KARLO MWILAPWA
JF-Expert Member
- Apr 10, 2019
- 2,590
- 4,600
Nafarijika kuona kwamba Rais Magufuli anajitahidi sana kufanya uchumi wetu umilikiwe na wazawa. Huu ni mtazamo mzuri kwa kuwa unahakikisha kujenga uchumi wa kizalendo na si uzalendo wa uchumi. Wasio wazawa wana uzalendo wa uchumi kwa maana ya kwamba watakuja kuwekeza na kuondoka wakiangalia faida bila kujali uchumi unakua au laah!, si jukumu lao kukuza uchumi.
Mwalimu Nyerere aliwahi kusema’ uchumi wetu wa leo unakosa utu na usawa na hamjali mzalendo. Katika hali hiyo huwezi kujenga uchumi kwa ajili ya watu. Utajenga uchumi kwa ajili ya wawekezaji- hasa kutoka nje’. Hayo ni maoni ya muasisi wetu ambayo Rais Magufuli anayaishi na kuyafanyia kazi kwa kujenga uchumi ambao unamjali mwekezaji mzawa na sio wawekezaji wa nje. Serikali ya Magufuli kupitia upya mikataba hasa ya madini na kutoa nafasi ya umiliki wa Zaidi ya `50% katika rasilimali za taifa kwa wazawa ni kuhahakia unajengwa uchumi wa kizalendo.
Mwalimu Nyerere alikuwa anapenda kuona wazawa wanapendelewa katika mambo yahusuyo uwekezaji na kutaka kufanya wazawa kuwa wawekezaji wakubwa katika taifa. Kitendo cha wazawa kuwa wawekezaji wakubwa ndio msingi wa kujenga uchumi wa kizalendo ambao Rais Magufuli anaujenga. Mwalimu Nyerere aliichukia kasumba ya kuona watanzania wazawa hawawezi kuwa wawekezaji wakubwa Zaidi ya wazungu.
Katika kuwahakikishia kwamba serikali yake( Rais Magufuli) ina muelekeo mzuri wa kujenga uchumi wa kizalendo kwa kuzalisha wafanyabiashara na wasomi wengi wa biashara, serikali imeyapa kipaumbele kikubwa masomo ya biashara katika mkopo wa elimu ya juu. Nimetafakari sana maana ya jambo hilo nikaona kwamba matokeo ya kitendo ni miaka 10 ijayo na Rais Magufuli atakumbukwa kwa hilo.
Kuwapa mikopo wanafunzi wa elimu ya juu wanaochukua biashara kwangu mimi naona kama njia ya kuzalisha wataalamu wengi katika Nyanja ya uwekezaji, ujasiriamali na uchumi ambao kwa sasa ni kama kuna upungufu mkubwa. Pia, ninaona ni njia ya kuhamasisha wanafunzi wachangamkie masomo ya biashara ili waweze kutumia elimu yao katika kutafuta fursa za biashara na uwekezaji.
Linalohitajika kwa sasa Tanzania ni elimu ya uwekezaji na biashara ambayo watanzania wengi hawana hasa kipindi hiki ambacho ujenzi wa miundombinu mikubwa ya kimkakati inafanyika. Wataalamu wa biashara watakuwa msaada mkubwa katika kuwasaidia wale wasio na elimu ya kufanya uwekezaji na kutumia fursa zilizopo. Uwekezaji katika SGR na STIGLER’S GORGE ni fursa nzuri sana kwa watanzania kibiashara.
Kwa wale wanaosema Rais Magufuli anachukia matajiri, je mtaendelea kusema hata baada ya kutaka kukutana nao? Nia ya Rais wetu tangu mwanzo ilikuwa ni nzuri sana kwa matajiri ila ilichukuliwa na kutafsiriwa kisiasa majukwaani. Lengo lilikuwa ni kuwafanya matajiri hasa wazawa wajenge uchumi wa kizalendo na si uzalendo wa uchumi ambao unaangalia faida tu.
Ninaamini katika kutaniko la Rais na Matajiri, watatoa mawazo ya kumsaidia Rais wetu kujenga uchumi wa uzalendo ambao ndio lengo kubwa kiongozi wetu. Ninaamini miaka 10-20 ijayo Tanzania itafika mahali wazawa watachangamkia fursa za kiuwekezaji na za kibiashara, na kufanya uchumi wetu kumilikiwa na wazawa na kazi kubwa anayofanya Rais wetu sasa kuzaa matunda kwa kufanikiwa kuwa na uchumi wa uzalendo. Huu ndio uongozi unaoacha alama na kukumbukwa.
