Tamko la wanachama wa NSSF/PPF

[Anko Sam]

TAMKO LA WADAU (WANACHAMA WA MIFUKO YA HIFADHI YA JAMII) WA MIGODI NA SEKTA BINAFSI KUHUSU SHERIA No 5 YA HIFADHI YA JAMII KAMA ILVYOFANYIWA MAREKEBISHO MWEZI APRIL 2012​

Hili ni tamko la wafanyakazi wahanga wa Mifuko ya hifadhi ya jamii dhidi ya sheria inayolenga kupora fedha zao kwa kuondoa kipengele cha fao la kujitoa pindi ajira inapofikia ukomo kwa kufukuzwa kazi ama kuachishwa kazi au Mkataba kumalizika. Kwanza kabisa tunasikika sana kuendelea kuona kuwa kuna njama za waziwazi zinazofanywa na serikali ili kuhakikisha Pesa zetu zinaporwa pamoja na jitihada zote za Watanzania Wazalendo akiwemo Mh: Seleman Jaffo, Mbunge wa Kisarawe na Mh; John John Mnyika Mbunge wa Ubungo kuonyesha dhamira ya kufikisha kilio hiki cha wafanyakazi ndani ya Bunge na kupelekea Bunge kutoa azimio la marekebisho ya sheria hii, Bado Serikali imeendelea kuonyesha dhamira mbaya katika ukusanyaji wa maoni ya wafanyakazi kuelekea marekebisho ya sheria kupitia Bunge la October,2012 . Serikali imeunda kamati ya kukusanya maoni ya wafanyakazi kabla ya kikao cha bunge lakini kamati hiyo imezidi kuleta mashaka makubwa zaidi: Tarehe 5/9/2012 kamati hiyo iliitisha kikao na wawakilishi wa wafanyakazi wa migodini katika mazingira tatanishi sana.

• Kamati haikuwa huru kwani haikundwa na wawakilishi stahiki wote walitoka kwenye mifuko ya hifadhi ya Jamii,

Mfano: Katika Kanda ya Ziwa Kamati hiyo ilikuwa na wajumbe wafuatao:- 1: Ndg. Patric Mongera - Mwenyekiti toka PSPF 2: Ndg. Anseline Peter - Mjumbe toka GEPF 3: Ndg. Eugine Mikongoti – Mjumbe toka NHIPF 4: Ndg. Ibrahimu Ngabo - Mjumbe toka SSRA 5: Vuppe Rigate - Mjumbe toka PPF

• Kamati ilitaka kukutana na waakilishi wachache tu wa wafanyakazi ambao nao walipata ujumbe ndani ya muda mfupi sana. Je wawakilishi hawa walikuwa wanpelekaa mawazo ya Watu gani ikiwa hawakupata nafasi hata ya kukutana na Wafanyakazi wenzao?
• Kikao chenyewe kililenga kufanywa kiusiri sana, kilipangwa kufanyika hotelini bila kuwepo wandishi wa habari. Sheria inayogusa hatima na maisha ya watanzania inafanywaje kwa siri namna hiyo tena ikipelekea kuwa ni azimio la Bunge?
• Uwakilishi wa wafanyakazi wa migoni pamoja makampuni mengine haukutimia lakini kamati ikalazimisha kuendelea na kikao, na cha kushangaza baadhi ya wawakilishi walipata mwaliko dakika 15 kabla ya kikao!

Wakati mchakato huu wa kurekebisha sheria hii ambao nao umeingiliwa na mizengwe tayari kuna wafanyakazi wengi waliochishwa kazi ambao wanalala njaa kwa maelekezo ya SSRA kuzuia fao la kujitoa eti mpaka litakapojadiliwa Bungeni. Kutokana na hali hii sisi kwa pamoja wafanyakazi wote wa migodini tunatoa matamko yafutayo: 1. Kwanza wadau hatujafurahishwa / kuridhishwa na utaratibu wa kamati wa kukusanya maoni chini ya wizara ya kazi kwa jinsi walivyoshindwa kuhakikisha wanapata uwakilishi unaokubalika ( Wadau wote) ili kukidhi matakwa ya kusudio zima la ukusanyaji wa maoni.

2. Kutofurahishwa na usiri unaoonekana katika suala ambalo lina maslahi makubwa kwa watanzania walio wengi, Tunataka vyombo vya habari vihusishwe kwa kiasi kikubwa katika hatua zote ili kujenga taswira ya uwazi katika suala hili.

