Bams
JF-Expert Member
- Oct 19, 2010
- 16,566
- 41,085
Bila ya kuzungukazunguka, kuna mawaziri, kama vile January, Ridhiwani na Nape, wapo kwenye nafasi walizopo, siyo kwa sababu ya uwezo wa ku-deliver results, bali kwa sababu tu ya majina ya wazazi wao ambao wanaonekana ndio wamiliki wa CCM.
CCM ni dhahiri inamilikiwa na watu wachache, hawa ndio wameifanya kuwa mali yao. Wengine wanasogezwa kwenye nafasi fulani kama waalikwa.
Magufuli alitaka auondoe umiliki wa CCM kutoka kwa hawa wamiliki wapya wa CCM (CCM ya kale, ya Mwalimu Nyerere ilimilikiwa na watu wote), lakini bahati mbaya kabla hajalifanikisha hilo, akaondoka Duniani.
Kwa sababu ya huu umiliki wa CCM wa baadhi ya familia, ndiyo maana tunaona watoto wao wakati wote, hata wasipokuwa na uwezo, lazima wawe wabunge, lazima wawe mawaziri. Kuwapa watoto wa familia hizi madaraka makubwa kwa sababu tu wazazi wao ni familia zinazoimiliki CCM, bila ya kuangalia uwezo wao, tunashuhudia mateso kwa wananchi na kuzorota kwa maendeleo ya kiuchumi na kijamii kwa Taifa.
Mfano mzuri ni kitendo cha January kupewa Wizara mama ya kiuchumi, wizara ya nishati. Makamba hajawahi kuonesha uwezo wowote wa kiutendaji wa kipekee mahali popote kiasi cha kustahili kupewa Wizara ya Nishati, wizara inayoamua maendeleo ya nchi na ustawi wa jamii. Alichokifanya huko, kila mtu anajua.
USHAURI
Kwa kuwa inaonekana hizi familia zinazomiliki CCM, Watanzania wote wameshindwa kuzitikisa, basi tuziombe familia hizi angalao ziwe na huruma kwa wananchi. Hawa watoto wao wasio na uwezo, wawe wanawapa Wizara za Ngonjera (wizara za kupiga porojo), kama vile Wizara ya utamaduni na michezo, Wizara ya Wanawake na Watoto; na Wizara ya Habari. Yaani wizara zile ambazo hata wakiboronga hakuna athari kubwa kwa nchi na wananchi.
Au vinginevyo, Wizara zote zishikwe na watu wenye uwezo, na hizi familia zinazomiliki CCM, wao wenyewe na watoto wao walipwe mishahara bila ya kufanya kazi, kama walivyoamua kwa wake zao (wakwe wa marais na marais wastaafu, hizi familia zimeamua walipwe mishahara kwa kuwa wake wa marais, maisha yao yote).
UKWELI
Lazima tuufahamu ukweli kuwa sasa hivi nchi hii ni kama imekuwa mali ya familia fulani, na wengine wote wamekuwa kama waalikwa. Hawa ndio wanaamua nani apewe pesa hata bila ya kazi yoyote, nani apewe nafasi gani na nani kamwe asipewe nafasi yoyote hata kama ana uwezo mkubwa kiasi gani. Hali hii imesababisha wale watu wenye uwezo mdogo wa kuyategemeza maisha yao, kuishia kuwa machawa wa hizi familia, maana kwa kufanya hivyo wanaweza nao kupewa mwaliko, japo kamwe hawawezi kupewa umiliki.
UMEME
Waziri Biteko, huko alikopelekwa, afahamu kuwa aliyekuwepo hapo, alikuwepo kwaajili ya maslahi. Na TANESCO nzima na taasisi zote za nishati kama EWURA, palikuwa ni mahali pa kuwaneemesha wanafamilia, ndugu na marafiki. Kama anataka mabadiliko, awaondoe hao wote waliopelekwa hapo kwaajili ya maslahi ya wanafamilia ba watu wao wa karibu, awatafute watu wa kwenda kufanya kazi. La sivyo, asuburie anguko kubwa. Waliopo watahakikisha hapati matokeo yofauti na yaliyokuwepo ili ionekane tatizo halikuwa kwa Waziri. Awaondoshe wafanya maamuzi wote, awabakize watendaji tu.
