Urais CHADEMA moto 2015: Dk Slaa, Mbowe, Zitto hapatoshi

[busar]

Mbio za urais 2015 zimeanza ndani ya CHADEMA, harakati hizi zinamtaja Mb. Zitto Kabwe, Mb. F.A. mbowe Na MRUSHA BENDERA YA CHADEMA 2015, na mb. Tundu Lisu. Mi nampa chapuo
1. Tundu Lisu
2. Dr. W. Slaa

Sababu kuu 3 kwao
1. Wameonesha mapambano ya wazi na uwezo mkubwa wa kujenga na kusimamia hoja za msingi kwa maendeleo ya Tz. Pia katika hilo hawajayumbishwa na tume mbambali kama ile ya madini aloingia Zitto na kufungwa mdomo.
2. Hawajaonesha tamaa ilopitiliza ya mali na utajiri haramu katika kundi la masikini hohehahe wa tz. Hakuna ushahidi wa wao kujilimbikizia mali na maisha ya kujirusha bila kujali wavujajasho.
3. Watakwepa mishale ya ya ukanda na ukabila Kama ulivyo kwa mbowe, wamejipambanua katika kusimamia kanuni na heshma kwa taaluma zao.

GREAT THINKERS TUNAWASAIDIA CHADEMA ILIKUPATA MGOMBEA URAIS AMBAE ELECTABILITY YALE NI KUBWA, NA ANAEWEZA KUTOA USHINDAN KWA CCM AMBAYO KWA VYOVYOTE LAZIMA ISHINDE UCHAGUZI UJAO HATA IKIWAHI NDANI YA KATIBA MPYA?

FUKUTO la Urais mwaka 2015 ndani ya vyama vya siasa linazidi kupamba moto, huku majina ya makada wanaowania nafasi hiyo kupitia chama kikuu cha upinzani nchini Chadema, yakianza kuanikwa.

Ikiwa imebaki takribani miaka mitatu kabla ya kufanyika Uchaguzi Mkuu wa Rais mwaka 2015, makada mbalimbali ndani ya vyama, wameanza kupigana vikumbo kila mmoja kujaribu kujipanga ili achaguliwe kupeperusha bendera ya chama chake kwenye uchaguzi huo. Ndani ya chama tawala CCM, taarifa zinadai kuwa baadhi ya wanasiasa wameanza kuunda mitandao huku wengine wakilaumiwa kuanza ‘kucheza rafu' kwa kumwaga mamilioni ya fedha kwa lengo la kutekeleza mkakati huo.

Tayari hatua hiyo imelaumiwa na baadhi ya makada ndani ya chama hicho kikongwe nchini huku wengine wakionya kuwa mbio za Urais mwaka 2015, zinatishia kuisambaratisha CCM.Wakati heka heka hizo zikiendelea ndani ya CCM, habari kutoka ndani ya Chadema, zimetaja baadhi ya majina ya makada wa chama hicho, wanaopewa nafasi kubwa kugombea urais kwa tiketi ya chama hicho mwaka 2015.

Habari zilizopatikana kutoka ndani ya Chadema, zimewataja watu hao kuwa ni Mwenyekiti wa chama hicho, Freeman Mbowe, Katibu Mkuu wa Chadema ambaye pia aligombea urais kupitia chama hicho kwenye uchaguzi uliopita, Dk Willibroad Slaa na Naibu Katibu Mkuu wa chama hicho, Zitto Kabwe.

Ingawa Zitto tayari ameweka wazi kuwa hatagombea kutokana na umri wake kuwa chini ya ule unaotambuliwa kikatiba kwa nafasi hiyo, bado ana matumaini kwamba kipengele hicho kinaweza kubadilishwa ndani ya katiba mpya.