3. Maboresho yote yanayokusudiwa kufanywa yahakikishe kipengele kinachozuia mafao ya kujitoa kinafutwa kabisa katika sheria hiyo na mwanachama alipwe mafao yake yote pindi ajira yake inapokoma kwa sababu yoyote ile.

4. Muda wa kulipwa mafao uwe mfupi na usiozidi siku ishirini na moja( 21) tangu siku ile mwanachama anapofungua faili lake la madai.

5. Wale wote walioathirika na sheria hii mpaka sasa ( walioacha au kuachishwa kazi ) walipwe mafao yao mara moja kwani wanateseka bila sababu za msingi,wakati pesa yao ipo mikononi mwa serikali bila hata ridhaa yao, katika hili tunamtaka waziri Gaudensia Kabaka atoe waraka maalum kwa SSRA wafute mara moja waraka wao wa zuio la Wafanyakazi kuchukua Pesa zao kwani wanaendelea kuteseka bila sababu.

6. Wadau wameonyeshwa kushangazwa kwao kwa sheria kuanza kutumika bila hata kanuni zake kutengenezwa , uharaka huu una siri gani ndani yake? Ziko sheria kadha wa kadha zilizotungwa na hazijaanza kutumika kwa sababu kanuni zake hazijaandaliwa, mfano, Sheria inayomlinda mtoto ilitungwa mwaka 2009 lakini mpaka leo haijaanza kutumika, Workmans compensation act 2008, haijaanza kutumika,, na hata sheria ya kazi na mahusiano kazini ilitungwa mwaka 2004 lakini ikaanza kutumika rasmi 2007, yote hayo yanafanyika ili kutoa fursa ya taratibu za kikanuni kuwekwa /kutengenezwa na hivyo kurahisisha utumikaji wa sheria yenyewe. Hivyo basi kwa mlolongo huu,Wafanyakazi walahoi wa Nchi hii wanaamini kwamba sheria hii haina nia Njema kabisa kwa mstakabali wa maisha yao na vizazi vyao ila ipo kwa maslahi ya Watawala. Na kama ingekuwa na maslahi hata wabunge pia walipaswa kuwemo.

7. Tunachukua fursa hii kuendelea kulaani kitendo cha mkurugenzi wa SSRA kulazimisha kuanza kutumia sheria hii pamoja na mapungufu yote yaliyojitoza kama kukosekana kwa kanuni za matumizi ya sheria hii na kusababisha usumbufu kwa wanachama ambao kimsingi ndiyo wamiliki wa fedha hizo. Kwa Mapungufu haya bado Wafanyakazi wa Migodi na Sekta binafsi tunamtaka Mkurugenzi wa SSRA Irene Isaka na Waziri wake wa Kazi Gaudensia Kabaka wajiuzuru mara moja kwa kushindwa kufanya kazi kwa Maslahi ya Wafanyakazi walalahoi wa Watanzania.

8. Tunapenda kusisitiza kwa uzito unaostahili kuwa kuwa kwa kuwa Wabunge wa Tanzania wamekuwa mstari wa mbele kutetea hoja na sheria zinazogusa maslahi yao kwa nguvu na uwezo wao wote, Mfano kuhakikisha kuwa sheria hii ya fao la kujitoa haiwahusu wao, yaani Mbunge akimaliza muda wake anapewa stahiki zake zote bila kusubili miaka 55 hadi 60, Wafanyakazi tunaahidi kwa uaminifu wote kwamba mbunge yeyote toka Chama chochote atakaye onekana kuzia Wafanyakazi kuchukua Pesa zao zote , tutamhesabu kuwa ni adui wa haki za wafanyakazi na hatutasita kuhamasisha kukataliwa kwake katika jimbo analotoka. Tutaunganisha nguvu zetu ili kuhakikisha asichaguliwe tena kwani hana msaada kwa jamii ya watanzania ambao ni wahanga wa sheria hii.

9. Tunataka kuiarifu kamati ya ukusanyaji maoni juu ya marekebisho ya sheria hii kuwa elimu yoyote kuhusu sheria hii haitakubalika iwapo fao la kujitoa halitarejeshwa kama ilivyokuwa awali. Hatuko tayari kupokea elimu yoyote kuhusiana na suala hili ambayo inakusudia kututoa kwenye lengo mahususi. Na kama bado wanahitaji maoni ni vyema wazungukie wafanyakazi wote Migodini badala ya kuita watu wachache Mahotelini.