Mwalimu Nyerere aliwahi kusema’ uchumi wetu wa leo unakosa utu na usawa na hamjali mzalendo. Katika hali hiyo huwezi kujenga uchumi kwa ajili ya watu. Utajenga uchumi kwa ajili ya wawekezaji- hasa kutoka nje’. Hayo ni maoni ya muasisi wetu ambayo Rais Magufuli anayaishi na kuyafanyia kazi kwa kujenga uchumi ambao unamjali mwekezaji mzawa na sio wawekezaji wa nje. Serikali ya Magufuli kupitia upya mikataba hasa ya madini na kutoa nafasi ya umiliki wa Zaidi ya `50% katika rasilimali za taifa kwa wazawa ni kuhahakia unajengwa uchumi wa kizalendo.
Mwalimu Nyerere alikuwa anapenda kuona wazawa wanapendelewa katika mambo yahusuyo uwekezaji na kutaka kufanya wazawa kuwa wawekezaji wakubwa katika taifa. Kitendo cha wazawa kuwa wawekezaji wakubwa ndio msingi wa kujenga uchumi wa kizalendo ambao Rais Magufuli anaujenga. Mwalimu Nyerere aliichukia kasumba ya kuona watanzania wazawa hawawezi kuwa wawekezaji wakubwa Zaidi ya wazungu.
Katika kuwahakikishia kwamba serikali yake( Rais Magufuli) ina muelekeo mzuri wa kujenga uchumi wa kizalendo kwa kuzalisha wafanyabiashara na wasomi wengi wa biashara, serikali imeyapa kipaumbele kikubwa masomo ya biashara katika mkopo wa elimu ya juu. Nimetafakari sana maana ya jambo hilo nikaona kwamba matokeo ya kitendo ni miaka 10 ijayo na Rais Magufuli atakumbukwa kwa hilo.
Kuwapa mikopo wanafunzi wa elimu ya juu wanaochukua biashara kwangu mimi naona kama njia ya kuzalisha wataalamu wengi katika Nyanja ya uwekezaji, ujasiriamali na uchumi ambao kwa sasa ni kama kuna upungufu mkubwa. Pia, ninaona ni njia ya kuhamasisha wanafunzi wachangamkie masomo ya biashara ili waweze kutumia elimu yao katika kutafuta fursa za biashara na uwekezaji.
Linalohitajika kwa sasa Tanzania ni elimu ya uwekezaji na biashara ambayo watanzania wengi hawana hasa kipindi hiki ambacho ujenzi wa miundombinu mikubwa ya kimkakati inafanyika. Wataalamu wa biashara watakuwa msaada mkubwa katika kuwasaidia wale wasio na elimu ya kufanya uwekezaji na kutumia fursa zilizopo. Uwekezaji katika SGR na STIGLER’S GORGE ni fursa nzuri sana kwa watanzania kibiashara.
Kwa wale wanaosema Rais Magufuli anachukia matajiri, je mtaendelea kusema hata baada ya kutaka kukutana nao? Nia ya Rais wetu tangu mwanzo ilikuwa ni nzuri sana kwa matajiri ila ilichukuliwa na kutafsiriwa kisiasa majukwaani. Lengo lilikuwa ni kuwafanya matajiri hasa wazawa wajenge uchumi wa kizalendo na si uzalendo wa uchumi ambao unaangalia faida tu.
Ninaamini katika kutaniko la Rais na Matajiri, watatoa mawazo ya kumsaidia Rais wetu kujenga uchumi wa uzalendo ambao ndio lengo kubwa kiongozi wetu. Ninaamini miaka 10-20 ijayo Tanzania itafika mahali wazawa watachangamkia fursa za kiuwekezaji na za kibiashara, na kufanya uchumi wetu kumilikiwa na wazawa na kazi kubwa anayofanya Rais wetu sasa kuzaa matunda kwa kufanikiwa kuwa na uchumi wa uzalendo. Huu ndio uongozi unaoacha alama na kukumbukwa.
