ngara iliyoko mkoani Kagera katika mpaka unaotenga nchi za Rwanda na Tanzania ambao utakuwa na uwezo wa kuzalisha kiasi cha umeme wa megawati 80 ambapo kila nchi itapata mgao wa zaidi ya megawati 27.
Uzinduzi huo umeongozwa na waziri wa nishati na madini wa nchi ya Tanzania, Profesa Sospiter Muhongo na umehudhuriwa na waziri wa nishati na madini wa nchi ya Rwanda Jemsi Msoni, waziri wa nishati wa nchi ya Burundi , Come Manirakiza pamoja na viongozi wa mbalimbali wakiwemo wafadhili wa mradi huo ambao ni pamoja na benki ya dunia na benki ya maendeleo ya Afrika, akizungumza wakati akielezea gharama za mradi huo Profesa Muhongo amesema nchi ya Burundi haitachangia gharama yoyote katika ya mradi na nchi Rwanda itachangia asilimia 50 ambapo nchi ya Tanzania itachangia asilimia 100.
Kwa upande wake, Mhandisi Johakim Joseph ambaye ni mkurugenzi mtendaji wa kampuni itakayojenga mradi huo ya Rusumo power company limited amesema huo utagharimu dola za kimarekani zaidi ya milioni 340 ambazo ni kwa ajili ya ujenzi wa mtambo wa kufua umeme na fidia kwa wananchi wataoondolewa kwenye maeneo ya mradi.
Naye, meneja wa TANESCO katika mkoa ya kanda ya ziwa , Amos Maganga amesema zaidi ya megawati 27 ambazo Tanzania itazipata kutokana na mradi huo zitaongezwa na zitaunganishwa kwenye gridi ya taifa, huku Deodatus Kinawilo mkuu wa wilaya ya Bukoba ambaye amemwakilisha mkuu wa mkoa wa Kagera Meja Jenerali mstaafu Salum Mstapha Kijuu katika uzinduzi wa mradi akisema kuwa mradi huo utakuwa chachu ya maendeleo kwa kuwa utaongeza ajira na mahusiano.
Chanzo: ITV