10. Mwisho Tunataka kuionya Serikali kwamba kama haki yetu hii ya fao la kujitoa na kupewa faida kwa hela zetu zinazowekwa kwenye mifuko ya hifadhi ya jamii na kufanyiwa biashara, isiporudishwa mara moja kupitia marekebisho ya sheria hii kupitia Bunge lijalo, Wafanyakazi wote wa Migodini tunaahidi kwamba yale yaliyoonekana kwa Wafanyakzi wa Mgodi wa Platinum, Malikana Afrika Kusini yanakwenda kutokea Nchini kwetu mara 10 yake. Wafanyakazi wote tutahakikisha kwamba tunahamasishana wote pamoja na familia zetu na ndugu zetu na Watanzania wenzetu wanaoguswa na uonevu huu,kuhamasisha Migomo migodini na kuhakikisha shughuli zote za Migodi Nchini zinasimama hadi pale haki yetu itakaporudishwa.

Mungu ibariki Tanzania, Mungu wabariki wafanyakazi.
Asanteni sana kwa kunisikiliza

Mwenyekiti wa Kamati Teule


NOTE: Wafanyakazi wote na waathirika wa sheria hii, wafanyakazi viwandani hasa wakiwemo wa Migodini kama; Bully, North Mara, Resolute, Tulawaka, Wiliamson Diamond, Buzwagi, Kabanga Nickel na El-Hilary. Tuwasiliane na wadau wa GGM kwa Mikakati ya Kwenda Bungeni October 2012.

 

[commited]

point no 8,Hapo ndipo walipotuzidi maarifa hawa wahuni wanaotaka kutupangia matumizi ya pesa zetu tunazozitafuta kwa jasho na nguvu zetu.. na sijui jk aliwaza nini kuisaini hii sheria hao washauri wake ni wakiasiasa na kwakuwa haiwaguzi watu wa nafasi za kisiasa ndio maana hata bungeni lilipita kama masihala hivi... lakini ki ukweli serikali inaendelea kujiweka katika wakati mgumu sana, na kutafuta matatizo yasiyokuwa na tija bila sababu.\1. Nashauri hekima itumike, hiyo sheria kwakuwa inatugusa sisi wafanyakazi, na sisi( tulio wengi) ndio hatuitaki basi haina tija ya kuendelea kuwepo kwani hizo faida wao wanazoziona zipo mbeleni sisi hatuzioni na wala wasilazimishe mambo, sheria ya kusubiri miaka 50-60 iondolewe mara moja, wasije wakaleta maafa ya bure tu2. Ikishindikana basi litakalo kuwa na liwe, tufanye migomo tu.. ikiwa ni pamoja na kuonyesha waziwazi chuki zetu kwa viongozi dhaifu wa hii serikali.

 

[BMW]

Hao Ndo Miners ..............Majembe sio sekta za masharobaro......wanadanganywa na ccm wanatulia misukule............tunavoelekea october ni lazima pressure iongezwe ili mazezeta wa mjengoni wasilete uhanithi kwenye sheria hii. Hifadhi ya jamii ni Haki lakini kuichukua/ku-utilise haki yangu ni hiari yangu. Serikali ya magamba ijikite kwenye kutoa haki za msingi kabisa kabla ya kuparamia wizi wa hela za wa fanyakazi kwa mwavuli wa haki ya hifadhi ya jamii...........wajikite kukomesha mauaji ya raia wema, kuruhusu mikusanyiko bila vikwazo, uhuru wa vyombo vya habari, na mengine hapa wanatafuta balaa

 

[Takalani Sesame]

Mimi nilishasema, kama serikali haitapeleka muswada wa marekebisho ya sheria hii katika Bunge la Oktoba, na sio tu kupeleka bali pia kuondoa kipengele cha zuio la fao la kujitoa; basi itakuwa ni wakati muafaka kwa wafanyakazi wote kuungana pamoja nchi nzima pamoja na dependants wetu na kuipiga chini Serikali hii come 2015.

Haiwezekani, serikali yetu kwa udhaifu wake, ishindwe kusimamia mifuko hii ya hifadhi ya jamii kiasi cha kwamba inajiingiza katika uwekezaji ambao hauna faida lakini penalty ya makosa hayo anapigwa mfanyakazi.