Kwa mujibu wa katiba ya sasa, mtu anayewania Urais wa Jamhuri ya Muungano lazima awe na umri kuanzia miaka 40 na kuendelea. Mwaka 2015 Zitto atakuwa hajafikisha umri huo na ‘atanusurika' endapo tu katiba mpya itapunguza umri huo. Chanzo chetu kimeeleza kuwa picha halisi ya atakayewania nafasi ya urais kupitia chama hicho itadhihirika baada ya kukamilika kwa chaguzi za ngazi zote ndani ya chama hicho baadaye mwaka huu.

Mazingira mengine ambayo yanaweza kuathiri ama kuamua juu ya mgombea urais wa chama hichona kujiunga kwa wanachama wapya husasan kama baadhi ya vigogo watajiengua CCM na kuamua kujiunga na chama hicho.

Hofu ya makada wa CCM kutimkia Chadema inatokana na kundi kubwa la wanasiasa ndani ya chama hicho kutaka nafasi hiyo, hali itakayowafanya wengine kwenda vyama vingine kujaribu bahati zao.

Kutokana na idadi kubwa ya wanaCCM wanaotaka nafasi hiyo, baadhi ya watu wanadaiwa kuunda mitandao yenye malengo ya kuchafuana

CCM katika kikao chake cha Halmashuari Kuu (NEC) kilichoketi mjini Dodoma Novemba mwaka jana, kilikiri kuwa mvutano mkubwa wa makundi uliopo ndani ya chama hicho, chanzo chake ni Urais wa mwaka 2015.

Kwa upande wa Chadema, ingawa bado hakuna vita ya wazi wazi kama ilivyo ndani ya CCM, wanachama wake wameaanza kuzungumzia na kujipanga kwa ajili ya uchaguzi huo.

Dk Slaa ambaye aligombea katika uchaguzi uliopita na kuibuka mshindi wa pili baada ya kupata asilimia 26 ya kura zote zilizopigwa, ndiye anayeonekana kupewa nafasi kubwa. Mwanasiasa huyo anaonekana kuwa bado anafaa kuwania tena nafasi hiyo kutokana na rekodi nzuri kwenye uchaguzi uliopita.

Katika uchaguzi huo, Dk Slaa alionesha kuyaelewa vyema matatizo ya Watanzania na kujaribu kueleza nini kifanyike kuondokana nayo, hali iliyowafanya wananchi wengi kuwa na imani naye.

Mbowe (50) ambaye aliwania kiti cha urais mwaka 2005 na kushika nafasi ya tatu, anatajwa kuwa anaweza kuwania tena nafasi kutokana na rekodi yake safi ya kukiimarisha chama hicho kunzia tangu kikiwa kichanga hadi kukiwezesha kuwa chama kikuu cha upinzani nchini.

Wanachama wengine wa chama hicho wanaotajwa kuwania nafasi hiyo ni pamojan na John Shibuda ambaye mwaka juzi alichukua fomu za kuomba kuwania urais kupitia chama CCM, lakini baadaye alijitoa na kumuunga mkono mgombea wa chama hicho, Rais Kikwete.

Wengine ni Mbunge wa Singida Mashariki, Tundu Lissu, Mbunge wa Ubungo, John Mnyika, Mbunge wa Mbeya Mjini, Joseph Mbilinyi maarufu Sugu na Mbunge wa Nyamagana, Ezekiel Wenje na Mbunge wa Arusha Mjini, Godbless Lema.

Hata hivyo Lema ambaye ametajwa kuwa mbunge bora kwenye moja ya mitandao ya kijamii nchini, aliliambia Mwananchi Jumapili juwa hana nia ya kuwania urais kupitia chama hicho mwaka 2015.

Alisema pamoja na kupata kura nyingi za watu waliomuunga mkono kwenye mtandao huo, alisema hatarajii kugombea nafasi hiyo ya urais ila akasisitiza kuwa ataweka nguvu zaidi kwenye ubunge.

"Nashukuru kwa kupata kura hizo, lakini sitarajii kuwania nafasi hiyo… Atakayeteuliwa na chama changu nitamuunga mkono," alisema.

