Usikubali kuonewa na Askari yeyote yule

[Fbn]

Sababu zenyewe ni hizi hapa zitakazokufanya usionewe




Askari akikuomba Rushwa mkamate mpeleke TAKUKURU - Kangi Lugola Waziri wa Mambo ya Ndani.
-
1. Askari akikuweka chini ya ulinzi muulize kitambulisho ni haki yako.
-
2. Askari akikukamata akuoneshe kitambulisho chenye muhuri wa mahakama kama anasema ametumwa na mahakama kukumata, ni haki yako.
-
3. Askari akikukamata akwambie kwanini anakukamata na anakupeleka kituo gani, ni haki yako.
-
4. Unaruhusiwa na sheria kukataa kukamatwa hata kutumia nguvu kama hukuambiwa sababu ya kukamatwa.
-
5. Askari anapokiuka taratibu za ukamataji anageuka na kuwa mhalifu ni haki yako kujikinga naye.
-
6. Askari haruhusiwi kukuvuta shati, kukukaba koo, kukushika suruali kama hujakataa kutii amri halali.
-
7. Askari haruhusiwi kuondoka na mtu mwingine baada ya kumkosa mtuhumiwa halisi.
-
8. Askari haruhusiwi kupekua nyumba ya mtu bila kibali cha kupekua.
-
9. Askari lazima akuoneshe kibali cha kupekua na ukisome.
-
10. Kibali kieleze jina la aliyekitoa, kituo kilipotolewa,jina la mtu au sehemu ya upekuzi, au uchanganuzi wa mtu au sehemu.
-
11. Hairuhusiwi kupekuliwa usiku kuanzia saa 1 jioni mpaka saa 12 asubuhi.
-
12. Ni haki yako kumpekua askari kabla hajakupekua ili asipandikize kitu.
-
13. Usipekuliwa nyumbani bila kuwapo kiongozi wa mtaa.
-
14. Kila kitakachochukuliwa katika upekuzi lazima kiandikwe na askari aweke sahihi.
-
15. Mali iliyochukuliwa katika upekuzi lazima ibaki salama.
-
16. Mwanaume haruhisiwi kumpekua mwanamke na mwamke haruhisiwi kwa mwanaume.
-
17. Unaruhusiwa kukataa kupekuliwa iwapo taratibu hizi hazikufuatwa.
-
18. Askari haruhusiwi kukutukana wala kukupiga.
-
19. Unaruhusiwa kutozungumza lolote mpaka unayemuamini afike uwapo chini ya ulinzi, ni haki yako.
-
20. Usilazimishwe kuongea au kuandika ambacho hutaki, ni haki yako.
-
21. Usitoe maelezo bila uhakika yatatumika mahakamani yatakuletea shida.
-
22. Unaruhusiwa kukaa kimya na usizungumze kitu uwapo chini ya ulinzi.
-
Waambie na wengine wasio wana jf


soldier

hayo unayo sema mpaka ya timie utajikuta mwochwari au kesi utakayo pewa kuja kutoka si leo

 

[sirmweli]

mmh

 

[Jindal Singh]

Katika hali ya kawaida na katika taifa lolote haya ni mambo yenye kutabikishwa kivitendo lakini katika hali ya kifisadi na ki maslahi haya hayafai kabisa kwa raia wa hali ya chini, sababu itamletea dhiki. Askari anasema kabisa chagua moja unipe 20000 au nikupeleke kwa afande A...pale kituoni... akupige 300000, akuweke siku 14 ndani kisha akuburuze mahakamani, kisha ukishatoa hizo 20000, mnakuwa marafiki na udugu unakuwa siku hiyo hiyo.

 

[fundi bishoo]

😀 bishoo haswaa

yes bishoo haswaaaa

 

[fundi bishoo]

Tena askari wa kibongo wanaumoja uliopitiliza. Maana ukimletea ujuaji mmoja watakuchenjia kikosi kizima na watakupa tuhuma usiozitegemea.
Kumbuka wao wana mamlaka makubwa ikiwemo kupeleleza kosa na kuwa waendesha mashtaka.

kweli mkuu kwa wale jamaa inabidi uwe mpole tu

 

[nsanzu]

Pamoja na kubeza kwenu elimu hii, naamini iko siku Jamii yetu itaelewa vyema na itafanya kazi ipasavyo.

 

[Capitano]

Pamoja na kubeza kwenu elimu hii, naamini iko siku Jamii yetu itaelewa vyema na itafanya kazi ipasavyo.

Mkuu hakuna anayebeza elimu hii isipokuwa manyang'au yaliyopo madarakani wanafanya kila liwezekanalo kuhakikisha hayatekelezeki. Cha muhimu sasa hivi ni mtanzania kujitambua na kuanzisha harakati ya kudai uhuru. Maana wakoloni wanaotutawala safari hii ni wabaya kuliko wale wa kutoka ulaya

 

[TEAM VIBAJAJI]

Wejichanganye tu ukishafikishwa kituoni utarudi maiti [emoji276]......nahivi tushaambiwa wanaofia kituoni nisawa na wanao fia guest house basi wekatangetange high way uone

 

[agadinho]

Kwa nchi hii ambayo askari anaua mchana kweupe ndani ya kituo cha polisi na Waziri wa mambo ya ndani anasema ni kawaida raia kufia polisi kama ilivyo kufia guest, hospital n.k usitarajie sharia kuheshimiwa

Askari wa kibongo hawatumiagi akili kwenye utendaji kazi wao zaidi ya misuli

Si hawa form 4 failure, sijui

 

[Auz]

Ijapokuwa umeandika 'askali' ila ngoja nikubaliane nawe huenda ulitaka kuandika neno 'askari'.

Icho kipengele no 12 nashauri wangekifanyia marekebisho au kifutwe mazima.

Wewe askari nini?

 

[Auz]

WaTz tumeelezwa haki zetu, tuzitumie sasa, tunaanza kidogo kidogo japo kwa kumtajia askari, ili ajue kuwa unazijua haki zako na wajibu wa askari. Itamfanya na yeye awe makini na kuzitekeleza.

 

[ulaya12]

Siku hizi ninawaogopa Askari balaa

 

[moto wa maji]

Huu ushawishi wa kutaka wenzio tupigwe tuumie au tufe hatutaki ..mods futeni huu Uzi kuna wajinga wataenda kujaribu

 

[Kilwa94]

Wewe askari nini?

Yeah! Wa Kk-security