Ni wazi kuwa, kwa sasa, wafanyakazi wengi washabaini kuwa miradi mingi iliyoingiwa na mashirika yetu ya hifadhi ya jamii imekuwa ni sehemu mojawapo ambapo makundi ya wapigaji waliopo serikali nako wametega mirija yao. Na matokeo yake ni mashirika haya kuwekeza si kwa kuangalia viability ya miradi husika pamoja na returns zake katika muda mfupi na mrefu bali kwa kupata ushawishi wa kisiasa kutoka kwa watu wanaotumiwa na wapigaji walioko serikalini.

Na pia imekwishabainika kwenye miradi ambayo serikali imekopa toka kwenye mifuko hii, sehemu kubwa haijaanza kulipwa hata kidogo. Na matokeo yake ni kwa mifuko hii kuwa on the brink of collapsing. Lakini katika hili serikali haitaki kuwajibika kwa makosa yake, bali inaona solution ni kumbana mfanyakazi kwa kumwekea kipengele hiki cha ukandamizaji.

Wafanyakazi wote jamani, ifike mahali tujue kwamba serikali ni kwa ajili yetu na sio sisi kwa ajili ya serikali. Kama serikali inaenda kinyume na matakwa halali ya walio wengi, basi serikali hiyo haipaswi kuwa madarakani. 2015 sio mbali, kama serikali isipotimiza wajibu wake kwenye hili suala, kazi ni kwetu tujipiganie wenyewe. Na tuhamiasishe kila mfanyakazi, wategemezi wetu na kila mpenda haki kupinga udhalimu huu wa serikali yetu na kuing'oa.

Kama unaona serikali yako haikutetei katika masuala ya msingi yanayogusa mustakabali wa maisha yako, basi jitetee mwenyewe kwa kuing'oa madarakani.

 

[LE GAGNANT]

Serikali inataka kunusuru mashirika hayo ambayo baadhi yake yako hoi kifedha.

 

[Kongosho]

Tena wasicheze kabisa na hilo fao
Nshalikopeaafu wanalifuta?

 

[Rohombaya]

hili Tamko ni kwa wanaJF pekee? Limetolewa wapi? kwa ajili ya nani? Kwanini hatuko serious? hivi hii sheria inawaathiri wachimba migodi pekee? hata jina la mwenyekiti hakuna! Kwanini tusilitie kwenye kapu ni majungu?
NB: Magamba au magwanda wakilidandia tu mjue mission failed

 

[Kifarutz]

Vichwa vikubwa bure, hii maana yake ni kwamba watu watakwenda bungeni kupoteza muda kujadili hoja hii na kulipana posho wakati suala lako liko wazi na halihitaji mtu kufikiria katika kulitolea uamuzi. Life expectance ya Mbongo ni 50yrs, fao uchukue at 55yrs wapi na wapi? Stupi kabisa

 

[Kifarutz]

Serikali inataka kunusuru mashirika hayo ambayo baadhi yake yako hoi kifedha.

Kwa hela yangu? Tumia akili japo kidogo basi

 

[Paloma]

wanataka kujaribu nguvu ya "solidarity forever" hawaaa.............

 

[CHASHA FARMING]

hili Tamko ni kwa wanaJF pekee? Limetolewa wapi? kwa ajili ya nani? Kwanini hatuko serious? hivi hii sheria inawaathiri wachimba migodi pekee? hata jina la mwenyekiti hakuna! Kwanini tusilitie kwenye kapu ni majungu?
NB: Magamba au magwanda wakilidandia tu mjue mission failed

Mkuu ni kweli, Hatuko Siriasi kabisa, Tunafanya Utani kwenye vitu siriasi, Watu ni waoga Kama WAHINDI,

 

[CHASHA FARMING]

wanataka kujaribu nguvu ya "solidarity forever" hawaaa.............

Mnafanya Maandamano kwenye mitandao,

 

[Paloma]

Mnafanya Maandamano kwenye mitandao,

hahahaaa Chasha ndo yakoje hayo?

 

[FirstLady1]

Pamoja sana wakuu...Inabidi 2015 tupige chini wabunge wote kama hawatatetea hili

 

[REMSA]

Hakuna sababu ya kuongelea tusubiri 2015,watanzania tunapaswa kujua wapo wafanyakazi wameachishwa au kupunguzwa kazi wanapata shida wakatia pesa zao watu wamezikalia,bunge la mwezi wa kumi lazima kieleweke,wafanyakazi tuna kila sababu ya kuweka kambi Dodoma huo mwezi wa kumi kuonyesha tuko serious na pesa zetu.

