ManiTek TV
JF-Expert Member
- Jun 3, 2011
- 410
- 159
Mtazamo wa wengi ni kwamba kama vile vipuri vya magari au hata viatu havitatengenezwa bali vitachapishwa na mashine za aina hii ya uchapaji. Hii ni lugha inayokanganya kidogo, hivyo ni vyema tukaeleza machache juu ya wapi teknolijia hii imefika na wapi inakwenda, lakini tutaanza na maana na jinsi inavyofanya kazi.
Kabla ya kueleza uchapishaji wa 3D kwanza tueleza utengeneza wa sasa ambao sio wa 3D. Aina zote za mashine hutengeneza bidhaa kwa kuila au kuipunguza malighafi (subtractive). Yaani mfano litaingiza pande kubwa la plastiki kwenye mashine, pande lile litaliwa na kuchongwa hadi kutolewa kwenye umbile la bidhaa husika na sehemu kubwa ya plastiki lile itakuwa ni taka taka (waste), ambapo taka taka hizo ama zitatupwa na kutmika tena (recycled) uzalishaji huu ni kama ule wa ‘machining', ‘milling', na sawing.
Badiliko lililotokea miaka ya karibuni ni kwamba wanateknolojia wamelenga kutoa mashine za ushapishaji wa 3D kwa ajili ya matumizi ya nyumbani ya watu binafsi. Kwenye maonyesho wa CES (Consumer Electroc Show) mwaka huu na hata mwaka jana kulikuwa na mashine hizi mbili tatu zilizozinduliwa kwa ajili ya mauzo ya kawaida, pia kumekuwepo mashine hizi kwa miaka kadhaa sasa, tatizo bado mashine hizo hazijapatiwa matumizi ya maana, kwa mfano zipo zile ambazo zina uwezo wa kuprint gari ya kuchezea, cover la simu, mapambo na mambo madogo madogo, printa hizi zinaweza kuwa ni mwanzo mzuri wa biashara ndogo ndogo za vitu vya namna hii iwapo mtumiaji ataweza kupata malighafi kwa bei rahisi.
Hizi ni fikra za 3D printa ya leo sio kesho, miaka michache huenda kukawa na teknolojia ya kuchapisha hata vitu kama vile viatu, betri ya simu na kama alivyozungumza mtaalamu mmoja Sabastian Anthony wa Extreme Tech itafika wakati printa itachapisha iPad!!! Bila shaka ikifika wakati huo iPad itakuwa na thamani ndogo sana.
Printa hizi kwa sasa zinachapisha kwa njia tano tofauti. Mtatuwia radhi tutazitaja njia hizo kwa kikoloni na kueleza kwa ufupi tu tatu kati ya tano hizi.
Fused deposition modeling (FDM): Hii ndio njia maarufu zaidi, malighafi huwa ni vipande vya plastiki au waya za chuma; malighafi hii hupelekwa kwenye nozzle na kuyeyushwa kisha inatoka na kutengeza safu (layer) baada ya kukauka hutoa safu nyingine na nyingine hadi kinachochapishwa kinatimia.
Inkjet Printing: Hii hutumia njia sawa na printa za wino za kawaida, katika ujengaji wa kifaa wakati wa uchapishaji hutoa safu moja baada ya nyingine ya risen pamoja na binder hadi kifaa kinatimia.
Selective Lesser Sintering (SLS): Printa hii malighafi huwa ni katika hali ya unga, malighafi hiyo inaweza kuwa chuma, plastiki, kioo au ceramic. Print hizi hushikamanisha unga huu safu baada ya safu kwa kutumia laser. Printa hizi huhitaji laser yenye nguvu ya hali ya juu, na mpaka sasa zinatumika viwandani tu kutokana na ukubwa na ughali wa bei.
Ingawa 3D printa ziko katika hali ya mwanzoni kabisa, wataalamu wanatabiri kwamba itafika wakati 3D printa zitachapisha viungo vya mwanadamu (mifupa). Nadhani wataalamu hatawafanya hili mpaka watakapoweza kuotesha nyama. Bila ya shaka haya yako mbali mno kiwakati.
Chanzo Gajetek - Gajet na Teknolojia
Tufuatilie kwenye twitter: @gajetek