Source: Mwananchi 08/01/2012

 

[ngwendu]

hamna hata mwenye sifa hapo. kuwa wabunge tu wameshindwa kuzuia nepotism, sasa wakiwa rais itakuwaje? think, tundu lissu=christina lissu, wilbroad peter slaa=rose kamili, zitto=some body, mbowe ndo usiseme.
Hakuna hata mmoja mwenye sifa hapo. nyerere amekaa 25years ikulu bila nepotism.

 

[Molemo]

hiyo ni tathmini imetolewa kwenye gazeti la mwananchi leo

 

[Saint Ivuga]

Zitto alishasema hatagombea..umri hautomruhusu.au ilikuwa ni changa la macho?

 

[busar]

hiyo ni tathmini imetolewa kwenye gazeti la mwananchi leo

Sory nilipitiwa kuweka chanzo cha taarifa.
Source ni mwananchi la leo. Thx

 

[Patriote]

Tukiwa kama watanzania bila kujali itikadi zetu za kisiasa, hebu tuwajadili watu hawa wanaotajwatajwa kama wana sifa za kuiongoza Tanzania via CHADEMA na kama hawana basi waanze kuzisaka kama kweli wanahitaji kuliongeza taifa hili au tuwashauri wajirekebishe katika nyanja gani ili tuweze kupata kiongozi bora tumtakaye mwaka 2015. Nina imani kuwa maoni yenu yatasaidia kumwandaa/kumshape kiongozi ajaye.

Naomba kuwasilisha

 

[Masanilo]

Holy crap CDM wako makini wewe

 

[Molemo]

Gazeti la mwananchi linajulikana linataka kumbeba nani kati ya hao.Tafuteni mbinu nyingine.

 

[iMind]

Waandishi wa siku hizi, maoni ya watu ndo wanayafanya habari. Huu ni uzushi tu hakuna haja ya kujadili.

 

[Patriote]

Ni vyema kujadili sasa ili waoplan kugombea wajue ni kiongozi wa namna gani tunayemuhitaji. Inawezekana wengine wakajiengua wenyewe tu kukosa sifa tunazozitaka na hivyo kuepusha migogoro inayoweza kuja kujitokeza huko mbele ya safari.

 

[FJM]

Sina hakika na Zitto kuutaka urais 2015, ila Freeman Mbowe anautaka sana tena sana.

Lakini niseme huhiitaji kuwa na PhD kwenye uchambuzi wa mambo ya siasa kujua kuwa kama CHADEMA watamsimamisha Mbowe, basi watashindwa vibaya sana.

Dr Slaa sio tu ana uwezo mkubwa kwenye uongozi lakini dhamira yake inagusa wengi. Watanzania wana imani naye na naweza kusema kuwa ni Dr Slaa ndiye amebadilisha kabisa 'fabric' ya siasa. Kama asingegombea mwaka 2010 ni dhahiri tungeendelea na ule wimbo wa kupata 2% ya kura za urais kwa mgombea wa upinzani. The man is consistent, well informed na anasimamia kile anachosema.

Hivi kuna mzungu yeyote atakayethubutu kumnunulia suti Dr Slaa ili apate kibali cha kuendeleza biashara zake hapa? Je, Mbowe ana mshipa wa kukataa kununuliwa suti?

Ushauri wangu, Mbowe aachane kabisa na ndoto za urais kwa sasa, ajielekeze kwenye kuimarisha chama.

 

[commonmwananchi]

Tukiwa kama watanzania bila kujali itikadi zetu za kisiasa, hebu tuwajadili watu hawa wanaotajwatajwa kama wana sifa za kuiongoza Tanzania via CHADEMA na kama hawana basi waanze kuzisaka kama kweli wanahitaji kuliongeza taifa hili au tuwashauri wajirekebishe katika nyanja gani ili tuweze kupata kiongozi bora tumtakaye mwaka 2015. Nina imani kuwa maoni yenu yatasaidia kumwandaa/kumshape kiongozi ajaye.

