Kutaka ubunge kwa muda mrefu siyo hoja, hoja inakuja sasa umeupata je baada ya miaka mitano wana-Tabora wategemee nini zaidi ambacho leo hii hawana?. Tabora siyo kwamba wananchi hawadanganyiki ila uswahili umezidi, kwa wakazi wake wengi kukosa elimu na kutokutilia maanani suala la elimu kwa watoto wao na wengi wao wakiisha piga kura hawajli what next whether kura zinzchakachuliwa au la, ndiyo maana ninawashawishi CDM Tabora waitembelee sana katika kutoa elimu ya uraia. Rage anatakiwa kutumia muda mwingi sana katika kuwashawishi viongozi wa CCM wanaopitisha majina ili aweze pata nafasi ya kupitishwa tena.
Mbunge wa Tabora mjini aliye-serve muda mrefu alikuwa Misigalo, kuanzia hapo ninakumbuka tokea hapo wabunge waliopita kama mvua ni Kisanji, Mgumia, Busongo, Mgombelo, Kaboyonga na sasa Rage, hii ni ndani ya miaka si zaidi ya 30, inaonesha kuwa kupata term zaidi ya moja kuongoza jimbo la Tabora mjini ni big deal. Sababu kubwa ni kwamba Tabora imesahaulika na wakuu wa CCM wanajua fika kuwa njia pekee ya kuendelea kulishika jimbo ni kuwawekea mgombea mpya kila uchaguzi ili wananchi wadhanie kuwa labla huyu atawasaidia.
Rage anachotakiwa kufanya kwa sasa si kuwasifia wana-Tabora ambao kwa uelewa wangu wa kuishi mkoa huo wengi ni watu masikini sana. Anatakiwa kutumia muda huu kuishinikiza serikali ihakikishe kuwa 2015 wanatabora wa miaka hamsini iliyopita wamepiga hatua, kulikuwa na viwanda kama cha nyuzi, cha nyama n.k vyote ni historia. Tabora wanalima Tumbaku ila inakuwa processed Morogoro, haya ni mambo ambayo anatakiwa kuyafuatilia kama kweli anahitaji kuliongoza jimbo kwa vipindi zaidi ya kimoja. Vinginevyo atakuwa ni one term kama wenzake wanne au watano waliomtangulia.
Mitaa ya Tabora mjini yote miaka ya 70 kurudi nyuma ilikuwa ina rami, taa za barabarani zilikuwa zinawaka mitaa yote usiku, leo hii hakuna hata mtaa mmoja wenye taa za barabarani, barabara zote zimekuwa na vumbi hata ushaidi wa rami hakuna, watu wanakula mlo mmoja wa kesho hawajui watakula vipi, mtu akikuona unakunywa soda anaenda kutangaza kuwa una matumizi mabovu ya pesa, uwanja wa Ali Hassan mwinyi tuliochangia pesa zetu kwenye bidhaa kama sukari, mafuta ya taa yaani kila kitu tulichonunua kilikuwa kinaongezewa shs 1 mchango wa uwanja enzi hizo dola moja ilikuwa shs 50. Uwanja huo tokea alipohamishwa Dr Lawrence M Gama (RIP) ukuu wa mkoa mpaka leo hakuna la maana, timu yao ya Milambo imekufa na Dr Gama.
Hebu Rage tueleze mambo haya utafanyaje kuhakikisha yanatengemaa?, badala ya kusifia wanatabora tu?, sifa haziondoi njaa, sifa haziondoi dhiki na umasikini. Ninatarajia Rage utakuwa makini sana kuiwajisha serikali yako ya CCM, vinginevyo watakuwajibisha wewe 2015 kwa kumuweka msanii mpya ili waendelee kulishikilia jimbo. Sooner or later wanatabora wanajua kuwa with CCM there is no future na ikifikia hapo basi ujue hakuna wa gwnda la kijani atakaye weza kuwashawishi tena. Maana watakuwa hawadanganyiki kweli. Mimi ningekuwa Rage ningejiuzulu uenyekiti wa clab ya simba ili niweze kuwatumikia wanatabora vizuri!