 

[King Kong III]

Mnafanya Maandamano kwenye mitandao,

Subiri uje kuona,mtiti utakua mzito zaidi wa julius malema,we subiri tu hawawezi kucheza na maisha yetu kisiasa kama wanataka kunusuru mifuko wakachukue fedha za ufisadi uswiz,warudishe fedha za epa bil64 alizochukua mwana wa mfalme,warudishe fedha za meremeta,kagodo,deep green,walizochukua kina falijara hussein na rajabu malanda,warudishe fedha alizoiba liyumba bot twins towers,wamkamate jitu tapeli,wamkamate rosti tamu,wakachukue bil15 za wazungu wa migodi walizokwepa kodi,tutangaze tenda ya kuuza uranium na gesi na kampuni itayobidi kwa hela nzuri ndio ichimbe kwa masharti ya kila kitu wazawa wanahakiki,wampe bandari aiendeshe kagame etc tanzania kuna hela sana sema hakuna usimamizi watu wachache ndio wanaobunya resources!! Fao la kujitoa lirudishwe haraka kabla amani haijapotea!! Waandae mabomu na risasi za kutosha ili 2016 tuwapeleke the hague wale mvua kama za kina taylor....

 

[Paul J]

Kulikuwa hamna haja hata ya kusubiri bunge la mwezi October, tunachotakiwa kufanya wafanyakazi wote especially sector binafsi ni kuhakikisha tunapambana kwa gharama yoyote ile kuhakikisha pesa yetu inalipwa. Wenzetu wa migodini wako well organised lakini hii haimanishi kwamba tuwaachie hili suara peke yao. Kila mfanyakazi anayechangia mifuko hii lazima apinge kwa vitendo sheria hii kandamizi na ya kishetani! Najua wapo wasioona madhara ya hii sheria lakini with simple reasoning utaona kuwa madhara yake ni makubwa mno? Ikumbukwe mifuko mingi haitoi riba, si hilo tu ajira nyingi katika sector binafsi ni za muda mfupi na sehemu nyingine haiwezekani kufanya kazi kwa muda mrefu kwa sababu za kiafya, sioni kigezo walichokitumia kupitisha sheria hii. Ushauri wangu, kama Bunge la October halitarekebisha sheria hii wafanyakazi wote tools down! na kuandama kuelekea wizara ya kazi kwa wale walioko Dar es Salaam. Maandamano hayo yajumuishe wafanyakazi wenyewe,wanafamilia na whanga wote kuishinikiza serikali na waziri mhusika kuachia ofisi. Naamini kwa umoja wetu tutashinda, serikali hii haiwezi kuchezea akili zetu kila siku!

PAY TAXI FOR NOTHING AND STILL THEY WANT TO WITHOLD OUR MONEY ON TOP OF THAT TAXI FOR NOTHING!

 

[Anko Sam]

hili Tamko ni kwa wanaJF pekee? Limetolewa wapi? kwa ajili ya nani? Kwanini hatuko serious? hivi hii sheria inawaathiri wachimba migodi pekee? hata jina la mwenyekiti hakuna! Kwanini tusilitie kwenye kapu ni majungu?
NB: Magamba au magwanda wakilidandia tu mjue mission failed

Tamko hili lilitolewa mjini Geita kwenye kikao cha wafanyakazi wote, vyombo vya habari zikiwemo TV na Magazeti vilialikwa na vimekwisha rusha na kuandika habari hii.

Jina la Mwenyekiti utalifahamu kama na wewe ni mhanga!

 

[Ally Kombo]

Tamko hili lilitolewa mjini Geita kwenye kikao cha wafanyakazi wote, vyombo vya habari zikiwemo TV na Magazeti vilialikwa na vimekwisha rusha na kuandika habari hii.

Jina la Mwenyekiti utalifahamu kama na wewe ni mhanga!

umemjibu vyema mkuu, maana huyu "Rohombaya" alishanitibua !

 

[rodrick alexander]

wanatumia pesa za wafanyakazi kutekeleza miradi yao ambayo mingine haina manufaa yoyte kwa wafanyakazi huku wakijisifu waache uroho kwani wamepora rasilimali za watanzania na sasa hata pesa zao za mafao?