Naomba kuwasilisha

Ni haki yako kutoa maoni humu ndani ya JF, tatizo ni pale unapotoa mada ambayo ki hali halisi haijafikia kiwango hicho ndani ya CDM. Lengo lako rasmi ni kutaka kuambukiza mgogoro toka huko kwenu magamba na kuuleta ndani ya CDM.

Elewa ndani ya cdm tunahitaji utulivu na upendo ili tuweze kujipanga kuwaondoa magamba CCM katika utawala huu uliojaa fitna, majungu, uhasama na ufisadi uliopelekea unyan'gau

Eee MOLA IBARIKI CHADEMA.......

 

[Manyanza]

Hivi kuna mzungu yeyote atakayethubutu kumnunulia suti Dr Slaa ili apate kibali cha kuendeleza biashara zake hapa? Je, Mbowe ana mshipa wa kukataa kununuliwa suti?

Dah, kuna ma great thinker wengine huwa mnaifanya JF iendelee kua juu, Big up Dude!

 

[TUJITEGEMEE]

Jamani huu sio muda wa kujadili watu kwa ajili ya URAIS 2015, tujadili utaratibu wa kumpata Rais wa Jamhuri ya Muungano wa Tanzania mwaka 2015. Kujadili majina ya watu wakati huu unatuondelea sifa ya kujiandaa/kuandaa Tanzania tunayoitaka yenye kujali maslahi ya Watanzania wote.

Pia zipo hoja nyingi sana msingi (sio hii ya kujadili majina ya watu) juu ya mstakabali wa nchi yetu.

Rejea pia uzi huu hapa chini

''
Pendekezo: Madaraka Nyerere awe mgombea urais wa CCM -Post #43

Hizi mbinu sasa....lol ! Naona hizi nia harakati za kuchunguza ni nani hasa anaweza kuwa tishio kwa mgombea urais (kama wengi wa wafuasi wake wanavyofikiria atakuwa yeye) wa chama fulani hivi hiyo 2015. Na lengo lao ni moja tu, hasa wakisha kumjua tu, ni kuanza kumchafua kwa siasa za 'maji taka'. Wakisha kumjua ni kumchafua kwa siasa chafu, eeh kweli wanataka kumchafua mapema asiwasumbue baadaye.

Tumebakiza miaka minne kufika 2015, badala ya kuleta hoja za namna gani tutaweza kumpata Rais muadilifu wa kutuvusha hapa tulipokwama ((Katiba+na namna ya koboresha(ama kwa kuilazimisha/kuishauri) utendendaji wa serikali kwa maeneo ambayo inaonekana kushindwa kabla hatujapata madhara makubwa huko siku za usoni), tunaanza kuzungumzia majina ya watu. he! tuzungumzie majina ya watu kweli sasa hivi....? Hapana. Tunayo mambo mengi ya msingi ya kujadili kuhusu mstakabali wa Taifa letu. Tujikite kujadili hayo na wala siyo kujadili majina ya watu. Ninajua JF Great thinkers(wa-ukweli) watalitambua hili."
​

 

[Ryaro wa Ryaro]

Ccm ambayo kwa vyovyote lazima ishinde uchaguzi ujao hata ikiwahi ndani ya katiba mpya:

 

[Patriote]

Ni haki yako kutoa maoni humu ndani ya JF,tatizo ni pale unapotoa mada ambayo ki hali halisi haijafikia kiwango hicho ndani ya cdm.
Lengo lako rasmi ni kutaka kuambukiza mgogoro toka huko kwenu magamba na kuuleta ndani ya cdm.
Elewa ndani ya cdm tunahitaji utulivu na upendo ili tuweze kujipanga kuwaondoa magamba ccm katika utawala huu uliojaa fitna,majungu,uhasama,na ufisadi uliopelekea unyan'gau
Eee MOlA IBARIKI CHADEMA.......

Hiyo mada imetoka kwenye gazeti la mwananchi la leo, hivyo baada ya kuiona hiyo habari nkaamua kuileta huku ili wanajamvi muijadili.

