Mkuu
kichwa mbovu kwanza kabisa hongera sana kwa shughuli unayoifanya na naamini wengi sana wanaifaidika kutokana na uzoefu wako ambao unautoa, mimi nahitaji kuanza kuanzia mwanzo kabisaaaaa,nahitaji kufuga kuku kwa ajili ya biashara zaidi,sasa hapo nitaomba msaada wako zaidi kama itawezekana,je ni bora zaidi kuanza na kuku wengi au kidogo??na je nina eneo langu ambalo kwa kweli itabidi tu discuss zaidi ambalo labda naweza kujenga banda hapo ila hiyo sehemu umeme haujafika bado,je utashauri vipi hasa??after kujenga hilo banda ni kuweka solar au vipi? Je kujenga banda kwa kuanza na kuku 500 je inaweza kugharimu kiasi gani??na kwa upande wa biashara ni bora kuuza kuku na mayai au unashauri vipi? Na upo available kusaifiri mkoa wowote kwa ajili ya kukagua eneo na sehemu? Na upande wa mauzo je yapo hasa? Isije mwisho wa siku kila kitu kipo tayari sehemu ya kuuza unakosa,nadhani nina maswali mengi ila kwa leo niishie hapa naomba ungenisaidia kunijibu ili tuweze kuwasiliana zaidi.
Sent from my BlackBerry 9800 using JamiiForums
Ndugu Papizo kwanza nikupongeze kwa maswali yako mazuri.
Umeuliza idadi ya kuku wa kuanza nao kama ni wengi au kidogo. Kwa swali hili nadhani kwanza itategemea na mtaji wako na uzoefu katika ufugaji.Inawezekana ukawa na mtaji mkubwa ukatosha kuanza na kuku wengi lakini huna uzoefu kwenye ufugaji wa hawa kuku matokeo yake kama utafuga kuku wengi watakufa. Ninachoshauri kama huna uzoefu ni vyema ukaanza na wachache ili kupata uzoefu kusudi utakapoingia kamili kwenye hii nyanja utakuwa tayari umegain uzoefu,au kama sivyo ni muhimu ukapata mafunzo ili utakapofuga kuku wengi hutakumbana na vikwazo. Kifupi ukianza na kuku wengi inalipa zaidi na kiwango kinachopendekezwa cha kuanzia angalu kuku 500 kama wewe unahitaji.Na kama unataka zaidi ya hapo basi ufugaji huo uende kwa awamu(batch)
Kuhusu eneo kutokuwa na umeme.Sikiliza, katika ufugaji wa kuku,umeme si mahitaji ya msingi sana kwa kuku.Kuku hasa anapokuwa kifaranga anahitaji zaidi joto na mwanga hasa katika kipindi cha wiki tatu za mwanzo.Baada ya hapo vitu hivyo havihitajika tena. Kwa ajili ya joto na mwanga kwa sehemu ambayo hakuna umeme, kuna vyanzo vingine vinaweza kutumika,mfano kwa ajili ya kupata mwanga unaweza kutumia taa ya za chemli,na kwa kwa ajili ya kutoa joto,unaweza kutumia majiko ya kawaida ya mkaa.
Kuhusu gharama ya kujenga banda lenye uwezo wa kuchukua kuku 500,hapo itabidi uwaone watu wa uthamini wa majengo, mimi ninachoweza kukupa ni eneo la square mita ambalo kuu 500 wanahitaj. Kimsingi square mita moja huchukua kuku 6,kwa idada ya kuku 500 unaweza kupata eneo linalohitajika kwa kurejea post za nyuma,ila kama hutaelewa utaniuliza.
Kwa upande wa biashara ipi inalipa zaidi kati ya kuku wa mayai au nyama,kuku wote wanalipa.Kuku wa nyama wanawafaa zaidi wale wenye mitaji midogo na wanapenda kuongeza mitaji yao kwa harakaharaka. Wenye mitaji mikubwa ufugaji wa kuku wa mayai unawafaa zaidi.
Kuhusu availability yangu kusafiri mkoa wowote kwa ajili ya kutembelea kukagua miradi na kushauri nk,niko available kwa yeyote anayenihitaji. Ndiyo kazi yangu ninayaifanya siku zote kuwaanzishia watu miradi ya ufugaji ,kuwaongoza na kuwasimamia mpaka watakapoweza kusimama wenyewe.
Na mwisho umeongolea masoko,masoko yapo tena mengi,ingawa changamoto iliyopo kwa sasa ni kuwa bei ya mayai hairidhishi sana ukilinganisha na bei ya chakula,ingawa kwa bei iliyopo haileti hasara. Pia kuna kipindi baadhi ya mikoa soko la mayai huwa lina sumbua kidogo kwa kuwa soko la mayai huwa mara nyingi linakuwa kama la msimu hivi na huwa siachi kuwashauri kuwa kama ni mfugaji na unaifanya kama kazi,ni muhimu ukawa na chumba maalum ambacho unakuwa umekiwekea aircondition na kuseti nyuzi joto 13-20 kwa ajili ya kuhifadhi mayai kwa muda mrefu.