CCM ni dhahiri inamilikiwa na watu wachache, hawa ndio wameifanya kuwa mali yao. Wengine wanasogezwa kwenye nafasi fulani kama waalikwa.
Magufuli alitaka auondoe umiliki wa CCM kutoka kwa hawa wamiliki wapya wa CCM (CCM ya kale, ya Mwalimu Nyerere ilimilikiwa na watu wote), lakini bahati mbaya kabla hajalifanikisha hilo, akaondoka Duniani.
Kwa sababu ya huu umiliki wa CCM wa baadhi ya familia, ndiyo maana tunaona watoto wao wakati wote, hata wasipokuwa na uwezo, lazima wawe wabunge, lazima wawe mawaziri. Kuwapa watoto wa familia hizi madaraka makubwa kwa sababu tu wazazi wao ni familia zinazoimiliki CCM, bila ya kuangalia uwezo wao, tunashuhudia mateso kwa wananchi na kuzorota kwa maendeleo ya kiuchumi na kijamii kwa Taifa.
Mfano mzuri ni kitendo cha January kupewa Wizara mama ya kiuchumi, wizara ya nishati. Makamba hajawahi kuonesha uwezo wowote wa kiutendaji wa kipekee mahali popote kiasi cha kustahili kupewa Wizara ya Nishati, wizara inayoamua maendeleo ya nchi na ustawi wa jamii. Alichokifanya huko, kila mtu anajua.
USHAURI
Kwa kuwa inaonekana hizi familia zinazomiliki CCM, Watanzania wote wameshindwa kuzitikisa, basi tuziombe familia hizi angalao ziwe na huruma kwa wananchi. Hawa watoto wao wasio na uwezo, wawe wanawapa Wizara za Ngonjera (wizara za kupiga porojo), kama vile Wizara ya utamaduni na michezo, Wizara ya Wanawake na Watoto; na Wizara ya Habari. Yaani wizara zile ambazo hata wakiboronga hakuna athari kubwa kwa nchi na wananchi.
Au vinginevyo, Wizara zote zishikwe na watu wenye uwezo, na hizi familia zinazomiliki CCM, wao wenyewe na watoto wao walipwe mishahara bila ya kufanya kazi, kama walivyoamua kwa wake zao (wakwe wa marais na marais wastaafu, hizi familia zimeamua walipwe mishahara kwa kuwa wake wa marais, maisha yao yote).
UKWELI
Lazima tuufahamu ukweli kuwa sasa hivi nchi hii ni kama imekuwa mali ya familia fulani, na wengine wote wamekuwa kama waalikwa. Hawa ndio wanaamua nani apewe pesa hata bila ya kazi yoyote, nani apewe nafasi gani na nani kamwe asipewe nafasi yoyote hata kama ana uwezo mkubwa kiasi gani. Hali hii imesababisha wale watu wenye uwezo mdogo wa kuyategemeza maisha yao, kuishia kuwa machawa wa hizi familia, maana kwa kufanya hivyo wanaweza nao kupewa mwaliko, japo kamwe hawawezi kupewa umiliki.
UMEME
Waziri Biteko, huko alikopelekwa, afahamu kuwa aliyekuwepo hapo, alikuwepo kwaajili ya maslahi. Na TANESCO nzima na taasisi zote za nishati kama EWURA, palikuwa ni mahali pa kuwaneemesha wanafamilia, ndugu na marafiki. Kama anataka mabadiliko, awaondoe hao wote waliopelekwa hapo kwaajili ya maslahi ya wanafamilia ba watu wao wa karibu, awatafute watu wa kwenda kufanya kazi. La sivyo, asuburie anguko kubwa. Waliopo watahakikisha hapati matokeo yofauti na yaliyokuwepo ili ionekane tatizo halikuwa kwa Waziri. Awaondoshe wafanya maamuzi wote, awabakize watendaji tu.