 

[plawala]

Hii habari imekaa kama ya kuuzia gazeti, sikutegemea kama Mwananchi lingeripoti habari kama hii

Kwanza, muda bado na sidhani kama ndani ya CHADEMA kuna mwelekeo wa kimagamba

Wwaliotajwa mmoja kashawahi kugombea na mwaka jana akampa nafasi mwenzake, hata kama anapenda kugombea tena nafasi itapatikana bila zengwe, kupigana vikumbo ni habari ya udaku udaku na kimagamba magamba.

Zitto Kabwe alishasema hatagombea, na hata kama ikitokea akabadili msimamo na akawa na sifa binafsi na za kikatiba kugombea hahitaji kupigana vikumbo maana uwezo wake unajulikana.

Dr Slaa aligombea mwaka jana, uwezo wake unajulikana kwa watanzania, kama akiamua kutogombea tena ndani ya CHADEMA kuna hazina kubwa ya viongozi ukiachana na hao waliotajwa, swala la kupigana vikumbo halipo

 

[Gagnija]

Hii habari imeandikwa na gazeti la Mwananchi amabalo nilifikiri ni moja ya magazeti yaliyokuwa huru. Kwa habari hii iliyoandikwa ki-ramli, naliunganisha gazeti hili kwenye kundi moja na yale ya New Habari Corp.

 

[sakafu]

Slaa ana nafasi kubwa sana ukilinganisha mbowe na Zitto.

Mbowe hawezi kuchagulika, amefikia ukomo wa mafanikio.

Zitto angefaa lakini haaminiki hata kidogo na watanzania. Ana maswali mengi ya kujibu kama vile DOWANS, kushabikia udini, Manji, madini. Kwa kifupi Zitto ni political dealer. Ukaribu wake na jk umemlebo vibaya. Kwa sas jk ni liability machoni pa watanzania.

Slaa hana tatizo la kiuongozi - matatizo yake ya kifamilia bado hajayasolve na kuisha. Wale wanaoamini ktk uongozi bora na makini unaanzia ktk familia wanaweza kutia shaka uadilifu wa slaa ktk uongozi. Kumtelekeza Rose Kamili na watoto ni jambo ambalo anapaswa kurekebishika.

Mbowe simuoni kama ni president material.

Lema ni mwanaharakati asiyetumia maarifa. Anapaswa awe mkuu wa maandamano na maasi.

Tundu Lissu anafaa ktk misimamo. Sijajua ana msimamo gani katika masuala ya kimataifa.

Mnyika is the next president after Slaa wa CHADEMA.

Kwa wote, Slaa ni bora zaidi. Ni mtu pekee Tanzania mwenye mamlaka ya kukemea rushwa.

 

[commonmwananchi]

Ukweli katika CHADEMA, kibinaadamu huenda ikawa kuna wengi wanaoutamani u-rais nafasi ambayo kikatiba ni ya juu kuliko zote kiuongozi nchini.

Lakini wanapaswa kuelewa kuwa uongozi ni kipaji toka kwa mola na bila ubishi kwa ndani ya CHADEMA mtu pekee ambaye kwa sasa nyota yake iko juu na anakubalika na jamii ni mh Wilibrod Slaa kama ilivyokuwa huko zambia hivi karibuni (kwa Michael Satta)

Ni vema hao makada wengine wakaunganisha nguvu zao ili kukiimarisha chama ili kujiimarisha kwa ajili ya uchaguzi ujao, kuanzia ngazi ya chini mashinani.

Watanzania tunahitaji viongozi makini wa kututoa katika tope hili la dhulma ,ubinafsi na uporaji wa raslimali za nchi mchana kweupe bila ya chembe ya uoga unaofanywa naa CCM.

Hawa makada wengine wanayo nafasi kubwa ya kuitumikia jamii katika ngazi mbalimbali za kiutawala na kiutendaji baada ya kushinda uchaguzi. Maana nafasi zitakuwa nyingi kutokana na kuwa zitaachwa na hawa waliopo wakati wakifuatilia kesi zao mahakamani (za ufisadi)